پاکستان پیٹرولیم ڈیلرز ایسوسی ایشن نے پیٹرولیم مصنوعات میں سستے کیمیکلز کو ملا کر مہنگے داموں فروخت کرنے کے واقعے کا انکشاف کرتے ہوئے وفاقی حکومت سے فوری مداخلت کا مطالبہ کیا ہے۔ ایسوسی ایشن نے وزیرِ پیٹرولیم اور چیئرمین اوگرا کو خط لکھ کر اس ناجائز عمل کو روکنے کی اپیل کی ہے۔
خط میں بتایا گیا کہ سالونٹ آئل کو مخصوص صنعتی استعمال کے لیے تیار کیا جاتا ہے، مگر اسے پیٹرول اور ڈیزل میں ملا کر بیچا جا رہا ہے، جس سے غیر قانونی منافع کمایا جا رہا ہے۔ یہ کیمیکل گاڑیوں کے انجنوں کے لیے انتہائی نقصان دہ ہے اور صحت کے لیے بھی خطرناک ثابت ہو سکتا ہے، یہاں تک کہ کینسر کا باعث بن سکتا ہے۔
ایسوسی ایشن نے مطالبہ کیا ہے کہ سالونٹ آئل کی پیداوار اور درآمد کا فوری آڈٹ کیا جائے، جبکہ اس کی ترسیل، ذخیرہ اور فروخت پر سخت نگرانی، انسپیکشن اور لیبارٹری ٹیسٹنگ کو مؤثر بنایا جائے۔ ان اقدامات سے نہ صرف قانونی پیٹرول پمپ مالکان کو مالی نقصان سے بچایا جا سکے گا بلکہ حکومت کو ٹیکسوں کی مد میں ہونے والے بھاری نقصان کو بھی روکا جا سکے گا۔
Category: Featured
Featured posts
پیٹرولیم مصنوعات میں سستا کیمیکل ملا کر مہنگے داموں بیچنے کا انکشاف
ننکانہ صاحب: تھانہ سید والا پولیس کی بڑی کارروائی، ڈکیت و مویشی چور گینگ کا سرغنہ ساتھی سمیت گرفتار
ننکانہ صاحب (باغی ٹی وی،نامہ نگار احسان اللہ ایاز) تھانہ سید والا پولیس نے کامیاب کارروائی کرتے ہوئے ڈکیت و مویشی چور گینگ کے سرغنہ صغیر احمد اور اس کے ساتھی ساجد کو گرفتار کر لیا۔ پولیس نے ملزمان کے قبضے سے 41 لاکھ روپے سے زائد مالیت کے چوری شدہ مویشی، موٹر سائیکل اور نقدی برآمد کر لی۔
ترجمان پولیس کے مطابق گرفتار ملزمان سے رابری اور چوری کی 8 وارداتوں کا انکشاف ہوا ہے جبکہ مزید تفتیش جاری ہے۔ ڈی پی او فراز احمد نے کہا کہ ضلع بھر میں جرائم پیشہ عناصر کے خلاف بھرپور کریک ڈاؤن جاری ہے۔ شہریوں کے جان و مال اور عزت کے تحفظ کے لیے پولیس دن رات سرگرمِ عمل ہے۔
اداکارہ حمیرا اصغر کی میت بھائی نے وصول کر لی، میڈیا پر غلط خبریں پھیلانے کا الزام
کراچی میں اپنے فلیٹ سے مردہ حالت میں ملنے والی ماڈل و اداکارہ حمیرا اصغر کی میت ان کے بھائی نوید اصغر نے وصول کر لی ہے۔
نوید اصغرنے میڈیا سے گفتگو کرتے ہوئے کہا کہ لاش کی حوالگی سے متعلق تمام قانونی تقاضے مکمل کیے گئے ہیں، اور میت وصول نہ کرنے کی خبریں بے بنیاد اور گمراہ کن ہیں۔اداکارہ کے بھائی نے بتایا کہ وہ اپنے والد کی اجازت سے کراچی آئے اور حمیرا کی میت وصول کی۔ انہوں نے کہا کہ کچھ عرصہ قبل خاندان میں ایک حادثہ پیش آیا تھا، جس سے والدین ذہنی دباؤ کا شکار تھے، ایسے میں میڈیا کی مسلسل کالز نے مزید پریشان کر دیا۔
نوید اصغر نے واضح کیا کہ والدین کی جانب سے میت لینے سے انکار کی خبروں میں کوئی صداقت نہیں، میڈیا کو ذمہ داری کا مظاہرہ کرتے ہوئے غیر تصدیق شدہ اطلاعات سے گریز کرنا چاہیے۔ان کا کہنا تھا کہ بہن حمیرا اصغر آزاد طبیعت کی مالک تھیں اور اپنی مرضی سے کراچی منتقل ہوئی تھیں، گزشتہ ایک سے ڈیڑھ سال سے خاندان کے ساتھ ان کا رابطہ نہیں تھا۔ والدہ ان سے اکثر پوچھا کرتی تھیں کہ وہ کہاں اور کیسے رہ رہی ہیں، لیکن انہوں نے کبھی تفصیلات نہیں بتائیں۔
انہوں نے مزید بتایا کہ جب حمیرا کا موبائل فون بند ہو گیا تو خاندان نے مختلف ذرائع سے رابطہ کرنے کی کوشش کی، مگر ناکام رہے۔ جب انتقال کی اطلاع ملی تو ہم سب شدید پریشان ہو گئے تھے، اور لاش کی حالت ایسی تھی کہ فوری تدفین ممکن نہ تھی۔نوید اصغر نے میڈیا پر تنقید کرتے ہوئے کہا کہ بجائے اصل سوالات کرنے کے، میڈیا نے سنسنی پھیلائی اور جھوٹے بیانیے کو فروغ دیا۔ انہوں نے مطالبہ کیا کہ واقعے کی مکمل تحقیقات کی جائیں اور فرانزک رپورٹس سامنے آنے کے بعد ہی آئندہ کا لائحہ عمل طے کیا جائے گا۔
ایف بی آر کو اختیارات دینے کے خلاف بزنس کمیونٹی کا ملک گیر ہڑتال کا اعلان
حوثیوں کا بحری جنگ میں نیا حملہ: جنگ بندی مذاکرات مشکل میں،تحریر ، ناصر اسماعیل
لورالائی کے قریب مسافروں کے اغواء کی اطلاع، فورسز کا سرچ آپریشن جاری
استنبول: خاتون سیاح کو ہراساں کرنے پر آئس کریم فروش گرفتار، دکان سیل
وزیراعظم سے علی بابا وفد کی ملاقات، پاکستانی مصنوعات کی عالمی مانگ کا اعتراف
