سفارشیوں کی بھرتی سے اجتناب برتا جائے،میرٹ عام آدمی کو پسند ہے
ورکروں سمیت پارٹی کا ہر لیڈر مریم نواز کا ساتھ دے تو گڈ گورننس کو مزید چار چاند لگ جائیں
محسن نقوی وزیرداخلہ ،وزیر اعظم نہیں بنیں گے،موجودہ حکومت پانچ سال پورے کریگی
تجزیہ ،شہزاد قریشی
پنجاب میں اچھی حکمرانی کو دیکھیں تو مریم نواز کے طرز حکومت کے عام شہری کی روز مرہ زندگی پر مثبت اثر ات پڑ رہے ہیں، تاہم مسلم لیگ ن سے وابستہ کچھ لوگ پٹواریوں ، تحصیلداروں ، اے سی ،ڈپٹی کمشنرز، کمشنرز، اعلیٰ پولیس افسران اور دیگر محکموں میں میرٹ کی بجائے سفارشی تعیناتی کو ترجیح دیتے ہیں یعنی اقربا پروری جبکہ عام آدمی میرٹ پر خوش نظر آتا ہے،پنجاب کی اکثریت افسران اور اداروں میں تعیناتیاں سیاسی بنیادوں کی بجائے صلاحیت اور کارکردگی کی بنیاد پر تعیناتیاں درست قرار دیتی ہے،جو لوگ میرٹ سے ہٹ کر اپنی مرضی کی تعیناتیاں چاہتے ہیں وہ پاکستان نہ عوام اور نہ ہی اپنی جماعت سے مخلص ہیں ، وزیراعلیٰ پنجاب کو تعلیم ، صحت ، لاء اینڈآرڈر ، پٹوار خانے یعنی محکمہ مال اور زراعت پر خصوصی توجہ دینا ہوگی اور مسلم لیگ ن کےوہ افراد جو کرپٹ نظام کے حامی ہیں انہیں اپنی جماعت، حکومت اور ملک وقوم کی خاطر اپنے ذاتی مفادات کو دفن کرنا ہوگا، اگر سب مل کر وزیراعلیٰ پنجاب کا ساتھ دیں تو پنجاب میں گڈ گورننس کا تاثر مزید مضبوط ہو گا ، مسلم لیگ ن کی مقبولیت میں اضافہ ہوگا، پنجاب حکومت ایک ٹاسک فورس تشکیل دے جس کی تمام تر توجہ گڈ گورننس پر ہو ،صوبائی وزراء ،بیورو کریسی ، سول انتظامیہ اعلی پولیس افسران پر نظر رکھے، اگر ان افسران پر نظر رکھی جاتی تو کروڑوں روپے کے غبن میں ملوث سیالکوٹ کے ایک ریونیو آفیسر ملوث نہ ہوتے،آج بین الاقوامی سطح پرپنجاب حکومت کا مثبت امیج ،عوامی اعتماد میں اضافہ ، بدعنوانی میں کمی واقع ہوئی ہے ، تھوڑی اور توجہ دینے کی ضرورت ہے ، ملک میں افوا سازی کا سلسلہ رکنے کا نام نہیں لے رہا ، سوشل میڈیا اور چند نیوز چینلز پر اگلے وزیراعظم کی حیثیت وزیر داخلہ محسن نقوی کی قیاس آرائیاں زیر گردش ہیں ،ان خبروں میں کوئی حقیقت نہیں ،وہ وزیر داخلہ ہیں اور ملک کے وزیراعظم شہباز شریف ہیں، آمدہ قومی انتخابات تک یہی مخلوط حکومت کام جاری رکھے گی ملکی سیاسی جماعتیں اور مذہبی جماعتیں ملک میں جمہوریت کو مستحکم کرنے ، آئین اور پارلیمنٹ کی بالادستی کے لئے صدق دل سے کام کریں، اپنا رُخ ملک وقوم کی خدمت کرنے کی طرف موڑ دیں مقبولیت کا یہی ایک راستہ ہے ملک و قوم کی خدمت باقی تمام راستے غلط ہیں اپنی غلطیوں سے سبق سیکھیں
Category: سیاست
مریم نواز کا بہترین طرز حکمرانی،عام شہری کی زندگی پر مثبت اثرات.تجزیہ:شہزاد قریشی
امریکی صدارتی الیکشن میں قبل از وقت ووٹنگ کیوں کی جاتی ہے؟
امریکی انتخابات 5 نومبر کو ہونے ہیں تاہم شہریوں نے ووٹرز کو الیکشن کے دن سے قبل ہی ووٹ ڈالنے شروع کر دیئے ہیں-
باغی ٹی وی: امریکا میں صدارتی الیکشن 5 نومبر کو ہونا ہے مگر الیکشن میں قبل ازوقت کا آغاز ہوچکا ہے ریاست ٹیکساس، فلوریڈا، جارجیا، جنوبی کیرولینا، الاسکا، آرکنسا، کولوراڈو، کنیکٹی کٹ، ایڈاہو اور شمالی ڈکوٹا سمیت دیگر ریاستوں میں لوگ الیکشن کے دن سے قبل اپنا ووٹ کاسٹ کررہے ہیں۔
