Category: کرونا اپڈیٹس

تل ابیب :کرونا وائرس ایران میں تباہی مچاتے ہوئے اسرائیل پرحملہ آور، 55 کرونا وائرس کے مریضوں کی شناخت ہوگئی ، باغی ٹی وی کےمطابق کرونا وائرس چین ، ایران سے ہوتا ہوا اب اسرائیل پرحملہ آورہوگیا ہے، اطلاعات کےمطابق اب تک 55 افراد میں کرونا وائرس کے پائے جانے کا انکشاف ہوگیا ہے

عرب میڈیا کےمطابق مغربی کنارے کے علاقے میں صرف ایک ہی دن میں اتنی بڑی تعداد میں کرونا وائرس کے پھیل جانے اورمریضوں میں نشاندہی کے بعد تل ابیب میں زلزلہ برپا ہوگیا ہے اوراطلاعات یہی ہیں کہ اس وقت اسرائیلی حکام نے اہم اورہنگامی اجلاس طلب کرلیا ہے

ذرائع کےمطابق اسرائیلی حکام نے تمام راستوں کی ناکہ بندی کردی ہے ، یہ بھی معلوم ہوا ہےکہ اسرائیل میں پھیلنے والا کرونا امریکہ کے ذریعے یہاں منتقل ہوا ہے، کچھ حلقوں کا کہنا ہےکہ جرمنی میں ہونے والی نیٹوحکام کی اہم میٹنگ میں کرونا وائرس سے متاثرہ لوگوں کی وجہ سے یہ وائرس اسرائیل منتقل ہوا جہاں‌اسرائیل نمائندہ بھی موجود تھا اورجس نے ہاتھ بھی ملائے تھے

واشنگٹن: امریکی صدرڈونلڈ ٹرمپ کے کرونا وائرس کے ٹیسٹ ؟وائٹ ہاوس نے حقیقت سے پردہ اٹھا دیا ،اطلاعات کےمطابق وائٹ ہاؤس نے صدر ٹرمپ کے کورونا وائرس کے ٹیسٹ کے حوالے سے وضاحت جاری کردی ہے ، وائٹ ہاوس ترجمان کا کہنا ہےکہ امریکی صدر کے کرونا وائرس کی تشخیص کے لیے کوئی میڈیکل ٹیسٹ نہیں ہوا

وائٹ ہاؤس کی جانب سے جاری بیان میں کہا گیا کہ ڈونلڈ ٹرمپ کا کورونا وائرس کی تشخیص کے لیے کوئی ٹیسٹ نہیں ہوا اور ان میں وائرس کی کوئی علامات بھی نہیں ہیں جب کہ صدر ٹرمپ کا نہ کسی ایسے شخص سے قریبی رابطہ ہے جو کووڈ-19 میں مبتلا ہے۔

ترجمان وائٹ ہاؤس کے مطابق ڈونلڈ ٹرمپ کی صحت اچھی ہے اور ان کے ذاتی معالج ان کا معائنہ کرتے رہیں گے، فی الحال وہ بالکل ٹھیک ہیں۔کانگریس رکن میں وائرس کی تصدیق کےبعد افواہیں زیر گردش تھیں کہ ڈونلڈ ٹرمپ نے بھی کووڈ-19 کا ٹیسٹ کروایا ہے لیکن وائٹ ہاؤس نے اس کی تردید کرتے ہوئے ایک بیان میں وضاحت پیش کی۔

چین سے پھیلنے والے مہلک کورونا وائرس سے امریکا میں بھی 700 سے زائد کیسز سامنے آچکے ہیں اور 27 ہلاکتیں رپورٹ ہوچکی ہیں۔امریکا میں وائرس سے متاثرہ افراد میں کانگریس کے 2 رکن بھی شامل ہیں جنہوں نے حال ہی میں امریکی صدر ڈونلڈ ٹرمپ کے ساتھ ایک کانفرنس میں شرکت کی۔کانفرنس کے بعد کانگریسی رکن ڈوگ کولنز میں وائرس کی تصدیق کی گئی جنہوں نے ڈونلڈ ٹرمپ سے ہاتھ بھی ملایا تھا۔

تہران :ایران میں کرونا وائرس سے بچتے بچتے 27 افراد شراب پی کرہلاک 200 سے زائد موت وحیات کی کشمکش میں ،اطلاعات کےمطابق ایران میں نوول کورونا وائرس کا علاج شراب سے ہونے کی افواہوں کے بعد زہریلی شراب پینے سے 27 افراد ہلاک ہوگئے۔

غیر ملکی خبر رساں ایجنسی ‘اے ایف پی’ نے ایران کی سرکاری خبر ایجنسی ‘اِرنا’ کا حوالہ دیتے ہوئے بتایا کہ زہریلی شراب پینے سے ایران کے جنوب مغربی صوبے خوزِستان میں 20 جبکہ شمالی خطے البورز میں 7 افراد ہلاک ہوئے۔ایران، چین کے باہر کورونا وائرس سے سب سے زیادہ متاثر ہونے والے ممالک میں سے ایک ہے۔

