Baaghi TV

Category: کرونا اپڈیٹس

  • کورونا وبا:مزید 30 افراد جاں بحق

    کورونا وبا:مزید 30 افراد جاں بحق

    اسلام آباد: پاکستان سمیت دنیا بھر میں کورونا کے وار تیزی سے جاری، پاکستان میں عالمی وبا کورونا وائرس سے مزید 30 افراد جاں بحق ہو گئے-

    باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 68 ہزار624 کورونا ٹیسٹ کیے گئے مزید 8 ہزار183 کورونا کیسز رپورٹ ہوئے۔

    یکم فروری سے ڈنمارک میں تمام کورونا پابندیاں ختم کردیں گے:وزیراعظم کا اعلان

    این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 14 لاکھ 10 ہزار 33 جبکہ اموات کی مجموعی تعداد 29 ہزار 167 ہو گئی ہے اور مثبت کیسز کی شرح 11.92 فیصد رہی اس کے علاوہ 1353 مریضوں کی حالت تشویشناک ہے۔

    سندھ میں عالمی وبا قرار دیئے جانے والے کورونا وائرس کے مزید دو ہزار111 کیسز رپورٹ ہوئے ہیں جس کے بعد صوبے میں کورونا کیسز کی تعداد بڑھ کر 5 لاکھ 35 ہزار 835 ہو گئی ہے۔

    کورونا پھرسراٹھانےلگا: پمز اسپتال اسلام آباد کے 260 ڈاکٹرز اور نرسز کورونا میں مبتلا

    وزیراعلیٰ سندھ سید مراد علی شاہ نے کورونا کے تازہ ترین اعداد و شمار کے حوالے سے بتایا ہے کہ صوبے میں کورونا سے مزید 15 افراد اپنی جان کی بازی ہار گئے ہیں جس کے بعد سندھ میں کورونا سے ہونے والی کل اموات کی تعداد 7 ہزار 800 ہو گئی ہے۔

    سید مراد علی شاہ کے مطابق سندھ میں اس وقت کورونا کے 382 مریضو ں کی حالت تشویشناک ہے جب کہ صوبے میں کورونا کے 25 مریض وینٹی لیٹرز پر زیر علاج ہیں جبکہ کراچی میں کورونا کے مزید 1568 کیسزرپورٹ ہوئے ہیں جس کے بعد شہر قائد میں کورونا کیسز کی تعداد بڑھ کر تین لاکھ 50 ہزار849 ہو گئی ہے۔

    امریکا نے16ممالک کوخطرناک قراردیا

    دوسری جانب وفاقی دارالحکومت اسلام آباد کے مزید 14 تعلیمی اداروں میں کورونا کیسز کی شناخت کے بعد انہیں سیل کرنے کی تجویز دے دی گئی ہے گزشتہ روز کورونا کے مزید ایک ہزار 550 نئے کیسز کی شناخت ہوئی کورونا مثبت کیسز کی شرح 17.13 فیصد ہو گئی ہے۔وفاقی دارالحکومت میں کورونا کے ایکٹو کیسز کی تعداد 12 ہزار 145 تک پہنچ گئی ہے جس کے بعد ڈی ایچ او اسلام آباد نے مزید کورونا کیسز کی شناخت ہونے کے بعد شہر کے مزید 14 تعلیمی اداروں کو سیل کرنے کی سفارش کردی ہے۔

    کورونا پابندیوں میں 15 فروری تک توسیع

  • امریکا نے16ممالک کوخطرناک قراردیا

    امریکا نے16ممالک کوخطرناک قراردیا

    واشنگٹن :امریکا نے16ممالک کوخطرناک قراردیا،اطلاعات کے مطابق امریکی مرکز برائے تحفظ وانسداد امراض نے یونان، آئرلینڈ، لیبیا، ایران سمیت سولہ ممالک کے لیے کورونا کے باعث سیاحت پر پابندی لگادی ہے اور انہیں خطرناک ممالک قرار دیا ہے۔