گزشتہ روز کملا ہیرس کی حمایت میں نکالی جانے والی انتخابی ریلی میں خطاب کرتے ہوئے سابق امریکی صدر اوباما نے کہا کہ میں نے بھی اپنا ووٹ کاسٹ کردیا ہے جبکہ فلوریڈا یونیورسٹی کے ٹریکنگ سسٹم کے مطابق 2024 کے صدارتی الیکشن کے لیے اب تک 2 کروڑ (20 ملین) سے زائد لوگ اپنا ووٹ کاسٹ کرچکے ہیں۔
ہر ریاست میں قبل ازوقت ووٹ دینے کا طریقہ کار وہاں کی مقامی حکومت طے کرتی ہے اور یہ طریقہ کار دوسری ریاست سے مختلف بھی ہوسکتا ہے امریکہ کی کچھ ریاستوں میں قبل ازوقت ووٹ دینے کے لیے ووٹرکو الیکشن کمیشن حکام کی جانب سے بنائے گئے پولنگ اسٹیشن جانا ہوتا ہے جہاں ووٹر کو بیلٹ پیپر دیا جاتا ہے جس کے بعد ووٹرز اپنی مرضی کے امیدوار کو ووٹ دیتا ہے-
شفقت چیمہ کے بیٹے کی والد کے کومہ میں جانے کی خبروں کی تردید
امریکا کی کچھ دیگر ریاستوں میں قبل ازوقت ووٹنگ کے لیے ووٹرز ای میل کے ذریعے ووٹ کاسٹ کرتے ہیں، ووٹرز کو اپنی رجسٹر ای میل پر بیلٹ پیپر موصول ہوتا ہے جس پر وہ کسی بھی امیدوار کے نام پر نشان لگا کر واپس اسی ای میل کے ذریعے الیکشن کمیشن کو بھیج دیتا ہے، امریکا کی ریاست ورجینیا میں قبل از ووٹنگ کا آغاز 2 ہفتے قبل ہی ہوجاتا ہے اور ووٹرز کی اکثریت الیکشن کے دن سے قبل ہی اپنا ووٹ کاسٹ کرلیتی ہے۔
امریکا میں ہونے والی قبل از ووٹنگ وہاں کے ووٹرز اور صدارتی امیدوار کے علاوہ کاروباری حضرات اور میڈیا کے لیے بھی بہت اہمیت رکھتی ہے اور جیسے جیسے قبل از وقت ووٹ کاسٹ کرنے والوں کی تعداد بڑھتی ہے تو ساتھ ساتھ کسی بھی امیدوار کی جیت یا ہار کی پیشگوئیاں بھی میں سامنے آنے لگتی ہیں اور لوگ اس بارے میں نئے اندازے لگاتے ہیں جس کا اثر زندگی کے مختلف شعبوں پر ہوتا ہے۔
جاپانی ڈش رامین عام انتخابات میں ووٹروں کے لیے اولین مسئلہ بن گئی
قبل از وقت ووٹنگ سے لوگوں کو الیکشن کے دن پولنگ اسٹیشن نہیں جانا پڑتا اور ایسے میں یہ ان ووٹرز کے لیے بہت اہم ہے جو الیکشن والے دن سفر میں ہوں، بیماری یا کسی اور وجہ سے رش والی جگہ پر نہ جاسکیں جب کہ الیکشن کمیشن حکام کے لیے قبل از وقت ووٹنگ سے الیکشن والے دن کو مینیج کرنا آسان ہوجاتا ہے،تاہم جہاں قبل از وقت ووٹ کے بہت فوائد ہیں وہی اس پر اکثر اعتراضات بھی اٹھائے جاتے ہیں۔
پیپلز پارٹی ملک بھر میں کلین سوئپ کرے گی، وزیر اعظم بلاول ہونگے. شرجیل انعام میمن
پاکستان پیپلز پارٹی کے رہنما شرجیل میمن نے کہا ہے کہ کوئی کتنے ہی دعوے کر لے بلاول کو وزیراعظم بنا کر رہیں گے جبکہ پشاور میں تقریب سے خطاب کرتے ہوئے شرجیل میمن نے کہا کہ عام انتخابات میں پیپلز پارٹی چاروں صوبوں سے کلین سوئپ کرے گی، عوام کے پاس تمام مسائل سے نکلنے کیلئے پیپلز پارٹی کے علاوہ کوئی چوائس نہیں۔