مقامی میڈیا کی خفیہ طور پر فروخت ہونے والی زہریلی شراب سے متعلق اکثر رپورٹس سامنے آتی رہتی ہیں۔خوزستان کے دارالحکومت اہواز کی جُندیشاپور میڈیکل یونیورسٹی کے ترجمان نے کہا کہ زہریلی شراپ پینے والے 218 افراد کو ہسپتال منتقل کیا گیا۔

البورز کے نائب پراسیکیوٹر محمد اغیاری نے ‘ارنا’ کو بتایا کہ مرنے والے افراد نے آن لائن مواد سے گمراہ ہو کر یہ سوچ کر شراب نوش کی کہ اس سے انہیں کورونا وائرس سے لڑنے اور علاج میں مدد ملے گی۔شراب اگر زیادہ مقدار میں پی جائے تو اس سے بینائی جانے، جگر کو نقصان پہنچنے اور موت کا خطرہ ہوتا ہے۔

واضح رہے کہ ایران میں کورونا وائرس اس کے تمام 31 صوبوں میں پھیل چکا ہے جس سے اب تک 237 افراد ہلاک اور 7 ہزار 161 افراد متاثر ہوئے ہیں۔ارنا کے مطابق خوزستان میں اتوار تک کورونا وائرس کے 69 کیسز میں سے 16 کی موت واقع ہوچکی تھی۔

باغی ٹی وی کی رپورٹ کے مطابق سعودی عرب کے وزارت صحت کے ترجمان ڈاکٹر محمد العبد العالی نے کہا ہے کہ سعودی عرب میں نئے کرونا وائرس کے مریضوں کی صحت تسلی بخش ہے لہٰذا خدشے کی کوئی بات نہیں۔

سعودی ذرائع ابلاغ کے مطابق ترجمان وزارصحت کا کہنا ہے کہ سعودی عرب میں کرونا وائرس کے 15 مریضوں میں سے 14قطیف اور دمام کے اسپتالوں میں زیر علاج ہیں، ان سب کو دیگر مریضوں سے الگ تھلگ رکھا گیا ہے۔ ان کی حالت اب خطرے سے باہر ہے۔

ترجمان کا کہنا ہے کہ کرونا وائرس کا ایک مریض امریکی شہری ہے، جو فلپائن اور اٹلی سے ہوتے ہوئے سعودی عرب پہنچا تھا، اسکا علاج ریاض کے ایک اسپتال میں کیاجارہا ہے، اس کو تمام مریضوں سے الگ تھلگ کرکے انتہائی نگہداشت کے شعبے میں رکھا گیا ہے۔

سعودی وزیر صحت العبد العالی کا مزید کہنا تھا کہ کرونا وائرس سے متاثرین سے ملنے جلنے والوں کی مجموعی تعداد 468 ہے۔ ان سب کی فہرست تیار کرلی گئی تھی، ان کا معائنہ بھی کیا جاچکا ہے۔ گھریلو قرنطینہ میں محصور شہریوں کی تعداد 1153ہے۔ یہ سب صحت مند ہیں۔ ان میں سے کوئی بھی کورونا وائرس کا مریض نہیں، انہیں احتیاطی تدبیر کے طور پر گھریلو قرنطینہ میں رکھا گیا ہے.

ععودی عرب میں کروناوائرس کےخطرے کے پیش نظرخطبہ جمعہ مختصرکرنے کی ہدایت کر دی گئی ہے،سعودی وزیر مذہبی امور عبداللطیف نے ہدایت جاری کی ہے کہ خطبہ جمعہ15منٹ،نمازوں کومختصردورانیےمیں پڑھایا جائے، سوموار اورجمعرات کوروزہ رکھنے والے افرادافطاری کااہتمام گھروں میں کریں،

سعودی عرب کی مساجد میں پانی پینےکےگلاس فوری ہٹانےکی ہدایت کی گئی ہے،سعودی وزیر کا کہنا تھا کہ ہمیں ملکر انسانی صحت کے حوالےسےاقدامات کرنےہوں گے،

سعودی خبر رساں ویب سائٹ کے مطابق سعودی وزیر تعلیم نے ملک بھر میں تمام نجی و سرکاری تعلیمی اداروں سمیت ٹریننگ انسٹی ٹیوشنز بھی پیر کے روز سے بند کرنےکا حکم دیا جو تا حکم ثانی بند رہیں گے۔اس سے قبل سعودی وزارت داخلہ نے مشرقی صوبے قطیف سے 11 کورونا وائرس کے کیسز سامنے آنے کے بعد حفاظتی اقدامات کے تحت صوبے کی مکمل ناکہ بندی کردی۔

کرونا وائرس، چین سے طالب علم پاکستان پہنچا تو اسکے ساتھ کیا ہوا؟

کرونا وائرس، مائیں رو رہی ہیں ،حکومت سو رہی ہے، مشاہد اللہ خان کی سینیٹ میں کڑی تنقید

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران