Category: کھیل

کسی بھی بلے بازکی کلاس اورکارکردگی کو ناپنے کے بہت سے پیمانے ہوسکتے ہیں لیکن میں تین چیزوں کو زیادہ اہمیت دیتا ہوں۔ رنزکی تعداد یعنی اوسط، رنزبنانے کی رفتار یعنی سٹرائیک ریٹ اوربنائے گئے رنزکا ٹیم کی جیت میں کردار۔

موجودہ زمانے میں پانچ کرکٹرزایسے ہیں جنہیں دنیائے کرکٹ کے شائقین تینوں فارمیٹس کے بڑے بلے باز سمجھتے ہیں۔ ان میں ویرات کوہلی، بابر اعظم، سٹیو سمتھ، کین ولیمسن اور جوئے روٹ شامل ہیں. اگر ہم ان تینوں بلے بازوں کے اعداوشمار پرغور کریں تو تینوں فارمیٹس کی اوسط میں ویرات کوہلی سب سے آگے ہیں۔ ان کی مجموعی اوسط 164 ہے۔ بابراعظم 153، سٹو سمتھ 132، کین ولیمسن 132 جبکہ جوئے روٹ 130 کی اوسط رکھتے ہیں۔

ون ڈے اور ٹی ٹونٹی کے مجموعی سٹرائیک ریٹ میں ویرات کوہلی کا سٹرائیک ریٹ 232 ہے۔ بابراعظم دوسرے (221)، سٹو سمتھ تیسرے (218)، کین ولیمسن چوتھے(207) جبکہ جوئے روٹ پانچویں(206) نمبرپرہیں۔ سب سے آخری معیار جیتے ہوئے میچزمیں کارکردگی ہے۔ بابراعظم کی تمام فارمیٹس میں مجموعی طورپران میچزمیں اوسط 69 کی رہی جن میں پاکستان کو جیت ملی۔ ویرات کوہلی دوسرے (68) جوئے روٹ تیسرے (63) سٹیو سمتھ چوتھے (62) اورکین ولیمسن پانچویں (61) نمبرپرہیں۔

ان اعداوشمارسے جو تصویرنظرآتی ہے اس کے مطابق ویرات کوہلی بے شک دنیا کا بہترین بلے باز ہے۔ بابراعظم کوہلی کے کافی قریب پہنچ چکا ہے مگر ابھی کچھ باکسز ٹک کرنے باقی ہیں جیسے چیزکرتے وقت سٹیل جیسے نروزکا مظاہرہ کرنا وغیرہ۔ ولیمسن، سمتھ اور روٹ بھی بڑے بلے باز ہیں اور بابرسے زیادہ تجربہ کارہیں زیادہ دفعہ اپنی ٹیموں کوجتوا چکے مگراعدادوشمارکی تصویربابرکوان سے بہتربتاتی ہے۔ بابراعظم کو ان تمام بلے بازوں پرجوایڈوانٹیج حاصل ہے وہ یہ ہے کہ یہ تمام بلے بازاپنی "پیک” گزارچکے ہیں جبکہ بابر کی پیک آنا ابھی باقی ہے اورموجودہ آئی سی سی رینکنگ بھی اس بات کی تائید کرتی ہے کہ باقی بلے بازکارکردگی کی سیڑھی پرنیچے کی طرف جبکہ بابراوپر کی طرف رواں دواں ہے اور ون ڈے کا نمبر1 بلے باز بھی بن چُکا ہے۔

کیا پاکستانی کرکٹ ٹیم واقعی اس قابل نہیں کہ انگلینڈ کی بی ٹیم کا مقابلہ بھی نہ کر پائے؟؟؟

پاکستانی ٹیم میں کم از کم پانچ کرکٹرز تو ایسے ہیں جو دنیا کی وائٹ بال کے ٹاپ تھرٹی کرکٹرز میں ضرور آتے ہیں۔۔ بابر، شاہین، حسن ، فخر اور امام۔۔۔ پانچ ورلڈ کلاس کرکٹرز کے ساتھ اگر آپ بھارت، آسٹریلیا، انگلینڈ اور نیوزی لینڈ کو مسلسل ہرا نہ بھی سکیں تو کم از کم انہیں شدید قسم کا ٹف ٹائم تو دے ہی سکتے ہیں۔۔۔۔