واضح رہے کہ شرجیل میمن نے کہا کہ ہمیں مثبت سوچ رکھنی چاہیے، سب کو اندازہ ہے پاکستان میں کس قسم کی سیاست ہوتی رہی ہے، ماضی میں پیپلز پارٹی کے ادوار میں لوگوں کی زندگیوں میں بہتری آئی، پیپلز پارٹی نے پر امن طریقے سے جدوجہد کی ہے۔ جبکہ پی پی رہنما نے کہا کہ جلد از جلد الیکشن ہوں، جسے عوام چنے وہ پارٹی ملک کو سنبھالے، معیشت تب ٹھیک ہوگی جب آصف زرداری کے وژن پر کام کریں گے، آصف علی زرداری نے سی پیک کی بنیاد ڈالی، سابق صدر آصف زرداری نے اپنے اختیارات کم کرکے پارلیمنٹ کو با اختیار بنایا۔
مزید یہ بھی پڑھیں؛
جی سی سی نے 14 سال بعد پاکستان کے ساتھ معاہدہ کیا . وفاقی وزیر برائے تجارت
تیل کی پیداوار میں ایک ملین بیرل یومیہ کمی کا اعلان
کپاس کی پیداوار میں 71 فیصد اضافہ
ڈالر، ایک روپے سے زائد کمی کے بعد 284.70 روپے پر آ گئی
علاوہ ازیں شرجیل میمن نے کہا کہ سرکاری اداروں میں پیپلز پارٹی کے دور میں مزدوروں کو شیئر ہولڈر بنایا گیا، پاکستان کی موجودہ صورتحال کی بہتری میں پیپلز پارٹی کردار ادا کر سکتی ہے، پی ٹی آئی حکومت جب گئی پاکستان کو دو چیلنجز درپیش تھے، پاکستان کو معیشت اور خارجہ سطح پر آئسولیشن جیسے چیلنجز تھے جبکہ انہوں نے مزید کہا کہ معیشت کی بہتری کیلئے مسلم لیگ ن نے اپنا کردار کیا، بلاول بھٹو نے پاکستان کے دیگر ملکوں سے تعلقات بحال کیے، آصف علی زرداری واحد لیڈر ہیں جو سیاست دانوں کو ایک میز پر بٹھا سکتے ہیں۔صدق دل سے انقلاب لانا ہے تو۔۔۔۔۔تجزیہ، شہزاد قریشی
تجزیہ:شہزاد قریشی
ملکی سیاسی جماعتیں ملک میں انقلاب لانے کی دعویدار ہیں یاد رکھیئے پاکستان کا قیام بذات خود ایک بہت بڑا انقلاب تھا بدقسمتی سے انقلاب کا قائد دنیا سے رخصت ہوگیا۔ انگریز کے غلاموں نے اس سرزمین کو کھانا شروع کردیا۔ اقتدار اور اختیارات کی سرد جنگ ایسی چلی کہ تادم تحریر یہ جنگ جاری ہے۔ جمہوریت اور عوام کے نام پر وہ گل کھلائے جس کو دیکھ کر جمہوریت کی پری بھی مکھڑا چھپا رہی ہے۔ سیاسی جماعتیں اگر صدق دل سے ملک میں انقلاب لانے کا ارادہ رکھتی ہیں تو بے روزگاری ختم کرنے کا انقلاب لائیں‘ لوڈشیڈنگ کے خاتمے‘ زرعی انقلاب‘ معاشی انقلاب‘ ملکی وسائل پر توجہ کا انقلاب‘ سیاسی جماعتوں میں شامل لینڈ مافیا اور لینڈ مافیا کی پشت پناہی کرنے والوں خو اٹھا کر جماعتوں سے باہر کریں۔ آئی ایم ایف سمیت عالمی مالیاتی اداروں کے قرضوں کے شکنجے سے پاکستان کو آزاد کروائیں۔ ملک میں کرپٹ بیوروکریٹ اور اعلیٰ پولیس افسران جو کرپشن اور جرائم پیشہ افراد کے پشت پناہ ہیں ان کی پشت پناہی نہ کریں۔ قانون کی حکمرانی کو یقینی بنانے میں اپنا کردار ادا کریں۔ تکبر اور غرور سے باہر نکل کر مخلوق خدا کے لئے آسانیاں پیدا کریں۔ ملک کی مذہبی جماعتیں ملاوٹ کے خلاف انقلاب بلکہ جہاد کریں۔ ملک کا مستقبل بچے اور نوجوان ملاوٹ شدہ خوراک استعمال کرکے جسمانی لاغر ہورہے ہیں۔ نااہل‘ جاہل اور کرپٹ سول بیوروکریسی اور پولیس افسران کا راستہ روکیں۔ سیاسی جماعتیں اپنے اندر جمہوریت پیدا کریں دنیا تبدیل ہورہی ہے اور ہم کہاں جارہے ہیں؟ قائد کے پاکستان اور اس بے گناہ عوام سے کیا غلطی ہوگئی ہے جس کی یہ سزا بھگت رہے ہیں محسوس ہوتا ہے ہم جذبات اور احساسات کے قبرستان میں زندگی گزار رہے ہیں۔ انتخابات انتخابات کی صدائیں لگانے والے بتائیں ریاست اور عام آدمی کے لئے کیا کردیا اور کیا کرنا ہے؟ بہت ہوچکا ملک و قوم کے مفاد میں کردار ادا کرنا ہوگا۔
