”

دنیا کے چند محبوب ترین کھیلوں میں سے ایک کھیل کرکٹ بھی ہے۔ ویسے اگر آپ کرکٹ کا موازنہ دوسری کھیلوں سے کریں تو یہ دنیا میں اتنا مشہور نہیں جتنا اولمپکس یا فٹبال ہیں لیکن پھر بھی اس کا جنون پوری دنیا میں پایا جاتا ہے۔ جیسے فٹبال کی گیم کو مینج کرنے کے لیے فیفا نامی ایک اتھارٹی بنائی گئی ہے بالکل اسی طرح کرکٹ کے قواعد و ضوابط بنانے کے لیے ICC نامی ایک اتھارٹی قائم کی گئی ہے جو بین الاقوامی سطح پر کرکٹ کی مختلف سیریز منعقد کرواتی ہے اور ساتھ ساتھ قواعد و ضوابط کی خلاف ورزی کرنے والے کھلاڑیوں کو سزائیں بھی سنائی ہے۔ ICC بنیادی طور پر 1909 میں imperial cricket conference کے نام سے معرضِ وجود میں آئی جو کہ 1965 میں international cricket conference بن گئ اور اب موجودہ دور میں یہ international cricket council کے نام سے جانی جاتی ہے۔ بنیادی طور پر انگلینڈ، آسٹریلیا اور جنوبی افریقہ نے ICC بنانے میں اہم کردار ادا کیا لیکن وقت گزرنے کے ساتھ ساتھ اس کے ساتھ دوسرے ممالک بھی جڑتے گئے اور اپنا اثرورسوخ بڑھاتے گئے جس میں چیدہ مثال انڈیا کی ہے۔ انڈیا، نیوزی لینڈ اور ویسٹ انڈیز تینوں ممالک نے 1926 میں ICC کو جوائن کیا لیکن انڈیا ان تینوں میں سے ICC میں سبقت لے گیا۔ اس وقت ویسے تو ICC کے 12 مستقل ممبرز ہیں لیکن ان میں سے چند ایک ممبرز کی اس اتھارٹی پر اجارہ داری ہے جن میں انگلینڈ، آسٹریلیا اور انڈیا سرفہرست ہیں۔ 

اسی ICC کے شیڈول کے مطابق ستمبر 2021 میں نیوزی لینڈ کی ٹیم کی پاکستان کے ساتھ پاکستان میں ون ڈے اور ٹی ٹونٹی میچز کی سیریز منعقد ہونا تھی۔ جس میں تین ون ڈے اور پانچ ٹی ٹونٹی میچز کھیلے جانے تھے۔ اس شیڈول کے مطابق نیوزی لینڈ کی ٹیم پاکستان میں آئی دو، چار دن پریکٹس کی اور پاکستان نے اپنی فول پروف سکیورٹی مہیا کی جس سے نیوزی لینڈ کے کھلاڑی مطمئن تھے۔ لہزا پہلا میچ ہونے والا تھا، ٹکٹوں کی فرخت ہو چکی تھی، گراؤنڈ میں میڈیا کیمرے لگ چکے تھے اور میچ کی مکمل تیاریاں ہو چکی تھیں کہ اچانک نیوزی لینڈ کی ٹیم کو یہ کہہ کر وطن واپس بلا لیا گیا کہ یہاں سیکورٹی خطرات ہیں۔ پاکستان نے بارہا پوچھا کہ ہماری انٹیلیجنس کے پاس ایسی کوئی رپورٹ نہیں لہزا آپ بے فکر ہو کر کھیلیں لیکن انہوں نے اپنی رٹ لگائے رکھی اور عمران خان کے نیوزی لینڈ کی وزیر اعظم کو فون کرنے کے باوجود ٹیم واپس چلی گئی۔

