Category: چکن ڈیشز

دم پخت دیسی چکن

وقت : 60 سے 70 منٹ

3 سے 4 افرادکے لئے

اجزائے ترکیبی ………… مقدار …………
پورا دیسی گھی ………… ایک کلو
تیل ………… ¼کپ
ادرک لہسن کا پیسٹ ………… 1½کھانے کا چمچ
لیموں (قتلے) ………… 4سے 6 عدد
نمک ………… حسب ذائقہ
کالی مرچ ثابت ………… 8سے 10عدد
جاوتری ………… 1عدد
آٹے کی لئی ڈھکن بند کرنے کیلئے ………… حسب ضرورت

طریقہ کار :
چکن کو 4ٹکڑوں میں کاٹ کر ایک طرف رکھ دیں۔ مٹی کی ہانڈی میں ادرک لہسن کا پیسٹ شامل کرکے ہلکا براؤن کریں۔ کالی مرچ اور جاوتری شامل کرکے دو منٹ تک پکائیں۔ اب دیسی چکن شامل کرکے ہلکا براؤن ہونے تک پکائیں۔ ایک پانی، نمک اور لیموں کے قتلے شامل کریں ہانڈی کو ڈھک دیں اورچاروں طرف آٹے کی لئی لگا دیں۔ چکن کے مکمل تیا ر ہونے تک 45 سے 50 منٹ تک پکائیں۔ اسی ہانڈی میں نان اور پودینے کے رائتے کے ساتھ پیش کریں۔ پکنے کے دوران ڈھکن مت اٹھائیں۔ اس طرح بھاپ نکل جائے گی اور پکنے کا عمل متاثر ہوگا۔

دیسی چکن مصالحہ روسٹ

وقت: 70سے80 منٹ

6 سے8 افراد کیلئے

اجزائے ترکیبی ………… مقدار …………

پورا دیسی چکن ………… 2مرغ (ایک ایک کلو کا)
تیل ………… 3/4کپ
دہی ………… 1کپ
گولڈن تلی ہوئی پیاز ………… ½کپ
ادرک لہسن کا پیسٹ ………… 2کھانے کے چمچ
نمک ………… حسب ذائقہ
سرخ مرچ پاؤڈر ………… 2چائے کے چمچ
ہلدی پاؤڈر ………… 1چائے کاچمچ
زیرہ پاؤڈر ………… 1چائے کا چمچ
خشک دھنیا پاؤڈر ………… 1چائے کاچمچ
موٹی الائچی ………… 2عدد
چھوٹی الائچی ………… 4عدد
لونگ ………… 6عدد
دارچینی ………… 1درمیانہ ٹکڑا

سجاوٹ کے لئے :
لیموں کا رس ………… 2کھانے کے چمچ
گرم مصالحہ پاؤڈر ………… 1چائے کا چمچ
لیموں کے قتلے ………… 8سے10عدد

طریقہ کار:
چکن کوتیل کے علاوہ تمام مصالحوں اور دہی کے ساتھ میری نیٹ کریں۔ 3سے 4گھنٹے فریج میں رکھیں۔ ایک بڑے برتن میں تیل گرم کریں۔ چکن شامل کرکے اسے چاروں اطراف سے ہلکا براؤن کریں۔ 1کپ پانی شامل کرکے ڈھکن دے دیں اورآنچ ہلکی کرکے 45سے 50منٹ تک چکن کے نرم ہونے تک پکائیں۔ درمیانی آنچ پر 8سے 10 منٹ تک بھونیں۔ چکن کو صرف ایک یا دومرتبہ پلٹائیں۔ لیموں کا رس نچوڑیں گرم مصالحہ چھڑکیں لیموں کے قتلوں سے سجا کر پورا ایک ڈش میں پیش کریں۔ آپ اسی طریقے سے بٹیرے اور دوسرے شکاری پرندے بھی پکا سکتے ہیں حتیٰ کہ خرگوش بھی۔