چیف جسٹس کی ساس کی آڈیو ہمارے مؤقف کی تائید ہے،طلال چوہدری
فیصل آباد: رہنما (ن) لیگ طلال چوہدری نے چیف جسٹس پاکستان عمرعطا بندیال سے مستعفی ہونے کا مطالبہ کرتے ہوئے کہا ہے کہ چیف جسٹس کی ساس کی آڈیو ہمارے مؤقف کی تائید ہے۔
باغی ٹی وی : فیصل آباد میں میڈیا سے گفتگو کرتے ہوئے طلال چوہدری نے کہا کہ عمران خان ملک کے مسائل حل کرنے میں ناکام رہا ، اس نے غریب کی روٹی بھی نہیں چھوڑی جبکہ میاں نوازشریف کو ایک سازش کے تحت ہٹایا گیا اورعمران خان کولانے کیلئے مخصوص قسم کے فیصلے سنائے گئےملک کو آئین کےمطابق چلایا جائے۔
پیپلزپارٹی کا سندھ کے بعد پنجاب میں بھی احتجاج کا اعلان
طلال چوہدری نے کہا کہ ایک مرتبہ پھرعمران خان کی سہولت کاری کیلئے ماحول بنایا جارہا ہے ایسا ماحول اب نہیں بن سکے گا-پارلیمنٹ کھڑی ہے پارلیمنٹ جان گئی ہے سیاسی قیادت اب اپنا حق جا ن گئی ہے اور اپنا حق لینا جانتی ہے اب ایسا نہیں ہوھا اب 2017 یا 18کا کھیل نہیں کھیلا جا سکے گا پاکستان میں انتخاب ہو گا مگر وہ انتخاب جو پاکستان کی ضرورت ہے وہ انتخاب نہیں جو عمران خآن کی خواہش ہے وہ انتخاب نہیں جس میں صرف عمران خان کو جتایا جائے وہ انتخاب ہو گا جس میں لوگ ووٹ سے جیتیں-
سعودی عرب نے پاکستان کو 2ارب ڈالر دینے کی تصدیق کر دی،اسحاق ڈار
طلال چوہدری نے کہا کہ آڈیولیکس کی تحقیقات کیوں نہیں ہوتیں یہ آڈیو بھی ہماری مؤقف کی تائید کررہی ہےنئے قانون کے تحت قائم بینچز کے فیصلے مانے جائیں گے نئے قانون کے تحت بینچ نہ بنا تو فیصلہ قبول نہیں کریں گے فیصلے آئین نہیں، ایک شخص کی مرضی سے ہو رہے ہیں چیف جسٹس کومستعفی ہوجانا چاہئے، نااہلوں کواہل قرار دینے کے فیصلے قبول نہیں کریں گے۔
کینیا میں مبینہ طور پر فاقہ کشی سے مرنیوالے فرقہ کے 47 افراد کی لاشیں …
نور الہدی شاہ نے ڈرامہ لکھنا کیوں چھوڑا؟
سینئر رائٹر نورالھدی شاہ جنہوں نے پی ٹی وی کے سنہرے دور میں شاہکار ڈرامے لکھے. انہوں نے حال ہی میں لاہور میں ہونے والے پاکستان لٹریچر فیسٹیول میں شرکت کی. اس میں ان کے لئے ایک سیشن رکھا گیا جب ان سے پوچھا گیا کہ انہوں نے ڈرامہ لکھنا کیوں چھوڑا ، تو انہوں نے جواب دیا کہ جب ہم سے لکھوانا چھوڑ دیا گیا تو ہم نے بھی لکھنا چھوڑ دیا. ہاں جس طرح کی کہانیاں آج لکھی جا رہی ہیں اور جس طرح سے اس میں مارکیٹنگ ڈیپارٹمنٹ شامل ہوتا ہے وہ چیز ہمارے لئے قابل قبول نہیں ہے. ویسے بھی ہم جو لکھتے ہیں وہ چینلز چلانے میں دلچسپی نہیں
رکھتے صاف کہہ دیتے ہیں کہ ڈرامہ ایسے نہیں ایسے لکھیں بھئی ہم نے تو موضوعات کو ڈراموں میں ڈسکس کرنا سیکھا اور ہم پیار عشق محبت افئیر اور طلاق کے گرد گھومتی ہوئی کہانیاں نہیں لکھ سکتے. اس کے باوجود ہمیںکسی سے کوئی گلہ شکوہ نہیں ، جب ایک کام جو کیا جا رہا ہے وہ ہمیں پسند نہیںوہ ہم کیوںکریں یا کیوں ناراضگی کااظہار کریں ہم خاموش ہی اچھے. اس لئے ہم خاموش بھی ہیں اور ایک سائیڈ پر بھی ہیں. یاد رہے کہ نورالہدی شاہ کی تحریروں کو شائقین دیوانہ وار پسند کرتے تھے.
