Category: بیف و مٹن

اچاری گوشت

وقت : 60 سے 70 منٹ

4 سے 5 افراد کے لئے

اجزائے ترکیبی ………… مقدار …………
مٹن ………… ایک کلو
تیل ………… ½کپ
دہی ………… ½کپ
پیاز (کٹے ہوئے) ………… ½کپ
ادرک لہسن کا پیسٹ ………… 1کھانے کا چمچ
ٹماٹر (گرائنڈ کئے ہوئے) ………… 1کپ
نمک ………… حسب ذائقہ
سرخ مرچ پاؤڈر ………… 2چائے کے چمچ
ہلدی پاؤڈر ………… 1چائے کاچمچ
زیرہ پاؤڈر ………… 1چائے کا چمچ
خشک دھنیا پاؤڈر ………… 1چائے کاچمچ
کلونجی ………… ½ چائے کا چمچ
میتھرے ………… ½چائے کا چمچ
سونف ………… ½چائے کا چمچ
مکس اچار(کٹا ہوا) ………… 3کھانے کے چمچ

سجاوٹ کے لئے :
پورا مکس اچار ………… ½کپ

طریقہ کار :
مٹن کو تقریباً 2½سینٹی میٹر کے ٹکڑوں میں کاٹ کر ایک طرف رکھ دیں۔ برتن میں تیل گرم کرکے پیاز کو ہلکا براؤن کریں۔ ادرک لہسن ک پیسٹ ایک سے دو منٹ تک پکائیں۔ تمام مصالحے ڈال کر دو سے تین منٹ تک پکائیں۔ ٹماٹر اور دہی ڈال کر 8سے 10 منٹ تک مصالحہ تیار ہو کر گھی چھوڑنے تک پکائیں۔ مٹن ڈال کر 3سے 4 منٹ تک بھونیں۔ 2 پر پانی شامل کرکے 40سے 45 منٹ تک مٹن کے نرم ہونے تک پکائیں۔ کٹا ہوا اچار شامل کرکے 5سے6منٹ تک تیل چھوڑنے تک بھونیں۔ ثابت اچار سے سجائیں۔ نان یا کشمیری روٹی کے ساتھ پیش کریں۔

مٹر قیمہ

وقت ………… 60 سے 70 منٹ

3 سے 4 افراد کے لئے

اجزائے ترکیبی ………… مقدا ر…………

مٹن قیمہ ………… ½کلو
مٹر ………… 1کپ
تیل ………… ½کپ
پیاز (کٹا ہوا) ………… 1کپ
ادرک لہسن کا پیسٹ ………… 1کھانے کا چمچ
ٹماٹر (گرائنڈ کئے ہوئے) ………… 1کپ
نمک ………… حسب ذائقہ
سرخ مرچ پاؤڈر ………… 2چائے کے چمچ
ہلدی پاؤڈر ………… ½چائے کاچمچ
موٹی الائچی ………… 2عدد
زیرہ ………… 1چائے کا چمچ
خشک دھنیا پاؤڈر ………… 1چائے کا چمچ

سجاوٹ کے لئے :
ہرا دھنیا (کٹا ہوا) ………… 1کھانے کا چمچ
ادرک (لمبائی میں کٹا ہوا) ………… 1کھانے کا چمچ
گرم مصالحہ پاؤڈر ………… ½چائے کا چمچ

طریقہ کار :
برتن میں تیل گرم کرکے پیاز کو ہلکا براؤن کریں۔ ادرک لہسن کا پیسٹ شامل کرکے مزید 2منٹ پکائیں۔ گرائنڈ کئے ہوئے ٹماٹر، نمک، سرخ مرچ پاؤڈر، ہلدی پاؤڈر، موٹی الائچی زیرہ اور خشک دھنیا پاؤڈر ڈال کر تقریباً 10 منٹ تک پکائیں حتیٰ کہ مصالحہ تیار ہو کر گھی چھوڑ دے۔ مٹن قیمہ ڈال کر ایک کپ پانی شامل کریں۔ 30سے35 منٹ تک پکائیں حتیٰ کہ قیمہ گل کر گھی چھوڑ دے۔ اب قیمے کو 5 سے 6 منٹ تک بھون کر تازہ مٹر اور ایک کپ پانی شامل کردیں۔ درمیانی آنچ پر مٹروں کے گلنے تک پکائیں۔ دھنیے اور ادرک کے ساتھ سجائیں۔ گرم مصالحہ چھڑک کر روٹی یا نان کے ساتھ پیش کریں۔ آپ مٹن قیمہ کی جگہ بیف قیمہ بھی استعمال کرسکتے ہیں۔

