Category: کھیل

مصباح الحق کو کوچنگ سے ہٹانے کا شور تو مچ رہا ہے لیکن مصباح الحق کو کوچ بنایا کس اہلیت پہ گیا تھا یہ سوال کون اٹھائے گا ؟؟؟

ایک کھلاڑی جو ابھی تک لیگز میں بطورِ کھلاڑی میچز کھیل رہا تھا اور جسے کوچنگ کا نہ کوئی تجربہ تھا نہ اس نے کوچنگ کی کوئی تربیت لی تھی۔ اسے ڈائریکٹ قومی ٹیم کا ہیڈ کوچ کیسے مقرر کر لیا گیا ؟ یہ انتہا درجے کا گھٹیا فیصلہ تھا اور اس گھٹیا فیصلے کو مزید گھٹیا بنانے کے لیے اسے چیف سیلیکٹر بھی بنا دیا گیا۔
ان عہدوں کے لیے جو مطلوبہ اہلیت اور تجربہ چاہیے تھا اس کو مکمل طور پہ نظر انداز کیا گیا۔

یہاں کوئی پوچھنے والا نہیں کہ ایسا ہوا کیوں ؟
اس کے لیے کون جواب دہ ہو گا؟

اگرمصباح کو اس عہدے تک لانا ہی تھا تو پہلے اسے کوچنگ کورسز کروائے جاتے ، ڈومیسٹک ٹیموں کا کوچ بنا کر تربیت لینے کا موقع دیا جاتا، اس کے بعد یہ عہدہ سونپا جاتا۔
لیکن ایسا کچھ نہیں ہوا اور جب اتنے بونگے فیصلے کیے جائیں تو ایسے ہی ثمرات آتے ہیں۔

مصباح کی بطورِ کھلاڑی خدمات کا اعتراف اور ان کی قدر اپنی جگہ لیکن مصباح کو بطورِ چیف سیلیکٹر اور ہیڈ کوچ کس بنیاد پہ چنا گیا تھا؟

اس سب میں مصباح کی نسبت اسے چننے والوں کا زیادہ قصور ہے۔ کیوں کہ اپنی اہلیت سے بڑا عہدہ ملنے پہ انکار کرنے کا ظرف بہت کم لوگوں میں ہوتا ہے۔ مصباح بھی اتنی اعلیٰ ظرفی نہیں دکھا سکا کہ انکار کرتا۔ اب بھی وہ پیچھے ہٹنے اور اپنی کم اہلی کو قبول کرنے پہ تیار نظر نہیں آتا۔

افسوس کہ اس نے بطورِ کھلاڑی جو عزت کمائی تھی ، وہ کوچ بن کر دن بہ دن گنواتا جا رہا ہے۔

@Majidjampti

کرکٹ کا عالمی چیمپئن 1992

ایک تاریخ ساز لمحہ جسے دوہرانے کا خواب ہم ہر چار سال بعد دیکھتے ہیں مگر نامراد لوٹتے ہیں۔ 1992 کا عالمی کپ جیتنا بے شک پاکستانی تاریخ کے چند عظیم ترین اور قابل فخر کارناموں میں سے ایک ہے۔

بہت سے لوگ سمجھتے ہیں کہ پاکستانی ٹیم کا تکا لگا یہ بالکل غلط بات ہے اس میں کوئی شک نہیں کہ ورلڈکپ سے قبل پاکستانی ٹیم شدید انجری مسائل سے دو چار ہوئی دو ورلڈ کلاس کرکٹرز اور میچ ونرز سعید انور اور وقار یونس انجرڈ ہو کر ورلڈ کپ سے باہر ہو گئے عمران خان کو کندھے کا مسلہ تھا اور وہ باؤلنگ نہیں کروا پا رہا تھا۔ وسیم اکرم فارم میں نہیں تھا سلیم ملک بھی آؤٹ آف فارم تھا جاوید میانداد بھی کافی عرصے بعد ون ڈے ٹیم میں واپس آیا تھا۔

یہ صورتحال یقینی طور پر انتہائی تشویشناک اور خطرناک تھی مگر تصویر کا دوسرا رخ یہ تھا کہ پچھلے تین سال میں پاکستانی ٹیم دنیا کی دوسری کامیاب ترین ٹیم چل رہی تھی۔ اس عرصے میں صرف آسٹریلیا کا ریکارڈ پاکستان سے بہتر رہا تھا۔

تو ایک انتہائی تگڑی اور شاندار مگر ٹوٹی اور بکھری ٹیم کو بس واپس جوڑنا تھا اعتماد دینا تھا اور یہ فریضہ عمران خان نے بخوبی سر انجام دیا۔ اس کے بعد کی تاریخ سب جانتے ہیں

تحریر: انس حفیظ

پاکستانی کرکٹ ٹیم انگلینڈ کے خلاف 3-0 سے ہارنے کی وجہ سے دل ابھی تک صدمے سے باہر نہیں آیا تب سے یہی سوچ رہا ہوں آخر کیا محرکات ہیں جو ہماری کرکٹ اتنی زوال کا شکار ہے
ایک وقت تھا کہ پاکستان کے بارے میں کہا جاتا تھا یہاں کی مٹی کرکٹر اگلتی ہے اس مٹی نے کیسے کیسے ہیرے پیدا کیے عمران خان، جاوید میانداد، انضمام الحق، وسیم اکرم، وقار یونس، شعیب اختر، عبدالرزاق،
شاہد خان آفریدی، سعید انور، عامر سہیل، عبدالقادر، عاقب جاوہد.
لیکن اب تو لگتا ہے قومی کرکٹ ٹیم کو پسند ناپسند کے بھینٹ چڑھایا جارہا ہے۔ اسی وجہ سے ہم نے کیسے کیسے ہیرے ضائع کر دیے جیسا کہ عمران نذیر، عبدالرزاق، حسن رضا، محمد آصف، محمد عامر، عمر گل، وہاب ریاض، محمد شبیر، سعید اجمل.
اسی طرح بہت سے کرکٹر سفارش، یا پیسا نہ ہونے کی وجہ سے آگے نہیں آ پاتے۔

