Baaghi TV

Category: کرونا اپڈیٹس

  • کورونا کے مزید 21 کیسز رپورٹ، 19 مریضوں کی حالت نازک

    کورونا کے مزید 21 کیسز رپورٹ، 19 مریضوں کی حالت نازک

    اسلام آباد:قومی ادارہ صحت ( این آئی ایچ) نے کہا ہے کہ گزشتہ 24 گھنٹوں کے دوران ملک بھر میں 4 ہزار 135 کورونا ٹیسٹ کئے گئے ہیں۔این آئی ایچ کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 4 ہزار 135 کورونا ٹیسٹ کئے گئے جن میں سے 21 افراد کے کورونا ٹیسٹ مثبت آئے ہیں۔

    سال نو کا جشن، کراچی میں ہوائی فائرنگ سے 10سے زائد افراد زخمی

    اس طرح گزشتہ 24 گھنٹوں میں کئے گئے مثبت کورونا ٹیسٹ کی شرح 0.51 فیصد رہی ہے، مزید برآں اس دوران کورونا وائرس سے کوئی بھی مریض جاں بحق نہیں ہوا جبکہ 19 مریضوں کی حالت تشویشناک ہے۔

    یاد رہے کہ اس سے پہلے اسلام آباد ایئرپورٹ پر کرونا پھیلاؤ کے خدشے کے پیش نظر مسافروں کی سکریننگ کا عمل شروع کردیا گیا ہے۔کرونا وائرس کا پھیلاؤ روکنے کے لیے سول ایوی ایشن اتھارٹی کی جانب سے اسلام آباد انٹرنیشنل ایئرپورٹ پر سکریننگ کاعمل شروع کردیا گیا ہے۔

    سیکرٹری جنرل اقوام متحدہ کا سوشل میڈیا پوسٹ شیئرکرنے سے قبل اس کی تصدیق کا مشورہ

    بارڈر ہیلتھ سروسز کی ہدایت پر انٹرنینشل آرائیول لاؤنج میں کورونا ٹیسٹنگ شروع کردی گئی ہے، جبکہ انٹرنیشنل آرائیول سمیت ایئر پورٹ کو ڈی انفیکیشن کرنے کے لئے سپرے بھی کیا جا رہا ہے۔

    عرب ممالک میں 13 کروڑ افراد غربت کا شکار ہیں:اقوام متحدہ

    ہیلتھ کاؤنٹر پر عملے کے ساتھ اے ایس ایف اہلکار بھی تعینات کئے گئے ہیں اور سول ایوی ایشن نے درخواست کی ہے کہ مسافر ہیلتھ کاؤنٹر پر موجود عملے کے ساتھ تعاون کریں۔

  • کورونا کا خدشہ؛ اسلام آباد ایئرپورٹ پر مسافروں کی اسکریننگ شروع کردی گئی

    کورونا کا خدشہ؛ اسلام آباد ایئرپورٹ پر مسافروں کی اسکریننگ شروع کردی گئی

    کورونا کا خدشہ؛ اسلام آباد ایئرپورٹ پر مسافروں کی اسکریننگ شروع کردی گئی

    اسلام آباد ایئرپورٹ پر کرونا پھیلاؤ کے خدشے کے پیش نظر مسافروں کی اسکریننگ کا عمل شروع کردیا گیا ہے۔ کرونا وائرس کا پھیلاؤ روکنے کے لیے سول ایوی ایشن اتھارٹی کی جانب سے اسلام آباد انٹرنیشنل ایئرپورٹ پر اسکریننگ کاعمل شروع کردیا گیا ہے۔ بارڈر ہیلتھ سروسز کی ہدایت پر انٹرنینشل آرائیول لاؤنج میں کورونا ٹیسٹنگ شروع کردی گئی ہے، جب کہ انٹرنیشنل آرائیول سمیت ایئر پورٹ کو ڈی انفیکیشن کرنے کے لئے اسپرے کیا جا رہا ہے۔

