سرگودہا(نمائندہ باغی ٹی وی )رمضان المبارک کے سلسلہ میں ڈی پی او حسن مشتاق سکھیرا کی زیر قیادت پولیس نے سٹی ایریا میں فلیگ مارچ کیا۔جو کہ ذکاء اللہ شہید پولیس لائن سے شروع ہوکرشہر کے مختلف راستوں ISIچوک، آزادی چوک، اوور ہیڈ برج، رمضان بازار، شاہین چوک، جامع مسجد حامد علی شاہ،پنجاب ہوٹل چوک، گول چوک، فیصل بازار،بلاک 12سرگودہا،امام بارگاہ بلاک19، شربت چوک، کلیار ہوٹل چوک، سٹی روڈ، خوشاب روڈ، خیام چوک سے پولیس لائن سرگودھا پہنچ کر اختتام پذیر ہوا۔جس میں ایس پی انوسٹی گیشن محمد امتیاز محمود، ڈی ایس پی سٹی سرکل خالد حسین تارڑ،ڈی ایس پی انوسٹی گیشن محمد تنویر ، ڈی ایس پی ٹریفک مقصود لون، سٹی سرکل کے ایس ایچ اوز، سٹی ایریا محافظ اسکواڈ،ایلیٹ فورس اورٹریفک پولیس کے افسران نے شرکت کی۔اس موقع پر صحافیوں سے گفتگو کرتے ہوئے ڈی پی او سرگودہانے کہا کہ رمضان المبارک ایک انتہائی مقدس اسلامی مہینہ ہے رمضان کے دوران امن وامان کا قیام محکمہ پولیس ودیگر قانون نافذ کرنے والے اداروں کی اولین ذمہ داری ہے۔سرگودہا پولیس سماج دشمن عناصر کے خلاف ہمہ وقت تیار ہے۔انہوں نے مزید کہا کہ اس فلیگ مارچ کا مقصد عوام کے اندر احساس تحفظ پیدا کرنا ہے۔عوام کو بھی چاہیے کہ جرائم پیشہ افراد پر کڑی نظر رکھیں اور پولیس کے ساتھ تعاون کریں۔ پولیس عوام ملکر ہی پرامن معاشرہ تشکیل دے سکتے ہیں۔
Blog
-
عید کے بعد کابینہ میں مزید تبدیلیاں ہو سکتی ہیں،بڑی خبر آ گئی
وفاقی وزیر ریلوے شیخ رشید احمد نے کہا ہے کہ عید کے بعد کابینہ میں مزید تبدیلیاں ہو سکتی ہیں
باغی ٹی وی کی رپورٹ کے مطابق شیخ رشید احمد نے مٰیڈیا سے گفتگو کرتے ہوئے کہا کہ عید کے بعد کابینہ میں مزید تبدیلیاں ہو سکتی ہیں، اسد عمر پر ناتجربہ کاری کا الزام نہ لگایا جائے، اسد عمر جلد کابینہ کا حصہ ہوں گے، شیخ رشید احمد نے مزید کہا کہ کابینہ کا اجلاس منگل کی بجائے پیر کو ہو گا، اپوزیشن احتجاج کرنے کے لئے نکلے پھول نچھاور کروں گا. سرحدوں سے پاکستان کو کوئی خطرہ نہیں. پاکستان کی فوج ایک مضبوط فوج ہے. پاکستان کو اندرونی طور پر کمزور کرنے کی کوشش کی جا رہی ہے .