نیوزی لینڈ کی ٹیم تو واپس چلی گئی لیکن وہ یہاں کئ سوالات چھوڑ گئی۔ کیا جب یہاں ان کے پریکٹس میچز چل۔رہے تھے تب یہاں کوئی تھریٹ نہیں تھا؟ کیا جب یہاں پی ایس ایل میں فارن سے کھلاڑی آتے ہیں تب یہاں سب ٹھیک ہوتا ہے؟ اس سیریز کا عین اس وقت کینسل ہونا جب دو دن بعد IPL شروع ہونا ہو کئی سوالات اٹھاتا ہے۔ شاید دنیا یہ بھول رہی ہے جب انہی ممالک کے فوجی جنہوں کی شہہ پر نیوزی لینڈ کی ٹیم واپس گئی افغانستان سے جان بچا کر بھاگ رہے تھے تب ان کو سہارا اسی پاکستان نے ہی دیا تھا۔ تب یہ بھاگ بھاگ کر پاکستان آرہے تھے اور پاکستان کا شکریہ ادا کر رہے تھے۔ نیوزی لینڈ کی ٹیم کا واپس جانا ایک نئی گیم کا حصہ ہے جو آج کل امریکہ، انگلینڈ اور آسٹریلیا شروع کرنے جا رہا ہے۔ انڈیا اور اس کے حلیف جتنی مرضی بھونڈی کوششیں کر لیں وہ پاکستان کو ایک پر امن ملک بننے سے نہیں روک سکتے۔ یہ شاید یہ بھی بھول گئے ہیں کہ اسی انگلینڈ کے ایک ادارے نے پچھلے سال پاکستان کو ٹورازم میں بہترین ملک قرار دیا تھا۔ اب جتنا مرضی نیوزی لینڈ اپنی اس حرکت کو کور کرنے کی کوشش کرے یا پاکستان کو کسی دوسرے ملک میں سیریز کروانے کا کہے اس کی یہ دغابازی ICCکی تاریخ میں اس پر ایک بدنما داغ کی طرح اس کے ماتھے پر سجی رہے گی۔ 

یہ بات روزِ اول سے عیاں ہے کے مغرب کی ہمیشہ کوشش رہی کے پاکستان کو کسی نا کسی طرح بدنام کیا جائے ہمارے ہاں کے لوگ چوری ریاست پاکستان کے خلاف نعرے بازی والے بیانئے کو پروموٹ کرنے والے بھی مغرب ہی میں بیٹھے ہیں اور مغرب حکومتیں ایسوں کو سیاسی پناہ بھی دیتی ہیں جس کا مطلب یہ ہے کے وہ ہر غلط کام کرنے والے کو اپنے ہاں پالتی ہیں تاکہ وہ مستقبل میں پاکستان کے خلاف کام کر سکیں.

پاکستان نے پوری دنیا میں خطے اور امن کے لئے جو کوششیں کی ہیں دنیا اس کی معترف ہے لیکن اچانک اب کرکٹ جیسے کھیل میں بھی سیاست شروع ہو چکی ہے یہ چیز کوئی نئی نہیں مغرب اور ہمارے ایک پڑوسی ملک کی بھی کوشش رہی کے وہ پاکستان کو کسی نا کسی طرح غیر محفوظ ملک قرار دلوائے اور اس کا مظاہرہ ہم نے کچھ دن پہلے نیوزی لینڈ کی کرکٹ ٹیم کی طرف سے دیکھا اور ساتھ ہی اب برطانیہ کی کرکٹ ٹیم کا رویہ بھی افسوس ناک ہے.

پاکستان نے بہترین سیکورٹی انتظامات کروائے اور دنیا نے دیکھا لیکن عین ایک دو دن پہلے نیوزی لینڈ کا اچانک دورہ ملتوی کر کے واپس جانا یہ اس کا واضح ثبوت ہے کے اب کھیل کی آڑ میں نفرت اور سیاست عروج پر ہے. ہمارے ایک پڑوسی ملک میں اس وقت خوشی کے شادیانے بج رہے ہیں ظاہر ہے وہ اس اقدام پر خوش ہوگا.

برطانیہ اور نیوزی لینڈ نے جو قدم اٹھایا ہے اس پر دنیائے کرکٹ کے کھلاڑیوں نے حتی کے نیوزی لینڈ کے انکار کرنے پر نیوزی لینڈ کے ہی سابق کرکٹر نے اپنی ہی ملک کی کرکٹ ٹیم اور حکومت پر سوال کھڑا کر دیا ہے کے اس انکار کی کوئی وجہ سمجھ نہیں آتی.