سندھ حکومت کابلدیاتی الیکشن ملتوی کرنےکیلئے الیکشن کشمنر کو خط ،حافظ نعیم کا ردعمل
کراچی: امیر جماعت اسلامی کراچی حافظ نعیم الرحمان کا کہنا ہے کہ الیکشن کمیشن کی آئینی ذمہ داری ہے کہ وہ کراچی کے بلدیاتی انتخاب کے انعقاد کو یقینی بنائے۔
باغی ٹی وی : کراچی میں پریس کانفرنس سے کرتے ہوئے امیر جماعت اسلامی کراچی حافظ نعیم الرحمان نے کہا کہ حکومت الیکشن کمیشن کو دوبارہ انتخابات نہ کروانے کیلئے خط لکھا ہے کہ جس میں کہا کہ امن و امان کا مسئلہ ہے، یہ مسئلہ تو 2018 میں بھی تھا جب کسی کو خیال کیوں نہ آیا۔
موجودہ حالات میں حکومت کا ساتھ جاری رکھیں،گورنر سندھ کی خالد مقبول صدیقی سے…
نیوزی لینڈ کی ٹیسٹ سریز کراچی میں ہوئی سیکیورٹی تھریٹ نہیں۔۔
تین دن کراچی ایٹ فیسٹیول چلا کوئی سیکیورٹی مسئلہ نہیں
نیوزی لینڈ کی ٹیم کراچی میں ون ڈےکھیلتی کوئی ٹینشن نہیں
آئیڈیاز، بک فئیر، فرنیچز اکزبشنز جیسی درجنوں ایکسپوزچلتی رہی اور چل رہی ہیں،سیکیورٹی کی کوئی پریشانی نہیں1/3— Naeem ur Rehman (@NaeemRehmanEngr) January 14, 2023
انہوں نے کہا کہ نیوزی لینڈ کی ٹیسٹ سریز کراچی میں ہوئی سیکیورٹی تھریٹ نہیں آیا، تین دن کراچی ایٹ فیسٹیول چلا کوئی سیکیورٹی مسئلہ نہیں ہوا،کیویز نے شہرمیں ون ڈے کھیلی کوئی ٹینشن نہیں ہوئی، دفاعی نمائش آئیڈیاز، بک فئیر، فرنیچز ایگزیبیشنز جیسی درجنوں ایکسپوزچلتی رہی اور چل رہی ہیں کوئی سیکیورٹی کی کوئی پریشانی نہیں ہوئی لیکن کراچی کے بلدیاتی انتخاب کی آئی تو سیکیورٹی ٹھریٹ کی آڑ میں بلدیاتی انتخاب پرشب خون مارنےکی سازش شروع ہوگئی۔لیکن بات کراچی کےبلدیاتی انتخاب کی آئی تو سیکیورٹی ٹھریٹ کی آڑمیں بلدیاتی انتخاب پرشب خون مارنےکی سازش شروع ہوگئی
کراچی کولاوارث سمجھنےوالو! تم نےکراچی کو سمجھ کیا رکھاہے؟
ہمارے حق پر ڈاکہ ڈالنے والو! یاد رکھو!
