Baaghi TV

Category: کھانےوترکیب

  • شہری زندگی میں دیسی کھانے کیسے شامل کریں؟تحریر:عائشہ ندیم

    شہری زندگی میں دیسی کھانے کیسے شامل کریں؟تحریر:عائشہ ندیم

    صبح جاگتے ہی جاب کے لیے دوڑ، دوپہر کو جلدی جلدی میں کچھ کھا لینا، اور رات کو باہر سے کچھ آرڈر کر لینا — یہ آج کی شہری زندگی کا معمول بن چکا ہے۔زندگی کی اس تیز رفتاری میں ہم اپنی صحت، کلچر اور اصل ذائقے کو بھولتے جا رہے ہیں۔

    لیکن کیا آپ نے کبھی سوچا کہ وہ دیسی کھانے جو آپ کے بڑوں کے دسترخوان کی شان ہوا کرتے تھے، اب بھی آپ کی زندگی کا حصہ بن سکتے ہیں؟آئیے جانتے ہیں کہ شہری زندگی کے ساتھ دیسی کھانوں کو کیسے اپنایا جا سکتا ہے — وہ بھی آسانی اور کم وقت میں!

    1. ہفتہ وار پلاننگ کریں
    ہفتے کے آخر میں تھوڑا وقت نکال کر دالیں، سبزیاں، شوربے یا سالن تیار کر لیں۔
    اس طرح ہفتے بھر میں آپ آسانی سے دیسی کھانے کھا سکیں گے — بغیر وقت ضائع کیے۔

    2. جلدی تیار ہونے والی دیسی ڈشز اپنائیں:
    مثلاً:

    پالک دال

    بھنڈی فرائی

    آلو کے پراٹھے

    دال چاول
    یہ کھانے نہ صرف آسان ہیں بلکہ غذائیت سے بھرپور بھی۔

    3. دیسی ناشتہ واپس لائیں
    آج کل کا ناشتہ صرف چائے اور بسکٹ؟
    اس کی جگہ انڈہ پراٹھا، دہی یا ستّو کا شربت شامل کریں — صحت مند بھی اور سستا بھی۔

    4. دیسی گھی اور مصالحوں کا درست استعمال:
    اعتدال میں دیسی گھی، ہلدی، زیرہ، ادرک، لہسن کا استعمال کریں — یہ کھانوں کو ذائقہ اور صحت دونوں دیتے ہیں۔

    5. باہر کے بجائے گھر کا "Quick Lunch” اپنائیں:
    دفتر کے لیے 10 منٹ میں تیار ہونے والے کھانے جیسے:

    ابلے انڈے

    دال چاول

    سبزی والے رول

    یہ بہترین اور practical آپشنز ہیں۔

    6. فریزر فرینڈلی دیسی کھانے:
    کچھ سالن یا قیمہ فریز کر لیں تاکہ مصروف دنوں میں صرف گرم کرنا پڑے۔

    شہری زندگی اور دیسی کھانے — توازن ممکن ہے!
    اگر ہم تھوڑی سی پلاننگ، اعتدال اور شعور سے کام لیں تو نہ صرف اپنی ثقافت اور جڑوں سے جڑے رہ سکتے ہیں بلکہ صحت مند بھی رہ سکتے ہیں۔
    یاد رکھیں،دیسی کھانے محض خوراک نہیں، اپنی پہچان سے جڑنے کا ذریعہ بھی ہیں۔

    خوش رہیں ، خوشیاں بانٹیں

  • موسم گرما میں حاملہ خواتین کے لئے قدرتی مشروبات

    موسم گرما میں حاملہ خواتین کے لئے قدرتی مشروبات

    گرمیوں کے موسم میں پانی کی اشد ضرورت ہے، خصوصا گرمیوں میں حاملہ خواتین کو اپنی صحت کا خاص خیال رکھنے کی ضرورت ہوتی ہے، ماہرین صحت کے مطابق حاملہ خواتین کو دوران حمل پانی کا استعمال زیادہ سے زیادہ کرنا چاہئے، اس ضمن میں گرمیوں میں پینے کے لئے چار قدرتی مشروبات بتائے گئے ہیں حاملہ خواتین وہ پئیں اس سے انکی صحت بھی اچھی رہے گی اور پیاس بھی نہیں لگے گی

    ناریل کا پانی
    ناریل کا پانی حاملہ خواتین کے لئے گرمیوں میں بہترین ہے، اسکا خواتین کو باقاعدہ استعمال کرنا چاہئے، اس سے جسم میں پانی کی کمی نہیں ہو گی، اس میں ضروری غذاائی اجزا بھی ہوتے ہیں ، ناریل کا پانی حاملہ خواتین کے لئے دیگر پانی کی نسبت فائدے مند ہوتا ہے،
    juice02

    لیموں کا پانی
    پاکستان میں عام سا مشروب، جس کا گرمیوں میں استعمال بڑھ جاتا ہے، لیموں پانی، حاملہ خواتین کو اسکا بھی استعمال کرنا چاہئے، لیموں پانی آسانی سے دستیاب ہو جاتا ہے،حاملہ خواتین کے لئے لیموں پانی انتہائی ضروری سمجھا جاتا ہے

    پھلوں کا جوس
    حاملہ خواتین کو اگر گرمی کی وجہ سے بھوک نہیں لگتی تو پھلوں کا جوس استعمال کریں،گرمیوں کے پھلوں کا ہی جوس خواتین کو استعمال کرنا چاہئے،گرمیوں کے پھل، آم، تربوز، آڑو کا جوس، انتہائی مفید ہے، طبی ماہرین حاملہ خواتین کے لئے تازے پھلوں کے جوس کو انتہائی اہم قرار دیتے ہیں،
    juice03

    سبزیوں کا جوس
    گرمی لگی ہو، پیاس بھی لگی ہو اور کچھ اچھا پینے کو دل کرے ، تو پھر گھر سے باہر جانے کی ضرورت نہیں، کچن میں جائیں اور گھر میں موجود سبزیوں کا جوس بنائیں، اور پی لیں. حاملہ خواتین کے لئے سبزیوں کھیرا، ٹماٹر کا جوس بہت ہی مفید ہے، سبزیاں آسانی سے دستیاب ہو جاتی ہیں، حاملہ خواتین کو دیگر مشروبات کے ساتھ ساتھ سبزیوں کے جوس کا بھی استعمال کرنا چاہئے،سبزیوں کا جوس پیتے وقت سلاد بھی ساتھ کھایا جا سکتا ہے

    juice04

    طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی

    راہ چلتی طالبات کو ہراساں اور آوازیں کسنے والا اوباش گرفتار

    طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا

    پولیس کا قحبہ خانے پر چھاپہ،14 مرد، سات خواتین گرفتار

    خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

    نرسری وارڈ میں 4 بچوں کے جاں بحق ہونے پر وزیراعلیٰ کا نوٹس

    پسند کی شادی جرم بن گئی، سفاک ملزمان نے بچوں،خواتین سمیت سات افراد کو زندہ جلا ڈالا

  • داتا دربار شوٹنگ کے لئے فضا علی گئیں تو انکے ساتھ کیا ہوا؟‌

    داتا دربار شوٹنگ کے لئے فضا علی گئیں تو انکے ساتھ کیا ہوا؟‌

    اداکارہ فضا علی نے اپنے حالیہ انٹرویو میں بتایا ہے کہ ایک بار وہ اداکار سمیع خان اور پوری ٹیم کے ساتھ داتا دربار کے پیچھے ایک اور دربار ہے وہاں گئیں ، وہاں پہنچی تو بہت زیادہ رش تھا، لوگوں نے جب ہمیں دیکھا تو وہ وہاں دھاگہ باندھنا شروع ہو گئے. ہم نے کہا کہ آپ کیا کررہے ہو یہ ، تو کہنے لگے کہ ہماری خواہش ہے کہ آپ دونوں کی شادی ہوجائے، میں نے ان سے کہا کہ میں شادی شدہ ہوں اور سمیع خان نے بھی ان سے کہا کہ میں بھی شادی شدہ ہوں آپ لوگ کیا کررہے ہیں ایسا نہ کریں. لیکن لوگ منع نہیں ہوئے اور دھاگہ باندھتے رہے اور کہتے رہے کہ آپ دونوں کی شادی ہوجائے. میں نے گھبرا کر سمیع خان سے کہا کہ مجھے اپنی شادی خراب ہوتی دکھائی دے رہی

    ہے صرف میری ہی نہیں تمہاری شادی بھی مجھے خراب ہوتی دکھائی دے رہی ہے. بعد میں ایسا ہوا ، میری شادی خراب ہو گئی لیکن سمیع خان کی بچ گئی. فضا علی نے کہا کہ ایسی جگہوں پر جا کر شوٹ کرنا آسان نہیں ہوتا لوگ نہیں سمجھتے ایسی باتوں کو ، وہ جو ٹی وی پر کردار دیکھتے ہیں تو سمجھتے ہیں کہ شاید ان کا حقیقت میں تعلق ہے.

  • سردیوں میں "ساگ” کا اپنا ہی مزہ ہے

    سردیوں میں "ساگ” کا اپنا ہی مزہ ہے

    انسان سبز پتوں والی سبزیاں اور ساگ دونوں کا ساتھ بہت پرانا ہے غذائی اہمیت کے لحاظ سے ان کی حقیقت یہ ہے کہ زندگی کی بنیاد ان ہی سا گوں اور سبزیوں پر قائم ہے قدرت ان ہی کے زریعے زندگی کی تعمیر کے لئے ایسے ضروری اجزاء تیار کرتی ہے جو اچھی صحت کے لئے نہایت ضروری ہوتے ہیں ساگ میں جسم کو نشونما دینے والے اجزا بکثرت پائے جاتے ہیں مثلاً وٹامن اے ، بی، ای اور پروٹین وغیرہ اس کے علاوہ ساگ میں کیلشئیم کلورین سوڈیم فاسفورس فولاد بھی کافی مقدار میں پائے جاتے ہیں ،بچوں کی نشونما اور پرورش میں بھی ساگ بہت مفید ہے اگر بچپن سے ہی بچوں کو ساگ اور سبزیاں کھانے کی عادت ڈالی جائے تو یہ عادت انہیں زندگی بھر بہت سی مشکلات اور بیماریوں سے محفوظ رکھ سکتی ہے

    سردیوں کے موسم میں اگرچہ بہت سے پکوان سامنے آتے ہیں تا ہم "ساگ” کا اپنا ہی مزہ ہے، ساگ پنجاب میں زیادہ پکایا جاتا ہے ، پنجاب میں دیہاتوں میں ساگ کے ساتھ لسی، دیسی گھی اور مکئی یا باجرے کی روٹی کھائی جاتی ہے،ساگ پکانے میں کافی وقت صرف ہوتا ہے، ساگ توڑنا، یا پھر بازار سے لانا، اسے کاٹنا ، اور پھر پکانا اور پکنے میں کافی دیر،یوں بھوک بھی شدید اور ساگ بھی گرما گرم تو کھانے کا مزہ دوبالا ہو جاتا ہے

    ساگ پکانے کے لئے سب سے پہلے ساگ کو چھری کی مدد سے باریک باریک کاٹیں اور پھر اسکو اچھی طرح دھوئیں کیونکہ ساگ میں مٹی یا ریت ہو سکتی ہے، ساگ کو دھو کر اسے صاف پانی میں پتیلے میں ڈال کر آگ پر رکھ دی، سبز مرچ بھی ڈال دیں اور تب تک پکائیں جب تک گل نہ جائے، جب ساگ گل جائے تو دوسرے برتن میں گھی ڈالیں اور مصالحہ بنا لیں، مصالحے میں سبز پیاز، لہسن، ادرک اور حسب ذائقہ نمک کا استعمال کریں، مصالحہ بن جائے تو اس میں ساگ ڈال دیں ، اب انتظار کی گھڑیاں ختم ہونے کو ہیں اور اگلے ہی چند لمحوں میں ملے گا گرم گرم …ساگ…

  • فیصل آباد کی انڈسٹری کو اٹلی کی مشینوں کے علاوہ ان کے ماہرین کی خدمات سے بھی فائدہ اٹھانا چاہیے۔مسٹر آندریس سفیر اٹلی

    فیصل آباد کی انڈسٹری کو اٹلی کی مشینوں کے علاوہ ان کے ماہرین کی خدمات سے بھی فائدہ اٹھانا چاہیے۔مسٹر آندریس سفیر اٹلی

    فیصل آباد(عثمان صادق) فیصل آباد کی معیاری ٹیکسٹائل کی مصنوعات کی برانڈنگ اور فیشن انڈسٹری کے پوٹینشل سے بھر پور فائدہ اٹھانے کیلئے فیصل آباد چیمبر آف کامرس اینڈ انڈسٹری کو اٹلی کی مشینوں کے علاوہ ان کے ماہرین کی خدمات سے بھی فائدہ اٹھانا چاہیے۔ یہ بات اٹلی کے سفیر مسٹر آندریس فریریز نے فیصل آباد چیمبر کے صدر عاطف منیر شیخ سے ایک ملاقات کے دوران کی۔ انہوں نے کہا کہ کورونا کی وجہ سے دوطرفہ تعلقات کو بڑھانے کےعمل میں وقتی تعطل آیا تاہم اب وہ پاکستان اور اٹلی کے درمیان مختلف شعبوں میں تعاون کو بڑھانے کیلئے بنیادی نوعیت کے اقدامات اٹھا رہے ہیں۔ اس سے قبل عاطف منیر شیخ نے بتایا کہ دونوں ملکوں کے درمیان دوطرفہ تجارت کو 5 بلین ڈالر تک بڑھانے کی گنجائش ہے اور اس سلسلہ میں دونوں ملکوں کے نجی شعبہ کے درمیان براہ راست رابطوں پر توجہ دینا ہوگی۔ انہوں نے بتایا کہ فیصل آباد کے متعدد ٹیکسٹائل اداروں میں اس وقت بھی اٹلی کی مشینیں استعمال ہورہی ہیں جبکہ اٹلی نے فیصل آبا کی نیشنل ٹیکسٹائل یونیورسٹی میں جدید ٹیکسٹائل ٹیکنالوجی سنٹر بھی قائم کیا ہے۔ انہوں نے بتایا کہ اٹلی کے ماہرین فیصل آباد کے ٹیکسٹائل سیکٹر کو عالمی منڈیوں میں اپنے برانڈ متعارف کرانے میں بھی مدد دے سکتے ہیں جبکہ فیشن ڈیزائنگ کے شعبہ میں بھی ووطرفہ تعاون سے پاکستان بھاری زرمبادلہ کما سکتا ہے۔ انہوں نے اس سلسلہ میں اٹلی کے سفیر کو فیصل آباد چیمبر آف کامرس اینڈ انڈسٹری کا دورہ کرنے کی بھی دعوت دی تاکہ دوطرفہ تعاون بڑھانے کے ساتھ ساتھ فیصل آباد کی ایم تھری انڈسٹریل اسٹیٹ اور علامہ اقبال اسپیشل اکنامک زون میں اٹلی کی طرف سے ٹیکسٹائل کی مشینری مقامی طور پر تیار کرنے پر بھی بات چیت کی جاسکے۔

  • چھاتی کے کینسر سے بچاؤ کی آگاہی کیلئے فیصل آباد میں سیمینار کا انعقاد

    چھاتی کے کینسر سے بچاؤ کی آگاہی کیلئے فیصل آباد میں سیمینار کا انعقاد

    فیصل آباد(عثمان صادق)چھاتی کے کینسر سے بچاؤ کی آگاہی کے لئے سیمینار گورنمنٹ کالج برائے خواتین عید گاہ روڑ میں منعقد ہوا جس کی مہمان خصوصی رکن صوبائی اسمبلی فردوس رائے تھیں۔پرنسپل ادارہ ڈاکٹر ناہید،ڈسٹرکٹ ہیڈ کوارٹرز ہسپتال سے ڈاکٹر جویریہ اختر، ڈاکٹر حنا،ڈائٹیشن سونیا عروج اور طالبات بھی موجود تھیں۔ماہرین ڈاکٹر نے بتایا کہ چھاتی کا کینسر دنیا میں خواتین کی اموات کی بڑی وجہ ہے اور پاکستان میں ہر 9 میں سے ایک عورت اس مرض میں مبتلا ہے۔انہوں نے بتایا کہ مرض کی بروقت تشخیص ہی اس سے بچاؤ کا ذریعہ ہے اس ضمن میں ماہانہ معائنہ کرانا چاہیے جبکہ خوراک کا بھی خاص خیال رکھیں۔انہوں نے کہا کہ تلی ہوئی اشیاء سے گریز اور پھلوں وسبزیوں کا زیادہ استعمال کیا جائے جو کہ قوت مدافعت بڑھانے اور مرض سے بچاؤ کا باعث ہے۔ایم پی اے نے ڈاکٹرز کی جانب سے مفید معلومات کو سراہا اور کہا کہ چھاتی کے کینسر سے بچاؤ کے لئے آگاہی پروگرامز کا دائرہ مزید وسیع کیا جائے۔انہوں نے خواتین سے کہا کہ وہ باقاعدگی سے اپنا طبی معائنہ کرائیں اور دیگر خواتین کو بھی آگاہی دیں۔دیگر مقررین نے خطاب کرتے ہوئے بریسٹ کینسر سے بچاؤ کی احتیاطی تدابیر پر روشنی ڈالی۔

  • آسان تراکیب کے ساتھ عید کے مزیدار پکوان

    آسان تراکیب کے ساتھ عید کے مزیدار پکوان

    گرلڈ مٹن چانپیں بنانے کا طریقہ

    جزائے ترکیبی مقدار
    مٹن چانپیں 1کلو
    دہی ½ کپ
    پیاز (گرائنڈ کئے ہوئے) ¼ کپ
    ادرک لہسن کا پیسٹ 2کھانے کے چمچ
    ہری مرچیں (باریک کٹی ہوئی) 1½ کھانے کا چمچ
    نمک حسب ذائقہ
    سرخ مرچ پاؤڈر 1½ کھانے کا چمچ
    ہلدی پاؤڈر 1چائے کا چمچ
    زیرہ پاؤڈر 1چائے کا چمچ
    خشک دھنیا پاؤڈر 1چائے کا چمچ
    کچری پاؤڈر (گوشت گلانے کے لئے) 2کھانے کے چمچ
    لیموں کا رس 3کھانے کے چمچ
    گھی 2کھانے کے چمچ

    سجاوٹ کے لئے:
    پیاز کے ٹکڑے 8سے10ٹکڑے
    لیموں کے قتلے 6سے 8 عدد
    لیموں کا رس 2کھانے کے چمچ
    چاٹ مصالحہ 1چائے کا چمچ

    طریقہ کار:
    مٹن کی چانپوں پر لیموں کا رس، نمک اور کچری پاؤڈر اچھی طرح ملیں اور دو گھنٹے کے لئے ایک طرف رکھ دیں۔ بڑے پیالے میں گھی کے علاوہ تمام اجزائے ترکیبی ڈالیں اور اچھی طرح مکس کرلیں۔ اب اس میں مٹن کی چانپیں ڈال کر 2گھنٹے کے لئے میری نیٹ کریں۔ لوہے کی سلاخوں پر مٹن کی 4یا5چانپیں پرو دیں اورکوئلوں کی انگیٹھی پر پکائیں۔ ان پر گھی لگاتے رہیں یہا ں تک کہ وہ مکمل طورپر پک جائیں۔ لیموں اورچاٹ مصالحہ چھڑکیں، پیاز اور لیموں کے قتلوں سے سجائیں اوراپنی پسند کی چٹنی کے ساتھ پیش کریں۔ انگیٹھی پر چانپوں کو پکاتے وقت تیل بجائے گھی استعمال کریں کیونکہ تیل تیزی سے جل جاتا ہے اور کڑوا ذائقہ دیتا ہے۔

    مٹن کھویا کباب

    اجزائے ترکیبی مقدار
    مٹن کا قیمہ 1کلو
    کھویا 1کپ
    دنبے کی چربی (قیمہ کی ہوئی) 100گرام
    پیاز (باریک کٹے اور نچڑے ہوئے) 1کپ
    ادرک (باریک کٹا ہوا) 1کھانے کا چمچ
    لہسن (باریک کٹا ہوا) 1کھانے کا چمچ
    ہری مرچیں (باریک کٹی ہوئی) 1کھانے کا چمچ
    نمک حسب ذائقہ
    سرخ مرچ پاؤڈر 2کھانے کے چمچ
    ہلدی پاؤڈر ½چائے کا چمچ
    زیرہ پاؤڈر 1کھانے کا چمچ
    سوڈا بائی کاربونیٹ ½کھانے کا چمچ

    سجاوٹ کے لئے:

    پیاز (قتلوں میں کٹے ہوئے) 12سے 15 ٹکڑے
    چاٹ مصالحہ 2چائے کے چمچ

    طریقہ کار:
    ایک پیالے میں مٹن کا قیمہ لیں اس میں سوائے سوڈا بائی کاربونیٹ کے تمام اجزا شامل کریں۔ اچھی طرح مکس کرکے آدھے گھنٹے کے لئے رکھ دیں۔ سوڈا بائی کاربونیٹ پکانے سے تھوڑی دیر قبل شامل کریں۔ 1×1 سینٹی میٹر کی چوکور سلاخوں پر گیلے ہاتھوں سے 50گرام مکسچر لپیٹ دیں۔ 10سے 12 سینٹی میٹر لمبا کباب بنالیں۔ یہ ½سینٹی میٹر موٹا ہونا چاہئے اسی طرح تمام کباب تیار کرلیں۔ کوئلوں کی انگیٹھی پر گھما کر پکائیں۔ جب چاروں طرف سے پک جائے تو اسے اتار لیں۔ چاٹ مصالحہ چھڑکیں اور دھنیے سے سچائیں۔ پودینے کی چٹنی سے پیش کریں۔ آپ مٹن کی بجائے بیف یا چکن کا قیمہ بھی استعمال کرسکتے ہیں۔

    شامی کباب

    اجزائے ترکیبی(الف) مقدار
    بیف یا مٹن قیمہ ½کلو
    دال چنا (بھگوئی ہوئی) آدھا کپ
    پیاز (موٹا کٹا ہوا) آدھا کپ
    ادرک (موٹا کٹا ہوا) 1کھانے کا چمچ
    لہسن (موٹا کٹا ہو) 1کھانے کا چمچ
    نمک حسب ذائقہ
    ثابت لال مرچ 4سے 5عدد
    سوکھا دھنیا پاؤڈر آدھا کھانے کا چمچ

    اجزائے ترکیبی(ب) :
    آلو (ابلے اور پسے ہوئے) آدھا کپ
    تیل (تلنے کیلئے) آدھا کپ
    ادرک (باریک کٹا ہوا) 1چائے کا چمچ
    سبز مرچ (باریک کٹی ہوئی) 1چائے کا چمچ
    ہرا دھنیا (باریک کٹا ہوا) 2چائے کا چمچ
    SNP گرم مصالحہ پاؤڈر 1چائے کا چمچ

    سجاوٹ کے لئے :
    ٹماٹر (سلائس میں کٹے ہوئے) 8سے 10عدد
    تازہ سرخ اور سبز مرچیں 6سے 8ٹکڑے
    ہرا دھنیا ایک چھوٹ گٹھی

    طریقہ کار :
    ایک برتن میں حصہ الف کے اجزائے ترکیبی ڈال دیں تین کپ پانی ڈال کر اس وقت تک پکائیں جب تک قیمہ نرم ہو جائے پانی خشک ہوجائے اور مکسچر بالکل خشک کرلیں۔ اب اس آمیزے کو ٹھنڈا کرکے فوڈ پروسیسر میں پیس لیں۔ ایک بڑے پیالے میں یہ آمیزہ ڈالیں اور حصہ ب کے اجزائے ترکیبی ڈال دیں (تیل نہ ڈالیں) اچھی طرح مکس کرلیں۔ اب 30سے 40گرام کے کباب تیار کرلیں۔ اب آدھے گھنٹے کے لئے کبابوں کو فریج میں رکھ دیں۔ اب گولڈن براؤن ہونے تک تیل میں فرائی کریں۔ سجاوٹ کے لئے کبابوں کے ایک طرف کٹے ہوئے ٹماٹر، لال اور ہری کٹی ہوئی مرچیں اورکٹا ہوا دھنیا چھڑک دیں۔ اب پودینے اور دہی کی چٹنی کے ساتھ پیش کریں۔ آپ بیف کی جگہ مٹن اور چکن کا قیمہ بھی استعمال کرسکتے ہیں۔

    مٹن یخنی

    اجزائے ترکیبی مقدار
    مٹن کی ہڈیاں ایک کلو
    ادرک (کترا ہوا) 1کھانے کا چمچ
    ٹماٹر (کترے ہوئے) آدھاکپ
    ہرا دھنیا (کٹا ہوا) 1کھانے کا چمچ
    نمک حسب ذائقہ
    کالی مر چ (ثابت) 6سے 8 دانے
    لونگ 2سے 3عدد
    دار چینی ایک ٹکڑا
    سوکھا دھنیا 1چائے کا چمچ
    سجاوٹ کے لئے:
    ہرا دھنیا ایک کھانے کا چمچ

    طریقہ کار:
    ایک بڑے برتن میں دو لیٹر پانی ڈالیں اس میں مٹن کی ہڈیاں شامل کرکے 2منٹ تک پکائیں اور پانی پھینک دیں اور ہڈیاں الگ نکال لیں۔ اب تین لیٹر پانی شامل کرکے مٹن کی ہڈیاں دوبارہ ایک گھنٹے کے لئے ہلکی آنچ پر ابالیں۔ اب اس پر آیا ہو فالتو جھاگ اور گھی اتار دیں اور صاف یخنی الگ کریں۔ اب باقی تمام مصالحے شامل کرکے مزید ایک گھنٹہ درمیانی آنچ پر ابالیں۔اب ململ کے کپڑے سے اسے چھان لیں۔ اسے دوبارہ ابالیں تیز ابال آنے تک کچھ منٹ پکائیں۔ مٹن یخنی تیارہے۔ سجاوٹ کیلئے اس پر کٹا ہوا ہرا دھنیا چھڑک دیں۔ آپ اسی طریقے سے بیف، چکن یہاں تک کہ بٹیروں کی یخنی بھی بنا سکتے ہیں۔

    کوکٹیل کباب

    اجزائے ترکیبی مقدار

    چکن (کیوبز کی شکل میں)۔آدھا کلو

    ادرک لہسن( پیسٹ)۔ ایک چائے کا چمچ

    تلی ہوئی پیاز۔ 2سے3چائے کے چمچ

    نمک۔ ایک چائے کا چمچ

    پسا دھنیہ۔آدھا چائے کا چمچ

    سرخ مرچ (کٹی ہوئی)۔آدھا چائے کا چمچ

    گرم مسالہ۔ آدھا چائے کا چمچ

    پسا زیرہ۔آدھا چائے کا چمچ

    ہلدی پاؤڈر۔آدھا چائے کا چمچ

    چنے کا پاؤڈر۔ ایک سے دو چائے کے چمچ

    پسا ہرا دھنیہ۔ 2 چائے کے چمچ

    چیڈر چیز (کدو کش کی ہوئی )۔ 4 چائے کے چمچ

    تیل۔ 2 چائے کے چمچ

    ترکیب:

    ایک چوپر میں چکن، ادرک لہسن کا پیسٹ، تلی ہوئی پیاز،نمک، دھنیہ، کٹی لال مرچ، گرم مسالہ پاؤڈر، زیرہ، ہلدی، چنے کا پاؤڈر اور ہرا دھنیہ ڈال کر اچھی طرح پیس لیں۔اس قیمے میں چیڈر چیز شامل کرکے اچھی طرح مکس کریں اور 30 منٹ کے لیے فریج میں رکھ دیں۔ہاتھوں میں تھوڑا سا تیل لگائیں اور قیمے کو سیخ کباب کی شکل دے دیں۔آخر میں کباب کو ہلکی آنچ پر تیل میں پکا لیں اور گھر والوں کو کیچپ کے ساتھ پیش کریں۔

    بہاری پلاؤ

    اجزائے ترکیبی مقدار

    بیف یا مٹن ۔ ایک کلو (گوشت کے سو لہ ٹکڑے)

    ادرک لہسن پیسٹ ۔دو کھانے کے چمچ

    کُٹی ہری مرچیں۔ بیس عدد

    پیاز ۔دو عدد (پسے ہوئے)

    خشخاش۔ ایک کھانے کا چمچ

    دہی ۔ایک کپ

    کُٹی کالی مرچ۔ ایک چائے کا چمچ

    ہری الائچی۔ چار عدد

    دار چینی ۔ایک ٹکڑا

    لونگ ۔چھ عدد

    تیز پات ۔ایک عدد

    زیرہ ۔ایک چائے کا چمچ

    چاول ۔آدھا کلو (تیس منٹ کےلئے بھگو دیں)

    تیل ۔آدھا کپ

    نمک ۔حسبِ ذائقہ

    ترکیب:

    گوشت کو ادرک لہسن پیسٹ، پسی ہری مرچ، پسے پیاز، خشخاش اور دہی کے ساتھ ایک گھنٹہ میرینیٹ کریں۔ تیل گرم کرکے اُس میں پسے پیاز، کُٹی کالی مرچ، ہری الائچی، لونگ، تیز پات، اور زیرہ ڈال کر پانچ سے سات منٹ پکائیں تاکہ پیاز کا کچا پن ختم ہو جائے۔

    پھر میرینیٹ چکن ڈال کر دو سے تین منٹ پکا کر ڈھک دیں اور بیس منٹ کےلئے پکائیں کہ چکن گل جائے اور تیل اوپر آجائے۔ اب دو کپ پانی ڈالیں جب اُبال آنے لگے تو چاول ڈال دیںاور ساتھ نمک ڈالیں (نمک چکھ لیں) اگر ضرورت ہو۔ اِسے پکنے دیں یہاں تک کہ پانی خشک ہو جائے اور چاول تین چوتھائی پک جائیں۔ ہلکی آنچ پر دس منٹ دم دیں کہ چاول مکمل تیار ہو جائیں۔ رائتہ کے ساتھ پیش کریں۔

    دنبے کا گوشت

    قربانی کے جانور کا تو ہر گوشت ہی مزیدار بنتا ہے مگر دنبے کا گوشت بہت کم ہی ترکیبوں سے پکایا جاتا ہے، یہ سب جانوروں کے گوشت میں لذیذ قرار دیا ہے اسی لیے اسے پکانا بھی مشکل ہوتا ہے –

    دنبے کی روسٹڈ ران

    اجزائے ترکیبی مقدار

    دنبے کی ران۔ ایک عدد

    پپیتا پیسٹ۔ چار کھانے کے چمچ

    گرم مسالہ۔ دو کھانے کے چمچ

    ﴾لال مرچ۔ دو کھانے کے چمچ ﴿کٹی ہوئی

    ادرک لہسن کا پیسٹ ۔دو کھانے کے چمچ

    نمک ۔حسب ذائقہ

    دہی۔ دو سو پچاس گرام

    سومک ۔دو کھانے کے چمچ

    تیل۔ آدھا کپ

    جائفل۔ آدھا کھانے کا چمچ

    ترکیب:

    پہلے ران پر پپیتا پیسٹ لگاکر رکھ دیں۔ پھر اس کے بعد تمام اجزاء سے ران کو میرینیٹ کرکے اسٹر کر لیں۔پھر اس کو اوون میں بیس منٹ پکائیں۔ جب تیار ہوجائے تو پیش کریں۔

    دنبے کی نمکین کڑاہی

    اجزائے ترکیبی مقدار

    دنبے کی ران کا گوشت۔ ایک کلو

    نمک۔ حسبِ ذائقہ

    ہری مرچ۔ چار سے پانچ عدد (کٹی ہوئی)

    کالی مرچ۔ ایک چائے کا چمچ (پسی ہوئی)

    ٹماٹر۔ چار سے پانچ عدد (کٹے ہوئے)

    چربی ۔حسبِ ضرورت

    ترکیب:

    ایک کڑاہی میں چربی ڈال کر اسے پگھلا لیں۔ اب اس میں گوشت اور نمک ڈال کر بیس سے پچیس منٹ کے لئے ڈھانپ کر پکنے کے لئے رکھ دیں پھر اس میں ہری مرچیں اور ٹماٹر ڈال کر مزید دس منٹ تک ڈھانپ کر پکائیں۔ اب اس کے اوپر کالی مرچ چھڑک کر مکس کردیں۔

    چنا دنبہ چانپ

    اجزائے ترکیبی مقدار

    دنبے کی چانپیں۔ایک کلو

    کابلی چنے۔دو سو پچاس گرام

    دہی۔دو سو پچاس گرام

    ہری مرچیں۔دس عدد

    ٹماٹر۔تین عدد (چوپ کر لیں)

    پیاز۔تین عدد (چوپ کر لیں)

    کُٹا اور بُھنا ہوا سفید زیرہ۔ایک چائے کا چمچ

    کُٹی ہوئی لال مرچ۔دو کھانے کے چمچ

    کلونجی۔آدھا چائے کا چمچ

    سوڈا ۔ایک چائے کا چمچ

    پسی ہوئی ہلدی۔ایک چائے کا چمچ

    لہسن۔تین کھانے کے چمچ (چوپ کر لیں)

    ادرک۔دو کھانے کے چمچ (چوپ کر لیں)

    ہرا دھنیا۔آدھی گڈی (چوپ کر لیں)

    تیل۔تین کھانے کے چمچ

    نمک۔حسب ذائقہ

    ترکیب:

    کابلی چنوں کو سوڈے کے ساتھ رات بھر کے لیے بھگو دیں اور پھر نرم اُبال لیں۔ ایک پیالے میں دہی، لہسن، ادرک، ہلدی، لال مرچ، زیرہ اور نمک ملا کر چانپوں پر لگائیں اور کم از کم ایک گھنٹے کے لیے چھوڑ دیں۔دیگچی میں تیل گرم کر کے پیاز گلابی کر لیں۔ اب اس میں ٹماٹر اور چانپوں کا آمیزہ شامل کر دیں۔
    چانپوں کو علیحدہ ہونے تک بھونیں اور دو پیالی پانی ڈال کر چانپیں گلنے تک پکائیں۔دیگچی میں اُبلے ہوئے چنے ڈال کر پندرہ منٹ مزید پکائیں۔ جب پانی خشک ہونے لگے تو اس میں ثابت ہری مرچیں اور کلونجی شامل کر کے ملا لیں مسالہ خشک ہو جائے تو ڈش میں نکالیں اور ہرے دھنیے سے سجا کر پیش کریں۔

    اسمو کڈ لیمب جوش

    اجزائے ترکیبی مقدار

    دنبے کا گوشت ۔1کلو

    دہی۔ آدھا کپ

    تیل۔حسبِ ضرورت

    پیاز(براؤن کر لیں)۔ دو عدد

    لہسن، ادرک پیسٹ۔ ایک کھانے کا چمچ

    کریم۔1 کپ

    بادام پیسٹ۔ دو کھانے کے چمچ

    نمک ۔حسبِ ذائقہ

    لال مرچ پاؤڈر۔ ایک چائے کا چمچ

    ہلدی پاؤڈر۔ ایک چائے کا چمچ

    دھنیا پاؤڈر۔ ایک چائے کا چمچ

    زیرہ پاؤڈر ۔ایک چائے کا چمچ

    لونگ ۔چار عدد

    جائفل۔ تھوڑا سا

    الائچی۔ 3-4عدد

    گرم مسالہ پاؤڈر۔ایک چائے کا چمچ

    ترکیب:

    پتیلی میں تیل گرم کر کے اس میں گوشت، لہسن، ادرک پیسٹ، کریم، بادام پیسٹ، نمک، لال مرچ پاؤڈر، ہلدی پاؤڈر، دھنیا پاؤڈر، زیرہ پاؤڈر، لونگ، جائفل ، الائچی، گرم مسالہ پاؤڈر اور دو کپ پانی ڈال کر گوشت گلنے تک پکائیں۔اب دہی اور پیاز کو گرائنڈکر کے اس میں شامل کر یں گوشت کو بھونیں۔ جب تیل اوپر آجائے تو کوئلہ کا دھواں دے دیں مزیدار سموکڈلیمب جوش تیارہے سرونگ ڈش میں نکال کر شیرمال کے ساتھ گرم گرم پیش کر یں۔

    سوڈانی لیمب کباب

    اجزائے ترکیبی مقدار

    دنبے کا قیمہ۔ 1 کلو

    کالی مرچیں۔ کُٹی ہوئی 1 کھانے کا چمچ

    انڈے (پھینٹ لیں)۔ 2 عدد

    دہی۔ 2 کھانے کے چمچ

    نمک۔ حسبِ ذائقہ

    دھنیا پاؤڈر۔ 2 چائے کے چمچ

    زیرہ۔ 1 کھانے کا چمچ

    گرم مسالہ پاؤڈر۔ 2/1کھانے کا چمچ

    ہری مرچیں (چوپ کرلیں)۔ 4 عدد

    تیل۔ فرائنگ کیلئے

    ترکیب:

    چوپر میں قیمہ، کالی مرچیں، انڈے، نمک،دھنیا پاؤڈر،زیرہ،گرم مسالہ پاؤڈر اور ہری مرچیں ڈال کر چوپ کر کے پیالے میں نکال لیں اس میں دہی بھی مکس کر کے ایک گھنٹہ کیلئے فریج میں رکھ دیں۔کڑاہی میں تیل گرم کریں اور قیمہ کے بیضوی،لمبے یا کسی بھی شیپ میں کباب بنا کر فرائی کریں گولڈن براؤن ہونے پر نکال لیں اور سوس کے ساتھ پیش کریں۔

    سعودی کبسہ

    اجزائے ترکیبی مقدار

    دنبے کا گوشت۔آدھا کلو

    چاول۔آدھا کلو

    کٹی شملہ مرچ۔ایک عدد

    کٹی گاجر۔دو عدد

    کٹی پیاز۔دو عدد

    ٹماٹر۔چار عدد

    تیل۔آدھا کپ

    چلغوزے۔ایک چوتھائی کپ

    نمک۔ایک چائے کا چمچ

    باریک کٹا لہسن۔ایک کھانے کا چمچ

    کُٹا سفید زیرہ۔آدھا چائے کا چمچ

    کُٹا دھنیا۔آدھا چائے کا چمچ

    کالی مرچ۔آدھا چائے کا چمچ

    اسپائس مکس کے اجزا ء:

    زعفران۔ایک چوتھائی چائے کا چمچ

    پسی الائچی۔ایک چوتھائی چائے کا چمچ

    پسی دار چینی۔ایک چوتھائی چائے کا چمچ

    گرم مسالہ۔ایک چوتھائی چائے کا چمچ

    سفید مرچ۔ایک چوتھائی چائے کا چمچ

    سوس کے اجزاء:

    اسٹاک کیوبز۔آدھا

    ٹماٹر۔ایک کپ

    پانی۔ایک کپ

    کٹی پیاز۔آدھا کپ

    باریک کٹا لہسن۔ایک چائے کا چمچ

    ٹماٹر کا پیسٹ۔ایک چائے کا چمچ

    مکھن۔ایک کھانے کا چمچ

    نمک۔آدھا چائے کا چمچ

    کالی مرچ۔آدھا چائے کا چمچ

    ترکیب:

    ایک برتن میں تیل گرم کریں۔ اس میں دنبے کا گوشت ڈال کر دس منٹ تک بھونیں کہ گولڈن براؤن ہو جائےاب اس میں چار کپ پانی ڈالیں اور ڈھک کر 45 منٹ پکائیں۔ یہاں تک کہ گوشت گل جائے۔ اب یخنی کو نکال کر علیحدہ رکھ دیں۔ساتھ ہی چاولوں کو پانی میں پندرہ منٹ کے لیے بھگو دیں۔ اب ایک برتن میں مکھن ڈال کر گرم کریں۔ اس میں باریک کٹا لہسن، کٹی پیاز، کٹی گاجر، کٹی شملہ مرچ، ایک چمچ نمک، کالی مرچ، کُٹا سفید زیرہ اور کُٹا دھنیا شامل کریں ساتھ ہی اس میں چار پسے ٹماٹر اور کبسہ اسپائس بھی ڈال دیں۔ سب چیزوں کو اچھی طرح مکس کریں اور پانچ منٹ تک پکائیں۔اب اس میں بھیگے ہوئے چاول، اُبلا ہوا گوشت اور یخنی شامل کر کے ڈھک کر درمیانی آنچ پر پندرہ منٹ پکائیں، یہاں تک کہ چاول گل جائیں سوس بنانے کے لیے ایک برتن میں مکھن ڈال کر گرم کریں۔ اس میں کٹی پیاز، باریک کٹا لہسن اور ایک کپ ٹماٹر ڈال کر فرائی کریں ساتھ ہی اس میں ٹماٹر کا پیسٹ، نمک، کالی مرچ، آدھا اسٹاک کیوبز اور ایک کپ پانی ڈال کر درمیانی آنچ پر گاڑھا ہو جانے تک پکائیںسعودی کبسہ پیش کرنے کے لیے ایک بڑی پلیٹ میں تیار شدہ چاول اور گوشت ڈالیں، اُوپر سے چلغوزے ڈال کر سجائیں اور تیار شدہ سوس کے ساتھ پیش کریں۔

  • عید اور ہم لڑکیاں۔ تحریر: کنزہ صدیق

    عید اور ہم لڑکیاں۔ تحریر: کنزہ صدیق

    لو جی عید آگئ ہے اور ہمیشہ کی طرح ہم لڑکیوں کی خوشی دیدنی ہے کیونکہ ظاہر ہے بھئ جہاں بات آجائے سجنے سنورنے کی اور نئے نئے کپڑے جوتے جیولری پہننے کی تو ہم لڑکیاں سب سے زیادہ خوش ہوتیں ہیں۔
    یوں تو عید کی تیاریاں عید سے کافی دن پہلے ہی شروع ہوجاتی ہیں۔
    بازار کے بار بار چکر لگانا،درزی کو جلدی کپڑے سینے کا کہا، چوڑیاں جوتیاں میچنگ لیسز لینا اور نجانے کیا کیا سیاپے ہیں ہم لڑکیوں کے۔۔
    تیاریاں کرتے کرتے عید سر پہ آن پہنچتی ہے لیکن یہ ٹینشن دماغ پہ سوار ہی رہتی ہے کہ ابھی تک درزی نے کپڑے نہیں دئیے تو بار بار درزی کو کال کرنا شروع ہوجاتے ہیں لیکن جناب درزی صاحب تو اپنے آپ میں ماشااللہ سے انجینئر بنے ہوتے ہیں وہ اپنا نمبر ہی بند کر دیتے ہیں اور اب ہماری پریشانی میں مزید اضافہ ہوجاتا ہے کہ بھلا درزی کا نمبر کیوں بند ہے کہیں اس نے کپڑے نہ سئیے تو کیا ہوگا وغیرہ وغیرہ۔
    اسی ٹینشن کے چلتے ہی بھائی وہ فرشتہ ثابت ہوتے ہیں تو بائیک پہ بیٹھا کر ہمیں درزی کے سر پہ لا کھڑا کرتے ہیں اب غصہ تو بہت آرہا ہوتا ہے لیکن درزی کو کچھ کہا بھی نہیں جاسکتا کیونکہ اگر یہ غصہ ہوگیا تو بھئ ہوگیا کام تمام۔۔
    پھر یاد آتا ہے کہ مہندی بھی تو لگوانی ہے وہ تو رہ ہی گئ جی جناب ایسے کیسے ہو سکتا ہے کہ ہم لڑکیاں مہندی نہ لگائیں تو اب مہندی لگانے والی کی تلاش شروع ہوجاتی یے محلے میں مہندی لگانے والی لڑکیوں کے الگ ہی نخرے ہوتے ہیں بھلا کوئی ان سے یہ پوچھے کہ باجی آپ تھوڑی نہ مفت میں مہندی لگارہی ہیں لیکن نہ نہ اگر یہ کہہ دیا تو مہندی کون لگائے گا۔۔
    خیر اسکے نخرے بھی برداشت کرنے پڑتے ہیں لیکن تھوڑی تھوڑی دیر بعد وہ اپنی زلف اٹھا کر کان کے پیچھے کرکے منہ بنا کر تھکن کا اظہار کرتی ہے تو بس دل کرتا ہے اسے کہیں بی بی "توں رہن دے اسی آپ لاں لیں گے”
    لیکن ایسا تو کہنا ہی گناہ ہے اللہ اللہ کر کے مہندی لگ ہی جاتی ہے پھر آجاتی ہے بھائیوں کے اور اپنے کپڑے پریس کرکے رکھنے کی۔
    جی تو اکثر گھروں میں چاند رات کو ہی سب کے کپڑے استری ہوجاتے ہیں تاکہ صبح سویرے پریشانی نہ ہو لیکن ہم لڑکیوں کو اس لمحے استری کرنا کسی عذاب سے کم نہیں لگتا کیونکہ ابھی پارلر بھی تو جانا ہے لیکن جیسے تیسے منہ بنا کر استری کرنی پڑتی ہے کیونکہ اگر استری نہ کی تو بھائی پارلر نہیں چھوڑ کر آئیں گے اور یہی تو قیامت ہے اگر پارلر نہ گئے تو بس۔۔۔۔۔
    سمجھ ہی گئے ہوں سب ۔۔
    لہذا عید جتنی مزے دار اور خوشگوار احساس دلاتی ہے وہی ہم لڑکیوں کو بے شمار پریشانیاں بھی لاحق ہوتی ہیں لیکن اس کے باوجود پہ ہم اپنے بناو سنگھار کا خیال خوب اچھے سے رکھتی ہیں اب جیسا کہ عید الاضحیٰ آنے والی ہے تو اس عید پہ زیادہ تر وقت کچن میں ہی گزرتا ہے مزے مزے کے پکوان تیار کیے جاتے ہیں اور خوب لطف اٹھایا جاتا ہے لیکن کہاں بھی ہم لڑکیاں بڑی پریشان ہیں وہ کیوں بھلا؟
    وہ اس لیے کہ اتنا تیار ہو کر کچن میں کون جائے لیکن اماں کا ہاتھ بٹانے کے لیے یہ بھی کرنا پڑتا ہے صبح کلیجی بنانی ہے دوپہر میں قورمہ پلاو وغیرہ ابھی دوپہر والا ہضم نہیں ہوتا کہ پھر رات کے لیے باربی کیو تیار کرنا ہے۔۔۔
    بہرحال جو بھی ہو مزہ تو اسی میں ہے کہ ہم لڑکیاں سب کا باقاعدہ خیال رکھنے کے ساتھ ساتھ خود کے بناؤ سنگھار پہ بھی خوب توجہ دیتی ہیں۔
    اسی لیے آپ سب لڑکیوں کو میرا پیار بھرا سلام۔۔

    @KinzaSiddiq

  • تحریر : ولید عاشق قربانی اور اس کی فضیلت

    تحریر : ولید عاشق قربانی اور اس کی فضیلت

    حضور سید عالم صلی اللہ تعالی علیہ وآلہ وسلم نے فرمایا:
    جس نے قربانی کی ہوگی جب وہ قبر سے نکلے گا تو اپنی قربانی کو قبر کے سرہانے کھڑا پائے گا۔
    اوراس کے بال سونے کے تاروں کے ہوں گے،آنکھ یاقوت کی اور دونوں سینگیں سونے کی ہوں گی۔
    وہ اس سے پوچھے گا میں نے تجھ سے بہتر تو کوئی شے نہیں دیکھی۔
    قربانی کہے گی میں تیری قربانی ہوں جو دنیا میں تونے کی تھی۔میری پشت پر سوار ہوجا۔وہ سوار ہوجائے گا
    اور اس کی قربانی زمین وآسمان کے درمیان عرش کے سایہ تک اسے لے کر چلی جائے گی۔

    ہمہارے پیارے نبی صَلَّى اللّٰهُ عَلَيْهِ وَسَلَّم نے بھی امت مسلمہ کے لیے قربانی ایک بہت بری فضیلت قرار دی ،
    حضرت ابن عباس ہمہارے پیارے نبی صَلَّى اللّٰهُ عَلَيْهِ وَسَلَّم کے چچا زاد تھے،وہ کہتے ہے ہمہارے پیارے نبی صَلَّى اللّٰهُ عَلَيْهِ وَسَلَّم نے فرمایا فاطمہ اپنی قربانی کے قریب آجاؤ اور گواہ بن جاؤ ،اور فرمایا کے اس کے خون کا قطرہ بعد میں زمین پے گرتا ہے اور اللہ‎ پاک قربانی کرنے والے کے گناہ پہلے معاف کر دیتا ہے، حضرت فاطؓمہ پوچھتی ہے کے یا رسول اللہ‎ صَلَّى اللّٰهُ عَلَيْهِ وَسَلَّم یہ صرف اہل بیت کے لیے ہے یا سارے مسلمانوں کے لیے ہے،نبی پاک صَلَّى اللّٰهُ عَلَيْهِ وَسَلَّم نے فرمایا نہیں فاطمہ یہ ساری امت مسلمہ کے لیے فضیلت ہے،اور فرمایا سن لو قربانی اپنے صاحب کو نجات دلانے والی ہے،یعنی قربانی کرنے والے کو دنیا اور آخرت کے شر سے نجات ہوگی۔مزید فرمایا کہ اپنی قربانیوں کی تعظیم کیا کرو کہ وہ پل صراط پر تمہاری سواریاں ہوں گی۔قربانی خالص اللہ‎ پاک کی رضا کے لیے ہونی چاہیے اس میں تکلوفات نہ پیدا کرے ،کوشیش کرے قربانی کا سارے کا سارا گوشت غریبوں اور مستحق لوگوں میں تقسیم ہوجاۓ،
    اللہ رب العزت اپنے محبوب کریم صلی اللہ علیہ وآلہ وسلم کے صدقے میں ہمیں سنت ابراہیمی پر خلوص نیت سے اپنی اپنی استطاعت کے مطابق ریا کاری و نمائش سے پاک بہترین انداز میں عمل کی توفیق عطا فرمائے۔آمین!

    Walees Ashiq

    Waleed Ashiq is a Freelance Journalist and blogger find more about his visit twitter Account


  • بڑی عید کے بڑے عید پکوان (بیف)

    بڑی عید کے بڑے عید پکوان (بیف)

    قربانی کا گوشت کھانا اور کھلانا سنتِ رسول ﷺہے، اسی لیے عیدالاضحی کے موقعے پر تقریباً ہر اِک گھر کا دسترخوان گوشت ہی کے پکوانوں سےسجایا جاتا ہے طبّی اعتبار سے دیکھا جائے، توگوشت میں لحمیات اور پروٹین سمیت کئی ایسے اجزاء پائے جاتے ہیں، جو صحت کے لیے مفید ہیں۔ تاہم، گوشت پکانے کے حوالے سے ماہرینِ اغذیہ کا کہنا ہے کہ گوشت صرف اس حد تک پکایا جائے کہ وہ کھانے کے قابل ہوجائے۔ زیادہ گلانے سےاس کی غذائیت کم ہوجاتی ہے۔

    نیز، روسٹ، تکّے اور سیخ کباب کے لیے ہمیشہ نرم گوشت، کم تپش پر پکائیں، تاکہ گوشت کا عرق ضائع نہ ہو، جب کہ سخت گوشت، جس میں زیادہ بافتیںہوتی ہیں شوربے دار سالن کے لیے موزوں ہے کہ ہلکی آنچ اور پانی کے ساتھ بافتیں گل جاتی ہیں-

    زیادہ بہتر تو یہی ہے کہ پریشرکُکر استعمال کیا جائے اس طرح گوشت جلد گل جاتا ہے اور غذائی اجزاء بھی کم ہی ضائع ہوتے ہیں اس کے برعکس تیز آنچ پر گوشت پکانے سے پروٹین سخت ہوجاتی ہے،جس کے سبب نہ صرف گوشت دیر سے ہضم ہوتا ہے، بلکہ غذائی اجزاء بھی ضائع ہوتے ہیں۔‘‘ذیل میں ہم عید الاضحی کی مناسبت سےگوشت کے چند روایتی پکوانوں کی تراکیب پیش کر رہے ہیں-

    بیف نہاری:

    اجزائے ترکیبی ………… مقدار…………

    بیف (ٹانگ کا نچلا حصہ) ہڈی سمیت ………… 2کلو
    بیف کی یخنی ………… 1 لیٹر
    تیل ………… ½کپ
    تلے ہوئے پیاز کا پیسٹ ………… 1کپ
    ادرک لہسن کا پیسٹ ………… 2کھانے کے چمچ
    نمک ………… حسب ذائقہ
    سرخ مرچ پاؤڈر ………… 1کھانے کا چمچ
    کشمیری لال مرچ ………… 1کھانے کا چمچ
    ہلدی پاؤڈر ………… 1چائے کاچمچ
    کالی مرچ پاؤڈر ………… 1چائے کا چمچ
    زیرہ پاؤڈر ………… 1چائے کا چمچ
    خشک دھنیا پاؤڈر ………… 1چائے کاچمچ
    چھوٹی الائچی پاؤڈر ………… ½ چائے کا چمچ
    جاوتری (کٹی ہوئی) ………… ½چائے کا چمچ
    سونف ………… 1چائے کا چمچ
    بادیان ………… ½چائے کا چمچ
    آٹا ………… ½کپ

    سجاوٹ کے لئے:
    ہرا دھنیا (کٹاہوا) ………… 3 کھانے کے چمچ
    ہری مرچیں (کٹی ہوئی) ………… 2 کھانے کے چمچ
    ادرک (لمبائی میں باریک کٹا ہوا) ………… 2سے 3 کھانے کے چمچ
    تلے ہوئے پیاز کے قتلے ………… 4کھانے کے چمچ
    لیموں کے قتلے ………… 6سے8 ٹکڑے

    طریقہ کار:
    بیف کی ٹانگوں کے بڑے ٹکڑے کروالیں۔ برتن میں تیل گرم کرکے ادرک لہسن کا پیسٹ شامل کرکے ہلکا براؤن کرنے تک چند منٹ پکائیں۔ نمک، سرخ مرچ پاؤڈر، کشمیری مرچ، ہلدی پاؤڈر اور تلے ہوئے پیاز شامل کرکے 2سے 3منٹ پکائیں اور چولہے سے اتار کر ایک طرف رکھ دیں۔ علیحدہ برتن میں تین کلو پانی ابال کر بیف کو 10سے15 منٹ ابالیں اوپر آنے والا جھاگ اتارتے جائیں۔ اب آٹے کے علاوہ پیاز کا مصالحہ، بیف کی یخنی اور باقی تمام مصالحے شامل کرکے 2½ گھنٹے کے لئے بیف کے نرم ہونے تک پکائیں۔ بیف کو پانی سے نکال کر ہڈیاں علیحدہ کردیں خشک ہونے سے بچانے کے لئے اسے ڈھک کر رکھیں۔ ململ کے کپڑے سے پانی کو چھان لیں۔ ایک چھوٹے برتن میں آٹا اور تقریباً ایک پانی ڈال کر پتلا پیسٹ بنالیں۔ آہستگی سے اس پیسٹ کو نہاری میں شامل کردیں۔ گاڑھا ہونے تک چمچ چلاتے جائیں۔ بیف شامل کرکے آنچ ہلکی کرکے ڈھکن دے کر 10 سے15 منٹ تک مکمل تیارہونے تک پکائیں۔ نان یا کشمیری روٹی کے ساتھ پیش کریں۔ علیحدہ ڈش میں سجا کر سجاوٹ کی تما م اشیا چھڑک دیں۔ آپ بیف کی جگہ مٹن بھی استعمال کرسکتے ہیں۔

    بیف کھڑا مصالحہ

    اجزائے ترکیبی ………… مقدار …………

    بیف ………… ایک کلو
    تیل ………… ½کپ
    دہی ………… 2کپ
    پیاز (قتلے) ………… 1کپ
    نمک ………… حسب ذائقہ
    خشک لال مرچ ثابت ………… 8سے 10 عدد
    ثابت زیرہ ………… 1چائے کا چمچ
    کالی مرچ (ثابت) ………… 1چائے کا چمچ
    لونگ (ثابت) ………… 8عدد

    موٹی الائچی (ثابت) ………… 2سے 3عدد
    چھوٹی الائچی (ثابت) ………… 4سے 6عدد
    دارچینی ………… 2ٹکڑے (2½ سینٹی میٹر لمبا)
    تیزپات (ثابت) ………… ایک ٹکڑا
    چھڑکاؤ کے لئے…………
    ثابت لال مرچ (تیل میں تلی ہوئی) ………… 5سے 6عدد

    طریقہ کار:
    بیف کو درمیانے سائز کے چوکور ٹکڑوں میں کاٹ لیں۔ برتن میں تیل گر م کریں 4سے 5 منٹ پکائیں لیکن براؤن نہ کریں۔ تمام مصالحے ڈال کر 2 منٹ تک پکائیں۔ دہی اور 2کپ پانی شامل کرکے ہلکی آنچ پر 40سے 45منٹ بیف کے مکمل پکنے تک پکائیں، 5سے6 منٹ مصالحہ گھی چھوڑنے تک پکائیں۔ تلی ہوئی سرخ مرچ ڈال کر نا ن اور کشمیری روٹی کے ساتھ پیش کریں۔ اچھے نتائج کے لئے بیف کے فلیٹ ٹکڑے استعمال کریں۔

    بیف پسندے بنانے کی ترکیب:

    اجزائے ترکیبی …… مقدار …………
    ہڈی کے بغیر بیف بوٹی ………… ایک کلو
    تیل ………… 1کپ
    دہی ………… 2کپ
    پیاز (قتلے) ………… 1کپ
    ادرک لہسن کا پیسٹ ………… 2 کھانے کے چمچ
    ٹماٹر (گرائنڈ کئے ہوئے) ………… ½کپ
    نمک ………… حسب ذائقہ
    سرخ مرچ پاؤڈر ………… 1کھانے کا چمچ
    زیرہ ………… 1چائے کا چمچ
    لونگ ………… 6 سے 8عدد
    دار چینی ………… 2 سے 3 ٹکڑے
    چھڑکاؤ کے لئے …………
    گرم مصالحہ پاؤڈر ………… 1چائے کا چمچ

    طریقہ کار:
    بیف کے قتلے پتلی تہہ میں فلیٹ کئے ہوئے پسندے کہلاتے ہیں۔ ایک بڑے پیالے میں پسندے، دہی، ادرک لہسن کا پیسٹ، نمک، سرخ مرچ پاؤڈر، زیرہ، کالی مرچ، لونگ اور دا ر چینی ڈالیں۔ اچھی طرح مکس کرکے فریج میں دو سے تین گھنٹے کے لئے رکھ دیں۔ برتن میں تیل گرم کریں پیاز کے ہلکا براؤن ہونے تک پکائیں۔ ٹماٹر ڈال کر تقریباً 10منٹ تک مصالحہ تیار ہوکر گھی چھوڑنے تک پکائیں۔ اب میری نیٹ کئے ہوئے پسندے اور 2کپ پانی ڈال کر 40 سے 45منٹ مکمل پکنے تک پکائیں۔ اب تیل چھوڑنے تک 5سے 6منٹ بھونیں۔ گرم مصالحہ چھڑک کر اپنی پسندیدہ چٹنی یارائتے کے ساتھ پیش کریں۔ زیادہ نرم بنانے کے لئے بیف کو چوڑے اور باریک ٹکڑے استعمال کریں۔

    ہریسہ بنانے کی ترکیب:

    اجزائے ترکیبی ………… مقدار …………

    بغیر ہڈی کے بیف ………… ایک کلو
    بیف کی یخنی ………… 1½ لیٹر
    دال چنا (4سے 5 گھنٹے بھگوئی ہوئی) ………… ½کپ
    دال ماش (4سے 5 گھنٹے بھگوئی ہوئی) ………… ½کپ
    دال مسور (4سے 5 گھنٹے بھگوئی ہوئی) ………… ½کپ
    دلیا (4سے 5 گھنٹے بھگوئی ہوئی) ………… ½کپ
    چاول (ایک گھنٹہ بھگوء ہوئے) ………… ½کپ
    ادرک (لمبائی میں باریک کٹا ہوا) ………… 3کھانے کے چمچ
    ہر ا دھنیا (کٹا ہوا) ………… 2کھانے کے چمچ
    نمک ………… حسب ذائقہ
    سرخ مرچ پاؤڈر ………… 1½کھانے کا چمچ
    کالی مرچ پاؤڈر ………… 1کھانے کا چمچ
    زیرہ پاؤڈر ………… 1کھانے کا چمچ

    گرم مصالحہ پاؤڈر ………… ½کھانے کا چمچ

    اجزائے ترکیبی (الف)(چھوٹے کبابوں کے لئے)
    بیف قیمہ ………… ½کلو
    نمک ………… حسب ذائقہ
    سرخ مرچ پاؤڈر ………… ½کھانے کا چمچ
    زیرہ (کٹاہوا) ………… 1چائے کا چمچ
    تیل (تلنے کے لئے) ………… ½کپ
    تڑکا …………
    مکھن، دیسی گھی ………… ½کپ

    سجاوٹ کے لئے :
    ہری مرچیں (قتلے) ………… 2کھانے کے چمچ
    پیاز کے قتلے تلے ہوئے ………… 3کھانے کے چمچ

    طریقہ کار :
    ایک برتن میں تما م دالیں، چاول، دلیا، بیف، نمک، سرخ مرچ پاؤڈر، کالی مرچ اور یخنی شامل کریں۔ 40سے45 منٹ نرم ہونے تک پکائیں۔ چولہے سے اتار کر کمرے کے درجہ حرارت میں ٹھنڈا کرکے گرائنڈ کرلیں۔ اس مکسچر کو بڑے موٹے پیندے کے برتن میں ڈال کر 25 سے30 منٹ تک ہلکی آنچ پکائیں۔ مکسچر کو اچھی طرح مکس کرنے کے لئے لکڑی کا چمچ استعمال کریں۔ زیرہ پاؤڈر اور گرم مصالحہ ڈال کر مکس کریں۔ اب ہرا دھنیا اور ادرک شامل کردیں۔ ایک الگ پیالے میں گھی کے علاوہ حصہ الف کے تمام اجزائے ترکیبی ڈال دیں نرمی سے مکس کرکے انگلی کی شکل کے پتلے کبا ب بنالیں۔ فرائی پین میں کباب ہلکے براؤن ہونے تک تلیں اور ایک طرف رکھ دیں۔ دیسی گھی یا مکھن کو گرم کریں اس کو تڑکے کے طو ر پر ہریسہ پر چھڑک دیں اور اس کے اوپر کباب سیٹ کردی۔ تلے ہوئے پیاز اور سبز مرچوں کے ساتھ سجائیں۔ کباب پہلے سے بھی بنا کر رکھے جاسکتے ہیں پیش کرنے سے قبل فرائی کریں۔

    ہنر بیف بنانے کی ترکیب:

    اجزائے ترکیبی ………… مقدار …………

    ہڈی کے بغیر بیف (سار ا ٹانگ کا حصہ) ………… 2کلو

    نمک ………… 2سے 2½ کھانے کے چمچ
    قلمی شورہ ………… 4½ کھانے کے چمچ
    گندھا ہوا آٹا (برتن کو سیل کرنے کے لئے) ………… حسب ضرورت
    سفید سرکہ ………… 4 کھانے کے چمچ

    طریقہ کار:
    بیف پر نمک، قلمی شورہ اور سرکہ مل دیں اور 3سے4 دن تک فریج میں رکھیں۔ گاہے بگاہے بیف کو تیزچاقو یا کانٹے سے چوپ کرتے رہیں۔ 4 دن کی میری نیشن کے بعد بیف کو ایک اوون پروف ڈش میں رکھیں ڈش کو موٹے فوائل پیپر سے ڈھک دیں اب فوائل پیپر کو چاروں طرف سے آٹے سے جوڑ دیں تاکہ بھاپ باہر نہ آسکے۔ اب اوون میں 180ڈگری درجہ حرارت پر ایک گھنٹہ بیک کریں۔ 2سے 3 گھنٹے 170ڈگری درجہ حرارت پر مزید پکائیں۔ اوون سے نکال کر کمرے کے درجہ حرارت پر ٹھنڈا کریں۔ پتلے ٹکڑوں میں کاٹ کر پیش کریں ہنر بیف پراٹھا رول اور سینڈوچ مین بھی استعمال ہو سکتا ہے ہنٹر بیف برابر ٹکڑوں میں کاٹیں –

    بیف شنواری کڑاہی:

    اجزاء:بیف ایک کلو، ٹماٹر(کاٹ لیں)چھے عدد،ادرک، لہسن کا پیسٹ دو چائے کے چمچ،گرم مسالا پاؤڈر ایک چائے کا چمچ،کالی مرچ(پِسی ہوئی)ایک چائے کا چمچ،سُرخ مرچ پاوڈردو چائے کے چمچ ،نمک حسبِ ذائقہ،ہری مرچیں چھے عدد اورتیل ایک کپ۔

    ترکیب: ایک کڑاہی میں تیل گرم کریں اور گوشت ڈال کر اچھی طرح فرائی کرلیں۔ اب اس میں ادرک، لہسن کا پیسٹ ڈال کر مزید بُھونیں۔پھر سُرخ مرچ پاؤڈر،کالی مرچ اور نمک ڈال کر اچھی طرح مِکس کریں اور ٹماٹر ڈال کے ڈھکن ڈھک کر ہلکی آنچ پر گوشت گلنے دیں۔جب گوشت گل جائے، تو گرم مسالا اور ہری مرچیں ڈال کر مکس کریں اور دوبارہ ڈھکن ڈھک کر 5 منٹ کے لیے دَم دے دیں۔گرماگرم نان یا چپاتی کے ساتھ تناول کریں۔

    بیف کڑاہی بنانے کی تراکیب:

    اجزاء:
    بیف آدھا کلو
    سرخ مرچ پسی ہوئی آدھا کھانے کا چمچ
    دھنیا پاؤڈر ایک کھانے کا چمچ
    تیز پات 2عدد
    سفید زیرہ بھنا ہوا 1 چائے کا چمچ
    دہی پھینٹی ہوئی آدھی پیالی
    ہری مرچ 3عدد
    پیاز 2عدد پسی ہوئی
    آئل 1 پیالی
    ادرک 4 ٹکڑے لمبی لمبی کاٹی ہوئی
    ہلدی آدھا کھانے کا چمچ
    گرم مصالحہ پسا ہوا آدھا چائے کا چمچ
    ہری مرچ 2عدد
    لیموں 2عدد
    نمک حسب ذائقہ
    ادرک لہسن پسا ہوا آدھا چائے کا چمچ

    ترکیب:
    کراہی میں گوشت پیاز ادرک لہسن اور نمک ڈال کر پانچ پیالی پانی ڈال دیں ہلکی آنچ پر گوشت گلنے دیں جب گوشت اچھی طرح گل جائے تو دہی اور سارے مصالحے ڈال دیں ہلکی آنچ پر مصالحے کا پانی خشک ہو جائے تو آئل ڈال دیں اور ہلکا سا بھون لیں جب آئل اوپر آجائے تو سالن تیار ہے چولہے سے اتار لیںاور اوپرلیموں کا رس چھڑک دیں اور ادرک اور ہری مرچیں اوپر سجاوٹ کے لیے چھڑک دیں بیف کڑاہی تیار ہے-

    بیف اسٹو بنانے کی ترکیب :
    گائے کا گوشت (ایک چمچ کے ٹکڑے) آدھ کلو، میدہ دو کھانے کے چمچ، ویجیٹیبل آئل دو چائے کا چمچ، پیاز (بریک کٹے ہوئے تقریباً 3 کپ) دو عدد، مشروم (گول کٹی ہوئی) دو کپ، لہسن (پسے ہوئے) دو جوئے، ٹمیٹو پیسٹ دو چائے کا چمچ، بیف سوپ دو کپ ، گاجریں (گول کٹی ہوئی) چار کپ، آلو (گول کٹے ہوئے) چار درمیانہ سائز، سبز پھلیاں (ایک انچ کے ٹکڑے) ایک کپ، کارن فلور ایک کھانے کا چمچ، تازہ دھنیا (باریک کترا ہوا) ایک کپ

    ترکیب:
    بیف کو آٹے سے کوٹ کر یں ایک بڑے نان سٹک پین میں درمیانہ آنچ پر تیل گرم کر یں اور اس میں بیف شامل کر یں اسے 6 منٹ تک پکائیں تاکہ براؤن ہو جائے پھر اسے پلیٹ میں نکال لیں پین میں پیاز اور مشروم ڈالیں اور 6 منٹ تک پکائیں لہسن شامل کر یں اور ایک منٹ پکائیں بیف کو دوبارہ پین میں منتقل کر یں پہلے ٹماٹر پیسٹ اور پھر سوپ ڈالیں اور کافی سارا پانی ڈال کر ابلنے کے لئے رکھ دیں آنچ ہلکی کر دیں اور بیف کو تقریباً 1 گھنٹہ کے لئے گلنے دیں جب بیف گل جائے تو گاجر یں، آلو اور سبز پھلیاں شامل کر یں اور تقریبا 15 منٹ ہلکی آنچ پر رہنے دیں ایک چھوٹے پیالے میں پانی اور کارن فلور مکس کریں اور اسے اسٹو میں ڈال دیں آنچ تیز کر یں اور ایک منٹ کے لئے ڈھکنا اتار کر ابالیں کترا ہوا تازہ دھنیا چھڑک کر آرائش کریں نوٹ بیف کو گرم تیل میں ڈالنے سے پہلے پیپر ٹاول سے اچھی طرح خشک کر لیں پیاز اور لہسن اگر اکٹھے پکانے مقصود ہوں تو سب سے پہلے پیاز ڈالیں کیونکہ پیاز پکنے میں تھوڑی دیر لیتے ہیں ہو سکتا ہے کہ لہسن تیز آنچ پر زیادہ دیر پکانے سے جل جائے-

    بیف مغلئی قورمہ:

    گائے کا گوشت1/2 کلو، پیاز(سلائس کاٹ لیں)2 عدد، لہسن ادرک پیسٹ 1 کھانے کا چمچہ، ٹماٹر(چوپ کرلیں) 1 عدد، دہی 2 کھانے کے چمچے،چاروں مغز(گرائیڈ کرلیں) 1 کھانے کا چمچہ، تل حسب پسند، لال مرچ پاﺅڈر 1 کھانے کا چمچہ، ہلدی پاﺅڈر 1/4 چائے کا چمچہ، دھنیا پاﺅڈر 1 چائے کا چمچہ، زیرہ پاﺅڈر 1/2 چائے کا چمچہ، نمک حسب ذائقہ، تیل حسب ضرورت، پانی حسب ضرورت

    ترکیب:
    دیگچی میں تیل گرم کرکے اس میں پیاز ڈال کر ساتے فرائی کرلیں اس کے بعد اس میں گوشت‘لہسن‘ادرک‘پیسٹ‘نمک‘لال مرچ پاﺅڈر‘ہلدی پاﺅڈر‘دھنیا پاﺅڈر اور زیرہ پاﺅڈر ڈال کر بھون لیں اس کے بعد ٹماٹر اور حسب ضرورت پانی شامل کرکے ڈھکن ڈھک کر درمیانی آنچ پر گلنے تک پکائیں جب گوشت گل جائے تو اس میں دہی‘تل اور چاروں مغز ڈال کر اچھی طرح بھون لیں ڈش میں نکال کر نان سلاد اور رائتے کے ساتھ سرو کریں-