مٹن کڑاہی

وقت ………… 60 سے70 منٹ

4 سے 5 افراد کے لئے

اجزائے ترکیب ………… مقدار …………

مٹن ………… ایک کلو
تیل ………… ½کپ
دہی ………… ¼کپ
پیاز (کٹے ہوئے) ………… ½کپ
ادرک لہسن کا پیسٹ ………… 1کھانے کا چمچ
نمک ………… حسب ذائقہ
ٹماٹر (کٹے ہوئے) ………… 2کپ
سرخ مرچ پاؤڈر ………… 2چائے کے چمچ
خشک دھنیا پاؤڈر ………… 1چائے کاچمچ
زیرہ ثابت ………… 1چائے کا چمچ
قصوری میتھی (خشک) ………… 1چائے کا چمچ

سجاوٹ کے لئے :
ہرا دھنیا ………… 1کھانے کا چمچ
ہری مرچیں ………… 1چائے کاچمچ
ادرک (لمبائی میں کٹی ہوئی) ………… 1کھانے کے چمچ
کڑاہی مصالحہ پاؤڈر ………… 2چائے کے چمچ

طریقہ کار :
مٹن کو2½ سینٹی میٹر کے ٹکڑوں میں کاٹ لیں۔ کڑاہی میں تیل گرم کرکے پیاز کو ہلکا براؤن کریں۔ ادرک لہسن کا پیسٹ ایک سے دو منٹ تک پکائیں۔ مٹن شامل کرکے 4سے 5منٹ خرید پکائیں۔ دہی، ٹماٹر، نمک، سرخ مر چ پاؤڈر، خشک دھنیا، زیرہ اور 2کپ پانی شامل کریں۔ 40 سے 45 منٹ تک مٹن کو نرم تک ہلکی آنچ پر پکائیں۔ قصوری میتھی ڈال کر 5 سے 6 منٹ تک گھی چھوڑنے تک پکائیں۔ ہرے دھنیے ہری مرچوں اور ادرک کے ساتھ سجائیں گرم مصالحہ چھڑک کر نان اور زیرے کے رائتے کے ساتھ پیش کریں۔ آپ گریوی کی مقدار کے حساب سے پیاز ٹماٹر اور دہی کی مقدار کم زیادہ کرسکتے ہیں-

گرلڈ مٹن چانپیں

وقت: 40سے 45منٹ

5سے 6افراد کے لئے

اجزائے ترکیبی مقدار
مٹن چانپیں 1کلو
دہی ½ کپ
پیاز (گرائنڈ کئے ہوئے) ¼ کپ
ادرک لہسن کا پیسٹ 2کھانے کے چمچ
ہری مرچیں (باریک کٹی ہوئی) 1½ کھانے کا چمچ
نمک حسب ذائقہ
سرخ مرچ پاؤڈر 1½ کھانے کا چمچ
ہلدی پاؤڈر 1چائے کا چمچ
زیرہ پاؤڈر 1چائے کا چمچ
خشک دھنیا پاؤڈر 1چائے کا چمچ
کچری پاؤڈر (گوشت گلانے کے لئے) 2کھانے کے چمچ
لیموں کا رس 3کھانے کے چمچ
گھی 2کھانے کے چمچ

سجاوٹ کے لئے:
پیاز کے ٹکڑے 8سے10ٹکڑے
لیموں کے قتلے 6سے 8 عدد
لیموں کا رس 2کھانے کے چمچ
چاٹ مصالحہ 1چائے کا چمچ

طریقہ کار:
مٹن کی چانپوں پر لیموں کا رس، نمک اور کچری پاؤڈر اچھی طرح ملیں اور دو گھنٹے کے لئے ایک طرف رکھ دیں۔ بڑے پیالے میں گھی کے علاوہ تمام اجزائے ترکیبی ڈالیں اور اچھی طرح مکس کرلیں۔ اب اس میں مٹن کی چانپیں ڈال کر 2گھنٹے کے لئے میری نیٹ کریں۔ لوہے کی سلاخوں پر مٹن کی 4یا5چانپیں پرو دیں اورکوئلوں کی انگیٹھی پر پکائیں۔ ان پر گھی لگاتے رہیں یہا ں تک کہ وہ مکمل طورپر پک جائیں۔ لیموں اورچاٹ مصالحہ چھڑکیں، پیاز اور لیموں کے قتلوں سے سجائیں اوراپنی پسند کی چٹنی کے ساتھ پیش کریں۔ انگیٹھی پر چانپوں کو پکاتے وقت تیل بجائے گھی استعمال کریں کیونکہ تیل تیزی سے جل جاتا ہے اور کڑوا ذائقہ دیتا ہے۔