Category: کرونا اپڈیٹس

اٹلی : اٹلی میں ایک ہی روز میں 475 افراد ہلاک،اطالوی حکومت نے ملک کومزید محصورکرنے کا حکم جاری کردیا ،اطلاعات کےمطابق اٹلی میں ایک ہی روز میں 475 افراد کی ہلاکت کے بعد وہاں اموات کی مجموعی تعداد 2978 ہو گئی ہیں

ادھر ذرائع کےمطابق امریکی حکام نے دعویٰ کیا ہےکہ ایک نئی دوائی کی آزمائش میں ایک 79 سالہ اطالوی بوڑھا آدمی جو کہ کرونا وائرس کی زد میں بہترین علاج کی وجہ سے صحت یا ب ہوگیا ہے اوراس کے بعد ماہرین طب نے اس تجرباتی دوا سے کرونا وائرس سے بچاو کے لیے ایک امید قائم کرلی ہے

ذرائع کے مطابق اٹلی میں کورونا وائرس سے مزید 475 افراد ہلاک ہوگئے ہیں جس کے بعد یورپ کے سب سے زیادہ متاثرہ ملک میں کل ہلاکتوں کی تعداد 2978 ہوگئی ہے۔چین کے بعد اٹلی میں کورونا وائرس نہایت تیزی سے پھیلتا جارہا ہے اور متاثرہ افراد کی تعداد میں مسلسل اضافہ ہوتا جارہا ہے۔

خطرناک کورونا وائرس کی وجہ سے حکومت نے اٹلی کے 14 صوبوں کی ڈیڑھ کروڑ سے زائد آبادی کو لاک ڈاؤن کر دیا ہے جس کے بعد اٹلی کی سڑکیں اور سیاحتی مقامات ویران پڑے ہیں۔

یاد رہے کہ اٹلی میں کرونا وائرس کی وجہ سے ہلاکتوں کی یہ تعداد کل رات کی ہے، اس کے بعد مزید لوگ کرونا وائرس کی زد میں آکرہلاک ہوئے جن کی صیح تعداد ابھی موصول ہونا باقی ہے

سڈنی :کرونا وائرس ایشیامیں تباہی پھیلاتے ہوئے براعظم آسٹریلیا پہنچ گیا ، آسٹریلیا نے 6 ماہ کے لیے سرحدیں بند کرنے کا اعلان کردیا ،باغی ٹی وی کےمطابق کرونا وائرس کی تباہ کاریوں کا سلسلہ وسیع سے وسیع ترہورہا ہے اوریہ موذی اور جان لیوا کرونا وائرس چین سے جنم لینے کے بعد دنیا بھی میں تباہی پھیلاتے ہوئے اب سمندروں پاربراعظم آسٹریلیا پہنچ گیا ہے،

باغی ٹی وی کےمطابق کرونا کے سامنے بے بسی ہونے کے بعد اب ملکوں نے بچاوکے مختلف طریقے اپنانے شروع کردیئے ہیں ، جن میں فضائی راستے بندکرنے کے بعد اب سرحدوں کوبھی سیل کردیا گیا ہے، اوراطلاعات کےمطابق حکومت نے 6 ماہ کے لیے ملکی سرحدیں بند کرنے کا فیصلہ کیا ہے

ذرائع کےمطابق یہ فیصلہ کرونا سے بچنے کےلیے حفاظتی اقدامات کے طورپرکیا گیا ہے ، یہ بھی معلوم ہوا ہےکہ حکومت نے یہ فیصلہ دیگرممالک کی طرف سے سرحدوں کوسیل کرنے کے بعد کیا ہے ، تاکہ اس وائرس کوملک کے اندرگھسنے ہی نہ دیا جائے

امریکا سمیت دنیا کے جدید ترین ممالک بھی کورونا سے نمٹنے میں بری طرح ناکام ہو گئے، اٹلی، اسپین، فرانس اور برطانیہ میں ایک ہی روز میں 700 سے زائد افراد ہلاک ہو گئے۔جبکہ آسٹریلیا میں ابھی تک 2 مریضوں کی تصدیق کی جارہی ہے

امریکا میں بھی ایک ہی روز میں 46 اموات کے بعد مجموعی تعداد 155 ہو گئی جب کہ 9 ہزار سے زائد افراد بیمار ہیں جن میں دو امریکی اراکین کانگریس بھی شامل ہیں۔اس کے علاوہ کورونا وائرس سے متاثرہ افراد سے ملاقات کرنے کے سبب ایک درجن سے زائد امریکی اراکین کانگریس قرنطینہ میں چلےگئے ہیں۔