    ہیلتھ کاؤنٹر پر عملے کے ساتھ اے ایس ایف اہلکار بھی تعینات کئے گئے ہیں، اور سول ایوی ایشن کی درخواست کی ہے کہ مسافر ہیلتھ کاؤنٹر پر موجود عملے کے ساتھ تعاون کریں۔ دوسری جانب قومی ادارہ صحت (این آئی ایچ)نے کہا ہے کہ ملک بھر میں24 گھنٹوں کے دوران کورونا وائرس کے12کیس رپورٹ ہوئے۔ این آئی ایچ کی جانب سے ہفتہ کو جاری اعدادوشمار کے مطابق ملک بھر میں24 گھنٹوں کے دوران 4ہزار899کورونا ٹیسٹ کیے گئے جن میں سے12افراد کے ٹیسٹ مثبت آئے ہیں، اس طرح اس مدت میں کورونا ٹیسٹ کی مثبت شرح 0.24فیصد رہی۔


    مزید یہ بھی پڑھیں؛
    عدالتی حکم کے باوجود اسلام آباد میں بلدیاتی انتخابات نہ ہوسکے، فیصلے کیخلاف اپیل دائر
    لوکل باڈی سسٹم یقینی بنانا وفاقی اور صوبائی حکومتوں کی بنیادی ذمہ داری ہے، عدالت عالیہ
    2.9 ملین سے زیادہ کیپٹاگون گولیاں سمگلنگ کی دو کوششیں ناکام
    فٹبال کے بادشاہ‘ اور لیجنڈری کھلاڑی پیلے 82 برس کی عمر میں دنیا چھوڑ گئے
    مزید برآں اس دوران کورونا وائرس سے کوئی مریض جاں بحق نہیں ہوا جبکہ26مریضوں کی حالت تشویشناک ہے۔ملک کے مختلف شہروں میں گزشتہ 24 گھنٹوں کے دوران کئے گئے کورونا ٹیسٹ میں مردان میں69ٹیسٹ کئے گئے جن میں سے 2افراد کا ٹیسٹ مثبت آیا اور وہاں مثبت کیسوں کی شرح 2.90فیصد ،لاہور میں351 ٹیسٹ میں سے 3 افراد کا ٹیسٹ مثبت اور شرح 0.85فیصد رہی جبکہ پشاور میں 451ٹیسٹ میں سے 2 افراد کے ٹیسٹ مثبت آئے اور وہاں پر شرح0.44فیصد رہی۔

  • پرائیویٹ تعلیمی اداروں پرریاستی رٹ غیرفعال:لاہورہائی کورٹ کا حکم ردی کی ٹوکری میں

    پرائیویٹ تعلیمی اداروں پرریاستی رٹ غیرفعال:لاہورہائی کورٹ کا حکم ردی کی ٹوکری میں

    لاہور:پرائیویٹ تعلیمی اداروں پرریاستی رٹ غیرفعال:لاہورہائی کورٹ کا حکم رد ی کی ٹوکری میں اس طرج پھینک دیئے جاتےہیں کہ کسی کو پرواہ تک نہیں ہوتی،ویسے تو ایسے کئی ثبوت اور واقعات ہیں مگر تازہ واقعہ ایک بہت بڑے پرائیویٹ ادارے کا ہے جسے پنجاب گروپ آف کالجز کےنام سے یاد کیا جاتا ہے ،

    اطلاعات کے مطابق سموگ اور سخت سردی کی وجہ سے لاہور ہائی کورٹ کی طرف سے پنجاب بھر میں تمام تعلیمی اداروں کو7 جنوری 2023 تک بند رکھنے کے احکامات دیئے گئے ہیں ، ہائی کورٹ جس نے سموگ اور شدید سردی سے محفوظ رکھنے کےلیے یہ فیصلہ کیا

