Category: کھیل

میرپورخاص،باغی ٹی وی (نامہ نگار سید شاہزیب شاہ کی رپورٹ )گولڈز جیم فٹنس کلب کی جانب سے دوسرا شاہ مراد بلوچ مرحوم اوپن ڈویژن میرپورخاص باڈی بلڈنگ چیمپین شپ 2023 مسٹر سینئر و جونیئر میرپورخاص ڈویژن باڈی بلڈنگ کونٹیسٹ2021-22 مقابلے اجرک کلب میرپورخاص میں منعقد ہوئے جس میں مختلف اضلاع کے45 تن سازوں نے حصہ لیا پروگرام میں چیئرمین یونین کونسل حاجی محمدعلی راجپوت، سردار ذیشان وسان،فیصل وسان نے شرکت کی ججنگ کے فرائض عمران ناگوری اور رمیزابراہیم خان، آفاق احمدانی اورشعیب جیلانی نے انجام دئیے

پروگرام میں جنرل سیکریٹری میرپورخاص و سندھ جمال بلوچ،ڈویژنل صدر آفتاب بلوچ، ضلعی سیکریٹری عبدالسلام بلوچ،غفار خان اور دیگر تن سازوں نے بھی شرکت کی، تن سازی کے جونیئرکلاس اے مقابلے میں پہلی پوزیشن گولڈ جیم کےاسد علی، دوسری گولڈ جیم کے یاسر،تیسری گولڈ جیم کے دانیال،چوتھی علی خان جیم کے فضیل،پانچویں زیڈ ایم جیم کے مکرم خان اورچھٹی پوزیشن آرم اسٹرونگ جیم جھڈو کے محمد رضا نے حاصل کی مسٹر جونیئر میرپورخاص ڈویژن 2021 گولڈجیم کے اسد بلوچ، مسٹر جونیئر میرپورخاص ڈویژن 2022 ایم ایچ جیم کے سیف الرحمان،مسٹر سینئر میرپورخاص ڈویژن 2021گولڈ جیم کے غلام مصطفی،مسٹرسینئر میرپورخاص ڈویژن 2022زین بن منصور، مسٹر جونیئر ماڈل فزکس میرپورخاص ڈویژن 2023 ایم ایچ جیم کے سیف الرحمان، مسٹر سینئر ماڈل فزکس میرپورخاص ڈویژن 2023 ایم ایچ جیم کے زید بن منصورنے حاصل کیا،سینئر کلاس
بی میں پہلی پوزیشن گولڈ جیم کے حسام بلوچ، دوسری گولڈ جیم کے غلام مصطفی، تیسری گولڈ جیم کے دلاور، چوتھی گولڈ جیم کے مکیش نے حاصل کی

سینئر کلاس اے میں پہلی پوزیشن ایم ایچ جیم کے زید بن منصور، دوسری گولڈجیم کے اویس قریشی، تیسری گولڈ جیم کے فہیم بلوچ نے حاصل کی۔ اس موقع پرچیئر مین محمد علی سردار زیشان وسان فیصل وسان غفار خان آفتاب بلوچ علی بلوچ جمال بلوچ سلام بلوچ نے پوزیشن حاصل کرنے والے تن سازوں میں ٹرافیاں تقسیم کیں۔

سرگودھا،باغی ٹی وی( نامہ نگارملک شاہنواز جالپ )وزیر اعظم یوتھ پروگرام کے تحت سکواش ٹیلنٹ ہنٹ یوتھ سپورٹس لیگ کے ٹرائل سکواش کمپلیکس سرگودھا میں منعقد ہوئے جس میں ریجن بھر کے 149کھلاڑیوں نے شرکت کی۔ٹرائلز میں 60 مرداور 89 خواتین کھلاڑیوں نے حصہ لیا۔

