Blog

تہران: ایران کے سپریم لیڈر مجتبیٰ خامنہ ای نے امریکا کے ساتھ کشیدگی کم کرنے کی دو ممالک کی تجاویز مسترد کر دیں۔

سینئر ایرانی عہدیدار کے مطابق سپریم لیڈر نے یہ تجاویز ایک خارجہ پالیسی اجلاس میں مسترد کیں جنہیں دو ثالثی ممالک کی جانب سے پیش کیا گیا تھا، اجلاس کے دوران مجتبیٰ خامنہ ای نے کہا کہ یہ وقت امن کا نہیں ہے، امریکا اور اسرائیل کو شکست دینا ہوگی مجتبیٰ خامنہ ای نے کہا کہ امریکا کو ایران کو پہنچنے والے نقصانات کا ہرجانہ ادا کرنا ہوگا۔

دوسری جانب ایران کے خلاف امریکا اور اسرائیل کی جنگ تیسرے ہفتے میں داخل ہو چکی ہے، جس میں اب تک کم از کم 2 ہزار افراد ہلاک ہو چکے ہیں جب کہ جنگ کے خاتمے کے آثار دکھائی نہیں دے رہے، اسرائیلی وزیر دفاع اسرائیل کٹز نے دعویٰ کیا ہے کہ اسرائیلی حملوں میں ایران کے سکیورٹی چیف علی لاریجانی کو شہید کردیا گیا ہے اسرائیلی وزیر دفاع کے مطابق علی لاریجانی کوکل رات کے حملوں میں نشانہ بنایا گیا۔

کروڑوں کا فراڈ، اداکارہ دیدار روپوش، شوہر گرفتار

اہم آبی گزرگاہ آبنائے ہرمز بھی تاحال تک بند ہے، جس کے باعث عالمی توانائی کی قیمتوں میں اضافہ اور مہنگائی کے خدشات بڑھ گئے ہیں، امریکی صدر ڈونلڈ ٹرمپ کی جانب سے اتحادی ممالک سے اس گزرگاہ کو کھلوانے میں مدد کی درخواست کو بھی خاطر خواہ پذیرائی نہیں مل سکی۔

علاوہ ازیں 14 مارچ کو تین مختلف ذرائع نے بتایا تھا کہ ٹرمپ انتظامیہ نے مشرق وسطیٰ کے اتحادیوں کی جانب سے جنگ کے خاتمے کے لیے سفارتی مذاکرات شروع کرنے کی کوششوں کو بھی مسترد کر دیا ہے۔

ایران کے سکیورٹی چیف علی لاریجانی کو مار دیا، اسرائیلی دعویٰ

ایران نے فٹبال ورلڈ کپ 2026 کے اپنے میچز امریکا سے منتقل کرنے کے لیے فیفا سے رابطہ کر لیا ہے۔

خبر رساں ادارے الجزیرہ کے مطابق ایران کی فٹبال فیڈریشن کے صدر مہدی تاج نے کہا ہے کہ ایران نے فیفا کے ساتھ ورلڈ کپ 2026 کے میچز کی میزبانی کے معاملے پر بات چیت شروع کر دی ہے تاکہ ایرانی ٹیم کے میچز امریکا کے بجائے میکسیکو میں منعقد کیے جا سکیں۔

پیر کے روز میکسیکو میں ایرانی سفارت خانے کے سوشل میڈیا پلیٹ فارم ایکس پر جاری بیان میں مہدی تاج کا کہنا تھا کہ امریکی صدر ڈونلڈ ٹرمپ نے واضح طور پر کہا ہے کہ وہ ایرانی قومی ٹیم کی سیکیورٹی کی ضمانت نہیں دے سکتے، ایسی صورت میں ایرانی ٹیم امریکا کا سفر نہیں کرے گی، ایران فیفا کے ساتھ مسلسل رابطے میں ہے تاکہ میچز میکسیکو منتقل کیے جا سکیں۔

آبنائے ہرمز،اتحاد کی آزمائش یا نئی تقسیم؟تجزیہ :شہزاد قریشی

اس سے قبل ایرانی وزیر کھیل نے گزشتہ ہفتے کہا تھا کہ امریکا اور اسرائیل کی جانب سے فروری کے آخر میں ایران پر فضائی حملوں کے بعد موجودہ صورت حال میں قومی ٹیم کے لیے عالمی ایونٹ میں شرکت مشکل ہو سکتی ہے ان حملوں میں ایران کی اعلیٰ قیادت سمیت کئی سیاسی و عسکری شخصیات ہلاک ہوئیں۔

دوسری جانب امریکی صدر ڈونلڈ ٹرمپ کا کہنا ہے کہ ایرانی ٹیم کو ورلڈ کپ میں شرکت کی اجازت ہے تاہم ان کے مطابق اپنی سیکیورٹی کے پیش نظر ٹیم کے لیے امریکا میں کھیلنا مناسب نہیں ہو سکتا۔