تمہارا ناطقہ بند کردینگے
اپنا حق لینے کیلئے کسی بھی حد تک جائینگے2/3— Naeem ur Rehman (@NaeemRehmanEngr) January 14, 2023
حافظ نعیم نے کہا کہ کراچی کولاوارث سمجھنے والو! تم نے شہر کو سمجھ کیا رکھا ہے؟، تمہارا ہر راستہ بند کردیں گے اور اپنا حق لینے کیلئے کسی بھی حد تک جائیں گے، ایم کیو ایم اور پیپلزپارٹی نے کراچی کا سوچے سمجھے پلان کے ذریعے بیڑہ غرق کیا، اس سے ملک کی معیشت کر فرق پڑتا ہے۔ کراچی کے لوگوں کی ذمہ داری ہے کہ وہ اس ردعمل کا اظہار کریں، کل نکلیں اور ووٹ کاسٹ کریں، شہر کے ساڑھے 3 کروڑ کی عوام کے ساتھ بلیک میلنگ ہے۔بلدیاتی انتخابات: تمام افسران کی ہفتہ اور اتوار کی چھٹی ختم
ایم کیو ایم پر تنقید کرتے ہوئے حافظ نعیم نے کہا کہ تم جس دروازے سے آؤ گے تمھیں ایکسپوز کیا جائیگا، اب لوگ نکلیں گے اور بولیں گے۔ اگر حکومت کی پارٹیاں اتنی پاپولر ہیں تو الیکشن سے فرار کیوں ہونا چاہتی ہیں؟ کراچی میں میئر کا انتخاب ڈائریکٹ ہونا چاہئے جن جاگیرداروں اور وڈیروں کے خلاف تھے ان کی گود میں بیٹھ گئے، ایم کیو ایم اور پیپلز پارٹی نے کراچی کو ہمیشہ دھوکہ دیا عوام تنگ آچکے ہیں اس لئے الیکشن ضروری ہے-
انہوں نے کہا کہ کل الیکشن ہوگا کسی نے سازش کی تو بھرپور جواب دیا جائے گا۔ عزت کے ساتھ الیکشن کرائیں نہیں تو ذلت کے ساتھ کروانا پڑے گا، پیپلز پارٹی کے اپنے لوگ انتخابات کروانے کے حق میں ہیں ایک دوسرے کو بھارتی ایجنٹ کہنے والے یکجان ہوگئے ہیں، شہر میں کوئی توانا آواز ہے تو وہ صرف جماعت اسلامی ہے-
تم آرڈیننس لاؤ گے ہم اس کا بھی عدالتوں میں مقابلہ کریں گے، حافظ نعیم الرحمان
بلدیاتی انتخابات: تمام افسران کی ہفتہ اور اتوار کی چھٹی ختم
کراچی میں ہونے والے بلدیاتی انتخابات کے لیے کمشنر کراچی نے تمام افسران کی ہفتہ اور اتوار کی چھٹی ختم کردی۔
باغی ٹی وی: کمشنر ہاؤس سے جاری نوٹیفکیشن کے مطابق کمشنر کراچی نے تمام افسران کی ہفتہ اور اتوار کی چھٹی ختم کردی ہے،کمشنر کراچی کے دفتر میں کام کرنے والے افسران کو آج اور کل دفاتر میں رہنے کا حکم دیا گیا ہے بلدیاتی انتخابات کے باعث کمشنر آفس 14 اور 15 جنوری کھلا رہے گا۔
موجودہ حالات میں حکومت کا ساتھ جاری رکھیں،گورنر سندھ کی خالد مقبول صدیقی سے درخواست
حیدرآباد میں 15 جنوری کو بلدیاتی انتخابات کی پولنگ کے لیے سکیورٹی کے انتظامات مکمل کر لیے گئے ہیں،ایس ایس پی حیدرآباد امجد شیخ کے مطابق حیدرآباد میں 15 جنوری کو پرامن پولنگ کے لیے سکیورٹی کے انتظامات مکمل کر لیے گئے ہیں جس کیلئے حیدرآباد کو چار زون میں تشکیل دیا گیا ہے اور ہر زون کا انچارج ایس ایس پی ہوگا۔
سندھ حکومت نے بلدیاتی الیکشن ملتوی کرنے کیلئے الیکشن کشمنر کو خط لکھ دیا
ایس ایس پی حیدرآباد کے مطابق حیدرآباد کے 9 ٹاؤن میں 732 پولنگ اسٹیشن قائم ہوں گے جن میں 232 پولنگ اسٹیشن کو انتہائی حساس اور 500 کو حساس قرار دیا گیا ہے، حساس پولنگ اسٹیشنوں پر کیمرے بھی لگائے جائیں گے جب کہ انتہائی حساس اسٹیشن پر 8 اور حساس پولنگ اسٹیشنوں پر4 پولیس اہلکار تعینات ہوں گے۔