تو پرابلم کہاں ہے؟؟؟؟

کیا کوچنگ سٹاف اور کپتان کو بدلنا مسائل کا حل ثابت ہو سکتا ہے؟؟؟

کچھ حد تک۔۔۔۔ وقار یونس پانچویں دفعہ کوچنگ کر رہا ہے۔ وقار کے کریڈٹ پر کوئی ایک بھی کارنامہ ہے؟؟ محمد اکرم نے باؤلرز کو ڈسپلن باؤلنگ کرنا سکھائی۔ محمد اکرم کے دور میں پاکستانی باؤلرز نے کئی ماہ تک ایک بھی نو بال نہیں کی تھی اور اسی طرح اظہر محمود نے سلو بالز اور کٹرز سکھائے۔۔۔۔ وقار کیا سکھا رہا ہے؟؟

مصباح الحق کا میں فین رہا ہوں لیکن اب مجھے بھی لگنے لگا ہے کہ مصباح ماڈرن وائٹ بال کرکٹ کے ڈائینامکس نہیں سمجھتا۔۔۔ انوویشن نام کی بھی کوئی چیز ہوتی ہے۔۔۔ کیا مصباح نے کبھی وکٹ یا مخالف ٹیم کی سٹرینتھ یا میچ سیچویشن کے مطابق بیٹنگ آرڈر میں کوئی تبدیلی کی؟؟؟ کیا مخالف ٹیموں کے بلے بازوں کے خلاف کبھی کوئی آؤٹ آف باکس پلین بنایا؟؟؟

بابر اعظم سات نسلوں بعد بھی اچھا کپتان نہیں بن سکتا۔ پاکستانی کرکٹ کے چار پانچ سال ذائع کرنے کے بعد زیادہ سے زیادہ وہ ایک مناسب سا کپتان بن پائے گا۔ انگلینڈ کے خلاف دوسرے میچ میں جب فاسٹ باؤلرز کی پھینٹی لگنا شروع ہوئی تو اگلے آٹھ اوورز تک بابر نے کوئی ریسپانس نہیں دیا۔ حالانکہ ایک دو اوور بعد ہی اسے پارٹ ٹائم باؤلرز کی طرف جانا چاہئے تھا کیونکہ کرکٹ کی بنیادی سی بات ہے کہ جب بلے باز اکثر ایگریسیو موڈ میں ہو تو پارٹ ٹائمر اکثر نہیں کھیل پاتے۔۔۔مگر بابر۔۔۔۔

ہم فینز کا مسلہ یہ ہے کہ سب کچھ غلط ہوتے دیکھ کر بھی نہ تو کرکٹ دیکھنا بند کر سکتے ہیں نہ ہی پاکستانی ٹیم کو سپورٹ کرنا ختم کر سکتے ہیں۔۔۔ کچھ یہ ہی شرم کرلیں۔۔۔ مگر ابھی دلی بہت دور است۔۔۔

وزیرکھیل پنجاب رائے تیموربھٹی نے شہروزکاشف کے لئے نیک خواہشات کا اظہار کیا ہے، ماؤنٹ ایورسٹ سرکرنے والے شہروز کاشف آج K-2 سرکرنے کی مہم پرروانہ ہوں گے، شہروز کاشف حکومت پنجاب کے نوجوانوں کے خیر سگالی سفیر ہیں، ماؤنٹ ایورسٹ سرکرنے والے کم عمرترین پاکستانی شہروزK-2 سرکرنے والے دنیا کے کم عمرترین کوہ پیما بن جائیں گے.