    کورونا کی پانچویں لہر اور اومیکرون کے تیز پھیلاؤ نے دنیا بھر میں ایک بار پھر خوف کے سائے گہرے کردیے ہیں اور ممالک دوبارہ مختلف نوعیت کی پابندیوں کی طرف جارہے ہیں۔

    امریکا نے بھی کورونا کی پانچویں لہر کے پھیلاؤ کے باعث 16 ممالک کو خطرناک ملک کی فہرست میں شامل کردیا ہے۔

    جن ممالک کو اس فہرست میں شامل کیا گیا ہے ان میں یونان، ایران، اندورا، قازقستان، آئرلینڈ، لیبیا، مالٹا، لیسوتھو، جبل طارق، غواڈالوپ، کوراکاؤ، آئل آٖف مین، مارٹینیق، سینٹ بارتھلیمی، امریکی جزائر ورجن اور سینٹ مارٹن سمیت دیگر ممالک شامل ہیں۔

    ان ممالک کے حوالے سے امریکی مرکز برائے تحفظ انسداد امراض نے انتباہ جاری کیا ہے جس میں انہیں خطرناک ممالک قرار دیتے ہوئے ان ممالک کے لیے سیاحت کی پابندی لگائی گئی ہے۔

  • پاکستان:کورونا نے مزید 30 زندگیاں نگل لیں، 8183 کیسز رپورٹ:دنیا بھرمیں 65 لاکھ سے زائد افراد جانبحق

    پاکستان:کورونا نے مزید 30 زندگیاں نگل لیں، 8183 کیسز رپورٹ:دنیا بھرمیں 65 لاکھ سے زائد افراد جانبحق

    پاکستان میں عالمی وبا کورونا کے باعث گزشتہ 24 گھنٹوں کے دوران مزید 30 افراد انتقال کر گئے اور 8183 نئے مریض بھی سامنے آئے۔

    پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 68624 ٹیسٹ کیے گئے جس میں سے 8183 افراد میں کورونا وائرس کی تصدیق ہوئی جبکہ وائرس سے مزید 30 افراد انتقال کر گئے۔

    سرکاری پورٹل کے مطابق گزشتہ 24 گھنٹوں کے دوران ملک میں کورونا کے مثبت کیسز کی شرح 11.92 فیصد رہی۔

    این سی او سی کے اعداد و شمار کے مطابق ملک بھر میں کورونا سے اموات کی تعداد 29192 ہو چکی ہے جبکہ متاثرہ افراد کی تعداد 14 لاکھ 2 ہزار 70 تک پہنچ چکی ہے۔

    اس کے علاوہ گزشتہ 24 گھنٹوں کے دوران 1786 افراد کورونا سے صحتیاب بھی ہوئے جس کے بعد ملک میں وبا سے شفایاب ہونے والے افراد کی تعداد 12 لاکھ 74 ہزار 657 ہو گئی ہے۔

    اس سے پہلے نیشنل کمانڈ اینڈ آپریشن سینٹر (این سی او سی) برائے تدارک کورونا نے کورونا ایس او پیز پر عمل درآمد اور عائد شدہ پابندیوں میں 15 فروری تک توسیع کردی۔ کورونا مثبت کیسز کی 10 فیصد یا اس سے زائد شرح والےعلاقوں میں پابندیاں برقراررہیں گی۔

    ملک میں بڑھتے کورونا کیسز کے باعث پہلے سے عائد پابندیوں میں 15 فروری تک توسیع کردی گئی ہے جو پہلے 31 جنوری تک تھی۔ 10 فیصد سے زیادہ کورونا مثبت شرح والے شہروں میں اِن ڈور تقریبات ، ڈائن ان پر پابندی 15 فروری تک برقرار رہے گی ۔

    اندرون ملک فضائی سفرکےدوران کھانے اور اسنیکس کی فراہمی پر بھی پرمکمل پابندی ہوگی۔

