ڈیرہ اسماعیل خان میں پولیس نے رات گئے نامعلوم مسلح دہشت گردوں کا حملہ ناکام بنا دیا۔ پولیس چیک پوسٹ پر اچانک فائرنگ کے بعد جوابی کارروائی میں دو دہشت گرد مارے گئے جبکہ ایک پولیس اہلکار معمولی زخمی ہوا۔
پولیس کے مطابق دہشت گردوں نے چیک پوسٹ پر اچانک حملہ کیا، جس پر پولیس نے فوری اور بھرپور جواب دیا۔ دونوں جانب سے شدید فائرنگ کا تبادلہ ہوا، جس کے نتیجے میں حملہ آور پسپا ہو گئے۔
زخمی پولیس اہلکار کو فوری طور پر اسپتال منتقل کر دیا گیا۔ واقعے کی اطلاع ملتے ہی ڈی پی او سجاد احمد موقع پر پہنچ گئے۔ انہوں نے کہا کہ پولیس جوانوں نے دلیری اور پیشہ ورانہ مہارت سے حملہ ناکام بنایا، اور فورس کا مورال بلند ہے۔
Category: ڈیرہ اسماعیل خان
ڈیرہ اسماعیل خان میں پولیس چیک پوسٹ پر حملہ ناکام، 2 دہشت گرد ہلاک
ڈیرہ اسماعیل خان آپریشن: بھارتی پراکسی فتنۃ الخوارج کے 22 دہشت گرد ہلاک
سیکیورٹی فورسز نے خیبر پختونخوا کے ضلع ڈیرہ اسماعیل خان میں بھارتی پراکسی تنظیم فتنۃ الخوارج کے خلاف انٹیلی جنس بنیادوں پر کامیاب کارروائی کرتے ہوئے 22 دہشت گردوں کو ہلاک کردیا۔
آئی ایس پی آر کے مطابق دہشت گردوں کی موجودگی کی اطلاع پر علاقے میں آپریشن کیا گیا، جس دوران فورسز اور فتنۃ الخوارج کے دہشت گردوں کے درمیان شدید فائرنگ کا تبادلہ ہوا۔ سیکیورٹی فورسز نے دہشت گردوں کے ٹھکانے کو مؤثر انداز میں نشانہ بنایا، جس کے نتیجے میں تمام 22 دہشت گرد مارے گئے۔ترجمان کے مطابق علاقے میں موجود کسی بھی بھارتی اسپانسرڈ دہشت گرد کو ختم کرنے کے لیے سینیٹائزیشن آپریشن جاری ہے۔ آئی ایس پی آر نے کہا کہ سیکیورٹی فورسز اور قانون نافذ کرنے والے ادارے وژن ”عزمِ استحکام“ کے تحت دہشت گردی کے خاتمے کے لیے بھرپور کارروائیاں کررہے ہیں۔
صدر، وزیراعظم اور وزیر داخلہ کا خراجِ تحسین
وزیراعظم شہباز شریف نے کامیاب آپریشن پر سیکیورٹی فورسز کو خراجِ تحسین پیش کرتے ہوئے کہا کہ فورسز دہشت گردی کے خلاف نمایاں کامیابیاں حاصل کررہی ہیں، پوری قوم اپنی بہادر افواج کے شانہ بشانہ کھڑی ہے اور ملک سے ہر قسم کی دہشت گردی کے مکمل خاتمے کے لیے پرعزم ہے۔صدر مملکت آصف علی زرداری نے بھی کامیاب کارروائی پر فورسز کی تعریف کرتے ہوئے کہا کہ دہشت گردوں کی ہر صورت ناکامی ہماری اولین ترجیح ہے، جبکہ سیکیورٹی اداروں کی قربانیاں انتہائی قابلِ ستائش ہیں۔
