Category: کھیل

پاکستان کرکٹ بورڈ کے بورڈ آف گورنرز کے اجلاس کی تاریخ کا اعلان جاری

باغی ٹی وی :پاکستان کرکٹ بورڈ کے بورڈ آف گورنرز کا 59واں اجلاس 9 نومبر بروز پیر کو نیشنل ہائی پرفارمنس سنٹر لاہور میں منعقد ہوگا۔

اجلاس میں جن امور پر تبادلہ خیال کیا جائے گا، ان میں سے چند مندرجہ ذیل ہیں:چیئرمین اور چیف ایگزیکٹو کی رپورٹس
• پاکستان کرکٹ ٹیم کی کارکردگی کا جائزہ
• مالی سال 20-2019 کے آڈٹ شدہ اکاؤنٹس کی منظوری
• نومینیشن کمیٹی کی تجاویز
• ایچ بی ایل پی ایس ایل 2020 کے بقیہ چار میچز پر اپ ڈیٹ

اجلاس کے اختتام پر پی سی بی اس کی کاروائی سے متعلق تفصیلات جاری کردے گا۔

پاکستان کے دورے پر آنے والا جنوبی افریقہ کا وفد اب ہوگا واپس روانہ

باغی ٹی وی : پاکستان کے دورے پر آنے والا جنوبی افریقہ کا وفد ہفتے کی صبح وطن روانہ ہوجائے گا۔دورے کے آخری مرحلے میں کرکٹ جنوبی افریقہ کے چار رکنی وفد نے لاہور میں مصروف دن گزارا۔مہمان وفد نے مائیک گیجر کی قیادت میں نیشنل ہائی ہرفارمنس سیںتر اور قذافی اسٹیڈیم کا دورہ کیا۔
ڈائریکٹر انٹرنیشنل کرکٹ پی سی بی ذاکر خان نے وفد کو اسٹیڈیم کا دورہ کروایا۔ وفد کو نیشنل ہائی پرفارمنس سنٹر میں کھلاڑیوں کی کوویڈ ٹیسٹنگ کے حوالے سے ڈائریکٹر میڈیکل اینڈ اسپورٹس سائنسز پی سی بی ڈاکٹر سہیل سلیم نے بریفنگ دی۔وفد کو بائیو سیکیور ماحول کے طریقہ کار پر بھی اپ ڈیٹ کیاگیا۔اس سے پہلے سکیورٹی امورز پر بھی وفد کی متعلقہ حکام سے ملاقاتیں ہوئیں ۔جنوری کے دوسرے ہفتے میں جنوبی افریقہ کی پاکستان آمد کا پلان یے جس کے دوران دو ٹیسٹ اور تین ٹی ٹوئنٹی میچز کھیلے جائیں گے۔سکیورٹی وفد کی رپورٹ کے بعد دوسرے تمام معاملات کو حتمی شکل دی جائے گی۔

ویسٹ انڈیز کرکٹ اسکواڈ کی دوسری کورونا وائرس ٹیسٹنگ رپورٹ آگئی

باغی ٹی و ی : کرونا وائرس کا ڈر اب بھی سوار ہے . ویسٹ انڈیز کرکٹ اسکواڈ کی دوسری کورونا وائرس ٹیسٹنگ رپورٹ بھی منفی آگئی ہے۔کرائسٹ چرچ میں ویسٹ انڈیز اسکواڈ کی دوسری ٹیسٹنگ آئسولیشن کے 6 روز مکمل ہونے پر کی گئی جبکہ اسکواڈ کی تیسری اور آخری ٹیسٹنگ 12ویں روز ہوگی۔

نیوزی لینڈ کرکٹ کا کہنا ہے کہ ویسٹ انڈیز کرکٹ اسکواڈ کی تیسری ٹیسٹنگ بھی منفی آنے کے دو روز بعد آئسولیشن ختم ہو گی۔ادھر نیشنل انڈر 19 ون ڈے چیمپئن شپ کے کامیاب انعقاد کے بعد اب نیشنل انڈر19 تھری ڈے ٹورنامنٹ کا آغاز 5 نومبر سے ہوگا، جہاں 6 کرکٹ ایسوسی ایشنز کے باصلاحیت انڈر19 کرکٹرز ریڈ بال کرکٹ مقابلوں کے دوران ایکشن میں نظر آئیں گے۔ اس سلسلے میں یکم ستمبر2001 یا اس کے بعد پیدا ہونے والے کھلاڑیوں کے درمیان تین روزہ طرز کی کرکٹ کے مقابلے لاہور، مریدکے اور شیخوپورہ میں کھیلے جائیں گے۔

زمبابوے پاکستان کے خلاف کتنے ٹی 20 میچز جیتا

باغی ٹی وی رپورٹ کے مطابق : ایک روزہ میچ کی سیریز کے بعد اب پاکستان زمبابوے کے خلاف ٹی 20 میچ کھیلنے جا رہی ہے . زمبابوے کرکٹ ٹیم پاکستان کے خلاف تاحال سنگل ٹی 20 میچ بھی نہیں جیت سکی ہے،اب تک کھیلے گئے تمام 11میچز پاکستان نے جیتے ہیں،اس طرح مہمان ٹیم راولپنڈی میں ایک بڑی ٹیم کے خلاف ٹی 20 ڈیبیو فتح کی منتظر ہے۔کمال بات یہ بھی ہے کہ ٹی 20 میں پاکستان زمبابوے کے خلاف ناقابل شکست رہنے کے باوجود کبھی بھی اپنے مجموعہ کو ڈبل سنچری میں تبدیل نہیں کرسکا ہے اور اس کا بڑے سے بڑا مجموعہ 198رنزکا رہا ہے۔ان میچز میں سے2مقابلے 22سے 24مئی 2015کو لاہور میں ہوئے جو پاکستان نے جیت لئے۔8میچز ہرارے میں کھیلے گئے جن میں میزبان ٹیم ناکام رہی،12 اکتوبر 2008کومقابلوں کی تاریخ شروع ہوئی اور آخری میچ4جولائی 2018کو ہرارے میں ہوا،ہر بار پاکستان کامیاب رہا۔

زمبابوے ٹیم ٹی 20 انٹر نیشنل میں آسٹریلیا،بھارت،ویسٹ انڈیز اور بنگلہ دیش جیسی ٹیموں کو ہراچکی ہے ،اگر چہ وہ پاکستان کے ساتھ انگلینڈ،جنوبی افریقا،نیوزی لینڈ اور سری لنکا سے بھی جیت ہیں سکی لیکن یہ بھی یاد رہے کہ ان ٹیموں کے خلاف پاکستان کے 11میچز کے مقابلے میں اس نے کہیں کم میچز کھیل رکھے ہیں اس لئے پاکستان کا ریکارڈ تو شاندار ہے لیکن خطرہ اپنی جگہ موجود رہےگا۔
پاکستان اور زمبابوے کے درمیان 3 ٹی20 میچز کی سیریز کا پہلا میچ 7نومبر کوراولپنڈی میں کھیلا جائے گا،راولپنڈی میں زمبابوے کے آخری ون ڈے میچ جیتنے کے باعث کرکٹ تیزی بڑھ گئی ہے اور ریکارڈ اتھل پتھل ہونے کا خطرہ موجود ہے