    اس حوالے سے لاہور ہائی کورٹ کی طرف سے خصوصی ہدایت کی گئی تھی کہ اس بات کو یقینی بنایا جائے کہ تمام سرکاری اور نجی تعلیمی ادارے 7 جنوری 2023 تک بند رہیں گے اور کوئی بھی تعلیمی ادارہ اس حکم کی خلاف ورزی نہیں کرے گا،

    لاہور ہائی کورٹ کے واضح احکامات کےباوجود کچھ تعلیمی اداروں نے ہرقسم کی موسمی سختیوں اور عدالتی احکامات کی پرواہ کیئے بغیرکلاسز جاری رکھنے کا فیصلہ کیا ہے، اس حوالے سے پنجاب گروپ آف کالجزکے کئی کیمپس میں‌ کلاسز جاری کرنے کے حوالےسے طالب علموں کو اطلاع بھی دے دی گئی ہے

     

    باغی ٹی وی کو ملنے والی اطلاعات کے مطابق ایک ایسا ہی کیس سیالکوٹ سے رپورٹ ہوا ہےجہاں پنجاب گروپ آف کالجزسیالکوٹ کوبے چک تین کلومیٹر سیدپورروڈ سیالکوٹ پر واقع ہے اس کی انتظامیہ کی طرف سے یہ پیغآم جاری کیا گیا ہےکہ کالج بند نہیں ہوگا ، کلاسز 2 جنوری سے جاری ہوں گی اورامتحانات بھی معمول کے شیڈول کے مطابق ہوں گے

    پنجاب گروپ آف کالجز سیالکوٹ کی انتظآمیہ کی طرف سے یہ پیغام وائرل ہونے کےبعد زیرتعلیم بچوں اور بچیوں کے والدین سراپا احتجاج ہیں کہ جب پورے صوبے میں عدالت عالیہ کی طرف سے حکم نامے کے ذریعے ہدایات جاری کی گئی ہیں کہ تمام سرکاری اور غیرسرکاری تعلیمی ادارے 7 جنوری 2023 تک بند رہیں گے توپھراس ادارے نے یہ خلاف ورزی کیوں کی ہے ، کیا پنجاب گروپ آف کالجز کی انتظامیہ پرملکی قانون کا اطلاق نہیں ہوتا

    یہ بھی معلوم ہوا ہےکہ والدین کے ساتھ ساتھ دیگرمعاشرتی اور سماجی اداروں نے بھی احتجاج کیا ہے اور اس خلاف ورزی پر عدالت سے توہین عدالت کی سزا دینےکی اپیل کی ہے اور ساتھ ہی حکومت پنجاب سے گزارشات کی ہیں کہ صوبے میں اور بھی کئی مقامات پر پرائیویٹ تعلیمی ادارے عدالتی حکم کی خلاف ورزی کرتےہوئے تعلیمی ادارے کھول رہے ہیں اور جہاں عدلیہ کی توہین ہورہی ہے وہاں طالب علموں کی زندگیوں کو بھی خطرے میں ڈالا گیا ہے جس کی وجہ سے والدین بھی پریشان ہیں ،

    عوام الناس کی طرف سے استدعاکی گئی ہے کہ اس گروپ کے خلاف کارروائی کی جائے تاکہ آئیندہ کوئی آئین اور قانون کا مذاق نہ اڑائے

  • سلیم صافی کی قاسم سوری کیخلاف کارروائی کیلئے ایف آئی اے کو درخواست

    سلیم صافی کی قاسم سوری کیخلاف کارروائی کیلئے ایف آئی اے کو درخواست

    سابق ڈپٹی اسپیکر قومی اسمبلی قاسم سوری کے خلاف وفاقی تحقیقاتی ادارے (ایف آئی اے) کو درخواست موصول ہوگئی ہے۔ سینئر اینکر پرسن سلیم صافی نے ایف آئی اے سائبر کرائم ونگ کو درخواست دی۔