وزیر داخلہ محسن نقوی نے آپریشن پر سیکیورٹی فورسز کی پیشہ ورانہ صلاحیتوں کی تعریف کرتے ہوئے کہا کہ بہادر سپوتوں نے ایک بار پھر فتنہ الخوارج کے ناپاک عزائم کو ناکام بنایا
بحریہ ٹاؤن لاہور میں بجلی بند، شہری شدید پریشان، 35 ہزار گھر شامل
پاکستان بار کونسل انتخابات 2025، 59 امیدواروں نے کاغذاتِ نامزدگی جمع کرادیے
ڈیرہ اسماعیل خان: پولیس کی بکتر بند گاڑی پر دھماکا، دو اہلکار شہید
ڈیرہ اسماعیل خان میں پولیس چوکی ٹکواڑہ کی بکتر بند گاڑی بارودی مواد کے حملے کا نشانہ بنی، جس کے نتیجے میں دو پولیس اہلکار شہید اور سات زخمی ہوگئے۔
پولیس کے مطابق تحصیل کلاچی کے ہتھالہ گلوٹی روڈ پر کڑی ملنگ کے مقام پر نامعلوم دہشت گردوں نے امپرووائزڈ ایکسپلوسیو ڈیوائس (IED) کے ذریعے بکتر بند گاڑی کو نشانہ بنایا۔ دھماکے میں پولیس اہلکار سیف الرحمن اور رمضان موقع پر ہی شہید ہوگئے۔ڈی پی او ڈیرہ اسماعیل خان کے مطابق زخمیوں میں کفایت، شاہد، محبوب عالم اور آصف رحمان سمیت سات اہلکار شامل ہیں۔ چار زخمیوں کو سی ایم ایچ ڈیرہ اسماعیل خان منتقل کیا گیا، جبکہ تین اہلکاروں کو ابتدائی طبی امداد کے بعد فارغ کر دیا گیا۔
دھماکے کے فوراً بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے، اور حملہ آوروں کی تلاش جاری ہے
امریکا کا سعودی عرب کو کم ترجیحی ایف-35 طیارے دینے کا منصوبہ
ڈیرہ اسماعیل خان، پولیس ٹریننگ اسکول پر دہشتگردوں کا حملہ، پانچ ہلاک، سات اہلکار شہید
دہشتگردی کی ایک اور سفاک کارروائی میں ڈیرہ اسماعیل خان کے پولیس ٹریننگ اسکول پر گزشتہ رات خودکش حملہ کیا گیا، جس کے نتیجے میں سات بہادر پولیس اہلکار جامِ شہادت نوش کر گئے جبکہ جوابی کارروائی میں پانچ دہشتگرد، جن میں ایک خودکش بمبار بھی شامل تھا
ڈی ایس پی حافظ محمد عدنان نے بتایا کہ پولیس ٹریننگ اسکول میں آپریشن رات گئے مکمل کیا گیا جس میں پولیس اور سکیورٹی فورسز نے حصہ لیا۔اسپتال ڈائریکٹر نے بتایا کہ 13 زخمی اہلکاروں کو ڈی ایچ کیو ٹراما سینٹر لایا گیا، حملے کے وقت 200 پولیس جوان اور ریکروٹس کو ریسکیو کیا گیا، آپریشن میں ٹریننگ اسکول اور نادرا آفس کو کلیئر کیا گیا۔
یاد رہے کہ دہشت گردوں نے گزشتہ رات تقریباً ساڑھے 8 بجے پولیس ٹریننگ اسکول ڈی آئی خان پر خودکش حملہ کیا تھاجس کے بعد سیکورٹی فورسز نے فوری جوابی کاروائی شروع کر دی تھی.