اس موقع پر چیف سلیکٹر ڈائریکٹر سپورٹس بہاؤالدین زکریا یونیورسٹی ملتان میڈم عابدہ خان نے کہا کہ مذکورہ کھلاڑیوں میں سے منتخب ہونیوالے کھلاڑی ملتان میں منعقد ہونے والی سکواش ہنٹ یوتھ سپورٹس لیگ میں حصہ لیں سکیں گے۔ان کا مزید کہنا تھا کہ لیگ کا مقصد پاکستان بھر سے سکواش کے کھلاڑیوں کی صلاحیتوں کو ابھار کر سامنے لانا ہے۔

ٹرائلزکے موقع پر سپورٹس جرنلسٹ ایسوسی ایشن سرگودھاکے صدر ملک طارق اعوان،ڈائریکٹر سپورٹس سرگودھا یونیورسٹی ملک احمد خان کھرل اور میڈم شازیہ بھی موجود تھیں۔

اس موقع پر شرکاء کا کہنا تھا کہ اس طرح کے پروگرام زیادہ سے زیادہ ہونے چاہیئے تاکہ کھلاڑیوں کو اپنی صلاحیتیں دکھانے کا موقع مل سکے۔

کوئٹہ،باغی ٹی وی (نامہ نگار زبیرآکاخیل)34ویں نیشنل گیمز کا بلوچستان میں ہونا صوبائی حکومت اور خاص کر بلوچستان سپورٹس بورڈ کی بہت بڑی کامیابی ہے، ھدہ سپورٹس ایکشن کمیٹی
ھدہ سپورٹس ایکشن کمیٹی کے ممبران منیر مینگل، محمد عمر شہی، محمد اکرم بلوچ، ، صادق لانگو، حاجی نادر لانگو نے آپنے مشترکہ بیان میں کہا ہے کہ نیشنل گیمز کا کوئٹہ میں انعقادِ ہونا محکمہ کھیل کی بہت بڑی کامیابی ہے، 34وین نیشنل گیمز بلوچستان میں کروانے اور کامیابی میں منسٹر سپورٹس عبدلخالق ہزارہ، سیکرٹری کھیل اسحاق جمالی، ڈی جی کھیل درا بلوچ، ڈائریکٹر کھیل آصف لانگو، محمد آصف فاروقی نے اہم قردار ادا کیا ہے، ان سب کی شب و روز محنت سے آج پورے پاکستان کے کھلاڑی بلوچستان میں موجود ہیں، نیشنل گیمز سے بلوچستان کا بہت سا ٹیلنٹ سامنے ائے گا، بلوچستان کے کھلاڑی نیشنل کے ساتھ انٹرنیشنل ایونٹ میں بھی کامیابی حاصل کر چکے ہیں اور پوری دنیا میں بلوچستان کے ساتھ ساتھ پاکستان کا نام روشن کر چکے ہیں، امید ہے نیشنل گیمز کا اختتام بھی اچھا ہوگا، آخر میں ھدہ سپورٹس ایکشن کمیٹی نے اپنے بھرپور تعاون کا یقین دلاتے ہوئے نیک تمنائوں کا اظہار کیا کہ پورے ملک سے آئے کھلاڑی بلوچستان کی مہمان نوازی سے خوش ہونگے

<strongافغانستان نے پاکستان کو دوسرے ٹی 20 میں بھی شکست دے دی

تین ٹی ٹوئنٹی میچز کی سیریز کے دوسرے میچ میں افغانستان نے پاکستان کو 7 وکٹوں سے شکست دیکر سیریز میں 0-2 کی فیصلہ کن برتری حاصل کرلی۔ جبکہ شارجہ میں کھیلے گئے میچ میں کپتان شاداب خان نے ٹاس جیت کر بیٹنگ کا فیصلہ کیا۔

اس سے قبل تین ٹی ٹوئنٹی سیریز کے دوسرے میچ میں پاکستان نے افغانستان کو جیت کے لیے 131 رنز کا ہدف دے دیا ہے جبکہ شارجہ میں کھیلے جا رہے میچ میں کپتان شاداب خان نے ٹاس جیت کر بیٹنگ کا فیصلہ کیا تھا جبکہ پاکستان کی اننگز کا آغاز مایوس کن رہا اور پہلے ہی اوور میں بغیر کسی رن پر صائم ایوب اور عبداللہ شفیق آؤٹ ہوئے۔ اس کے بعد محمد حارث 15، طیب طاہر 13 اور اعظم خان ایک رن بنا کر پویلین لوٹ گئے۔