    اپنی درخواست میں سلیم صافی نے موقف اپنایا کہ قاسم سوری نے ٹوئٹر پر نازیبا اور غیراخلاقی کمنٹس کیے۔سلیم صافی نے درخوست میں کہا ہے کہ قاسم سوری کے خلاف قانون کے مطابق کارروائی کی جائے۔

    سلیم صافی نے لکھا ہے کہ قاسم سوری نےٹویٹرپرمیرےان مرحوم والدین کوگالی دی جنہوں نےمجھے گالی دینانہیں سکھایااسلئےقانونی راستہ اپنایا۔عمرانی دورمیں ایک ایم این اےکی شکایت پر(حالانکہ صفحہ 73پرانکاذکرنہیں تھا)ایف آئی اےعمران کےایماپرمحسن بیگ کےگھرپرحملہ آورہوئی۔اب دیکھناہےکہ میری شکایت پرکیاکاروائی ہوتی ہے؟

    سلیم صافی نے ایف آئی اے کے نام درخواست میں لکھا ہےکہ قاسم سوری کے‌خلاف کارروائی کی جائے

  • کورونا کا خطرہ،امریکا نے بھی چین پر پابندیاں لگا دیں

    کورونا کا خطرہ،امریکا نے بھی چین پر پابندیاں لگا دیں

    کورونا کا خطرہ بڑھنے کے بعد امریکا نے بھی چین پر پابندیاں لگا دیں-

    باغی ٹی وی : اٹلی، جاپان، ملائیشیا، تائیوان اور بھارت کے بعد اب امریکہ نے چین سے آنے والےمسافروں کےحوالے سے سخت اقدامات کیے ہیں امریکہ نے بھی چین سے آنے والے مسافروں کے لیے کوویڈ ٹیسٹ لازم قرار دے دیا ہے-

    امریکی محکمہ صحت نے بیان دیا ہے کہ فضائی مسافروں کو روانگی سے دو دن پہلے کورونا ڈ ٹیسٹ کرانا ہوگا، جن لوگوں کا پرواز سے 10 دن پہلے مثبت نتیجہ آئے گا وہ منفی ٹیسٹ کے نتائج کی بجائے کرونا سے صحت یاب ہونے کی دستاویزات فراہم کر سکتے ہیں۔

    امریکہ کے مطابق وہ صورتحال کی نگرانی کے ساتھ ضرورت کے مطابق اپنے رد عمل کو ایڈجسٹ کرے گا۔

    دوسری جانب چین نے اعلان کیا ہے کہ وہ اگلے ہفتے اپنی سرحدیں دوبارہ کھول رہا ہے، بیجنگ کا موقف ہے کہ کورونا وائرس کے قوانین کو ’سائنسی‘ بنیادوں پر لاگو کیا جانا چاہیے لیکن کچھ ممالک اور میڈیا پروپیگنڈا کر رہے ہیں۔

    جاپان میں گذشتہ سات دنوں کے دوران چین جا کر آنے والے تمام مسافروں کا کوویڈ ٹیسٹ کیا جائے گا، جن لوگوں کا ٹیسٹ مثبت آتا ہے اگر ان میں علامات ظاہر ہوں تو سات دن ، نہیں تو پانچ دن کے لیے قرنطینہ کر دیا جائے گا، جبکہ چین آنے اور جانے والی پروازوں کی تعداد بھی محدود رہے گی۔

    بھارت میں چین اور چار دیگر ایشیائی ممالک سے سفر کرنے والے افراد کو پہنچنے سے پہلے منفی کوویڈ ٹیسٹ کرانا ہوگا۔ مسافروں کو قرنطینہ میں رکھا جائے گا اگر ان میں علامات یا ٹیسٹ مثبت آیا۔

  • چین میں کرونا کی نئی لہر، این سی او سی سے بروقت اقدامات کی سفارش

    چین میں کرونا کی نئی لہر، این سی او سی سے بروقت اقدامات کی سفارش

    چین میں کورونا وائرس کی نئی لہر، محکمہ صحت سندھ نے این سی او سی سے بروقت اقدامات کی سفارش کر دی

    محکمہ صحت سندھ کی جانب سے کہا گیا ہے کہ کورونا ویکسینیشن کو قومی اور بین الاقوامی سفر کے لیے لازمی قرار دیا جائے،بڑے پیمانے پر لوگوں کے اجتماع سے گریز کیا جائے، عوامی مقامات پر ماسک پہننا لازمی قرار دیا جائے،نیشنل کمانڈ اینڈ آپریشن سینٹر چین سے آنے والی پروازوں کے تمام مسافروں کا کورونا ٹیسٹ لازمی کرانے کی ایڈوائزری جاری کرے ٹیسٹ مثبت آنے کی صورت مریض کو قرنطینہ میں رکھا جائے، کورونا کے نئے ویرینٹ میں فالس نیگیٹیو نتائج کا امکان ہے، کورونا کی علامات والے اشخاص کو علیحدہ رکھا جائے اور پی سی آر کیا جائے، تصدیق شدہ مثبت کیسز کے حامل لوگوں کے سیرولوجی ٹیسٹ کیے جائیں کورونا ویکسین کی بوسٹر خوراک لازمی فراہم کی جائے،آئسولیشن سینٹرز کا قیام عمل میں لایا جائے، کورونا منفی آنے کی صورت میں سینے کا ایکسرے کرکے نمونیا کا تشخیص کی جاسکتی ہے،

     چین کے صنعتی صوبے ژجیانگ میں کورونا کے ایک دن میں 10 لاکھ نئے کیسز سامنے آئے ہیں

    چین کے ایک صوبے کا یہ حال ہے کہ کورونا کے یومیہ کیسز کی تعداد 10 لاکھ تک جا پہنچی

    چین میں نیا کورونا ویرئنٹ؛ جسکا پاکستان میں بھی خطرہ. حکام این سی او سی

    دوسری جانب حکومت نے بیرون ملک سے آنے والے مسافروں کی کورونا اسکریننگ دوبارہ سخت کرنے کا فیصلہ کیا ہے۔ ایک خبر کے مطابق بارڈر ہیلتھ سروسز پاکستان کی جانب سے بیرون ملک سے آنے والے مسافروں کی کورونا اسکریننگ دوبارہ سخت کرنے کا فیصلہ کیا گیا ہے۔ دوبارہ اسکریننگ کا فیصلہ دنیا بھر میں کورونا وباء کے پھیلاؤ کے تناظر میں کیا گیا۔

  • حکومت کا بیرون ملک سے آنے والے مسافروں کی کورونا اسکریننگ دوبارہ سخت کرنے کی ہدایت

    حکومت کا بیرون ملک سے آنے والے مسافروں کی کورونا اسکریننگ دوبارہ سخت کرنے کی ہدایت

    حکومت کا بیرون ملک سے آنے والے مسافروں کی کورونا اسکریننگ دوبارہ سخت کرنے کا فیصلہ

    بیرون ملک سے آنے والے مسافروں کی کورونا اسکریننگ دوبارہ سخت کرنے کا فیصلہ کیا گیا ہے۔ ایک خبر کے مطابق بارڈر ہیلتھ سروسز پاکستان کی جانب سے بیرون ملک سے آنے والے مسافروں کی کورونا اسکریننگ دوبارہ سخت کرنے کا فیصلہ کیا گیا ہے۔ دوبارہ اسکریننگ کا فیصلہ دنیا بھر میں کورونا وباء کے پھیلاؤ کے تناظر میں کیا گیا۔