وزیرکھیل پنجاب نے کہا کہ امید ہے ماؤنٹ ایورسٹ کی طرح شہروز K-2 بھی سرکرلیں گے، شہروزآپکی ہمت، جوش وولولے پرہمیں فخر ہے، اللہ تعالی اس مہم جوئی میں آپکی مدد کرے گا، ان شاللہ آپ K-2 سر کرنے والے دنیا کے کم عمرترین کوہ پیما ہوں گے، شہروز ہمارے نوجوانوں کے لئے بہادری کی روشن مثال ہیں۔

مڈل آرڈربیٹسمین حارث سہیل ہیمسٹرنگ انجری کے باعث انگلینڈ کے خلاف سیریزسے باہر ہوگئے ہیں، بدھ کو کیے جانے والے ایم آر آئی اسکین میں انکشاف ہوا ہے کہ مڈل آرڈربیٹسمین گریڈ تھری ٹیئرکا شکارہیں، وہ گزشتہ ہفتے ڈربی میں ایک پریکٹس سیشن کے دوران اس انجری کا شکار ہوئے تھے، پی سی بی کے میڈیکل پینل نے حارث سہیل کو چار ہفتے کا ری ہیب پروگرام تجویز کیا ہے، جسے مکمل کرنے پرمڈل آرڈر بیٹسمین کی انجری کا دوبارہ جائزہ لیا جائے گا۔
انگلینڈ کے خلاف ایک روزہ بین الاقوامی سیریز کے لیے قومی اسکواڈ میں منتخب ہونے والے حارث سہیل اب وطن واپس پہنچ کر نیشنل ہائی پرفارمنس سینٹر لاہورمیں اپنے ری ہیب پروگرام کا آغاز کریں گے۔
حارث سہیل کا کہنا ہے کہ وہ انگلینڈ کے خلاف ایک روزہ بین الاقوامی سیریزمیں متاثرکن کارکردگی کا مظاہرہ کرکےقومی کرکٹ ٹیم میں اپنی جگہ مستقل بنانے کے منتظر تھے، تاہم انجری کے باعث انہیں اپنا دورہ مختصر ہونے پرافسوس ہے، مگر اب وہ لاہورواپس پہنچ کر اپنے ری ہیب پروگرام کاآغازکردیں گے، تاکہ وہ ڈومیسٹک سیزن 22-2021 کے لیے خود کو تیارکرسکیں۔
پاکستان اور انگلینڈ کےمابین تین ایک روزہ اور تین ٹی ٹونٹی بین الاقوامی میچز پرمشتمل سیریزکا آغاز8 جولائی کو کارڈف سے ہوگا، قومی اسکواڈ 21 جولائی کو ویسٹ انڈیز روانہ ہوگی، جہاں اسے 5 ٹی ٹونٹی انٹرنیشنل اور2 ٹیسٹ میچز میں شرکت کرنا ہے۔
قومی کرکٹ ٹیم آج انگلینڈ کے خلاف پہلا ون ڈے انٹرنیشنل میچ کھیلے گی، پونے گیارہ بجے ہوٹل سے اسٹیڈیم روانہ ہوگی، دونوں ٹیموں کے مابین میچ کا آغاز دوپہر ایک بجے ہوگا، اس دوران قومی ٹی ٹونٹی کرکٹرزدوپہر 2 سے 4 بجے تک اپنا ٹریننگ سیشن کریں گے،
نوجوان مڈل آرڈر بیٹسمین سعود شکیل آج ڈیبیوکریں گے،صہیب مقصود کی 5 سال بعد قومی کرکٹ ٹیم میں واپسی ہعئی ہے، فائنل الیون میں امام الحق، فخرزمان، کپتان بابراعظم اور محمد رضوان، سعود شکیل، صہیب مقصود، شاداب خان اور فہیم اشرف، حسن علی، شاہین شاہ آفریدی اورحارث رؤف بھی فائنل الیون میں شامل ہیں.

25 ویں چیف آف دی نیول اسٹاف اوپن گالف چیمپیئن شپ 2021، 8 سے 11 جولائی 2021 تک کراچی گالف کلب میں کھیلی جارہی ہے، پیٹرن پاک نیوی گالف (ساوتھ)، کموڈورمحمد وقار نے آج کراچی گالف کلب میں افتتاحی تقریب سے خطاب کیا ہے، تقریب میں کمانڈر کراچی، ریئر ایڈمرل اویس احمد بلگرامی نے بطورمہمان خصوصی شرکت کی ہے.
25ویں چیف آف دی نیول سٹاف اوپن چیمپیئن شپ پروفیشنلز، سینئر پروفیشنلز، جونیئرپروفیشنل، امیچرز، سینئرز، ویٹرنز، لیڈیزاورجونیئرز کیٹیگریزمیں کھیلی جائے گی، پروفیشنلزاورامیچرزکے 72 ہولز میچز، جونیئرزکے لئے 18 ہولز میچز، خواتین اورسینئرزکے 36 ہولزمیچز اورویٹرنز کے لئے 9 ہولزکے میچزرکھے گئے ہیں، ٹورنامنٹ کی انعامی رقم 8.5 ملین روپے ہے، اس کے علاوہ ہول ان ون کے فاتح کے لئے” ٹویوٹا فارچیونر”اوردیگر کیٹیگریزکے فاتحین کیلئے بہت سارے مزید انعامات رکھے گئے ہیں۔
پاکستان گالف فیڈریشن کے کیلنڈر میں قومی سطح کے گالف ایونٹ کو شامل کرنے کے لئے 1995 میں چیف آف دی نیول اسٹاف گالف چیمپین شپ کا پہلا ایڈیشن کھیلا گیا تھا، جس کے بعد یہ قومی گالف سرکٹ کا باقاعدہ اوراہم ایونٹ بن چکا ہے، چیمپین شپ کا باقاعدہ انعقاد پاک بحریہ کی قومی سطح پر اس کھیل کے فروغ کے لئے وابستگی کا مظہر ہے۔
پاک بحریہ ہمیشہ قومی، بین الاقوامی سطح پر مختلف کھیلوں کے فروغ کے لئے سرگرم عمل رہی ہے، گالف کے علاوہ، پاک بحریہ باقاعدگی سے کھیلوں کے مقابلوں کا انعقاد کرتی رہی ہے، جس میں چیف آف دی نیول اسٹاف انٹرنیشنل اسکواش چیمپیئن شپ، چیف آف دی نیول اسٹاف اوپن ہاکی چیمپیئن شپ، چیف آف دی نیول اسٹاف شوٹنگ چیمپیئن شپ اورنیشنل سیلنگ چیمپیئن شپ شامل ہیں، پاک بحریہ نے چند سال قبل انٹرنیشنل ملٹری اسپورٹس کونسل سیلنگ چیمپیئن شپ کا انعقاد کیا تھا، جس میں 12 مختلف ممالک کی فوجی ٹیموں نے حصہ لیا تھا، 2018 میں چیف آف دی نیول اسٹاف اوپن ایشین ٹورگالف چیمپیئن شپ بھی اسی مقام پرمنعقد کی گئی تھی، ایسے کھیلوں کے انعقاد سے نہ صرف معاشرے میں صحت مندانہ سرگرمیاں متعارف کروانے میں مدد ملتی ہے بلکہ پوری دنیا میں پاکستان کا تصور ایک کھیل دوست ملک کی حیثیت سے اجاگر کرنے میں بھی مدد ملے گی، ایشین گولڈ میڈلسٹ منیرصادق، مامون صادق، ذکا اللہ، نادیہ رئیس اورکرکٹ کی دنیا کے مشہور بلے بازفخرزمان اوراولمپک کوالیفائنگ شوٹرجی ایم بشیر پاک بحریہ کے پلیٹ فارم سے بین الاقوامی سطح پرنام کمانے والے افرادمیں شامل ہیں۔
افتتاحی تقریب میں عنبرتانیہ انصاری جنرل مینیجرمارکیٹنگ اینگروکارپوریشن لمیٹڈ، اسپانسرز، معززسول فوجی حضرات اورسینئر کھلاڑیوں نے شرکت کی ہے.

