Category: کرونا اپڈیٹس

بھارت میں کرونا وائرس کے 14 نئے مریض، مجموعی تعداد کتنی ہو گئی؟ مودی سرکار پریشان

باغی ٹی وی کی رپورٹ کے مطابق بھارت میں کرونا وائرس کے 14 نئے مریض سامنے آئے ہیں جس کے بعد بھارت میں کرونا کےمریضوں کی تعداد 61 ہو گئی ہے

بھارتی ریاست کیرالہ میں کرونا کے آٹھ مریض سامنے آئے جبکہ تین مریضوں کا تعلق کرناٹک سے ہے، بھارتی وزارت صحت کا کہنا ہے کہ ملک بھر میں کرونا وائرس کے 61 مریض سامنے آ چکے ہیں جن کا علاج جاری ہے.

کرناٹک کے وزیراعلیٰ بی ایس ایڈو رپا کا کہنا ہے کہ کرناٹک میں چار افراد میں کرونا وائرس کی تصدیق ہوئی جن میں سے ایک پہلے کا تھا، تین کیسز آج سامنے آئے، مہاراشٹرا کے پونے شہر میں بھی تین افراد میں کرونا وائرس کی تصدیق ہوئی ہے،۔

کیرالا کے چیف منسٹر پی وجئین کا کہنا ہے کہ کم از کم 1,116 افراد کو کرونا وائرس کے حوالہ سے نگرانی میں رکھا گیا ہے ،کرونا کے جو نئے کیسز سامنے آئے ہیں ان میں اٹلی سے واپس آنے والے جوڑے کے رشتہ داروں اور دوست احباب کی اکثریت ہے اس جوڑے کے معمر والدین بھی کرونا وائرس کے متاثرین میں شامل ہیں۔

دوسری جانب ایران سے 58 بھارتیوں کو واپس لایا گیا ہے جن میں‌ خواتین اور بچے بھی شامل ہیں،بھارتی فضائیہ کا جہاز غازی آباد کے ایئر پورٹ پر بھارتی باشندوں کو ایران سے واپس لے کر آیا،جہاں ان کے ٹیسٹ کئے گئے، ایران سے واپس آنے والے بھارتی شہریوں کو ہسپتالوں میں 15 دن کے لئے رکھا جائے گا،

قبل ازیں بھارت نے 654 باشندوں کو چین سے بھی واپس لایا تھا، اب بھارت نے چین کے صوبہ ہبئی سے بھی بھارتیوں کو واپس لانے کی کوششیں شروع کر دی ہیں، اس ضمن میں بھارت کی چین کے ساتھ بات چیت چل رہی ہے.

کرونا وائرس، چین سے طالب علم پاکستان پہنچا تو اسکے ساتھ کیا ہوا؟

کرونا وائرس، مائیں رو رہی ہیں ،حکومت سو رہی ہے، مشاہد اللہ خان کی سینیٹ میں کڑی تنقید

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

قبل ازیں بھارت میں کرونا وائرس کے 61 مریض آنے پر کئی ریاستوں میں تعلیمی اداروں میں چھٹیاں کر دی گئی ہیں، بھارتی وزیراعظم مودی کی زیر صدارت کورونا سے نمٹنے کے لئے اہم اجلاس میں ہوا جس میں طے کیا گیا کہ کرونا سے نمٹنے کے لئے احتیاطی تدابیر اختیار کی جائیں اور مشتبہ مریضوں‌کو بھی الگ رکھا جائے،

پیرس:فرانس کے وزیر ثقافت کرونا وائرس کی لپیٹ میں،اوربھی بڑے بڑے لوگوں میں وائرس کے پائے جانے کی اطلاعات ،فرانس کی وزارت ثقافت کے ایک قریبی ذریعے نے بتایا ہے کہ ملک کے وزیر ثقافت فرینک ریسٹر کرونا وائرس میں مبتلا ہو چکے ہیں۔ مزید یہ کہ 46 سالہ وزیر کی حالت مستحکم ہے۔

فرانسیسی ذرائع کے مطابق وزیر ثقافت کا کہنا ہے کہ انہوں نے حالیہ عرصے میں پارلیمنٹ کا دورہ کیا تھا۔ اس دوران وہاں ان کا کرونا سے متاثرہ افراد کے ساتھ اختلاط ہوا۔ اس کے سبب وزیر ثقافت نے کرونا سے متعلق ٹیسٹ کرایا جس کا نتیجہ "پازیٹو” آیا۔ادھرفرانس کی حکومت نے کرونا وائرس کی وجہ سے تعلیمی ادارے بند کرنے کا فیصلہ کیا ہے اوراس فیصلے کے مطابق پیرسے فرانس میں بھی تعلیمی نظام ٹھپ ہوکررہ جائے گا