پولیس حکام کا کہنا ہے کہ شہر میں دہشگردی اوربم دھماکے کے حوالے سے تھریٹ کی اطلاعات ہیں تاہم یہ جنرل تھریٹ ہیں، حیدرآباد میں پرامن ماحول میں پولنگ کے لیے بہتر انتظامات کیے ہیں تاہم پرامن انتخابات کے لیے سیاسی جماعتوں کو بھی اپنا کردار ادا کرنا ہوگا۔
تم آرڈیننس لاؤ گے ہم اس کا بھی عدالتوں میں مقابلہ کریں گے، حافظ نعیم الرحمان
جبکہ کراچی میں بلدیاتی الیکشن کے حوالے سے انتخابی سامان منتقل کرنے والی گاڑیاں ڈسپیج سینٹر پہنچ گئیں ہیں، بلدیاتی الیکشن میں انتخابی سامان کو ڈسپیج سینٹر سے پولنگ اسٹیشنز منتقل کرنے والی گاڑیاں اضلاع کے مختلف مراکز پہنچ گئیں تاہم عملہ موقع پر موجود نہیں تھا۔
ریٹرننگ افسران کا کہنا ہے کہ 11 بجے کا وقت دیا گیا ہے جبکہ 12 بجے تک انتخابی سامان کی تقسیم شروع کردی جائے گی کراچی کے ساتوں اضلاع میں انتخابی سامان کی ترسیل کے لیے مختلف مراکز بنائے گئے ہیں۔
دوسری جانب کراچی اور حیدر آباد کے بلدیاتی انتخابات کے دوران دہشت گردی کا خدشہ ہے، اس حوالے سے پولیس حکام نے الیکشن کمیشن کو آگاہ کردیا ہے۔
سیکرٹری الیکشن کمیشن عمر حمید کا کہنا تھا کہ الیکشن کمیشن کا واضح فیصلہ آچکا ہے، اب کوئی وجہ نہیں کہ بلدیاتی الیکشن التوا کا شکار ہوں۔
ایم کیو ایم کاحکومت سےعلیحدگی پرغور،2 وزراء ایک معاون خصوصی نےاستعفے جمع کرادیے
موجودہ حالات میں حکومت کا ساتھ جاری رکھیں،گورنر سندھ کی خالد مقبول صدیقی سے درخواست
کراچی: گورنر سندھ کامران ٹیسوری سے ایم کیو ایم رابطہ کمیٹی کے سربراہ خالد مقبول صدیقی نے ملاقات کی-
باغی ٹی وی: ذرائع کے مطابق متحدہ قومی موومنٹ کے کنوینر ڈاکٹرخالد مقبول صدیقی کی رابطہ کمیٹی کے اراکین کے ہمراہ گورنر ہاؤس میں گورنرسندھ کامران ٹیسوری سے ملاقات ہوئی جس میں کامران ٹیسوری نے وفد کو موجودہ صورتحال میں تمام معاملات افہام و تفہیم سے حل ہونے کا یقین دلایا ملاقات میں سید سہیل مشہدی اور ظفر کمالی بھی شریک تھے-
بلدیاتی انتخابات شیڈول کے مطابق ہوں گے. ترجمان الیکشن کمیشن سندھ
جبکہ ملاقات میں خالد مقبول نے رابطہ کمیٹی کی رائے سے گورنر سندھ کو آگاہ کیا اور وزیراعظم شہباز شریف، آصف زرداری اور فضل الرحمان سے ہونے والی گفتگو بتائی سہیل مشہدی نے گورنر سندھ کو ڈسٹرکٹ کونسل حیدرآباد سے متعلق آگاہ کیا۔
ملاقات میں گورنر سندھ نے خالد مقبول صدیقی کو موجودہ صورتحال میں تمام معاملات افہام و تفہیم سے حل ہونے کا یقین دلایا اور گورنر سندھ نے خالد مقبول صدیقی سے درخواست کی کہ موجودہ حالات میں حکومت کا ساتھ جاری رکھیں کہ سندھ حکومت اور پیپلز پارٹی قیادت تمام معاملات سے آگاہ ہے۔
یکم فروری تک پارٹی الیکشن نہ ہوئے تو انتخابی نشان واپس لے لیں گے،الیکشن کمیشن
واضح رہے کہ ایم کیو ایم نے حکومت سے علیحدہ ہونے کا فیصلہ کیا ہے ایم کیو ایم رہنما خواجہ اظہار الحسن کا کہنا تھا کہ رابطہ کمیٹی کے بعض ارکان کی رائے ہے15 جنوری کو بلدیاتی الیکشن ہو تو حکومت سے علیحدہ ہوجائیں، حتمی فیصلہ آج ایم کیوایم کے جنرل ورکرز اجلاس میں ہوگا۔
ذرائع کے مطابق ایم کیو ایم کی جانب سے حکومت چھوڑنے پر غور کیے جانے پر وزیر اعظم شہباز شریف نے خالد مقبول سے رابطہ کرتے ہوئے ان کے تحفظات دور کرنے کی یقین دہانی کرائی ،کہا ہے کہ آج رات میں ہی تحفظات دور کیے جائیں گے ۔
