Category: سری نگر

مقبوضہ کشمیر میں کشتواڑ قصبے میں کچھ نامعلوم افراد نے پیپلز ڈیموکریٹک پارٹی (پی ڈی پی) رہنما کے ذاتی سیکیورٹی آفیسر کی رائفل چھین لی جس کے بعد علاقے میں کرفیو نافذ کر دیا گیا۔
مقبوضہ کشمیر میں زوردار جھڑپیں، بھارتی فوج 39 دن بعد بھی صورہ علاقہ میں داخل نہیں ہو سکی

باغی ٹی وی کی رپورٹ کے مطابق نامعلوم افراد نے پی ڈی پی رہنما شیخ ناصر کی پی ایس او کی رائفل چھین لی۔ بھارتی فوجیوں اور پولیس نے علاقے میں بڑے پیمانے پر سرچ آپریشن شروع کیا ہے۔

دریں اثنا ، بھارتی حکومت کی جانب سے نافذ کرفیو ، پابندیوں اور انٹرنیٹ، موبائل سروس کی بندش کی وجہ سے ، آج مسلسل 40 ویں دن معمولات زندگی متاثر رہے۔

مقبوضہ کشمیر میں ، قابض حکام نے آج مسلسل چھٹے ہفتہ کو سری نگر کی تاریخی جامع مسجد اور دیگر اہم مساجد میں لوگوں کو نماز جمعہ ادا کرنے سے روک دیا۔

واضح رہے کہ قابض حکام نے 5اگست سے جامع مسجد اور علاقے کی دیگر اہم مساجد میں نماز جمعہ کی اجازت نہیں دی ہے۔ 5اگست کو مودی حکومت نے مقبوضہ کشمیر کی خصوصی حیثیت ختم کرتے ہوئے مقبوضہ جموں و کشمیر میں کرفیو نافذ کر رکھا ہے۔
دریں اثنا ، بھارتی حکومت کی جانب سے نافذ کرفیو ، پابندیوں اور انٹرنیٹ، موبائل سروس کی بندش کی وجہ سے ، آج مسلسل 40 ویں دن معمولات زندگی متاثر رہے۔

کشمیر میڈیا سروس کے مطابق کشمیری کرفیو اور دیگر پابندیوں کوتوڑتے ہوئے سری نگر ، بارہمولہ ، بانڈی پورہ ، کپواڑہ ، پلوامہ ، شوپیاں ، اسلام آباد اور دیگر علاقوں میں سڑکوں پر نکل آئے اور مودی حکومت اور بھارتی ریاستی دہشت گردی کے خلاف مظاہرے کیے۔ انہوں نے بھارت مخالف اور آزادی کے حق میں نعرے لگائے۔

مقبوضہ کشمیر میں بھارتی فورسز نے ریاستی دہشت گردی کی تازہ کارروائی میں سوپور قصبے میں ایک کشمیری نوجوان کو شہید کیا۔
نوجوان کی شناخت آصف کے نام سے ہوئی۔
مقبوضہ کشمیر میں بھارتی فوج کا محرم جلوس پر دھاوا، عزاداروں پر وحشیانہ تشدد، سینکڑوں گرفتار
کشمیر میڈیا سروس کے مطابق آصف ایک کار میں سفر کر رہے تھے کہ بھارتی فوجیوں نے گاڑی پر فائرنگ کردی جس کے نتیجے میں وہ شہید ہو گئے ۔

دوسری جانب بھارتی میڈیا نے دعوی کیا ہے کہ شہید آصف کا تعلق لشکرطیبہ سے تھا۔

قبل ازیں بھارتی فوج نے سوپور قصبے کے مختلف علاقوں سے کم از کم آٹھ نوجوانوں کو گھر گھر چھاپے کے دوران گرفتار کیا۔

واضح رہے کہ مقبوضہ کشمیر کے تمام علاقوں میں کرفیو اور مواصلات کی ناکہ بندی مسلسل 38 ویں روز بھی جاری رہی۔ 5 اگست سے مقبوضہ وادی فوجی محاصرے میں ہے۔