Category: بیف و مٹن

گولاش
اجزاء:
مٹن آدھا کلو
کوکنگ آئل آدھا کھانے کا چمچ
پیاز آدھا پاو
نمک آدھا چائے کا چمچ
لہسن آدھی پوتھی
ٹماٹر کا گودا ایک کھانے کا چمچ
ترکیب:
گوشت صاف کر کے دھو کر چھلنی میں رکھ دیں پیاز چھیل کا کاٹ لیں اور دھو لیں پتیلی میں آئل ڈال کر گرم کریں اور اس میں پیاز ڈال کر گولڈن فرائی کریں جب پیاز فرائی ہو جائے تو اس میں گوشت ٹماٹر کا گودا نمک اور مرچیں بھی ڈال دیں اور تھوڑی دیر چمچ سے ہلا کر مکس کریں اس کے بعد ڈھک کر ہلکی آنچ پر پچاس منٹ پکائیں اسی دوارن لہسن کو باریک کاٹ کر ڈال دیں گولاش تیار ہے یہ آسڑیلیا کی خاص ڈش ہے

بیف مشروم کری
اجزاء:
گوشت دوسو پچاس گرام
مشرومز چھ عدد
لہسن تین جوئے
نمک حسب ذائقہ
پیاز ایک عدد درمیانی
کالی مرچ پاوڈرآدھا چائے کا چمچ
یخنہ آدھی پیالی
سرکہ دو چائے کے چمچ
میدہ دو کھانے کے چمچ
پارسلے آدھا کھانے کا چمچ
مکھن یا مارجرین ایک کھانے کا چمچ
آئل . دو کھانے کے چمچ
ترکیب:
گوشت کے چھوٹے سائز کے پسندے بنا لیں اور ان پر ایک کھانے کا چمچ میدہ چھڑک دیں اور اچھی طرح مکس کر لیں توے یا بھاری پیندے والے پین پر مکھن یا مارجرین ڈال کر درمیانی آنچ پر دو سے تین منٹ گرم کریں اور پسندوں کو تیز آنچ پر فرائی کر کے نکال لیں اسی پین میں لہسن اور پیاز ڈال کر ہلکی سی نرم ہونے تک فرائی کریں پھر اس میں مشروم ڈال دیں۔اور فرائی کریں ساتھ ہی سرکہ یخنی اور آدھی پیالی پانی شامل کر دیں دو سے تین منٹ بعد جب ابال آنے لگے تو فرائی کیے ہوئے پسندے نمک اور کالی مرچ شامل کر دیں اور ڈھک کر درمیانی آنچ پر پکنے دیں جب گوشت گلنے پر آجائے تو اس میں باقی میدہ پانی میں گھول کر ڈال اس میں ڈال دیں اور پانچ منٹ دم پر رکھ دیں ڈش میں نکال کر اوپر پارسلے باری کاٹ کر چھڑک دیں۔ابلے چاولوں کے ساتھ بہے ہی لذیذ ڈش ہے

نمکین روش خیبر پختونخواہ کی روایتی اور مشہور ڈش
نمکین روش خیبر پختونخواہ کی ایک مشہور اور روایتی ڈش ہے اسے پشتو میں نمکین روش کہتے ہیں جبکہ ہم۔اسے نمکین گوشت کہتے ہیں یہ دنبے کے گوشت کا بنایا جاتا ہے لیکن بکرے کے گوشت کا بھی بنا سکتے ہیں یہ سردیوں کی بے حد مرغوب اور مزیدار لذیذ ڈش ہے خیبر پختونخوا کی یہ ڈش پاکستان بھر کے ریسٹورنٹ میں بنائی جاتی ہے اور بہت مقبول ہے یہ ڈش صحت کے لیے بھی بہت فائدہ مند ہے اس کی یخنی اور شوربے کا اپنا ہی مزہ ہوتا ہے لیکن اسے خشک بھی بنا سکتے ہیں
اجزاء:
پیاز کالی مرچ ادرک لہسن پیسٹ نمک ہلدی خشک دھنیا پسا ہوا زیرہ پاوڈر حسب پسند یا گوشت کی مقدار کے مطابق لیکن اس میں نمک دوسرے کھانوں کی نسبت تھوڑا زیادہ ڈالا جاتا ہے
ترکیب: سب سے پہلے بکرے کے گوشت کو اچھی طرح صاف کر کے دھولیں بکرے کا گوشت آسانی سے دستیاب ہوتا ہے دنبے کے گوشت کی نسبت گوشت زیادہ ہڈیوں اور چربی والا ہانا چاہیے اس میں گھی بھی کم ڈلتا ہے کیونکہ چربی پگھلنے سے بہت چکنائی ہو جاتی ہے پتیلی میں گھی گرم کرکے اس میں گوشت ڈال کر اتنی دیر فرائی کریں کہ گوشت اور چربی کی بو خوشبو میں بدل جائے جب گوشت کا رنگ گلابی ہونے لگے تو ادرک لہسن کا پیسٹ ڈال دیں اب دوبارہ اسے ہانچ سے دس منٹ تک بھونیں اس کے بعد پیاز کاٹ کر ڈال کر بھونیں پھر نمک ہلدی کالی مرچ پسا دھنیا ہسا زیرہ ڈال کر پانچ منٹ بھون کر اس میں اتنا پانی ڈال دیں کہ گوشت ڈوب جائے تقریباً پچاس منٹ تک گوشت کو درمیانی آنچ پر پکنے دیں جب گو شت اچھی طرح گل جائے اور ہڈیوں کی بھی یخنی بن جائےتو چیک کرلیں اپنی مرضی کے مطابق جیسا رکھنا چاہیں گاڑھا پتلا یا خشک آخر میں سبز مرچیں اور سبز دھنیا کاٹ کر ڈال دیں مزیدار اور لذیذ ڈش تیار ہے