واضح رہے کہ وزیر اعظم عمران خان نے کابینہ میں تبدیلیاں کی تھیں جس میں کئی وزراء کو ہٹایا گیا تھا اور کئی کے قلمدان تبدیل کئے گئے تھے
-
ڈاکٹرز کس پر برہم خبر آ گئ
8سرگودھا(نمائندہ باغی ٹی وی) پنجاب میں سرکاری ہسپتالوں کی مجوزہ نجکاری کے خلاف گرینڈ ہیلتھ الائنس کی جانب سے سرگودھا میں دسویں روز بھی ڈاکٹر ز، نرسز، پیرا میڈیکل سٹاف نے ڈی ایچ کیو ہسپتال سرگودھا میں آﺅٹ ڈور بند کر کے ہڑتال کی اور احتجاجی مظاہرہ کیا، ایم ایس آفس کے باہر دھرنا دیا۔ جس سے ہسپتال میں علاج معالجہ کا عمل ٹھپ ہو کر رہ گیا، او پی ڈی مکمل بند ہونے کے باعث دور دراز سے آنے والے ہزاروں مریضوں کو مایوس واپس لوٹنا پڑا۔پنجاب بھر کی طرح سرگودھا میں بھی ہسپتالوں کی مجوزہ نجکاری کے خلاف اور چارٹر آف ڈیمانڈ کے حق میں ہفتہ کے روز بھی مکمل ہڑتال کی گئی اور ڈاکٹر ز و نرسوں نے مکمل طور پر بائیکاٹ کیا اور اور پیرامیڈیکل ہیلتھ الاﺅنس نے بھی اظہاریکجہتی کےلئے کام بند کئے رکھا،جس سے علاج معالجہ کا عمل درہم برہم اورآﺅٹ ڈور اور وارڈز کے مریض رل کر رہ گئے تاہم ایمرجنسی میں طبی امداد کا عمل جاری رہا، گرینڈ ہیلتھ الائنس کے زیر اہتمام احتجاجی مظاہرہ بھی کیا گیا۔ اور ہسپتالوں کی نجکاری کا فیصلہ فوری واپس لینے کا مطالبہ کیا گیا ہے، ا س موقع پر وائی ڈی اے پنجاب کے صدر ڈاکٹر قاسم اعوان، سینئر نائب صدر حامد جگ، سینئر نائب صدر ڈاکٹر عثمان امتیاز، چیئر مین سرگودھا ڈاکٹر وقاص لطیف بیگ، جنرل سیکرٹری اسامہ بن سعید اور پیرا میڈیکل کے صدر مجتبیٰ نے اظہار خیال کرتے ہوئے بتایا کہ چارٹر آف ڈیمانڈ کے حق میں گرینڈ الائنس قائم کیا گیا ہے، حکومت ہسپتالوں کی نجکاری کرنا چاہتی ہے جبکہ ہسپتالوں کی نجکاری کا کے پی کے میں کیا جانے والا تجربہ ناکام ہو چکا ہے۔ کسی بھی صورت پنجاب میں ہسپتالوں کی نجکاری نہیں ہونے دیں گے اور جب تک حکومت یہ فیصلہ واپس نہیں لیتی اس وقت تک احتجاج جاری رکھیں گے، اور آئندہ ہفتے پنجاب بھر کے ڈاکٹر لاہور میں وزیر اعلیٰ سیکرٹریٹ اور وزیر اعلیٰ ہاﺅس کے باہر دھرنا دیں گے۔ اگر حکومت نے کسی قسم کی تادیبی یا انتقامی کاروائی جس کا ہمیں کہا جا رہا ہے کی کوشش کی تو بھرپور مزاحمت کے ساتھ ساتھ پنجاب بھر کے ہسپتالوں کا نظام مکمل بند کر دیں گے۔
-
جو کہتا ہے بکواس کرتا ہے، شیخ رشید میڈیا بریفنگ میں کس پر برہم ہوئے؟
وفاقی وزیر ریلوے شیخ رشید احمد نے کہا ہے کہ وزیراعظم عمران خان سرسید ایکسپریس کا15 مئی کو افتتاح کریں گے ،کوشش ہے کہ ریلوے مزدوروں کو بھی ہیلتھ کارڈ مل جائے
باغی ٹی وی کی رپورٹ کے مطابق شیخ رشید احمد نے لاہو رمیں اجلاس کے بعد میڈیاسے گفتگو کرتے ہوئے کہا کہ سرکلرریلوے پرسپریم کورٹ کے فیصلےپر15روزمیں عملدرآمد کی کوشش کرینگے ،سرکلرریلوے پرتجاوزات کے خاتمے کےلیے ہر ممکن کوشش ہوگی . شیخ رشید نے مزید کہا کہ پاکستان ریلوے سندھ حکومت کے ساتھ کھڑی ہے ،ریلوے میں نجکاری کے حوالہ سے سوال پر شیخ رشید احمد برہم ہو گئے کہا جو کہتا ہے بکواس کرتا ہے، ریلوے کی نجکاری نہیں ہو رہی، انہوں نے کہا کہ ریلوے میں 17 لاکھ لیٹر تیل بچایا گیا ہے اگرکرایہ بڑھایا تو اکانومی کےکرایوں میں50فیصد اضافہ ہوگا .