پاکستانی ٹیم ورلڈکپ سپرلیگ کے پوائنٹس ٹیبل میں ترقی کا عزم لیے جمعرات کوانگلینڈ کے مد مقابل آئے گی، پاکستان اور انگلینڈ کے مابین تین ایک روزہ بین الاقوامی میچز پرمشتمل سیریز کا آغاز 8 جولائی کو کارڈف سے ہوگا۔ دونوں ممالک کے مابین یہ سیریز آئی سی سی مینز ورلڈ کپ سپرلیگ کا حصہ ہے، جو کہ آئی سی سی مینزکرکٹ ورلڈکپ 2023 کا کوالیفائنگ راؤنڈ تصورکیا جارہا ہے، ورلڈکپ سپرلیگ میں ہرمیچ جیتنے والی ٹیم کو دس پوائنٹس ملیں گے، میچ برابریا بے نتیجہ ختم ہونےکی صورت پردونوں ٹیموں میں پانچ پانچ پوائنٹس تقسیم کردئیے جائیں گے۔
فی الحال پاکستان آئی سی سی مینزورلڈکپ سپر لیگ کے پوائنٹس ٹیبل پر6 میچز کھیل کر40 پوائنٹس کے ساتھ تیسرے نمبرپر ہے، جبکہ انگلینڈ 12 میچز میں سے 6 میں فتح کے ساتھ 65 پوائنٹس ٹیبل پر سر فہرست ہے۔ اس دوران انگلینڈ کرکٹ ٹیم کا ایک میچ بے نتیجہ ختم ہوا۔ بنگلہ دیش کی ٹیم 50 پوائنٹس کے ساتھ پوائنٹس ٹیبل پر دسری پوزیشن پر موجود ہے۔
یہ بارہواں موقع ہوگا کہ پاکستان کرکٹ ٹیم میزبان ٹیم کے خلاف ان کی سرزمین پر کوئی ون ڈے انٹرنیشنل سیریزکھیلے گی، دونوں ممالک کے مابین گزشتہ سیریزمیں انگلینڈ کا ریکارڈ شاندار ہے، جس نے 11 میں سے 9 سیریز جیتیں جبکہ ایک ڈرا رہی، اس دوران پاکستان نے انگلش سرزمین پراپنی واحد سیریز 1974 میں جیتی تھی، گزشتہ سال دورہ انگلینڈ میں شامل ٹی ٹونٹی سیریز1-1 سے برابرکرنے والی پاکستان کرکٹ ٹیم کو ٹیسٹ سیریز میں شکست کا سامنا کرنا پڑا تھا، ایک روزہ بین الاقوامی کرکٹ میں پاکستان کےحالیہ اعداد وشمار متاثرکن ہیں۔
آئی سی سی مینزکرکٹ ورلڈکپ 2019 کے بعد سے اب تک پاکستان کرکٹ ٹیم نے مجموعی طو پر8 ون ڈے میچز کھیلے ہیں، جس میں سے 6 میں اس نے کامیابی حاصل کی ہے، یہی نہیں ورلڈکپ 2019 اورچیمپنزٹرافی 2017، پچاس اوورزپرمشتمل فارمیٹ کے یہ دونوں ایونٹس انگلینڈ میں کھیلے گئے تھے، ان دونوں ایونٹس میں پاکستان نے انگلینڈ کو شکست سے دوچار کیا تھا، آئی سی سی مینز کرکٹ ورلڈکپ 2019 کی فاتح انگلینڈ اورآئی سی سی چیمپئنز ٹرافی 2017 کی چیمپئن پاکستان کی ٹیم رہی تھی۔
دونوں ٹیمیں آئی سی سی چیمپئنز ٹرافی 2017 کے سیمی فائنل میں اسی میدان (صوفیہ گارڈنز کارڈف) پر مدمقابل آئی تھیں، جہاں حسن علی نے 35 رنزکےعوض 3 وکٹیں حاصل کرکے پلیئر آف دی میچ کا ایوارڈ حاصل کیا تھا، اوپنرفخرزمان نے اس میچ میں نصف سنچری اسکور کی تھی۔