کورونا کی تباہی.اٹلی لاک ڈاؤن کا دورانیہ بڑھانے پر مجبور

باغی ٹی وی :اٹلی میں لاک ڈاؤن کا دورانیہ بڑھا دیا.اٹلی میں ایک ہی روز میں کورونا وائرس سے 475 افراد ہلاک،دنیا بدستورخوف کی لپیٹ میں ،اطلاعات کے مطابق اٹلی میں ایک ہی روز میں کورونا وائرس سے 475 افراد ہلاک ہوگئے جوکہ اب تک کسی بھی ملک میں کورونا سے ایک ہی روز میں سب سے زیادہ ہلاکت ہے۔

دنیا بھر میں کورونا سے ہلاکتوں کی تعداد8ہزار968ہوگئی،چین میں3245،اٹلی2978اورایران میں1135ہلاکتیں ہوئی ہیں، اسپین میں 638، فرانس264،امریکہ155اوربرطانیہ میں 104ہلاکتیں ہوئی ہیں،جنوبی کوریا91،نیدرلینڈز58،جاپان 32 اور سوئٹزر لینڈمیں33ہلاکتیں ہوئی ہیں.

دنیا بھر میں کورونا وائرس سے85ہزار745مریض صحت یاب ہوئے ہیں،جرمنی 28، انڈونیشیا19 ،فلپائن17 ،بیلجیئم14 ،عراق 12اورسویڈن میں10ہلاکتیں ہوئی ہیں. پاکستان میں کرونا وائرس کے 2 مریض، بھارت میں 3 مریض ہلاک ہوئے ہیں،

گزشتہ 24 گھنٹوں کے دوران اٹلی میں مزید ساڑھے کئی ہزار سے زائد کیسز سامنے آئے، جس کے بعد متاثرہ افراد کی تعداد ساڑھے 35 ہزار 813 سے بھی تجاوز کرگئی۔خطرناک کورونا وائرس کی وجہ سے حکومت نے اٹلی کے 14 صوبوں کی ڈیڑھ کروڑ سے زائد آبادی کو لاک ڈاؤن کر دیا ہے جس کے بعد اٹلی کی سڑکیں اور سیاحتی مقامات ویران پڑے ہیں

کرونا وائرس،فرانس کے پروفیسر نے علاج کا دعویٰ کر دیا، کس سستی ترین دوائی سے مریض ہوئے صحتیاب؟

باغی ٹی وی کی رپورٹ کے مطابق فرانس میں ایک مشہور ریسرچ پروفیسر نے کرونا وائرس کے علاج کی کامیابی کا دعویٰ کیا ہے اور کہا ہے کہ ابتدائی ٹیسٹوں میں وائرس سے 6 دن میں بچا جا سکتا ہے

انفیکشن ہسپتال سے تعلق رکھنے والے پروفیسر دیڈیئر راؤلٹ نے جو متعدی بیماریوں کے ماہر ہیں،کو فرانسیسی حکومت نے کرونا وائرس سے ممکنہ علاج بارے کہا تھا

پروفیسر کا کہنا تھا کہ کرونا وائرس کے مریضوں کا کلوروکین دوائی کے ساتھ علاج کیا تھا اس سے مریض تیزی سے صحت یاب ہوئے، کچھ مریضوں میں متعدی بیماری برقرار رہی تھی،کلوروکین – جو عام طور پر ملیریا کی روک تھام اور علاج کے لئے عام طور پر استعمال ہوتا ہے – نامی دوائی پلاکینیل کے ذریعہ دیا جاتا تھا۔

فرانس کے پروفیسر نے یہ علاج ان 24 مریضوں کو پیش کیا جو فرانس کے جنوب مشرق میں کرونا وائرس کے پہلے مریض کے طور پر سامنے آئے تھے،اور انہوں نے رضاکارانہ طور پر خود کو اسپتال میں داخل کرایا تھا۔ کرونا کے مریضوں کو 10 دن تک 600 ایم سی جی روزانہ دیا جاتا تھا۔ انکی سخت نگرانی کی گئی تا کہ وہ کوئی اور دوائی نہ کھا سکیں کیونکہ دوسری دوائی صحت کے لئے مضر ہو سکتی تھی اور اسکا ردعمل آ سکتا تھا ، کیونکہ دوائی دوسری دوائیوں کے ساتھ بات چیت کرسکتی ہے ، اور بعض معاملات میں اس کے مضر اثرات مرتب کرسکتی ہیں۔

پروفیسر راؤلٹ کا کہنا ہے کہ ہم نے کرونا وائرس کے مریضون کا علاج کیا،ہم یہ جاننے کے قابل تھے کہ جن مریضوں کو پلاکینیل (ہائیڈروکائکلروکائن والی دوائی تھی) نہیں ملی تھی ، وہ چھ دن کے بعد بھی متعدی بیماری میں مبتلا تھے ، لیکن ان لوگوں میں سے جو چھ دن بعد ہی پلے کونیل پا چکے تھے ، صرف پچیس فیصد ابھی تک متعدی بیماری میں مبتلا تھے۔

کلوروکین فاسفیٹ اور ہائیڈرو آکسیروکلون اس سے قبل چین میں کرونا وائرس کے مریضوں کے علاج کے لئے بھی استعمال کی گئی تھی، خبر رساں ادارے کے مطابق عام طور پر ایچ آئی وی کے علاج کے لئے استعمال ہونے والی ایک اینٹی ویرل منشیات ہے جس کا تجربہ کیا جا رہا ہے.

