Category: باربی کیو

ران روسٹ

وقت: 2½ سے 3 گھنٹے

6 سے 8 افراد کے لئے

اجزائے ترکیبی ………… مقدار…………

دنبے کی ران پوری ………… 1½سے 2کلو تک
تیل ………… ½کپ
دہی ………… 1کپ
پیاز (کٹے ہوئے) ………… ½کپ
ادرک لہسن کا پیسٹ ………… 3کھانے کے چمچ
نمک ………… حسب ذائقہ
سرخ مرچ پاؤڈر ………… 1چائے کا چمچ
ہلدی پاؤڈر ………… 1چائے کاچمچ
زیرہ ………… 1چائے کا چمچ
لیموں کا رس ………… 2 کھانے کے چمچ

چھڑکاؤ کے لئے :
لیموں کا رس ………… 4کھانے کے چمچ
SNP چاٹ مصالحہ ………… 2سے 3 چائے کے چمچ

طریقہ کار:
ایک پیالے میں نمک، سرخ مرچ، ہلدی، زیرہ، لیموں کا رس اور دہی شامل کرکے پیسٹ بنالیں۔ دنبے کی ران کو اس پیسٹ میں 10سے 12 گھنٹے کے لئے میری نیٹ کردیں۔ بڑے چوڑے ساس پین میں تیل گرم کرکے دنبے کی ران تل لیں حتیٰ کہ ہلکی براؤن ہو جائے۔ 3سے 4 کپ پانی شامل کرکے اوپر ڈھکن دیں اور ہلکی آنچ پر 2سے 2½ گھنٹے گوشت کے نر م ہونے تک پکائیں۔ لیموں کا رس اور چاٹ مصالحہ چھڑکیں رائتہ یاچٹنی کے ساتھ پیش کریں۔ اچھے روسٹ کے لئے چھوٹی عمر کے جانور کی ران لیں۔

مٹن کھویا کباب

وقت : 40 سے 50منٹ

8سے 10افراد کے لئے

اجزائے ترکیبی مقدار
مٹن کا قیمہ 1کلو
کھویا 1کپ
دنبے کی چربی (قیمہ کی ہوئی) 100گرام
پیاز (باریک کٹے اور نچڑے ہوئے) 1کپ
ادرک (باریک کٹا ہوا) 1کھانے کا چمچ
لہسن (باریک کٹا ہوا) 1کھانے کا چمچ
ہری مرچیں (باریک کٹی ہوئی) 1کھانے کا چمچ
نمک حسب ذائقہ
سرخ مرچ پاؤڈر 2کھانے کے چمچ
ہلدی پاؤڈر ½چائے کا چمچ
زیرہ پاؤڈر 1کھانے کا چمچ
سوڈا بائی کاربونیٹ ½کھانے کا چمچ

سجاوٹ کے لئے:
پیاز (قتلوں میں کٹے ہوئے) 12سے 15 ٹکڑے
چاٹ مصالحہ 2چائے کے چمچ

طریقہ کار :
ایک پیالے میں مٹن کا قیمہ لیں اس میں سوائے سوڈا بائی کاربونیٹ کے تمام اجزا شامل کریں۔ اچھی طرح مکس کرکے آدھے گھنٹے کے لئے رکھ دیں۔ سوڈا بائی کاربونیٹ پکانے سے تھوڑی دیر قبل شامل کریں۔ 1×1 سینٹی میٹر کی چوکور سلاخوں پر گیلے ہاتھوں سے 50گرام مکسچر لپیٹ دیں۔ 10سے 12 سینٹی میٹر لمبا کباب بنالیں۔ یہ ½سینٹی میٹر موٹا ہونا چاہئے اسی طرح تمام کباب تیار کرلیں۔ کوئلوں کی انگیٹھی پر گھما کر پکائیں۔ جب چاروں طرف سے پک جائے تو اسے اتار لیں۔ چاٹ مصالحہ چھڑکیں اور دھنیے سے سچائیں۔ پودینے کی چٹنی سے پیش کریں۔ آپ مٹن کی بجائے بیف یا چکن کا قیمہ بھی استعمال کرسکتے ہیں۔