ایسے ہی ایک کرکٹر عبید اللہ جنکا تعلق پشاور سے اور (پدائش 4 جون 1992) ہیں

انہوں نے اپنی فرسٹ کلاس کرکٹ کا آغاز اکتوبر 2016 کو قائد اعظم ٹرافی میں پاکستان ایئر لائنز کی نمائندگی کرتے ہوئے کیا
انہوں نے 19 نومبر 2017-18 کے قومی ٹی ٹوئنٹی کپ میں پشاور کی طرف سے نمائندگی کی۔ انیس نومبر، 2017 کو راولپنڈی میں کراچی کے مخالف جبکہ پشاور کی نمائندگی کرتے ہوے 72 سکور کیا اور 23 نومبر 2017 کو راولپنڈی میں پشاور کی نمائندگی کرتے ہوئے فیصل آباد کے خلاف سینچری پلس 114 سکور کیا.

سٹرائیک ریٹ 92.30 رہا جبکہ ایوریج 18.00 رہی. اگر پی سی بی نے اس پسند ناپسند کے نظام کو نہ بدلا تو آنے والے ٹی ٹوئنٹی ورلڈکپ میں حال انگلینڈ کے خلاف سیریز سے بھی برا ہوگا
اس لیے پی سی بی کو چاہیے کہ کھلاڑیوں کا میرٹ پر انتخاب کریں نہ کہ ذاتی پسند کی بنیاد پر.
سوشل ٹویٹر اکاؤنٹ
‎@ObaidVirk_717

آئی سی سی ٹی ٹوئنٹی ورلڈکپ کا میلہ سجنے جا رہا ہے ۔ترجمان آئی سی سی کے مطابق سپربارہ ٹیموں کے گروپ ٹو میں پاکستان اورانڈیا کے ساتھ افغانستان اور نیوزی لینڈ کی ٹیمیں بھی شرکت کریں گی۔ سپر12 کے گروپ ون میں ساؤتھ افریقاآسٹریلیا، انگلینڈ، آسٹریلیااورویسٹ انڈیزکی ٹیمیںمد مقابل ہوں گی۔گروپ ون اورٹو میں مزید دوکوالیفائرٹیمیں بھی ہوں گی۔ اسی کے ساتھ راؤنڈ ون کے گروپ اے میں سری لنکا آئرلینڈ، نیدرلینڈزاورنمیبیا کھیلیں گی۔ راونڈ ون کے گروپ بی میں بنگلہ دیش، اسکاٹ لینڈ، پاپوا نیوگنی اورعمان جگہ بنانے میں کامیاب ہوئی ہیں۔

آئی سی سی ٹی ٹوئنٹی ورلڈ کپ 2021کے گروپس کا اعلان کردیا گیا۔ روایتی حریف پاکستان اور بھارت کو ایک ہی گروپ ٹو میں شامل کیا گیا ہے۔ آئی سی سی ٹی ٹونٹی ورلڈ کپ 17 اکتوبرسے عمان اور یو اے ای شروع ہوگا۔آئی سی سی ٹی ٹونٹی ورلڈ کپ کی میزبانی انڈیا کر گا۔پہلے آئی سی سی ٹی ٹونٹی ورلڈکپ انڈیا میں ہی شیڈیول تھا مگر بھارت میں کرونا کی خراب صورتحال کی وجہ سے اسے یو اے ای اور عمان میں شفٹ کر دیا گیا۔

پاک بھارت مقابلہ دیکھنے کے لیے دونوں ملکوں بلکہ دنیا بھر کے کرکٹ شائقین بڑی بے صبری سے انتظار کرتے ہیں۔پاکستان اور انڈیا کے درمیان کوئی سریز نے ہونے ہونے کی وجہ سے ہمیں یہ موقع صرف بڑے ایونٹس میں ہی دیکھنے کو ملتا ہے۔پچھلی بار جب دونوں حریف ٹیمیں مدمقابل ہوئی تھیں تو پاکستان نے انڈیا کو چمپین ٹرافی کے فائنل میں شکست دے کر ٹائٹل اپنے نام کر لیا تھا۔

ایک اندازے کے مطابق جب پاکستان اور انڈیا کا چمپین ٹرافی کے فائنل میں جوڑ پڑا تو تقریبا 400 ملین افراد نے اس مقابلے کو دیکھا۔اس بات سے آپ اندازا لگا سکتے ہیں پاک بھارت ٹاکرا دیکھنے کے لیے شائقین کرکٹ کتنے بے صبری سے انتظار کرتے ہیں۔خیر اب انتظار کی گھڑیاں ختم ہونے کو ہیں کیونکہ 17 اکتوبر سے آئی سی سی ٹی ٹونٹی ورلڈ کپ شروع ہونے جا رہے ہے اور پاکستان اور بھارت کو ایک ہی گروپ میں شامل کیا گیا ہے۔