جبکہ ٹیلیفونک رابطے میں سابق صدر آصف علی زرداری کی جانب سے خالد مقبول صدیقی کو یقین دہانیاں کراتے ہوئے مل بیٹھ کر تمام مسائل حل کرنے کی پیشکش کی ہے۔ پی ڈی ایم کے سربراہ مولانا فضل الرحمان نے بھی خالد مقبول صدیقی سے ٹیلیفونک رابطہ کرتے ہوئے خالد مقبول صدیقی کو صبر سے کام لینے کا مشورہ دیا ہے۔
چھوڑجانےکی بات مت کرنا دل دکھانےکی بات مت کرنا:شہبازشریف،زرداری،مولاناایم کیوایم کی منتیںکرنےلگے
سندھ حکومت نے بلدیاتی الیکشن ملتوی کرنے کیلئے الیکشن کشمنر کو خط لکھ دیا
کراچی: سندھ حکومت نے کل ہونے والے بلدیاتی الیکشن ملتوی کرنے کے لیے صوبائی الیکشن کمشنر کو خط لکھ دیا۔
باغی ٹی وی: سندھ حکومت کی جانب سے صوبائی الیکشن کمشنر کو لکھے گئے خط میں کل 15 جنوری کو کراچی اور حیدرآباد میں ہونے والے بلدیاتی انتخابات ملتوی کرنے کی درخواست کی ہے۔
تھانہ بی ڈویژن قصور کی کاروائی،ملزمان اسلحہ سمیت گرفتار
سندھ حکومت کے خط میں کہا گیا ہےکہ سکیورٹی کے مسائل کا سامنا ہے اور کوئی بھی ناخوشگوار واقعہ رونما ہوسکتاہے لہٰذا سکیورٹی کے فول پروف انتظامات ہونے تک بلدیاتی الیکشن ملتوی کیے جائیں۔
خط میں مزید کہا گیا ہے کہ سندھ کابینہ نےکراچی ڈویژن میں یونین کمیٹیزکی تعداد کا نوٹس واپس لینے کا فیصلہ کیا تھا،کابینہ نے حیدرآباد ڈسٹرکٹ میں بھی یونین کمیٹیزکی تعدادکا نوٹس واپس لینے کا فیصلہ کیاتھا، سندھ کابینہ نے سکیورٹی اہلکاروں کی اسٹیٹک تعیناتی کے لیے عدم دستیابی پربھی اظہارتشویش کیا تھا۔
خط کے مطابق الیکشن کمیشن نے سکیورٹی اہلکاروں کی اسٹیٹک تعیناتی کے لیے عدم دستیابی پرتشویش کاجواب نہیں دیا۔
اس سے قبل قومی سلامتی کے اداروں نےبھی سندھ میں بلدیاتی انتخابات کےحوالے سے شدید سکیورٹی خدشات کا اظہار کرتے ہوئے الیکشن کمیشن کو 15 جنوری کا انتخابی مرحلہ ملتوی کرنے کی سفارش کی ہے۔
پشاور:تھانے پر دہشتگردوں کا حملہ،ڈی ایس پی سمیت 3 اہلکار شہید
دوسری جانب وزارت داخلہ نے سندھ میں بلدیاتی انتخابات کے دوسرے مرحلے کے لیے پولنگ کے دوران ایف سی کی تعیناتی کی ہدایت کردی جی ایچ کیو کی جانب سے اسٹیٹک تعیناتی سے انکار کے بعد الیکشن کمیشن نےانتہائی حساس اورحساس پولنگ اسٹیشنز پر فرنٹیر کانسٹیبلری کی اسٹیٹک تعیناتی کی درخواست کی تھی۔
وزارت داخلہ کی جانب سے جاری نوٹیفکیشن کے مطابق کراچی اور حیدرآباد میں 15 جنوری کو ہونے والے بلدیاتی انتخابات کے دوران سکیورٹی کےلیے فرنٹیئر کانسٹیبلری کی تعیناتی کی ہدایت جاری کردی گئی ہےوزارت داخلہ نے حساس اور انتہائی حساس پولنگ اسٹیشنوں پر ایف سی کی تعیناتی کی ہدایت کی ہے۔
نوٹیفکیشن میں کہا گیا ہےکہ ایف سی کی تعیناتی کی تاریخ اورعلاقہ، سندھ حکومت، الیکشن کمیشن اور فرنٹیرکانسٹیبلری سےمشاورت سےطےکریں۔
ذرائع کے مطابق کراچی میں حساس اداروں کا اجلاس جمعہ کی شام منعقد ہوا جس میں سندھ میں بلدیاتی انتخابات پر شدید تحفظات کا اظہار کیا گیا۔
اغوا برائے تاوان کے الزام میں سی ٹی ڈی افسر کا ڈرائیور گرفتار