ڈی آئی خان، مسلوب پتافی کی کتاب عکسِ تہذیب کی پروقار تقریبِ رونمائی
ڈیرہ اسماعیل خان ،بزمِ ادب سنیہڑہ، درابن خورد تحصیل پروآ کے زیر اہتمام مسلوب پتافی کی کتاب عکسِ تہذیب کی پروقار تقریبِ رونمائی منعقد ہوئی۔ اس مختصر مگر بامقصد ادبی اجتماع میں تحصیل پروآ کے نامور شعراء، ادباء اور دانشوروں نے شرکت کر کے تقریب کو یادگار بنا دیا۔
تقریب کا آغاز سئیں سیفی سیال صاحب نےتلاوتِ کلامِ پاک سے کیا جس کے بعد نعتِ رسولِ مقبول ﷺ جناب ثاقب دامانی صاحب نے نہایت عقیدت و احترام سے پیش کی۔ کتاب کی باقاعدہ رونمائی مصنف کے والدِ گرامی اللہ ڈتہ پتافی بلوچ کے دستِ مبارک سے ہوئی۔تقریب کی نظامت کی ذمہ داری محترم عزیز اللہ بھٹی صاحب نے نہایت خوش اسلوبی سے انجام دی۔پروگرام میں بطور مہمانِ خصوصی اختر شاہ صاحب (صدر پاکستان یونائٹڈ ورکرز فیڈریشن جنوبی کے پی کے) اور قیوم نواز بلوچ شریک ہوئے۔ اس موقع پر معزز مہمانانِ گرامی میں سئیں ثاقب دامانی،محمد عمران ثالث ، حنیف کامل، سیفی سیال، یونس سیال، میر شفقت اللہ پتافی بلوچ بھی شامل تھے جنہوں نے تقریب میں اپنی شرکت سے وقار میں اضافہ کیا۔
علاوہ ازیں بزمِ ادب سنیہڑہ درابن خورد کے معززین و بزم کے عہدداران اراکین ناظم مجید پتافی بلوچ،محمد شکیل پتافی بلوچ،ڈاکٹر محمد بن قاسم ، قاری عدنان صاحب،قاری ساجد دامانی صاحب،گلزمان پتافی بلوچ،سئیں حکیم راقش بھٹی، قریشی اللہ نواز نواز، کلیم عثمانی، اور محمد بلال یوسف نے شرکت کی اور اپنی روایتی علمی و ادبی وابستگی کا اظہار کیا۔تقریب کے اختتام پر معزز مہمانوں نے عکسِ تہذیب کو تحصیل پروآ کی علمی و ثقافتی تاریخ میں ایک اہم اضافہ قرار دیا اور مصنف مسلوب پتافی بلوچ کو اس علمی خدمت پر بھرپور خراجِ تحسین پیش کیا۔
ڈی آئی خان میں پولیس ٹریننگ سینٹر پر دہشتگردوں کا حملہ، تین ہلاک
ڈیرہ اسماعیل خان کے علاقے ڈیرہ اسماعیل خان کیا، دہشتگردوں نے گیٹ سے بارود سے بھری گاڑی ٹکرائی۔
سیکیورٹی فورسز اور پولیس کی بروقت جوابی کارروائی میں فتنہ الخوارج کے تین دہشتگرد جہنم واصل ہوگئے۔اطلاعات کے مطابق دھماکا انتہائی زور دار تھا جس کی آواز دور دور تک سنائی دی اور قریبی گھروں کی دیواریں بھی لرز اٹھیں۔دھماکے اور فائرنگ کے بعد علاقے میں خوف و ہراس پھیل گیا، تاہم فورسز نے علاقے کو گھیرے میں لے کر کلیئرنس آپریشن شروع کردیا۔
واضح رہے کہ بلوچستان اور خیبر پختونخوا کے مختلف اضلاع میں سیکیورٹی فورسز، کاونٹر ٹیررازم ڈیپارٹمنٹ اور قانون نافذ کرنے والے اداروں نے گزشتہ 24 گھنٹوں کے دوران متعدد کارروائیاں کیں جن میں 43دہشت گردوں کی ہلاکت، ان کے ٹھکانوں کی تباہی اور کئی افراد کے اغوا کے واقعات سامنے آئے۔