    تعلیمی سرگرمیاں محدود کرنے اور 12 سال سے کم عمر بچوں کو متبادل دن اسکول بھیجنے کی شرط میں بھی 15 فروری تک توسیع کردی گئی ہے۔

    10 فیصد سے کم مثبت کیسز والے شہروں میں ان ڈور تقریبات میں 300 ویکسین شدہ افراد شرکت کر سکیں گے جبکہ آؤٹ ڈور تقریبات میں 500 ویکسین شدہ افراد کو شرکت کی اجازت ہو گی۔

    یاد رہے کہ دنیا بھر میں دنیا بھر میں کرونا سے متاثرین کی تعداد364,661,000ہو چکی ہےجبکہ دنیا بھر میں اموات کی تعداد :5,649,128صحت مند افراد کی تعداد 288,477,521ہوچکی ہے جکہ ، امریکہ میں متاثرین کی تعداد 74,176,403.,,چین متاثرین105,811,،،،برطانیہ 16,245,474,,

  • کورونا پھرسراٹھانےلگا: پمز اسپتال اسلام آباد کے 260 ڈاکٹرز اور نرسز کورونا میں مبتلا

    کورونا پھرسراٹھانےلگا: پمز اسپتال اسلام آباد کے 260 ڈاکٹرز اور نرسز کورونا میں مبتلا

    پاکستان میں کورونا کی پانچویں لہر کے وار جاری ہیں اور اسلام آباد کے پمز اسپتال کے 260 ڈاکٹرز اور نرسز کورونا میں مبتلا ہو گئے ہیں۔

    حکام کا کہنا ہے کہ بڑی تعداد میں عملہ کورونا کا شکار ہونے کے باعث پمز اسپتال میں او پی ڈیز کے اوقات کار کم کر دیے گئے ہیں اور ایس او پیز پر سختی سے عمل درآمد کرایا جا رہا ہے۔

    ڈسٹرکٹ ہیلتھ آفیسر (ڈی ایچ او) زعیم ضیاء کا کہنا ہے کہ اسلام آباد میں ایک روز میں 1550 افراد میں کورونا کی تشخیص ہوئی اور مثبت کیسز کی شرح 17.13 فیصد تک پہنچ گئی ہے۔

    دوسری جانب پولی کلینک اسپتال راولپنڈی میں او پی ڈی 31 جنوری تک بند کر دی گئی ہے جبکہ کورونا کیسز میں اضافے کے باعث راولپنڈی کے مختلف علاقوں میں لاک ڈاؤن لگانے کا فیصلہ کیا گیا ہے۔

    پاکستان میں عالمی وبا کورونا کے باعث گزشتہ 24 گھنٹوں کے دوران مزید 30 افراد انتقال کر گئے اور 8183 نئے مریض بھی سامنے آئے۔

    پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 68624 ٹیسٹ کیے گئے جس میں سے 8183 افراد میں کورونا وائرس کی تصدیق ہوئی جبکہ وائرس سے مزید 30 افراد انتقال کر گئے۔

    سرکاری پورٹل کے مطابق گزشتہ 24 گھنٹوں کے دوران ملک میں کورونا کے مثبت کیسز کی شرح 11.92 فیصد رہی

  • یکم فروری سے ڈنمارک میں تمام کورونا پابندیاں ختم کردیں گے:وزیراعظم کا اعلان

    یکم فروری سے ڈنمارک میں تمام کورونا پابندیاں ختم کردیں گے:وزیراعظم کا اعلان

    ڈنمارک :یکم فروری سے ڈنمارک میں تمام کورونا پابندیاں ختم کردیں گے:وزیراعظم کا اعلان،اطلاعات کے مطابق ڈنمارک کی وزیراعظم نے اعلان کیا ہے کہ بہت جلد اسی ہفتے کے اختتام تک ملک کو ہر قسم کی کورونا پابندیوں سے آزاد کردیں گے اور اس کے بعد تمام شہری بھی معمول کی زندگی کی طرف لوٹ آئیں گے

    اس حوالے سے ڈنمارک کی وزیر اعظم میٹ فریڈرکسن نے وبائی کمیشن کی سفارشات کے بعد اور تمام اہم سیاسی جماعتوں کی حمایت کے ساتھ ایک پریس کانفرنس میں کہا۔ آخری پابندیاں یکم فروری کو ہٹا دی جائیں گی۔

    یہ اعلان ایسے وقت میں سامنے آیا ہے جب Omicron کا ایک نیا ذیلی قسم، BA.2، ڈنمارک میں قدم جما رہا ہے اور بدھ کو 46,000 نئے COVID-19 کیسز کے ساتھ انفیکشنز کو بڑھا رہا ہے۔

    فریڈرکسن نے کہا، "حالیہ ہفتوں میں انفیکشن کی شرح بہت زیادہ دیکھی گئی ہے، حقیقت میں پوری وبائی بیماری میں سب سے زیادہ ہے۔” "لہذا، یہ عجیب اور متضاد معلوم ہوسکتا ہے کہ اب ہم پابندیوں کو چھوڑنے کے لیے تیار ہیں۔”

    وزیر صحت میگنس ہیونیک نے مزید کہا: "ڈنمارک کی صورتحال یہ ہے کہ ہمارے پاس انفیکشنز اور انتہائی نگہداشت کے مریضوں کے درمیان یہ فرق ہے، اور اس کی بنیادی وجہ یہ ہےکہ حکومت کے پاس کورونا سے نمٹنے کے لیے زبردست حفاظتی انتظآمات موجود ہیں‌

    ڈینش ہیلتھ اینڈ میڈیسن اتھارٹی کے مطابق، ڈنمارک کی تقریباً 82 فیصد آبادی کو مکمل طور پر دو خوراکوں سے ٹیکہ لگایا گیا ہے، جن میں سے 50 فیصد کو تیسری خوراک بھی دی جارہی ہے

  • کورونا پابندیوں میں 15 فروری تک توسیع

    کورونا پابندیوں میں 15 فروری تک توسیع

    اسلام آباد: این سی او سی نے ملک بھر میں عائد کورونا پابندیوں میں 15 فروری تک توسیع کردی۔

    باغی ٹی وی : این سی او سی ذرائع کے مطابق ملک بھر میں کورونا ایس او پیز کا جائزہ لینے کے لیے اجلاس منعقد ہوا اجلاس میں فیصلہ کیا گیا کہ کورونا وائرس کی نئی لہر کے حوالے سے عائد پابندیاں 15 فروری تک بڑھادی جائیں 10 فیصد یا زائد مثبت کیسز والےعلاقوں میں ہرقسم کی انڈور تقریبات پر مکمل پابندی ہوگی۔ 10 فیصد مثبت کیسز والے علاقوں میں آؤٹ ڈور میں 300 ویکیسن شدہ افراد کو داخلے کی اجازت ہو گی۔

    اومی کرون کورونا کا آخری ویریئنٹ نہیں،مزید نئی نئی شکلیں سامنے آئیں گی،اقوام…

    اجلاس میں فیصلہ کیا گیا کہ اسی طرح 12 سال سے زائد عمر کے اسٹوڈنٹس کی مکمل حاضری ہوگی جبکہ 12 سال سے زائد عمر کے طالب علموں کے لیے ویکسی نیشن لازمی قرار دی گئی ہے اور 12 سال سے کم عمر اسٹوڈنٹس 3 دن 50 فیصد آئیں گے۔

    کورونا اور نزلے پر قابو پانے کے لئے کیپسول تیار

    دوسری جانب کورونا کیسز کے باعث راولپنڈی کے 6 علاقوں میں اسمارٹ لاک ڈاؤن کا اعلان کر دیا گیا ترجمان ضلعی انتظامیہ کے مطابق اسمارٹ لاک ڈاؤن ڈپٹی کمشنر راولپنڈی کی درخواست پر نافذ کیا گیا جو 2 فروری تک نافذ العمل رہے گا۔

    کوویڈ ویکسین کی معیاد ختم ہونے سے متعلق تمام خبریں جھوٹی ہیں،جھوٹوں کے خلاف…

    گلی نمبر 6 شمس آباد، گلی نمبر 3 ریس کورس روڈ ، گلی نمبر 4 خان ایونیو چکلالہ سکیم تھری، گلی نمبر 7 اور 8 محمدی سٹی مسلم ٹاؤن، گلی نمبر 18 سکیم تھری میں اسمارٹ لاک ڈاون لگایا گیا۔

    اس کے علاوہ گلی نمبر 27 واہ ماڈل ٹاون فیز ٹو ٹیکسلا میں بھی اسمارٹ لاک ڈاون لگایا گیا، متاثرہ علاقوں میں مارکیٹس، شاپنگ مالز، ریسٹورنٹس بند رہیں گے۔

    ایکسرے سے چند منٹوں میں کورونا کی 98 فیصد درست تشخیص کرنے کا کامیاب تجربہ

  • پاکستان میں کورونا سے مزید 25 افراد جاں بحق

    پاکستان میں کورونا سے مزید 25 افراد جاں بحق

    اسلام آباد: پاکستان میں کورونا وائرس سے مزید 25 افراد جاں بحق ہو گئے-

    باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں63 ہزار 272 کورونا ٹیسٹ کیے گئے مزید 7 ہزار 539 کورونا کیسز رپورٹ ہوئے۔

    کورونا وبا:پاکستان میں 5 ہزار سے زائد جبکہ فرانس میں 5 لاکھ سے زائد کیسز رپورٹ

    این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 13 لاکھ 93 ہزار 887 جبکہ اموات کی مجموعی تعداد 29 ہزار 162 ہو گئی ہے اور مثبت کیسز کی شرح 11.91 فیصد رہی۔

    کورونا وبا:مزید 17 افراد جاں بحق،6 ہزار 357 کورونا کیسز رپورٹ

    سندھ میں کورونا کیسز کی تعداد 5 لاکھ 33 ہزار 496، خیبر پختونخوا میں ایک لاکھ 87 ہزار 983، پنجاب میں 4 لاکھ 69 ہزار 540 ، اسلام آباد میں ایک لاکھ 22 ہزار 098 ، بلوچستان میں 34 ہزار 131 ، آزاد کشمیر میں 36 ہزار 082 اور گلگت بلتستان میں 10 ہزار 557 ہو گئی ہے۔

    وسیم اکرم سمیت پشاور زلمی کے دو کھلاڑی کورونا کا شکار ہوگئے

    اب تک کورونا کے سبب سب سے زیادہ اموات پنجاب میں ہوئی ہیں جہاں 13 ہزار 126 افراد جان کی بازی ہار چکے ہیں جبکہ سندھ میں 7 ہزار 765، خیبرپختونخوا 5 ہزار 986، اسلام آباد 979، گلگت بلتستان 187، بلوچستان میں 367 اور آزاد کشمیر میں 752 افراد جان کی بازی ہار چکے ہیں۔

    اومی کرون کورونا کا آخری ویریئنٹ نہیں،مزید نئی نئی شکلیں سامنے آئیں گی،اقوام متحدہ

  • ثبوت نہیں تھے تو آپ گرفتار کیسے کرتے ہیں؟ قائمہ کمیٹی کا نیب سے استفسار

    ثبوت نہیں تھے تو آپ گرفتار کیسے کرتے ہیں؟ قائمہ کمیٹی کا نیب سے استفسار

    ثبوت نہیں تھے تو آپ گرفتار کیسے کرتے ہیں؟ قائمہ کمیٹی کا نیب سے استفسار
    چیئرمین رانا تنویر کی زیر صدارت پبلک اکاؤنٹس کمیٹی کا اجلاس ہوا