-
سندھ حکومت کیا کرنے جا رہی ہے کراچی میں؟کراچی والوں کے لئے اچھی خبر
کراچی والوں کے لئے بڑی خوشخبری آ گئی اب کراچی کی سڑکوں پر پرانی بسوں کی بجائے اے سی بسیں چلیں گی
باغی ٹی وی کی رپورٹ کے مطابق سندھ کے وزیر ٹرانسپورٹ قادر شاہ نے کہا ہے کہ کراچی میں ایک ہزار اے سی بسیں چلائیں گے. آںیوالے 16 دنوں میں 60 بسیں چلیں گی. کراچی میں پریس کانفرنس کرتے ہوئے وزیر ٹرانسپورٹ نے کہا کہ کراچی میں غیر ملکی ٹرانسپورٹ سروس سے معاہدہ طے پاگیا ہے،کراچی کے چالیس اہم روٹس پر بسیں چلائی جائیں گی .2ماہ کے دوران 200بسیں چلنا شروع ہوجائیں گی. رمضان میں کراچی والوں کو تحفہ دے رہے ہیں.
واضح رہے کہ کراچی کی سڑکوں پر پرانی بسیں چل رہی ہیں. ن لیگ کی حکومت نے بھی بسیں چلانے کا اعلان کیا تھا لیکن وہ صرف اعلان ہی رہا اب پیپلز پارٹی نے اہلیان کراچی کو خوشخبری سنا دی ہے .
-
خودکشی سے آگےکوئی چیزہے تو عمران خان وہ کر لے، خواجہ آصف
مسلم لیگ ن کے رہنما خواجہ آصف نے کہا ہے کہ خودکشی سے آگےکوئی چیزہے تو عمران خان کو وہ کرنی چاہیے.
باغی ٹی وی کی رپورٹ کے مطابق خواجہ آصف نے میڈیا سے گفتگو کرتے ہوئے کہا کہ مہنگائی آسمانوں سے باتیں کر رہی ہے، یوٹیلیٹی اسٹورزخالی ہیں،رمضان بازارکےنام پرعوام سے دھوکا کیا جارہا ہے، خواجہ آصف نے مزید کہا کہ موجودہ حکومت کے ہمیں آئی ایم ایف کے پاس جانے پر اعتراض نہیں،ماضی میں بی حکومتیں جاتی رہی ہیں. لیکن موجودہ حکومت نےآئی ایم ایف کے آگے پاکستان کا وقار، معاشی آزادی سب کچھ بیچ دیا ،انہوں نے کہا کہ بطوراپوزیشن عمران خان خودآئی ایم ایف کےمخالف رہےہیں،آئی ایم ایف کوحکومت پراعتبار نہیں، اس لیے اپنے لوگ تعینات کیے
-
ریجنل پولیس آفیسرڈیرہ غازی خان کا اچانک مظفرگڑھ کا دورہ
ریجنل پولیس آفیسر ڈیرہ غازیخان محمد عمر شیخ نےرات گئے تھانہ سٹی مظفرگڑھ کا دورہ کیا۔آر پی او ڈیرہ غازی خان نے تھانہ سٹی میں فرنٹ ڈیسک پر جرائم کی صورتحال اور ریکارڈ کی جانچ پڑتال کی۔آر پی او نےپولیس رسیکیو سروس سنٹر15 کا بھی دورہ کیا اورکال ریکارڈز، ریسپانس ٹائم اور قانونی کارروائیوں سے متعلق کارکردگی کو چیک کیا۔ڈی پی او مظفرگڑھ صادق علی ڈوگر بھی آر پی او کے ہمراہ تھے۔
-
تبدیلی سرکار کا ایجنڈہ خطرناک،عوام ہو جائیں ہوشیار، سعید غنی
پیپلز پارٹی کے رہنما سعید غنی نے کہا ہے کہ بلاول زرداری نے عمران خان کے عزائم بے نقاب کر دیے.
باغی ٹی وی کی رپورٹ کے مطابق سعید غنی نے ایک بیان میں کہا کہ خطرناک ایجنڈے کے تحت تبدیلی سرکار پاکستان کو آئی ایم ایف کے حوالے کر رہی ہے، آئی ایم ایف کے بنائے ہوئے بجٹ سے پاکستانی عوام کا خون نچوڑا جائے گا. سعید غنی نے دعویٰ کیا کہ صرف پیپلز پارٹی کی حکومت میں ہی عوام کو ریلیف ملتا ہے .
واضح رہے کہ حکومت کے آئی ایم ایف سے مذاکرات جاری ہیں.