نئی دہلی میں افغان وزیر خارجہ کی پریس کانفرنس میں خواتین صحافیوں کو شرکت سے روک دیا گیا
ڈی آئی خان آپریشن: 13 بھارتی سپانسرڈ خوارج ہلاک
سیکیورٹی فورسز نے ڈیرہ اسماعیل خان کے علاقے ڈرابن میں انٹیلی جنس بنیاد پر آپریشن کرتے ہوئے 13 بھارتی سپانسرڈ خوارج کو ہلاک کر دیا۔
آئی ایس پی آر کے مطابق دہشتگردوں کی موجودگی کی اطلاع پر کارروائی کی گئی، ہلاک ہونے والے خوارج خودکش حملوں، اغوا اور ٹارگٹ کلنگ میں ملوث تھے۔ آپریشن کے دوران دہشتگردوں کے قبضے سے بھاری مقدار میں اسلحہ اور گولہ بارود بھی برآمد ہوا۔فوجی ترجمان نے بتایا کہ یہ گروہ دسمبر 2023 میں ڈرابن خودکش حملے میں سہولت کاری میں بھی ملوث تھا۔
آئی ایس پی آر کے مطابق علاقے میں کلیئرنس آپریشن جاری ہے اور پاکستان کی سیکیورٹی فورسز بھارتی سرپرست دہشتگردی کے مکمل خاتمے کے لیے پرعزم ہیں۔
دو ماہ میں بینکوں سے 1 کھرب روپے سے زائد نکلوا لیے گئے
علی امین گنڈاپور کے حلقے کے ہسپتالوں میں52 کروڑ کی مالی بدعنوانی بے نقاب
خیبرپختونخوا حکومت میں کروڑوں روپے کی مالی بے ضابطگیوں کا ایک اور اسکینڈل سامنے آ گیا۔
آڈٹ رپورٹ کے مطابق وزیراعلیٰ علی امین گنڈاپور کے انتخابی حلقے ڈیرہ اسماعیل خان کے سرکاری اسپتالوں میں 52 کروڑ روپے سے زائد کی مبینہ بدعنوانیوں کا انکشاف ہوا ہے۔آڈٹ رپورٹ کے مطابق مفتی محمود میمورل اسپتال میں گزشتہ دو سال کے دوران ادویات کی خریداری میں شدید مالی ہیرپھیر کی گئی، جب کہ ڈسٹرکٹ ہیڈ کوارٹر اسپتال میں متعدد غیر قانونی بھرتیاں بھی کی گئیں۔
رپورٹ میں کہا گیا کہ ان معاملات میں سرکاری فنڈز کے بے جا استعمال اور قواعد کی سنگین خلاف ورزی کی گئی ہے۔ اسپتال انتظامیہ کی مبینہ ملی بھگت سے ادویات کی خریداری میں شفافیت کو نظرانداز کیا گیا اور بھرتیوں میں میرٹ کا خیال نہیں رکھا گیا۔آڈٹ رپورٹ میں ان مالی بے ضابطگیوں کی تفصیلات بھی فراہم کی گئی ہیں، جن میں انتظامیہ کے کردار پر کئی سوالات اٹھائے گئے ہیں۔
یہ اسکینڈل ایسے وقت میں سامنے آیا ہے جب خیبرپختونخوا حکومت پہلے ہی انتظامی کارکردگی اور بدانتظامی پر شدید تنقید کی زد میں ہے۔
سانحہ سوات پر پنجاب اسمبلی کی مذمتی قرارداد منظور، وزیراعلیٰ سے استعفے کا مطالبہ
پنجاب پولیس کے عمر فاروق کا ویسٹ ایشیا بیس بال کپ میں سلور میڈل
کراچی میں مون سون کی پہلی بارش کے دوران 7 افراد جاں بحق
پاکستان اوور 40 کرکٹ ورلڈ کپ 2025 کی میزبانی کرے گا، کراچی میں تیاریاں شروع
Ask ChatGPT
ڈیرہ اسماعیل خان،فورسز پر حملے کی کوشش ناکام، شرپسندوں کے ٹھکانے تباہ