    تاہم اس سلسلے میں بارڈر ہیلتھ سروسز پاکستان نے بیرون ملک سے آنے والے مسافروں کی اسکریننگ دوبارہ سخت کرنے کا حکم نامہ جاری کر دیا جس کے تحت پاکستان کے تمام ایئرپورٹس پر بیرون ملک سے آنے والے مسافروں کی سخت نگرانی کی جائے گی۔ حکمنامہ میں کہا گیا ہے کہ مشتبہ بیمار شخص کا فوری طور پر ایئرپورٹ ہیلتھ سروس کا عملہ آر اے ٹی ٹیسٹ کرے گا.
    مزید یہ بھی پڑھیں؛
    روسی رکن پارلیمنٹ اور صدر پیوٹن کے نقاد کی بھارت میں پراسرار ہلاکت
    خواتین پرپابندیاں،اقوام متحدہ کی سلامتی کونسل کا طالبان حکومت سے پالیسیاں بدلنے کا مطالبہ
    افسانہ نویس و ناول نگار اور مترجم قیصر نذیر خاورانتقال کرگئے.
    جبکہ  ہر فلائٹ کے دو فیصد مسافروں کی ہرصورت اسکریننگ کی جائے، اسکریننگ کے عمل پر مسافر کی مزاحمت پر سول ایوی ایشن ویجیلنس کا عملہ اور ایئرپورٹ سیکیورٹی فورس کا عملہ معاونت فراہم کرے جب کہ جاری ہدایات پر فوری طور سے عملدرآمد کیا جائے۔ تاکہ کسی بھی ایسے کیس کو فوری طور پر وقت سے قبل ایک طرف کردیا جائے تاکہ پورے ملک میں اس کے ذریعے یہ بییماری نہ پھیل جائے.

  • ملک بھر میں24 گھنٹوں کے دوران کورونا وائرس کے 26 نئے کیس رپورٹ

    ملک بھر میں24 گھنٹوں کے دوران کورونا وائرس کے 26 نئے کیس رپورٹ

    ملک بھر میں24 گھنٹوں کے دوران کورونا وائرس کے 26 نئے کیس رپورٹ

    ملک بھر میں24 گھنٹوں کے دوران کورونا وائرس کے26کیس رپورٹ ہوئے۔ قومی ادارہ صحت ( این آئی ایچ) کی جانب سےبدھ کو جاری اعدادوشمار کے مطابق ملک بھر میں 24 گھنٹوں کے دوران 3ہزار488کورونا ٹیسٹ کیے گئے جن میں سے26 افراد کے ٹیسٹ مثبت آئے ہیں، اس طرح اس مدت میں کورونا ٹیسٹ کی مثبت شرح 0.75فیصد رہی۔


    مزید برآں اس دوران کورونا وائرس سے کوئی مریض جاں بحق نہیں ہوا جبکہ14مریضوں کی حالت تشویشناک ہے۔ملک کے مختلف شہروں میں گزشتہ 24 گھنٹوں کے دوران کئے گئے کورونا ٹیسٹ میں اسلام آباد میں 404ٹیسٹ کئے گئے جن میں سے ایک شخص کا ٹیسٹ مثبت آیااور وہاں پر مثبت کیسز کی شرح 0.25فیصد رہی،لاہور میں 756 ٹیسٹوں میں سے ایک شخص کا ٹیسٹ مثبت اور شرح 0.13فیصد رہی جبکہ پشاور میں 363ٹیسٹوں میں 4 افراد کے ٹیسٹ مثبت آئے اور وہاں پر مثبت کیسز کی شرح 1.10فیصد رہی۔
    مزید یہ بھی پڑھیں؛
    روسی رکن پارلیمنٹ اور صدر پیوٹن کے نقاد کی بھارت میں پراسرار ہلاکت
    خواتین پرپابندیاں،اقوام متحدہ کی سلامتی کونسل کا طالبان حکومت سے پالیسیاں بدلنے کا مطالبہ
    افسانہ نویس و ناول نگار اور مترجم قیصر نذیر خاورانتقال کرگئے.
    خیال رہے گزشتہ دنوں چین کے صوبہ ژجیانگ میں یومیہ 10 لاکھ کورونا کیسز رپورٹ ہونے لگے تھے، جس کی تعداد دگنی ہونے کے خدشے کے پیش نظر عالمی ادارہ صحت نے تشویش کا اظہار کیا تھا۔ چین میں لاک ڈاؤن کی پابندیوں میں نرمی کے بعد سے کورونا کیسز میں ہوشربا اضافہ سامنے آیا تھا۔ کورونا کیسز میں اضافے پر چین میں اگلے برس کورونا سے دس لاکھ سے زائد ہلاکتوں کا خدشہ ظاہر کیا جارہا ہے۔

