Category: باربی کیو

زعفران اور سونف چکن بوٹی

وقت : 25 سے 35 منٹ

6 سے 8 افراد کے لئے

جزائے ترکیبی مقدار

ہڈی کے بغیر چکن 1کلو
تیل 3کھانے کے چمچ
ہرا دھنیہ (باریک کٹا ہوا) 2کھانے کے چمچ
ہری مرچیں (باریک کٹی ہوئی) 4کھانے کے چمچ
زعفران ½ چائے کا چمچ
نمک حسب ذائقہ
سفید مرچ پاؤڈر 2چائے کے چمچ
ہلدی پاؤڈر 1چائے کا چمچ
زیرہ پاؤڈر ½چائے کا چمچ
سونف پاؤڈر 1چائے کا چمچ
کریم 1کپ
لیموں کا رس 2کھانے کے چمچ
گھی ¼ کپ

سجاوٹ کے لئے :
لیموں کے قتلے 4سے 6ٹکڑے
ٹماٹر اور پیاز کے قتلے 8سے 10ٹکڑے
سلاد کے پتے 1چھوٹی گٹھی
لیموں کا رس 2کھانے کے چمچ

طریقہ کار :
چکن کو 30سے 35گرام کے چوکور ٹکڑوں میں کاٹ لیں۔ چکن کیوبز کو گھی کے علاوہ تمام مصالحے ڈل کر میری نیٹ کریں اور 2سے 3گھنٹے کے لئے فریج میں رکھ دیں۔ چکن کیوبز کو سادھی سلاخوں پر پرو کر کوئلوں کی انگیٹھی پر پکائیں۔ جب یہ 80فیصد پک جائے تو برش کی مدد سے گھی لگاتے جائیں۔ 1یا2 منٹ مزید پکائیں تاکہ چکن اچھی طرح تیار ہوجائے۔ لیموں ٹماٹر اور پیاز کے قتلوں اور سلاد کے پتوں سے سجائیں۔ لیموں کا جوس چھڑک کر دہی پودینے کی چٹنی کے ساتھ پیش کریں۔ اچھے ذائقے کے لئے چکن کو ساری رات میری نیٹ کرکے فریج میں رکھیں۔

چکن سیخ کباب

ٹائم : 40 سے50 منٹ

8 سے 10 افراد کے لئے

اجزائے ترکیبی مقدار
چکن کا قیمہ 1کلو
دنبے کی چربی (قیمہ) 200گرام
پیاز (باریک کٹے اور نچڑے ہوئے) 1کپ
ادرک (باریک کٹا ہوا) 1کھانے کا چمچ
لہسن (باریک کٹا ہوا) 1کھانے کا چمچ
ہری مرچیں (باریک کٹی ہوئی) 1کھانے کا چمچ
نمک حسب ذائقہ
سرخ مرچ پاؤڈ 2چائے کے چمچ
ہلدی پاؤڈر ½چائے کا چمچ
زیرہ پاؤڈر 1چائے کا چمچ
سوڈا بائی کاربونیٹ ½ کھانے کا چمچ

سجاوٹ کے لئے :
ہرا دھنیا 1چھوٹی گٹھی
لیموں کے قتلے 8سے 10عدد
ٹماٹر کے قتلے 8سے 10عدد

طریقہ کار:
ایک پیالے میں چکن کا قیمہ ڈالیں اور سوڈا بائی کاربونیٹ کے علاوہ تمام مصالحے شامل کردیں۔ نرمی سے مکس کریں اور آدھے گھنٹے کے لئے چھوڑ دیں۔ سوڈا بائی کاربونیٹ پکانے سے تھوڑی دیر قبل شامل کریں۔ چوکور سلاخیں جو ایک سینٹی میٹر xایک سینٹی میٹر کی ہوں ان پر گیلے ہاتھوں سے تقریباً 50گرام قیمے کی لمبی مقدار لپیٹ دیں۔ یہ کباب 10سے 12 سینٹی میٹر لمبا اور ½سینٹی میٹر موٹا ہونا
چاہئے اسی طرح تمام کباب تیار کرلیں۔ اب کوئلوں کی انگیٹھی پر اسے پکائیں اور چاروں طرف گھماتے جائیں تاکہ تمام طرف سے کباب پک جائے۔ اب سلاخوں سے اتار کر سرونگ ڈش میں رکھیں۔ ہرے دھنیے لیموں اور ٹماٹر کے قتلوں کے ساتھ سجا کر پودینے کی چٹنی کے ساتھ پیش کریں۔ خیال رہے کہ قیمے کا مکسچر زیادہ پتلا نہ ہو اس صورت میں وہ سلاخوں پر نہیں لگیں گے۔

چکن تکہ

وقت : 35سے 40 منٹ

4افراد کے لئے

اجزائے ترکیبی مقدار
پورا چکن 1کلو
دہی 3کھانے کا چمچ
لہسن ادرک کا پیسٹ 2کھانے کا چمچ
نمک حسب ذائقہ
سرخ مرچ پاؤڈر 1چائے کا چمچ
خشک سرخ مرچ (موٹی کٹی ہوئی) 1چائے کا چمچ
ہلدی پاؤڈر 1چائے کا چمچ
سفید زیر ہ (بھنا اور کٹا ہوا) 1چائے کا چمچ
سفید سرکہ 2کھانے کے چمچ
گھی 2کھانے کے چمچ

چھڑکنے کے لئے :
لیموں کا رس 2کھانے کے چمچ
چاٹ مصالحہ 2چائے کے چمچ

طریقہ کار :
چکن کو چار بڑے ٹکڑوں میں کاٹ لیں اور اس پر کٹ لگالیں۔ ایک باؤل میں دہی ڈالیں اور گھی کے علاوہ تمام مصالحے میں بھی شامل کردیں۔ اب چکن شامل کرکے اچھی طرح مکس کریں اور2گھنٹے کے لئے فریج میں رکھ دیں۔ کوئلوں کی انگیٹھی پر اسے پکائیں پکی ہوئی سائیڈ پر گھی لگاتے جائیں۔ اس وقت تک انگیٹھی پر پکائیں جب تک چکن اچھی طرح پک نہ جائے۔ اب اس پر لیمو ں کا رس اور چاٹ مصالحہ چھڑک کر پودینے کے رائتے کے ساتھ پیش کریں۔ زیاد ہ اچھا ذائقہ حاصل کرنے کے لئے چکن کو مصالحہ لگا کر ساری رات فریج میں رکھیں۔