یہ بات واضح ہے کے پاکستان اب اپنے درست ٹریک پر چل پڑا ہے اور امن کے پیغام کو دنیا میں پھیلا رہا ہے اور بین الاقوامی سطح پر تعریف بھی ہو رہی ہے اور وزیراعظم عمران خان کی موجودگی میں خارجہ پالیسی سمیت تمام معاملات میں تبدیلی بھی آئی ہے اور یہ کے سب سے پہلے پاکستان کا وقار بلند کیا جائے گا اور بھیک یا منتیں کر کے کام نہیں ہوگا تو ایسے میں مغربی ممالک کی کرکٹ ٹیمز پاکستان کو یوں بدنام کرنے پر تُلی ہیں.

سب سے بڑی اور عجیب بے تُکی بات یہ ہے کہ برطانوی شاہی خاندان پاکستان وزٹ کرتا ہے اور پاکستان میں موجود برطانوی ہائی کمیشن بھی پاکستان محفوظ ہے کا کہتا ہے مگر وہی برطانوی کرکٹ ٹیم کہتی ہے کے ہمیں سیکورٹی خدشات ہیں کیا یہ واضح نہیں کے ان کا منصوبہ ہی کچھ اور ہے بے شک پاکستان ہر ملک سے اچھے تعلقات کا خواہاں ہے مگر بلاوجہ کے الزامات لگانا بھی ہرگز درست نہیں.

نیوزی لینڈ نے ایک بیان میں یہ بھی کہا کے کسی اور جگہ اگر پاکستان نے کھیلنا ہے تو ہم تیار ہیں جس پر پاکستان کرکٹ بورڈ اور پاکستان نے انکار کرنےفیصلہ کیا اور کہا کے پاکستان ہی میں کرکٹ آکر کھیلیں.

عین ایک دو یا چار دن پہلے منسوخی کا اعلان کرنا بلکل ایک سازش کا حصہ لگتا ہے.

پاکستان نے اب تمام وہ معاملے جس میں پاکستانی ریاست یا حکومت منتیں کرتی نظر آئے کو رد کر دیا ہے اور اپنا وقار اور اپنے پیروں پر کھڑے ہوکر یہ معذرت خواہانہ رویہ بھی ترک کردیا ہے اس ابتدا ہو چکی ہے ﷲ تعالیٰ سے دعا کے کے پاکستان کے ہر معاملے میں خیر ہو آمین.

Twitter Id @M1Pak

نیوزی لینڈ کی فوج سے زیادہ فورس ان کی ٹیم سیکورٹی پر لگائی، یہ الفاظ وفاقی وزیر داخلہ کے ہیں جو ان کی جانب سے گزشتہ روز دورہ نیوزی لینڈ منسوخ ہونے کے حوالے سے کہے گئے انہوں نے یہ بھی سوال اٹھایا کہ تھریٹ الرٹ دینے والے تب کہاں تھے جب ماہرین کی ٹیم یہاں دورے پر تھی، وفاقی وزیر داخلہ نے اہم ترین باتیں کیں لیکن شیخ رشید کی یہ سیکورٹی کے حوالے سے کہی گئی پہلی لائن تمام میڈیا چینلز کے ڈائریکٹر نیوز صاحبان سمیت نیوز ایڈیٹرز کو بھی جیسے بھا سی گئی کہ تمام ہیڈلائنز اور اخباری سرخیوں پر یہ الفاظ ٹی وی چینلز اور اخبارات کی زینت بن گئے جس کے بعد ہونا کیا تھا وہی جو ہمارے یہاں سوشل میڈیا صارفین کیا کرتے ہیں، اخباری تراشے اور ٹی وی کے سکرین شاٹس کو جوں سوشل میڈیا پر اپلوڈ کرنے کا سلسلہ شروع ہوا کہ ایک نئی بحث کا آغاز ہو ہی گیا، صارفین کی جانب سے وزیر داخلہ کے بیان کو کہیں بھارت کو دھمکانے کے طور پر استعمال کیا جاتا رہا تو کہیں نیوزی لینڈ کی اندرونی سیکورٹی پر سوالات اٹھانے کے لیے بہرحال اس ساری صورتحال میں قومی سطح پر ہوئے نقصان کا ازالہ ہونے کی بجائے اس میں مزید اضافہ دیکھنے میں آیا اور طے شدہ دورہ انگلینڈ کرکٹ ٹیم کو بھی منسوخ کرنے کی خبریں گردش میں آگئیں، جبکہ آئندہ ماہ میں ہونے والی آسٹریلیا اور ویسٹ انڈیز کے ساتھ سیریز بھی خطرے میں پڑ گئیں، نومنتخب چئیرمین پی سی بی رمیز راجہ کی جانب سے اس پر سخت ردعمل دیا گیا کہا کہ پاکستان میں سیکورٹی معاملات پر مغربی دنیا اکٹھی ہوجاتی ہے 