جمعہ 13 مارچ کو امریکی سائنسدانوں نے نئی تعلیمی تحقیق میں یہ بھی کہا گیا تھا کہ کلوروکین ایک موثر علاج ہے اور یہ فرانس میں پائے جانے والے نتائج کے مطابق ہوتا ہے۔ کلوروکین کا استعمال انسانوں میں کورونا وائرس سے متاثر ہونے والوں کے لئے اچھا علاج ہے، ریسرچ سے پتہ چلتا ہے کہ کلوروکین لیب میں کورونا وائرس کے خلاف روک تھام کے اقدام کے طور پر بھی قوی صلاحیت رکھتا ہے ، جبکہ ہم کسی ویکسین کے تیار ہونے کا انتظار کرتے ہیں۔

کلوروکین ایک سستی ، عالمی سطح پر دستیاب دوائی ہے جو ملیریا کے لئے استعمال ہوتی ہے. اسے ہر عمر کے مریضوں کو دیا جا سکتا ہے ،دنیا بھر کے محققین کوویڈ ۔19 کے خلاف ویکسین تیار کرنے پر کام جاری رکھے ہوئے ہیں۔ ابھی تک ، کسی بھی ملک اور نہ ہی عالمی ادارہ صحت (WHO) – نے کوویڈ 19 کے خلاف سرکاری طور پر کوئی علاج بتایا ہے ، لیکن چین اور جنوبی کوریا میں کلوروکین کے استعمال کو "موثر علاج” کے طور پر پیش کیا گیا ہے

باغی ٹی وی کی رپورٹ کے مطابق چین کرونا وائرس کو ہھیلنے سے روکنے میں کامیاب ہو گیا

چین کے علاقے ووہان جہاں سے کرونا وائرس دنیا بھر میں پھیلا ،گزشتہ دو روز سے کرونا وائرس کا ووہان میں ایک بھی نیا مریض سامنے نہیں آیا، جسے چین کی بڑی کامیابی سمجھا جا رہا ہے

چین میں 80 فی صد مریضوں کی حالت متوازن، 13.8 فی صد سنجیدہ نوعیت کے اور 6.1 فی صد تشویش ناک حالت میں ہیں۔ خبر رساں ادارے کے مطابق چین کے نیشنل ہیلتھ کمیشن نے تصدیق کی ہے کہ جمعرات کو ووہان میں بھی کوئی نیا کیس رپورٹ نہیں ہوا ،چین کے وسطی شہر ووہان کی ایک کروڑ سے زائد آبادی اور صوبہ ہوبے کے دیگر شہروں میں رہنے والے چار کروڑ افراد 23 جنوری سے سخت حالات کا سامنا کر رہے تھے۔ جہاں پورا صوبہ مکمل طور پر لاک ڈاؤن تھا۔

چینی حکومت نے اب بھی چین بھر میں عوامی اجتماعت کو محدود سے محدود تر کرنے کے لیے سخت اقدامات کیے ہوئے ہیں۔ نیشنل ہیلتھ کمیشن کے مطابق ملک بھر میں 81 ہزار افراد کا کرونا ٹیسٹ مثبت آیا تھا جن میں سے 7245 افراد تاحال زیرِ علاج ہیں۔

قبل ازیں چین کے صدر شی جن پنگ نے سپین کے وزیر اعظم پیدرو سانچیز سے ٹیلی فونک رابطہ کیا ہے جس میں چین کے صدر نے کہا ہے کہ سپین میں کورونا وائرسکی وباءبہت تیزی کے ساتھ پھیل رہی ہے، وہ چینی حکومت اور چینی عوام کی نمائندگی کرتے ہوئے ہسپانوی حکومت اور عوام کے ساتھ دلی ہمدردی کا اظہار کرتے ہیں۔

چینی صدر کا مزید کہنا تھا کہ کہ چین نے مسلسل کوششوں کے بعد ملک بھر میں وباء کی روک تھام اور اس پر قابو پانے کے حوالے سے مثبت نتائج حاصل کیے ہیں۔ اب چین انتہائی مشکل مرحلے اور وباءکی شدت کے دور سے باہر نکل آیا ہے، چین دوسرے ممالک کے ساتھ بین الاقوامی تعاون کرنے اور اپنی صلاحیت کے مطابق مدد فراہم کرنے کو تیار ہے،