Category: ڈیرہ اسماعیل خان

باغی ٹی وی : ڈیرہ اسماعیل خان (نامہ نگار)ریسکیو1122 کی کارکردگی صرف فوٹو سیشن و سوشل میڈیا تک محدود، تھانہ پروآ کی حدود ہزارہ ڈرین جھوک گرسل کے قریب سکول سے واپسی پر راستہ نہ ہونے سے ڈرین کراس کرتے ہوئے سکول کاطالبعلم ڈرین میں گرکر ڈوب گیا۔اہل علاقہ نے اپنی مددآپ کے تحت بچے کی لاش ڈرین سے باہر نکالی۔عوام کاریسکیو کی ناقص کارکردگی پر غم وغصے کااظہار۔تفصیلات کے مطابق گزشتہ روز تھانہ پروآ کی حدود ہزارہ ڈرین جھوک گرسل کے قریب سکول سے واپسی پر راستہ نہ ہونے سے ڈرین کراس کرتے ہوئے سکول کاطالبعلم ڈرین میں گرکر ڈوب گیا۔اہل علاقہ نے واقعے کی اطلاع پرریسکیو 1122 کو 1 بجے کال کی تو ریسکیواہلکار4 بجے پہنچے اور وہ بھی صرف 15 سے 20 منٹ کے فوٹو سیشن کرا کے وہاں سے رفو چکر ہو گئے۔ اہل علاقہ نے اپنی مدد آپ کے تحت بچے کی نعش کو نکال لیا مگر سوال پیدا ہوتا ہے کہ کروڑوں کی مشینری اور سینکڑوں اہلکار وں کی موجودگی کے باوجودریسکیور ایک نعش پانی سے نہ ڈھونڈ سکے۔اس حوالے سے ریسکو 1122 کی کارکردگی پر سوال اٹھا رہا ہے جبکہ اہلیان علاقہ نے ریسکیو1122کی ناقص کارکردگی پر انتہائی رنج والم اورغم وغصے کااظہارکیاہے۔ انہوں نے صوبائی حکومت اورڈپٹی کمشنر ڈیرہ نصراللہ خان سے ریسکیو1122کی کارکردگی کو بہتربنانے کامطالبہ کیاہے۔

باغی ٹی وی :ڈیرہ اسماعیل خان (نامہ نگار)ڈپٹی کمشنر ڈیرہ اسماعیل خان نصراللہ خان کی ہدایات کی روشنی میں اسسٹنٹ کمشنر پہاڑ پور انیق انور کا تحصیل پہاڑپور کے مختلف طبی مراکز میں کوووڈویکسینیشن، ملیریا اور صحت کے حوالے اوردیگر ضروری سہولیات کا معائنہ، طبی عملے کی حاضری اور دیگر ریکارڈ کا معائنہ،عملے کو عوام الناس کو ہر ممکن علاج معالجے کی سہولیات کی فراہمی کے حوالے سے موقع پر ضروری ہدایات جاری کیں۔تفصیلات کے مطابق ڈپٹی کمشنر ڈیرہ اسماعیل خان نصراللہ خان کی ہدایات کی روشنی میں اسسٹنٹ کمشنر پہاڑ پور انیق انورنے گزشتہ روز تحصیل پہاڑپور کے مختلف طبی مراکزکادورہ کیا۔انہوں نے صحت مراکزکے دورے کے دوران کوووڈویکسینیشن، ملیریا اور صحت کے حوالے اوردیگر ضروری سہولیات کا معائنہ کیا۔اس موقع پراسسٹنٹ کمشنر پہاڑ پور انیق انورنے طبی عملے کی حاضری اور دیگر ریکارڈ کا معائنہ کیا۔ انہوں نے عملے کو عوام الناس کو ہر ممکن علاج معالجے کی سہولیات کی فراہمی کے حوالے سے ضروری ہدایات جاری کیں۔انہوں نے عملے کوہدایات جاری کیں کہ ہسپتال آنے والے مریضوں سے خوش اخلاقی سے پیش آئیں اورمریضوں کے علاج اوردیکھ بھال میں کسی قسم کی کوتاہی نہ کریں۔ انہوں نے عملے کو خبردارکیاکہ مریضوں کے علاج معالجہ کے سلسلے میں کسی قسم کی غفلت یاکوتاہی برداشت نہیں کی جائے گی۔