مصالحے دار لذیذ گوشت
اجزاء:
بکرے کا گوشت آدھاکلو
ٹماٹر دو عدس
ادرک ایک انچ کا ٹکڑا
پیاز دو عدد درمیانی
لہسن پانچ جوئے
نمک حسب پسند
لال مرچ پاوڈر حسب پسند
ہری مرچ آدھا کھانے کھانے کا چمچ باریک کتر لیں
سفید زیرہ آدھا چائے کا چمچ بھون لیں
ہرا دھنیا ایک کھانے کا چمچ باریک کتر لیں
لونگ دو عدد
در چینی ایک چھوٹا ٹکڑا
بڑی الائچی ایک عدد
تیل حسب ضرورت
ترکیب:
گوشت کو اچھی طرح دھو کر پتیلی میں ڈال دیں ساتھ ہی ایک عدد پیاز لہسن اور ادرک پیس کر ڈال دیں اور نمک مرچ لونگ دار چینی اور بڑی لائچی بھی ساتھ ہی ڈال کر چولہے پر پکنے کے لیے رکھ دیں جب گوشت تھوڑا کچا رہ جائے تو ٹماٹر کاٹ کر ڈالدیں اور تیل ڈال کر بھونیں جب گوشت اچھی طرح بُھن کر گل جائے تو بھنا ہوا زیرہ ہتھیلی پر مسل کر ڈال دیں جب گوشت گھی چھوڑنے لگے تو باقی ایک پیاز لچھے دار کاٹ کر ڈال دیں اور سبز مرچیں بھی ڈال کر دم دے دیں پیاز دم میں ہی نرم پڑ جائے مزیدار مصالہ گوشت تیار ہے نان کے ساتھ سرو کریں سرو کرنے سے پہلے سبز دھنیا سے گارنش کر لیں

قیمہ کڑاہی
اجزاء:
قیمہ آدھا کلو
ہری مرچیں تین عدد
ٹماٹر دو عدد
پیاز بڑی ہو تو ایک عدد درمیانی دو عدد
دہی ایک کپ
ہرا دھنیا گارنش کے لیے
ادرک کا پیسٹ ایک چائے کا چمچ
لہسن کا پیسٹ ایک چائے کاچمچ
پپیتا ایک چائے کا چمچ
ہلدی ایک چائے کا چمچ
نمک حسب ذائقہ
پسا گرم۔مصالہ ایک چائے کا چمچ
دھنیا پاوڈر ایک چائے کا چمچ
کُٹی لال مرچ ایک کھانے کا چمچ
ثابت دھنیا کُٹا ہوا دو چائے کے چمچ
زیرہ دو چائے کے چمچ
آئل آدھا کپ
ترکیب:
قیمہ میں پپیتا لگا کر دس منٹ کے لیے رکھ دیں پتیلی میں تیل گرم کرکے پیاز گولڈن فرائی کر کے اس میں لہسن ادرک پیسٹ ڈال کر تھوڑی دیر فرائی کر لیں اس کے بعد پسا دھنیا ہلدی کُٹی لال مرچ نمک اور ٹماٹر ڈال مکس کریں اور دہی ڈال کر بھون لیں پھر قیمہ اور ہرا دھنیا ڈال کو مکس کریں اور ڈھک دیں ہلکی آنچ ہر پکنے دیں جب قیمہ گل جائے تو اس مکں کُٹا ثابت دھنیا پسا گرم مصالہ زیرہ اورہری مرچیں ڈال۔کر تھوڑی دیر بھونیں اور چولہا بند کر دیں مزیدار قیمہ کڑاہی تیار ہے