فرانس نے پیر کے روز کرونا وائرس کے سبب مزید چار افراد کی اموات ریکارڈ کیں۔ اس طرح فرانس میں اب تک اس مہلک وائرس سے متاثر ہو کر فوت ہونے والے افراد کی تعداد 25 ہو گئی ہے۔ ان کے علاوہ ملک میں کرونا کے 1412 کیسوں کی تصدیق ہو چکی ہے۔فرانس میں محکمہ صحت کے ڈائریکٹر کے مطابق فوت ہونے والوں میں 15 مرد اور 10 خواتین ہیں۔

تہران :کرونا وائرس کی تباہ کاریاں، ایران میں گلیوں اور فٹ پاتھوں پرانسانی لاشیں،اولا دوالدین اوروالدین اولاد کے سامنے مررہےہیں ،اطلاعات کےمطابق ایران میں کرونا وائرس پھیلنے کے بعد پورے ملک میں جہاں ہرطرف خوف طاری ہے وہیں جگہ جگہ کرونا سے ہلاک ہونے لوگوں کی لاشیں بکھری دکھائی دیتی ہیں۔ گلیوں اور فٹ پاتھوں پر کرونا سے مرنے والوں کی لاشیں پڑی ہوئی ہیں مگر اس موذی بیماری کے خوف سے ان لاشوں کے قریب جانئ کی ہمت کوئی نہیں کر پاتا۔

https://twitter.com/AbbasSalamat/status/1237014018679865344?ref_src=twsrc%5Etfw%7Ctwcamp%5Etweetembed%7Ctwterm%5E1237014018679865344&ref_url=http%3A%2F%2Furdu.alarabiya.net%2Fur%2Fmiddle-east%2F2020%2F03%2F10%2F%25DA%25A9%25D8%25B1%25D9%2588%25D9%2586%25D8%25A7-%25D9%2588%25D8%25A7%25D8%25A6%25D8%25B1%25D8%25B3-%25DA%25A9%25DB%258C-%25D8%25AA%25D8%25A8%25D8%25A7%25DB%2581-%25DA%25A9%25D8%25A7%25D8%25B1%25DB%258C%25D8%25A7%25DA%25BA%25D8%258C-%25D8%25A7%25DB%258C%25D8%25B1%25D8%25A7%25D9%2586-%25D9%2585%25DB%258C%25DA%25BA-%25DA%25AF%25D9%2584%25DB%258C%25D9%2588%25DA%25BA-%25D8%25A7%25D9%2588%25D8%25B1-%25D9%2581%25D9%25B9-%25D9%25BE%25D8%25A7%25D8%25AA%25DA%25BE%25D9%2588%25DA%25BA-%25D9%25BE%25D8%25B1%25D8%25A7%25D9%2586%25D8%25B3%25D8%25A7%25D9%2586%25DB%258C-%25D9%2584%25D8%25A7%25D8%25B4%25DB%258C%25DA%25BA%25D8%258C-%25DB%2581%25D8%25B1-%25D8%25B7%25D8%25B1%25D9%2581-%25D8%25AE%25D9%2588%25D9%2581.html

العربیہ ڈاٹ نیٹ کے مطابق ایران میں ہر گھنٹے کرونا کے شکار کسی شخص کی ہلاکت یا نئے کیسز کی خبریں آ رہی ہیں۔ ایسے لگتا ہے کہ ایران کا نظام صحت جو پہلے ہی تباہی کے دھانے پر ہے مزید دبائو کا شکار ہوگیا ہے۔ موجودہ حالات میں جہاں ایرانی عوام کے لیے زندگی کی امید دم توڑتی جا رہی ہے وہیں قبرستانوں کا دائرہ تیزی کے ساتھ پھیل رہا ہے۔

ایک ویڈیو کلپ میں دکھایا گیا ہے کہ شمالی ایران کے شہر ساری میں سڑک پر ایک شخص فٹ پاتھ پر پڑا ہےجبکہ کیمرا مین کے مطابق کرونا وائرس نے اس شخص کو ہلاک کردیا ہے۔ ایسا لگتا تھا کہ یہ شخص دم توڑ رہا ہے مگر اسے اسپتال لے جانے کے کوئی ایمبولینس دستیاب ہے اور نہ ہی کرونا کا شکار ہونے کے ڈر سے کوئی اس کی مدد کر پا رہا ہے۔

ایک دوسری ویڈیو قم شہر کی ہے جس میں ویڈیو بنانے والے شخص کا کہنا ہے کہ کرونا کی وجہ سےاس نے اپنی ماں کو کھو دیا ہے۔ وہ شخص ویڈیو کی عکس بندی کر رہا تھا۔ قم کی سڑکوں پر گھوم رہا تھا اور رو رہا تھا۔ اس شخص نے ایرانی سپریم لیڈر علی خامنہ ای ، صدر حسن روحانی اور ایرانی ٹیلی ویژن پر جھوٹ بولنے کا الزام عائد کیا۔ اس نے کہا کہ قم کی سڑکیں اور گلیاں کرونا کی وجہ سے انسانی لاشوں سے اٹی پڑی ہیں مگر ہماری لیڈر شپ اسے چھپانے کی کوشش کررہی ہے۔