-
نو ماہ ہو گئے، شیخ رشید نے باتوں کے علاوہ کچھ نہ کیا، ایسا کس نے کہا؟
صوبہ سندھ کے وزیر ٹرانسپورٹ اویس قادر شاہ نے کہا ہے کہ کراچی میں اے سی والی ایک ہزاربسیں چلائی جائیں گی ، رمضان میں پیپلز پارٹی کی طرف سے عوام کیلیے تحفہ دیا جارہا ہے.
باغی ٹی وی کی رپورٹ کے مطابق وزیر ٹرانسپورٹ سندھ اویس قادر شاہ نے پریس کانفرنس کرتے ہوئے کہا ہے کہ جب تک شیخ رشید ریلو ے میں ہیں ریلوے نہیں چل سکتی،وزیر ریلوے شیخ رشید گھنٹوں میں اپنے بیانات بدلتے ہیں، شیخ رشید لال مفلر پہن کر ریلوے چلانے کی باتیں کرتے ہیں ،نو ماہ ہوگئے ہیں ابھی تک شیخ رشید نے باتوں کے علاوہ کچھ نہیں کیا،اویس قادر شاہ نے مزید کہا کہ کراچی میں غیر ملکی ٹرانسپورٹ سروس سے معاہدہ طے پاگیا ہے،کراچی کے چالیس اہم روٹس پر بسیں چلائی جائیں گی .2ماہ کے دوران 200بسیں چلنا شروع ہوجائیں گی.
-
ن لیگیوں کے لئے بری خبر،نواز، شہباز کے بعد اب حمزہ بھی بیمار ہوگیا
شریف خاندان سارے کا سارا ہی بیمار ہو گیا، نواز شریف نے علاج کے لئے چھ ہفتے رہائی پر گزارے اور لندن جانے کی کوشش کی لیکن ناکام ہوئے، شہباز شریف بھی علاج کے سلسلہ میں لندن ہیں اور ان کا پاکستان آنے کا کوئی ارادہ نہیں لگ رہا، اب پنجاب اسمبلی میں اپوزیشن لیڈر حمزہ شہباز بھی بیمار ہو گئے انہو ں نے بھی عدالت سے استثنیٰ مانگ لیا.
باغی ٹی وی کی رپورٹ کے مطابق احتساب عدالت لاہور میں آشیانہ اقبال ہاوسنگ اور رمضان شوگر ملز ریفرنس میں شہباز شریف اور حمزہ شہباز دونوں کی جانب سے بیماری کی وجہ سے استثنیٰ کی درخواستیں دائر کی گئیں جو عدالت نے منظور کرلیں .احتساب عدالت کے جج جواد الحسن نے آشیانہ ریفرنس اور رمضان شوگر مل ریفرنس کی سماعت کی۔ احتساب عدالت نے استفسار کیا کہ کیا شہباز شریف اور حمزہ شہباز کمرہ عدالت میں موجود ہیں جس پر شہباز شریف اور حمزہ شہباز کے وکلا نے حاضری سے استشنیٰ کی درخواست دی اور موقف اختیار کیا کہ شہباز شریف علاج کی غرض سے ملک سے باہر ہیں جبکہ حمزہ شہباز کی طبیعت ناساز ہونے کے باعث وہ بھی عدالت میں پیش نہیں ہو سکتے لہذا عدالت سے استدعا ہے کہ حاضری سے استشنیٰ کی درخواست منظور کی جائے۔ احتساب عدالت کے جج جواد الحسن نے ملزمان کے وکلاء سے استفسار کیا کہ شہباز شریف کب تک واپس آئیں گے، کیا وہ دو ہفتوں میں پاکستان آ جائیں گے جس پر وکیل نے کہا کہ سابق وزیر اعلیٰ پنجاب کی میڈیکل رپورٹ عدالت میں جمع کروا دی ہے. ڈاکٹرز نے ان کا علاج کر نا ہے اور ڈاکٹرز کی ہدایات پر ہی وہ پاکستان آئیں گے. جس پر نیب کے وکیل نے کہا کہ شہباز شریف ملزم ہونے کے باوجود بنا اجازت کے بیرون ملک گئے ان کے خلاف قانونی کاروائی کی جائے اور وارنٹ گرفتاری جاری کئے جائیں .عدالت نے سماعت 25 مئی تک ملتوی کرتے ہوئے تمام ملزمان کو طلب کر لیا