پاکستان اسکواڈ میں شامل نمایاں کھلاڑی عموماََ پاکستان کے باؤلرزاپنی نپی تلی باؤلنگ سے حریف ٹیم کے بلے بازوں پردھاک بیٹھاتے ہیں، اس مرتبہ بابراعظم، محمد رضوان، فخر زمان اور امام الحق کی صورت میں پاکستان کا ٹاپ آرڈر ون ڈے کرکٹ میں پاکستان کے اسکواڈ کی سب سے نمایاں بات ہے، بابراعظم نہ صرف آئی سی سی ون ڈے انٹرنیشنل پلیئر رینکنگ میں 865 پوائنٹس کے ساتھ سرفہرست ہیں بلکہ گزشتہ 2 سال سے اب تک اس فارمیٹ میں ان کے رنز کی بنانے کی اوسط 85.00 رہی ہے۔ اس دوران انہوں نے 104.93 کے اسٹرائیک ریٹ سے رنز اسکور کیے، اپنے 6 سالہ ون ڈے انٹرنیشنل کیرئیر میں اب تک 56.83 کی اوسط سے رنز بنانے والے بابراعظم کا انگلینڈ کی ٹیم کے خلاف ریکارڈ بھی اچھا ہے۔ وہ اب تک انگلینڈ کے خلاف کھیلے گئے 16 ون ڈے میچز میں 45سے زائد کی اوسط اور 93.69 کے اسٹرائیک ریٹ سے 639رنز بناچکے ہیں۔اس میں 5 نصف سنچریاں اور ایک سنچری شامل ہے۔ اس دوران انہوں نےآخری تین ون ڈے میچز میں سے ایک سنچری اور 2 نصف سنچریاں بنا رکھی ہیں۔
اُدھر جنوبی افریقہ کے خلاف تین ون ڈے انٹرنیشنل میچز میں شامل 2سنچریاں بنانے والے فخر زمان بھی انگلش کنڈیشنز میں اور انگلش باؤلرز کے خلاف بہتر کھیل کا مظاہرہ کرتے ہیں۔ وہ اب تک انگلینڈ کے خلاف 7 میچز میں 41.85 کی اوسط اور 107.72 کے اسٹرائیک ریٹ سے 293 رنز بناچکے ہیں۔
وکٹ کیپر بیٹسمین محمد رضوان بھی اس سیریز میں پاکستان کے ٹاپ آرڈر کا ایک اہم سہارا سمجھے جائیں گے۔ وہ فی الحال محدود طرز کی کرکٹ میں اپنے ون ڈےا نٹرنیشنل کیرئیر کی شاندار فارم میں موجود ہیں۔اوپنر امام الحق بھی انگلینڈ کے خلاف اچھا ریکارڈ رکھتے ہیں۔ وہ اب تک انگلش ٹیم کے خلاف 5 ون ڈے انٹرنیشنل میچز کھیل چکے ہیں۔ اس دوران انہوں نے 92 کی اوسط ااور86.60 کے اسٹرائیک ریٹ سے رنز بنائے۔
اسی طرح ون ڈے انٹرنیشنل کرکٹ کی آئی سی سی پلیئرز رینکنگ میں 12ویں نمبر پر موجود فاسٹ باؤلرشاہین شاہ آفریدی گزشتہ 10 میچز میں 25 وکٹیں حاصل کرکے پاکستان کی باؤلنگ لائن اپ کا سب سے خطرناک ہتھیار ہیں۔ شا ہین کی ون ڈے کیریئر کی بہترین باؤلنگ بھی انگلینڈ میں ہے، جہاں انہو ں نے بنگلا دیش کے خلاف 35 رنز دے کر6 وکٹیں حا صل کیں ہیں.