خیبرپختونخوا کے ضلع ڈیرہ اسماعیل خان میں تھانہ کھوئی بہارہ کے قریب سیکیورٹی فورسز اور پولیس پر حملے کی ایک بڑی کوشش ناکام بنا دی گئی۔ شرپسند عناصر کی جانب سے روڈ کو توڑ کر بارودی مواد نصب کیا گیا تھا، جس کا مقصد فورسز کو نشانہ بنانا تھا۔
باغی ٹی وی کے مطابق پولیس حکام نے بتایا کہ کارروائی کے دوران سیکیورٹی اداروں نے بر وقت کارروائی کرتے ہوئے آئی ای ڈی (دیسی ساختہ بم) برآمد کر کے ناکارہ بنایا اور شرپسندوں کے خفیہ ٹھکانے تباہ کر دیے گئے۔واقعے کے بعد پاک فوج اور پولیس کی نگرانی میں مذکورہ سڑک کی دوبارہ تعمیر کا کام فوری طور پر شروع کر دیا گیا ہے، جس پر مقامی آبادی نے اطمینان اور تشکر کا اظہار کیا ہے۔
مقامی افراد کے مطابق شرپسندوں کی جانب سے سڑک کو تباہ کرنے کے باعث انہیں آمد و رفت میں شدید مشکلات کا سامنا تھا، تاہم سیکیورٹی اداروں کی بروقت کارروائی سے نہ صرف ممکنہ جانی نقصان سے بچاؤ ہوا بلکہ علاقے میں اعتماد کی فضا بھی بحال ہوئی ہے۔سیکیورٹی ذرائع کے مطابق علاقے میں سرچ آپریشن جاری ہے تاکہ کسی بھی ممکنہ خطرے کو بروقت روکا جا سکے۔
ٹرمپ کی ایک بار پھر پاک بھارت امن کی پیشکش،جنگ نہیں، تجارت کریں
بھارت کا پاکستانی ہائی کمیشن کے اہلکار کو ملک چھوڑنے کا حکم
جنگ کوئی بالی وڈ فلم نہیں، سابق بھارتی آرمی چیف کی میڈیا پر کڑی تنقید
آئی پی ایل میں سیکیورٹی خدشات برقرار، ، بھارتی بورڈ کا کھلاڑیوں پر واپسی کے لیے دباؤ
ڈی آئی خان، خفیہ اطلاع پر آپریشن، 4 دہشتگرد ہلاک
سیکیورٹی فورسز نے گزشتہ روز ڈیرہ اسماعیل خان کے علاقے مدّی میں خفیہ اطلاع پر دہشت گردوں کی موجودگی کی بنیاد پر انٹیلیجنس بیسڈ آپریشن کیا۔
آئی ایس پی آر کے مطابق آپریشن کے دوران سیکیورٹی فورسز نے دہشت گردوں کے ٹھکانے کو مؤثر انداز میں نشانہ بنایا، جس کے نتیجے میں 4 دہشت گرد واصلِ جہنم ہو گئے۔ہلاک دہشت گردوں کے قبضے سے اسلحہ اور گولہ بارود بھی برآمد کر لیا گیا ہے۔ یہ دہشت گرد علاقے میں متعدد تخریبی سرگرمیوں میں ملوث رہے ہیں۔پاک فوج کے شعبہ تعلقات عامہ کے مطابق فائرنگ کے شدید تبادلے کے دوران مادرِ وطن کا ایک بہادر سپوت ضلع اٹک سے تعلق رکھنے والا 23 سالہ سپاہی باسط صدیق دشمن سے بہادری سے لڑتے ہوئے شہادت کے عظیم مرتبے پر فائز ہوا۔
آئی ایس پی آر کے مطابق علاقے میں مزید خطرات کے تدارک کے لیے کلیئرنس آپریشن جاری ہے۔آئی ایس پی آر کا کہنا ہے کہ پاک فوج دہشت گردی کے ناسور کو جڑ سے اکھاڑ پھینکنے کے لیے پرعزم ہے، اور ہمارے جوانوں کی ایسی عظیم قربانیاں قوم کے عزم کو مزید مضبوط کرتی ہیں۔