    چیئرمین نیب جسٹس ریٹائرڈ جاوید اقبال ایک بار پھر میٹنگ میں غیر حاضر .چیئرمین کمیٹی رانا تنویر نے کہا کہ چیئرمین نیب کو کورونا ہو گیا ، انہوں نے خط لکھا ہے،چیئرمین نیب نے کمیٹی اجلاس کو 15 دن موخر کرنے کا کہا، پبلک اکاؤنٹس کمیٹی کا اجلاس موخر نہیں ہو سکتا،چیئرمین نیب کو آج پی اے سی اجلاس میں ریکور 821 ارب روپے پربریفنگ دینا تھی، چیئرمین نیب نے اس سے پہلے میٹنگ میں آنے سے کئی بار انکار کیا ہے

    اجلاس میں مشاہد حسین اورایاز صادق وڈیو لنک پر موجود تھے، ڈی جی نیب نے کمیٹی اجلاس میں شرکا کو بریفنگ دی، نیب حکام نے قائمہ کمیٹی میں بتایاکہ سب سے زیادہ ریکوریاں راولپنڈی سے 294 ارب روپے کی گئی، نیب نے سب سے کم ریکوریاں بلوچستان سے 51 کروڑ روپے کی کیں،لاہور سے 84ارب 17 کروڑ، کراچی سے 88 ارب 28 کروڑ روپے ریکور کیے،خیبر پختونخوا سے 3 ارب 43 کروڑ ، ملتان سے 4 ارب 37 روپے ریکور کیے، نیب نے سکھر سے25 ارب 82 کروڑ روپے کی ریکوریاں کی،سالانہ بنیادوں پر نیب نے 2020 میں زیادہ 313 ارب روپے سے زائد ریکور کیے نیب نے 2019 میں 112 ارب، 40 کروڑ 2021 میں 26 ارب ریکور کیے

    رکن کمیٹی ایاز صادق نے کہا کہ ان ڈائریکٹ وصول کی گئی رقم کی تفصیل دیں،رانا تنویر نے کہا کہ تمام تفصیلات ڈی جی نیب بتا دیں گے،ایاز صادق نے کہا کہ یہاں سٹولن ایسٹ لکھا ہے، یہ کون سی چوری کی گئی رقم ہے،رانا تنویر نے کہا کہ جو نظر آ رہا ہے زیادہ تر پیسے ہاوسنگ سوسائٹیز سے ریکور کیے گئے ہیں،سرکاری ملازمین، بیوروکریٹ یا سیاست دانوں سے کتنے پیسے ریکور کیے؟ نوید قمر نے کہا کہ آپ کے پاس ثبوت تو ہوتے نہیں ، لوگوں کو جیل میں کئی سال بند کر کے رکھتے ہیں،لوگوں کو بغیر ثبوت کے کئی کیسز میں نیب گھسیٹتی ہے، رانا تنویر نے کہا کہ اگر آپ کے پاس شروع میں ثبوت نہیں تھے تو آپ گرفتار کیسے کرتے ہیں؟ نیب نے عدالتوں میں خود بتایا کہ وارنٹ جاری نہ ہونے کے باوجود افراد کو گرفتار کیا،

    قبل ازیں ترجمان نیب کا کہنا ہے کہ چیئرمین نیب جاوید اقبال کورونا میں مبتلا ہوگئے چیئرمین نیب جاوید اقبال نے خود کو گھر میں قرنطینہ کر لیا

    کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

    پنجاب کے صوبائی دارلحکومت لاہور میں خواجہ سرا بھی محفوظ نہ رہے

    بااثر افراد کا خواجہ سراؤں پر تشدد، کپڑے اتارنے پر کیا مجبور، ویڈیو وائرل،عزت کا سودا نہیں کریںگے،خواجہ سرا