باغی ٹی وی : ڈیرہ اسماعیل خان(نامہ نگار ) سی آر بی سی کینال کی بروقت بحالی، نالوں کی صفائی اور مرمت کیلئے سابق وفاقی وزیرسردارعلی امین خان گنڈہ پور کی کوششوں سے صوبائی حکومت کی جانب سے محکمہ ایری گیشن کو کروڑوں روپے کے فنڈز کی فراہمی کردی گئی،اس سلسلے میں ٹھیکیداروں سے ٹینڈرزلیے جارہے ہیں تاکہ سی آربی سی کینال کی بروقت بحالی ہواورزمینداروں کی مشکلات کا ازالہ کیاجاسکے۔تفصیلات کے مطابق سابق وفاقی وزیرسردارعلی امین خان گنڈہ پور کی کوششوں سے صوبائی حکومت نے سی آر بی سی کینال کی بروقت بحالی، نالوں کی صفائی اور مرمت کیلئے محکمہ ایری گیشن کو کروڑوں روپے کے فنڈز ریلیز کر دیے ہیں تاکہ نہر کی تعمیر ومرمت کے لیے جلد کام کاآغازکردیاجائے۔ اس سلسلے میں ٹھیکیداروں سے سی آر بی سی کینال کی بحالی، نالوں کی صفائی اور مرمت کیلئے ٹینڈرز لیے جارہے ہیں۔اس موقع پرسابق وفاقی وزیرسردارعلی امین خان گنڈہ پور نے کہاکہ سی آر بی سی کینال کی بروقت بحالی کیلئے متعلقہ محکمہ بروقت اقدامات اٹھائے اسی طرح نالوں کی صفائی اور مرمت بھی کی جائے تاکہ نہ صرف پانی کی روانی بحال رکھی جا سکے بلکہ زمینداروں کو تسلسل کے ساتھ پانی کی فراہمی کو بھی یقینی بنایا جا سکے۔انہوں نے کہا کہ سیلاب سے متاثرہ نہروں اور نالوں کی فوری مرمت کر کے مکمل فعال بنایا جائے کیونکہ جہاں سیلاب سے متاثرہ لوگوں کیلئے ریلیف اور امدادی سرگرمیاں کی گئی ہیں وہیں انفراسٹرکچر کی بحالی بھی ازحد ضروری ہے لہٰذا نہری نظام سی آر بی سی کینال کی بروقت بحالی، نالوں کی صفائی اور مرمت کیلئے کاوشیں تیز کی جائیں۔سابق وفاقی وزیرسردارعلی امین خان گنڈہ پو رنے کہاکہ سی آربی سی نہر کی بحالی،نالوں کی صفائی اورمرمت میں کرپشن اورکوتاہی برداشت نہیں کی جائے گی۔

باغی ٹی وی :ڈیرہ اسماعیل خان( نامہ نگار)میڈیکل سٹورکاملازم مالک کے پانچ لاکھ کا ٹیکہ لگاکر رفوچکرہوگیا،مالک کی رپورٹ پرتھانہ گومل یونیورسٹی پولیس نے مقدمہ درج کرکے ملزم کی تلاش شروع کر دی۔ تفصیلات کے مطابق تھانہ گومل یونیورسٹی میں داؤد الرحمن ولد خورالرحمن سکنہ نورنگ نے رپورٹ درج کرائی ہے کہ میں میڈیکل کے کاروبا رسے وابستہ ہوں۔ میراملزم نوید احمد ولد مسعود احمداعوان سکنہ عید گاہ کلاں میری میڈیسن کی رقم گاہکوں سے لے کر فرارہوگیا ہے۔ فروخت کی جانے والی میڈیسن کی رقم پانچ لاکھ روپے ہے۔ تھانہ گومل یونیورسٹی پولیس نے مدعی داؤدالرحمن کی رپورٹ پر ملزم نوید احمد کے خلاف دھوکہ دہی کا مقدمہ درج کرکے ملزم کی تلاش شروع کر دی ہے۔