اس کے بعد عماد وسیم اور کپتان شاداب نے ذمہ دارانہ اننگز کھیلیں تاہم شاداب 32 رنز بنا کر رن آؤٹ ہوئے۔ گرین شرٹس نے مقررہ 20 اوورز میں 6 وکٹوں کے نقصان پر 130 بنائے، عماد وسیم 64 رنز بنا کر ناقابل شکست رہے۔ افغانستان کے فضل حق فاروقی نے 2 جبکہ نوین الحق، راشد خان اور کریم جنت نے ایک ایک وکٹ حاصل کی۔ افغانستان کو سیریز میں 0-1 کی برتری حاصل ہے۔

جبکہ اس سے قبل ین ٹی ٹوئنٹی سیریز کے دوسرے میچ میں پاکستان نے افغانستان کے خلاف ٹاس جیت کر بیٹنگ کا فیصلہ کرلیا۔ جبکہ شارجہ میں کھیلے جا رہے میچ میں کپتان شاداب خان نے ٹاس جیت کر بیٹنگ کا فیصلہ کیا۔ افغانستان کو سیریز میں 0-1 کی برتری حاصل ہے۔

دوسری جانب ویسٹ انڈیز کے خلاف دوسرے ٹی ٹونٹی میچ میں جنوبی افریقا نے 259 سکور کا پہاڑ جیسا ہدف ہنستے کھیلتے ہوئے 4 وکٹوں کے نقصان پر حاصل کر لیا۔ جبکہ جنوبی افریقا نے پہلے ٹاس جیت کر باؤلنگ کا فیصلہ کیا، بے جان پر آتے ہی ویسٹ انڈیز نے پروٹیز باؤلرز کا بھرکس نکال دیا اور پاوور پلے میں ایک وکٹ کے نقصان پر 102 سکور بنا ڈالے۔

کائل میئرز اور جانس چارلس نے وکٹ کے چاروں طرف بلند و بالا چارٹس کھیلے اور حریف باؤلرز بے بس ہو گئے، پہلی وکٹ 2 سکور پر گرنے کے بعد کائل میئرز اور چارلس کے درمیان 137 رنز کی پارٹنر شپ بنی جس کا اختتام باؤلر جانسن نے کیا۔ اس دوران جانسن چارلس نے 39 گیندوں پر تیز ترین سنچری بنائی، اور 46 گیندوں پر 118 سکور بنا کر آؤٹ ہوئے، دیگر کھلاڑیوں میں رومن پاول 28 ، شیفرڈ 41 سکور بنا کر ناٹ آؤٹ رہے۔ مارکو جانسن نے تین جبکہ پارنیل نے دو کھلاڑیوں کو پویلین بھیجا۔

ہدف کے تعاقب میں جنوبی افریقا نے ویسٹ انڈیز کو لاجواب کر دیا اور محض 10 اوورز میں 152 رنز بنا ڈالے۔ اس دوران وکٹ کیپر بیٹر ڈی کوک 44 گیندوں پر 100 سکور بنا کر پویلین لوٹ گئے، انہوں نے اپنی باری میں نو چوکے اور آٹھ چھکے لگائے۔ دیگر کھلاڑیوں میں ریزا ہینڈرکس نے 28 گیندوں پر 68 سکور بنائے، ریلی روسو نے 4 گیندوں پر 16، ڈیوڈ ملر 10 گیندوں پر 10 رنز بنا کر آؤٹ ہوئے۔ کپتان مارکرم 21 گیندوں پر 38 سکور بنا کر ناٹ آؤٹ رہے، کلاس نے بھی 16 رنز کی ناٹ آؤٹ باری کھیلی، جنوبی افریقا نے ہدف 19 ویں اوورز میں حاصل کر لیا، کالی آندھی کی طرف سے جیسن ہولڈر ، اوڈین سمتھ، ریفر، رومن پاوول نے ایک ایک وکٹ حاصل کی۔