گرلڈ مٹن چانپیں

وقت :40 سے 45منٹ

5سے 6افراد کے لئے

اجزائے ترکیبی مقدار
مٹن چانپیں 1کلو
دہی ½ کپ
پیاز (گرائنڈ کئے ہوئے) ¼ کپ
ادرک لہسن کا پیسٹ 2کھانے کے چمچ
ہری مرچیں (باریک کٹی ہوئی) 1½ کھانے کا چمچ
نمک حسب ذائقہ
سرخ مرچ پاؤڈر 1½ کھانے کا چمچ
ہلدی پاؤڈر 1چائے کا چمچ
زیرہ پاؤڈر 1چائے کا چمچ
خشک دھنیا پاؤڈر 1چائے کا چمچ
کچری پاؤڈر (گوشت گلانے کیلئے) 2کھانے کے چمچ
لیموں کا رس 3کھانے کے چمچ
گھی 2کھانے کے چمچ

سجاوٹ کے لئے:

پیاز کے ٹکڑے 8سے10ٹکڑے
لیموں کے قتلے 6سے 8 عدد
لیموں کا رس 2کھانے کے چمچ
چاٹ مصالحہ 1چائے کا چمچ

طریقہ کار:
مٹن کی چانپوں پر لیموں کا رس، نمک اور کچری پاؤڈر اچھی طرح ملیں اور دو گھنٹے کے لئے ایک طرف رکھ دیں۔ بڑے پیالے میں گھی کے علاوہ تمام اجزائے ترکیبی ڈالیں اور اچھی طرح مکس کرلیں۔ اب اس میں مٹن کی چانپیں ڈال کر 2گھنٹے کے لئے میری نیٹ کریں۔ لوہے کی سلاخوں پر مٹن کی 4یا5چانپیں پرو دیں اورکوئلوں کی انگیٹھی پر پکائیں۔ ان پر گھی لگاتے رہیں یہا ں تک کہ وہ مکمل طورپر پک جائیں۔ لیموں اورچاٹ مصالحہ چھڑکیں، پیاز اور لیموں کے قتلوں سے سجائیں اوراپنی پسند کی چٹنی کے ساتھ پیش کریں۔ انگیٹھی پر چانپوں کو پکاتے وقت تیل بجائے گھی استعمال کریں کیونکہ تیل تیزی سے جل جاتا ہے اور کڑوا ذائقہ دیتا ہے۔

مٹن کلیجی تکہ

وقت :25
سے 30منٹ

6 سے 8 افراد کے لئے

اجزائے ترکیبی مقدار

مٹن کلیجی 1کلو
ادرک لہسن کا پیسٹ 2کھانے کے چمچ
نمک حسب ذائقہ
سرخ مرچ پاؤڈر 1چائے کا چمچ
ثابت لال مرچ (کٹی ہوئی) 1چائے کا چمچ
ہلدی پاؤڈر 1چائے کا چمچ
سفید زیرہ (بھنا اور کٹا ہوا) 1چائے کا چمچ
گھی 2کھانے کے چمچ

چھڑکاؤ کے لئے:
لیمن جوس 2سے 3کھانے کے چمچ
چاٹ مصالحہ 1چائے کا چمچ

طریقہ کار:
مٹن کی کلیجی کو تقریباً 2½ X 2½ سینٹی میٹرکے ٹکڑوں میں کاٹ کر رکھ لیں۔ ایک پیالے میں گھی کے علاوہ تمام مصالحے شامل کردیں۔ کلیجی شامل کرکے اچھی طرح مکس کریں اور تقریباً 2گھنٹے کے لئے فریج میں رکھ دیں۔ کلیجی کو سیدھی سلاخوں پر پرو دیں اور کوئلے کی انگیٹھی پر پکائیں۔ پکی ہوئی سائیڈ پر گھی بھی لگاتے جائیں۔ 3سے 4منٹ تک درمیانہ پکنے تک گرل کریں۔ کلیجی کی زیادہ ہ پکائیں کیونکہ زیادہ پکانے سے وہ سخت ہو جائے گی۔ انگیٹھی سے اتار کر سرونگ ڈش میں ڈالیں۔ لیموں کا جوس اور چاٹ مصالحہ چھڑک کر پودینے کے رائتے کے ساتھ گرم گرم پیش کریں۔ مٹن کی کلیجی کی بجائے آپ چکن کی کلیجی بھی استعمال کرسکتے ہیں۔