اب اس ساری صورتحال میں سیکھنے کی دو تین اہم باتوں کو یکسر نظر انداز کیا گیا کہ کس طرح پاکستان کے خلاف مغربی دنیا کی منافقت کھل کر بے نقاب ہوئی اور منفی پراپیگنڈے میں سب ممالک ایک سے بڑھ کر ایک نظر آئے، اس کی چھوٹی سی جھلک اس بات میں دیکھ لیجیے کہ انگلینڈ نیوزی لینڈ کی ویمن کرکٹ ٹیمز کے مابین سیریز کا تیسرا ون ڈے شیڈول ہے لیکن نیوزی لینڈ کی ٹیم اسی ہوٹل میں موجود ہے جسے کچھ روز قبل بم سے اڑانے کی دھمکی دی گئی تھی جس کے بعد بظاہر ٹریننگ تو منسوخ کر دی گئی تاہم انسداد دہشتگردی کی ایجنسیز کی جانب سے خطرناک تھریٹ دئیے جانے کے باوجود دونوں ممالک کی قیادت ٹس سے مس نہیں ہوئی جس سے مغربی ممالک کی آپس اور پاکستان کے ساتھ تعلقات میں امتیازی روئیے کی پول کھل کر سامنے آگئی اس ساری صورتحال میں دوسری جنگ عظیم کے دوران تشکیل دی گئی پانچوں ممالک جس میں امریکہ، برطانیہ، آسٹریلیا، نیوزی لینڈ اور کینیڈا شامل ہیں کی مشترکہ خفیہ ایجنسی فائیو آئیز کے ذریعے پاکستان کے Absolutely NOT کو ہاں میں بدلنے کی ناکام کوشش کے بعد اس پراپیگنڈے کا آغاز کیا گیا جس کے بعد پہلے نیوزی لینڈ اور بعد میں انگلینڈ کی ٹیم کو پاکستان میں کھیلنے سے منع کیا گیا 

 دوسری جانب اس ساری صورتحال میں ویسٹ انڈیز سمیت کئی اہم ممالک کے کرکٹرز کی جانب سے جس طرح کھل کر پاکستانی کرکٹ ٹیم کی حمایت اور محفوظ پاکستان کے حق میں کھل کر بات کی گئی وہ قابل ستائش ہے ویسٹ انڈیز کرکٹ ٹیم کے سابق کپتان ڈیرن سیمی نے تو اس حد تک لکھ دیا کہ بھیڑ کی کھال میں چھپے بھیڑیوں سے ہوشیار رہو، یقیناً ان کا اشارہ مغربی دوغلے پن کی طرف تھا

لیکن بحرانی کیفیت میں موقعوں کی تلاش کرنے والی قوم ہی دنیا میں ترقی کی راہ پر چل سکتی ہیں اور یہ ہی کیا پاکستان نے کہ شائقین کے ٹوٹے دل اور قومی سطح پر پست ہونے والے حوصلوں کو دوبارہ بلند کرنے کے لیے نیشنل ٹی ٹونٹی میچ کا اعلان کر دیا جس کا باقاعدہ میلہ 23 ستمبر سے سجے گا جبکہ 12 اکتوبر تک کھیلا جائے گا