ایران میں ایک نیوز ویب سائٹ ‘ انتخاب’ کے مدیر مصطفیٰ فقیہی نے وزیر صحت سعید نمکی کو مخاطب کرتے ہوئے کہا کہ ایران میں کرونا کے باعث اب تک 2 ہزار افراد لقمہ اجل بن چکے ہیں جب سرکاری اعدادو شمار اس کا دسوں حصہ بیان کرتے ہیں۔

ٹویٹر پر فقیہی نے ٹویٹ کیا کہ جناب کیا آپ کرونا انفیکشن سے فوت ہونے والے لوگوں کی صحیح تعداد ظاہر نہیں کرنا چاہتے؟ ٹھیک ہے! صرف تہران اور گیلان کے صوبوں میں کل سے زیادہ 130 افراد فوت ہوچکے ہیں۔

ذرائع کے مطابق

ممبئی:ہولی تہوارمیں کووروناوائرس کاپتلانذرآتش کردیا گیا ،اطلاعات کے مطابق آج بھارت میں جہاں ایک طرف ہولی کا تہوار منایا جارہا ہے وہاں دوسری طرف کرونا وائرس کے پتلے بناکرجلائے جارہے ہیں ،

Mumbai: An effigy based on the theme of #CoronaVirus has been put up in Worli, ahead of 'Holika Dahan' today. #Holi pic.twitter.com/yX01NWqzZi

— ANI (@ANI) March 9, 2020

کورونا وائرس نےدنیا بھرکی طرح بھارت میں بھی اس میں خوف پیداکردیاہےاسی ضمن میں ہندوبرادری کے ہولی کے تہوار کے موقع پر ممبئی میں کورونا وائرس کو ایک شیطان تصورکیاگیااوراس کاپتلابناکرجلایا گیا۔ممبئی میں ہندوافرادنےاپنی مذہبی روایت ’ہولیکا داہان‘ کےپیشِ نظرایک پُتلاتیارکیاجس کانام انہوں نےڈائناسورسےجوڑتےہوئے ’کوروناسور‘رکھاجسےبعد ازاں جلایا گیا۔

واضح رہےکہ ہندوبرادری اپنےمذہبی تہوارہولی کے موقع پرایک روایت پرعمل کرتے ہیں جس میں وہ ایک شیطان کاپُتلابناکراسے جلاتےہیں او یہ تصورکرتےہیں کہ یہ برائی کےآگےان کی جیت ہے۔لہٰذااب کورونا وائرس کوایک شیطان سمجھتےہوئےہندووں نے اپنی روایت کے مطابق اس سال ہولی کے دن کورونا کاایک پتلا بناکر اسے جلایا۔

روم: اٹلی میں کورونا وائرس کی وجہ سے 6کروڑ افراد گھروں تک محدود،حکومت اورشہری سب بے بس ہوگئے ،اطلاعات کےمطابق یورپ کے مشہور ترین سیاحتی مقامات میں سے ایک اٹلی میں کورونا وائرس کی شدت میں اضافے کے سبب ملک کے تمام 6کروڑ عوام کو گھروں تک محدود کردیا گیا ہے اور کسی بھی قسم کی چھوٹی یا بڑی تقریبات پر پابندی عائد کردی ہے۔

گزشتہ سال چین میں منظر عام پر آنے والے کووڈ-19 وائرس سے اٹلی سب سے زیادہ متاثر ہوا ہے جس میں اب تک 9ہزار سے زائد کیسز رپورٹ ہو چکے ہیں جبکہ کم از کم 450افراد لقمہ اجل بن چکے ہیں۔

خبر رساں ایجنسی اے ایف پی کے مطابق اٹلی میں شادی بیاہ اور جنازوں کی تقریبات پر پابندی عائد کردی گئی ہے جبکہ بار اور ریسٹورنٹس کو بھی ہدایت کی گئی ہے کہ وہ شام 6بجے تک بند کردیں۔سرکاری حکمنامے کے بعد اٹلی کے تمام بڑے شہروں کی گلیاں اور مشہور مقامات پر سناٹے کا راج ہے اور چند مقامات پر اکا دکا لوگ نظر آ رہے ہیں۔

اٹلی کے وزیر اعظم نے عوام سے گھروں میں رہنے کی درخواست کی ہے جہاں 3اپریل تک ملک بھر میں غیرمعمولی اقدامات کرتے ہوئے پیر کی رات جاری کیے گئے حکمنامے کے ذریعے تمام 6کروڑ عوام کو گھروں تک محدود کردیا گیا ہے۔سرکاری حکمنامے میں کہا گیا ہے کہ عوامی مقامات پر کسی بھی قسم کے اجتماعات پر پابندی عائد کردی گئی ہے جبکہ اٹلی میں سیریز اے فٹبال لیگ کے ساتھ ساتھ ملک میں ہر قسم کے کھیلوں کے مقابلے بھی منسوخ کر دیے گئے ہیں۔