افغان طالبان امن کیلئے سنگین خطرہ ، اقوام متحدہ کی کڑی پابندیاں برقرار

واضح رہے کہ ایران نے 48 ٹیموں پر مشتمل ورلڈ کپ 2026 کے لیے کوالیفائی کر لیا ہے، جو 11 جون سے امریکا، کینیڈا اور میکسیکو میں منعقد ہوگا۔ ایرانی ٹیم کے دو گروپ میچز لاس اینجلس جبکہ ایک میچ سیئٹل میں شیڈول ہے،ایران ورلڈ کپ 2026 کے لیے کوالیفائی کرنے والی پہلی ایشیائی ٹیم بھی ہے، جس نے 25 مارچ 2025 کو اپنی جگہ یقینی بنائی تھی۔

یاد رہے کہ امریکا اور اسرائیل کے درمیان ایران کے خلاف جنگ 28 فروری 2026 کو شروع ہوئی تھی جو اس وقت تیسرے ہفتے میں داخل ہو چکی ہے۔

ڈونلڈ ٹرمپ کے خصوصی ایلچی کے ساتھ کوئی رابطہ نہیں کیا،ایرانی وزیر خارجہ

مدھیہ پردیش کا تاریخی شہر بُرہان پور اپنی مغلیہ تاریخ کے ساتھ ساتھ رمضان المبارک کی چند انتہائی منفرد اور خوبصورت روایات کے لیے بھی مشہور ہے۔ یہاں کی روایات جدید دور میں بھی اپنی اصل روح کے ساتھ زندہ ہیں۔

بھارتی میڈیا کے مطابق برہان پور میں ایک منفرد روایت آج بھی زندہ ہے، جو تقریباً 400 سال پرانی ہے یہاں روزہ دار شاہی جامع مسجد کے مینار پر روشنی دیکھ کر افطار کرتے ہیں،جن علاقوں میں جامع مسجد کے مینار کی روشنی واضح نہیں ہوتی، وہاں مقامی مساجد کے ذریعے افطار کے اعلانات کیے جاتے ہیں۔

یہ روایت مغلیہ دور سے چلی آ رہی ہے برہان پور کے حکمران عادل شاہ فاروقی نے 1585 میں سیاہ پتھر سے جامع مسجد تعمیر کروائی، جو تقریباً 14 سال میں مکمل ہوئی، اس مسجد میں دو مینار 125 فٹ بلند ہیں،1960 کی دہائی میں رمضان میں روزہ توڑنے کا وقت توپ چلانے کے ذریعے بتایا جاتا تھا، بعد میں پٹاخوں کے ذریعے اعلان کی روایت شروع ہوئی، جسے مقامی زبان میں ”گج کنڈی“ کہا جاتا ہے۔

کم عمر بچوں کی جعلی نازیبا تصاویر بنانے کا الزام، ایلون مسک کی کمپنی کیخلاف مقدمہ

روشنیوں کا سلسلہ 1974 میں شروع ہوا اور 1980 میں مسجد کے دونوں میناروں پر مستقل روشنیوں کا انتظام کیا گیا تب سے شہر کے لوگ میناروں پر جلتی روشنی دیکھ کر افطار کا آغاز کرتے ہیں، رمضان کے دوران مینار پر پہلے سے لائٹنگ لگائی جاتی ہے۔ جیسے ہی مینار کی روشنی شہر کے مختلف حصوں سے دکھائی دیتی ہے روزہ دار فوراً افطار شروع کر دیتے ہیں۔

دور دراز بستیوں میں رہنے والے لوگ، جہاں شاید اذان کی آواز صاف نہ پہنچتی ہو، اس روشنی کو دیکھ کر روزہ افطار کرتے ہیں، یہ ”لائٹ سگنل“ آج کے ڈیجیٹل دور میں بھی یہاں کے لوگوں کا پسندیدہ ورثہ ہے مینار کی اونچائی تقریباً 60 فٹ ہے، جس کی وجہ سے شہر کے کئی مقامات سے یہ روشنی آسانی سے دیکھی جا سکتی ہے لوگ اپنے گھروں کی کھڑکیوں یا دروازوں سے بھی مینار کو دیکھ کر افطار کا وقت جان لیتے ہیں، اگرچہ آج کے دور میں موبائل فون، گھڑیاں اور ایپس سحری و افطار کے وقت کی معلومات فراہم کرتے ہیں، برہان پور کے لوگ صدیوں پرانی اس روایت پر قائم ہیں۔

ایران کا امریکا سے خطہ چھوڑنے کا مطالبہ،یورپی یونین کا جنگ میں شرکت سے انکار

مورخین کے مطابق یہ روشنی نہ صرف افطار کے لیے استعمال کی جاتی ہے بلکہ عید کی آمد کی بھی نوید دیتی ہے۔ جیسے ہی عید کا چاند نظر آتا ہے، جامع مسجد کے مینار پر چراغ جلایا جاتا ہے شاہی جامع مسجد شہر کی تاریخی شناخت کا حصہ ہے اور رمضان کے دوران اس کا مینار نہ صرف عبادت کی علامت بلکہ کمیو نٹی کے لیے وقت کا پیمانہ بھی بن جاتا ہے۔ افطار کے وقت مینار کی روشنی شہر بھر میں روزہ داروں کے لیے خوشی اور اتحاد کا پیغام پہنچاتی ہےیہ روایت نہ صرف برہان پور کی تاریخی اہمیت کو اجاگر کرتی ہے بلکہ رمضان کے دوران لوگوں میں روحانی ہم آہنگی اور اجتماعی عبادت کے جذبات کو بھی بڑھاتی ہے۔