    خواجہ سرا کے گھر گھس کر گھناؤنا کام کرنے والے 2 ملزمان گرفتار

    خواجہ سراؤں کے حقوق کیلئے قانون سازی، خواجہ سرا کمیونٹی نے اجلاس بلا کر اہم فیصلے کر لئے

    خواجہ سرا مشکلات کا شکار،ڈی چوک میں احتجاج،پشاورمیں "ریپ” کی ناکام کوشش

    خواجہ سرا کے روٹھنے پر خود کو آگ لگانے والا پریمی ہسپتال منتقل

    خواجہ سرا پر تشدد کرنے والے ملزمان گرفتار

    خواجہ سراؤں کو ملازمتوں میں کوٹہ مقرر کرنے کا مطالبہ سامنے آ گی

    خواجہ سرا کا یہ کام دوسروں کیلئے مشعل راہ ہے،لاہور ہائیکورٹ

    پنجاب کے شہر میں دو خواجہ سراؤں کو گھر میں گھس کر گولیاں مار دی گئیں

    نیب پراسیکیوٹر کورونا میں مبتلا،اہم کیس کی سماعت ملتوی

  • کورونا وبا:پاکستان میں 5 ہزار سے زائد جبکہ فرانس میں 5 لاکھ سے زائد کیسز رپورٹ

    کورونا وبا:پاکستان میں 5 ہزار سے زائد جبکہ فرانس میں 5 لاکھ سے زائد کیسز رپورٹ

    اسلام آباد: پاکستان سمیت دنیا بھر میں کورونا کے وار تیزی سے جاری، پاکستان میں عالمی وبا کورونا وائرس سے مزید 15 افراد جاں بحق ہو گئے-

    باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 51 ہزار 63 کورونا ٹیسٹ کیے گئے مزید 5 ہزار196 کورونا کیسز رپورٹ ہوئے۔

    کورونا اور نزلے پر قابو پانے کے لئے کیپسول تیار

    این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 13 لاکھ 86 ہزار 348 جبکہ اموات کی مجموعی تعداد 29 ہزار 137 ہو گئی ہے اور مثبت کیسز کی شرح 10.17 فیصد رہی۔

    پشاور میں گزشتہ 24 گھنٹے میں 454 کیسز رپورٹ،20 فیصد شرح ریکارڈ، کورونا مثبت کیسز کی شرح4.5 فیصد سے زائد ریکارڈ جبکہ 3 اموات رپورٹ ہوئیں-

    اومی کرون کورونا کا آخری ویریئنٹ نہیں،مزید نئی نئی شکلیں سامنے آئیں گی،اقوام متحدہ

    دوسری جانب فرانس میں پہلی مرتبہ 24 گھنٹے میں 5 لاکھ سے زائد کورونا کیسز رپورٹ ہوئے ہیں 24 گھنٹے میں 364 اموات رپورٹ ہوئیں جبکہ مجموعی اموات کی تعداد ایک لاکھ 29 ہزار 386 ہو گئی ہیں فرانس میں اس وقت کسی بھی بڑے یورپی ملک میں روزانہ انفیکشن کی سب سے زیادہ شرح ریکارڈ کر رہا ہے، پچھلے ہفتے کے دوران اوسطاً 3 لاکھ 60 ہزار سے زیادہ ہے۔

    سرکاری اعداد و شمار کے مطابق فرانس بھر میں 30 ہزار سے زائد افراد کورونا وائرس کی وجہ سے اسپتالوں میں زیر علاج ہیں، جو نومبر 2020 سے کورونا سے بیمار ہونے کی سب سے بڑی تعداد ہے۔

    کوویڈ ویکسین کی معیاد ختم ہونے سے متعلق تمام خبریں جھوٹی ہیں،جھوٹوں کے خلاف کاروائی کا مطالبہ