  • چین میں پھرکورونا کا قہرجاری وطاری،لاکھوں ہلاکتوں کا خدشہ

    چین میں پھرکورونا کا قہرجاری وطاری،لاکھوں ہلاکتوں کا خدشہ

    بیجنگ:چین کو اس وقت دنیا میں کورونا کی بدترین لہر کا سامنا ہے۔چین سے موصول ہونے والی اطلاعات کے مطابق رواں ماہ دسمبر کے ابتدائی ہفتوں کے دوران چین میں پچیس کروڑ افراد کو کورونا وائرس کا سامنا ہے۔غیر ملکی میڈیا کا کہنا ہے کہ چین میں کورونا پابندیاں نرم کرنے کے بعد کورونا کیسز کی تعداد میں بڑا اضافہ ہوا ہے۔ ایک تحقیق کے مطابق چین میں آئندہ کچھ ماہ میں کورونا سے دس لاکھ افراد کے جانی نقصان کا خدشہ بھی ظاہر کیا ہے۔بعض ذرائع نے امریکی میڈیا کے حوالے سے بتایا کہ دسمبر کے دوران چین میں تقریبا پچیس کروڑ افراد کورونا کی زد پر ہیں۔

    چین کے ایک صوبے کا یہ حال ہے کہ کورونا کے یومیہ کیسز کی تعداد 10 لاکھ تک جا پہنچی

    ملک میں کورونا وائرس کی صورتحال پر اپنے بیان میں چینی صدر چی جن پنگ کا کہنا ہے کہ اس وقت ملک میں کورونا کی روک تھام کے حوالے سے نئی صورتحال کا سامنا ہے۔ انہوں نے مزید کہا کہ ملک میں کورونا کی روک تھام اور اس پر قابو پانے کے لیے نئے سرے سے کام کرنے کی ضرورت ہے۔

    دوسری جانب اطلاعات ہیں کہ چین میں بیرون ملک سے آنے والے افراد کے لیے کورونا وائرس کے حوالے سے لازمی قرنطینہ پابندی آٹھ جنوری سے ختم کی جا رہی ہے۔بیرون ملک سے آنے والوں کے لیے دوہزار بیس میں قرنطینہ لازمی کیا گیا تھا اور پچھلے ماہ اس کی مدت پانچ روز کر دی گئی تھی۔

    تائیوان اور امریکا کے عسکری تعاون کے جواب میں چین کا اپنی ’جنگی‘ طاقت کا مظاہرہ

    واضح رہے کے تقریبا تین برس قبل شروع ہوئی عالمی وبا کے حوالے سے امریکہ اور چین ایک دوسروں پر الزامات عائد کرتے رہے ہیں اور ہر ایک دوسرے کو کووڈ۔۱۹ نامی اس وائرس کے پھیلاؤ کا ذمہ دار قرار دے رہا ہے۔

    یاد رہےکہ کل عالمی ادارے کی طرف سے وارننگ جاری کی گئی تھی کہ چین کے صنعتی صوبے ژجیانگ میں کورونا کے ایک دن میں 10 لاکھ نئے کیسز سامنے آئے ہیں اور اس تعداد کے دگنا ہونے کے خدشات بڑھ گئے۔عالمی خبر رساں ادارے کے مطابق چین میں زیرو کورونا ٹالیرنس پالیسی کے باوجود مہلک وائرس کی نئی لہر انتہائی تیز رفتاری سے بڑھ رہی ہے۔

    چین میں نیا کورونا ویرئنٹ؛ جسکا پاکستان میں بھی خطرہ. حکام این سی او سی

    شنگھائی کے نزدیک واقع صوبے ژجیانگ میں کورونا کیسز میں اضافے کے باعث لاک ڈاؤن کو مزید سخت کیا جا رہا ہے تاہم حالات کنٹرول سے باہر ہیں۔چین کی وزارت صحت کا کہنا ہے کہ صوبے ژجیانگ میں زیادہ مریضوں میں معمولی علامات ہیں وہ گھر پر قرنطینہ میں ہے جب کہ 13 ہزار 583 اسپتال میں داخل ہیں۔

  • این ای او سی اجلاس،کورونا کے نئے ویرینٹ کا پاکستان میں کوئی کیس نہیں

    این ای او سی اجلاس،کورونا کے نئے ویرینٹ کا پاکستان میں کوئی کیس نہیں

    چیئرمین این ڈی ایم اے کی زیرصدارت این ای او سی کا اجلاس ہوا

    قومی ادارہ برائے صحت اور این سی او سی نے کورونا کی موجودہ صورتحال پر بریفنگ دی،بریفنگ میں بتایا گیا کہ پاکستان میں کورونا کے نئے ویرینٹ کا کوئی کیس سامنے نہیں آیا، متعلقہ ادارے صورتحال کی مسلسل نگرانی کر رہے ہیں،پاکستان کی 90 فیصد آبادی کو کورونا ویکسین لگ چکی، لوگ محفوظ ہیں، این ڈی ایم اے نے کورونا سے متعلق ترمیم شدہ ایڈوائزری جاری کرنے کی ہدایت جاری کی،ہنگامی صورتحال میں کورونا کیسز سے نمٹنے کیلئے اسپتالوں میں ضروری اقدامات یقینی بنانے کی ہدایت بھی کی

    حکام کا کہنا ہے کہ پاکستان کورونا کے کسی بھی نئے ویریئنٹ کو کنٹرول کرنے کے لیے مکمل تیار ہے۔ماضی میں بھی کورونا کے نئے ویرینئٹ آئے جنہیں بروقت کنٹرول کیا۔ این سی او سی حکام کے مطابق پاکستان میں انسداد کورونا ویکسین لگنے کے باعث خطرہ کم ہے۔ حکام کا بتانا ہے کہ پاکستان میں کورونا ویکسین کی اہل 90 فیصد آبادی کی ویکسی نیشن مکمل ہے اور 95 فیصد آبادی کو ویکسین کی کم از کم ایک خوراک لگ چکی ہے۔

    واضح رہے کہ چین میں کورونا کے نئے ویریئنٹ کے کیسز میں بہت تیزی سے اضافہ ہورہا ہے۔  چین کے صنعتی صوبے ژجیانگ میں کورونا کے ایک دن میں 10 لاکھ نئے کیسز سامنے آئے ہیں اور اس تعداد کے دگنا ہونے کے خدشات بڑھ گئے۔عالمی خبر رساں ادارے کے مطابق چین میں زیرو کورونا ٹالیرنس پالیسی کے باوجود مہلک وائرس کی نئی لہر انتہائی تیز رفتاری سے بڑھ رہی ہے۔

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

    پاکستان کو ایک مرتبہ پھر انتہا پسندی اور مذہبی جنونیت کا سامنا 

    تحریک انصاف کا احتجاج، راستے بند، شہریوں کی زندگی اجیرن

    ویڈیو:عمران خان پر حملہ کرنیوالا ملزم گرفتار،عمران خان کیسے آئے باہر؟