    فرانس میں اب کورونا وائرس کی منفی رپورٹ دکھانا لازمی نہیں ہو گی، اگر آپ کو تفریحی مقامات میں جانا ہےتو ویکسین کی دونوں ڈوز لگوانے کا ثبوت دینا ہوگا فرانس کی 77 فیصد سے زیادہ آبادی کو کوویڈ ویکسین کے دو شاٹس دئیے جا چکے ہیں۔

    فرانس موجودہ لہر سے کس طرح ابھرتا ہے اسے اپریل کے صدارتی انتخابات میں اہم سمجھا جارہا ہے، جس میں صدر ایمانوئل میکرون کے انتخاب میں حصہ لینے کی بڑے پیمانے پر توقع کی جارہی ہے تاہم انہوں نے ابھی تک اپنی امیدواری کا اعلان نہیں کیا ہے۔

    برطانیہ کا کورونا پابندیوں میں نرمی کا اعلان

  • وسیم اکرم سمیت پشاور زلمی کے دو کھلاڑی کورونا کا شکار ہوگئے

    وسیم اکرم سمیت پشاور زلمی کے دو کھلاڑی کورونا کا شکار ہوگئے

    کراچی: ایچ بی ایل پی ایس ایل کی فرنچائز کراچی کنگز کے صدر وسیم اکرم، پشاور زلمی کے کپتان وہاب ریاض اور حیدر علی کورونا وائرس کا شکار ہوگئے۔

    باغی ٹی وی : تفصیلات کے مطابق قومی کرکٹ ٹیم کے سابق کپتان اور ایچ بی ایل پی ایس ایل کی ٹیم کراچی کنگز کے صدر وسیم اکرم کے بھی کورونا وائرس میں مبتلا ہونے کی اطلاعات سامنے آئی ہیں-

    ممبر قومی اسمبلی مرتضی جاوید عباسی کورونا کا شکار :وزیراعظم نےکورونا کےباعث…

    تاہم اس حوالے سے کراچی کنگز کے ترجمان نے سابق قومی کپتان کے کورونا ٹیسٹ کے نتائج کی تصدیق یا تردید سےا نکار کرتے ہوئے مؤقف اختیار کیا ہے کہ یہ پی سی بی کا واحد استحقاق ہے۔

    جبکہ ذرائع کا کہنا ہے کہ کورونا رپورٹ مثبت آنے پر وسیم اکرم نے خود کو قرنطینہ کرلیا ہے۔

    اومی کرون کورونا کا آخری ویریئنٹ نہیں،مزید نئی نئی شکلیں سامنے آئیں گی،اقوام متحدہ

    دوسری جانب پشاور زلمی کے کپتان وہاب ریاض بھی مبینہ طور پر کورونا کا شکار ہوگئے جب کہ نوجوان بیٹسمین حیدر علی کا بھی ٹیسٹ مثبت آنے کی اطلاعات سامنے آئی ہیں۔

    یاد رہے کہ پی ایس ایل سیون کا آغاز 27 جنوری سے ہوگا جو 27 فروری تک جاری رہے گا۔ اس دوران ایونٹ کا پہلا مرحلہ کراچی میں کھیلا جائے گا جس میں شرکت کے لیے نیشنل اور انٹرنیشنل کھلاڑیوں کی آمد کا سلسلہ جاری ہے ایونٹ کے 15 میچز کراچی جبکہ 19 میچز لاہور میں کھیلے جائیں گے۔

    کورونا وبا:مزید 17 افراد جاں بحق،6 ہزار 357 کورونا کیسز رپورٹ

    گزشتہ روز پاکستان کرکٹ بورڈ (پی سی بی) نے پشاور زلمی کے 2 دیگر کھلاڑیوں کا کورونا ٹیسٹ مثبت آنے کی تصدیق کی تھی پی سی بی اعلامیے کے مطابق پشاور زلمی کے کامران اکمل اور ارشد اقبال کا کورونا ٹیسٹ مثبت آیا۔

    جہانگیر ترین بھی کرونا کا شکار