چکن حلیم

وقت ………… 1¼سے 1½ گھنٹے

8 سے 10 افراد کے لئے

اجزائے ترکیبی (الف)………… مقدار …………

ہڈی کے بغیر چکن ………… ایک کلو
چنے کی دال (ساری رات بھگوئی ہوئی) ………… ½ کپ
ماش کی دال (ساری رات بھگوئی ہوئی) ………… ½ کپ
مونگ کی دال (ساری رات بھگوئی ہوئی) ………… ½ کپ
مسور کی دال (ساری رات بھگوئی ہوئی) ………… ½ کپ
ثابت گندم (ساری رات بھگوئی ہوئی) ………… ½ کپ
چاول (ایک گھنٹہ بھگوئے ہوئے) ………… ½ کپ
نمک ………… حسب ذائقہ
سرخ مرچ پاؤڈر ………… 3کھانے کا چمچ
ہلدی پاؤڈر ………… 3کھانے کے چمچ

اجزائے ترکیبی (ب) ………… مقدار …………
گرم مصالحہ پاؤڈر ………… 2کھانے کے چمچ
چاٹ مصالحہ ………… 2کھانے کے چمچ
چکن کی یخنی ………… 6کپ
زیرہ پاؤڈر ………… 2کھانے کے چمچ
لیموں کا رس ………… 4کھانے کے چمچ

سجاوٹ کے لئے …………
ہرا دھنیا (کٹا ہوا) ………… 3سے 4 کھانے کے چمچ
ہی مرچیں (کٹی ہوئی) ………… 2سے 3کھانے کے چمچ
ادرک (لمبائی میں کٹاہوا) ………… 2سے 3کھانے کے چمچ
تلے ہوئے پیاز ………… ¼کپ

چاٹ مصالحہ ………… 2سے3 کھانے کے چمچ
لیموں کے قتلے ………… 4سے 6عدد

طریقہ کار :
ایک بڑے برتن میں تیل ڈال کر تمام مصالحے اور 4کپ پانی شامل کریں۔ 40سے 45تک تما م دالیں، گندم اور چکن کے مکمل گلنے تک پکائیں۔ فوڈپراسیسر میں اس مکسچر کو گرائنڈ کریں۔ ایک بڑے موٹے پیندے کے برتن میں یہ مکسچر اور حصہ ب کے اجزائے ترکیبی شامل کردیں ہلکی آنچ پر 15سے 20منٹ تک پکائیں۔ اس مکسچر کو لکڑی کے چمچ سے اس وقت تک ہلاتے رہیں جب تک یہ مکمل طور پر پک کر گاڑھاہو جائے۔ سجاوٹ کی تمام چیزیں ڈال کر روٹی یا نان کے ساتھ پیش کریں۔ آپ بیف سے بھی حلیم بنا سکتے ہیں وہی اس کی اصل ترکیب میں شامل ہے۔

اسٹیم روسٹ چکن

وقت : 50 سے 60 منٹ

4 افراد کے لئے

اجزائے ترکیبی مقدار
پوراچکن ایک کلو
تیل (ڈیپ فرائی کے لئے) 4کپ
دہی ½کپ
ادرک لہسن کا پیسٹ 1کھانے کا چمچ
لیموں کا رس 2کھانے کے چمچ
نمک حسب ذائقہ
سرخ مرچ پاؤڈر 2کھانے کے چمچ
ثابت سرخ مرچ (کٹی ہوئی) 1کھانے کا چمچ
ہلدی پاؤڈر ½چائے کا چمچ
زیرہ پاؤڈر 1چائے کا چمچ
خشک دھنیا پاؤڈر 1چائے کا چمچ
سفید سرکہ 2کھانے کے چمچ

سجاوٹ کے لئے :
لیموں کا رس 1کھانے کاچمچ
چاٹ مصالحہ 1چائے کاچمچ
لیموں کے قتلے 6 سے 8 ٹکڑے

طریقہ کار :
تمام مصالحے مکس کرکے پورے چکن کو اس میں میری نیٹ کردیں۔ چکن کو 5سے 6 گھنٹے تک فریج میں رکھیں، چکن کو 50 فیصد پکنے تک گولڈن فرائی کریں۔ اسٹیمر میں پانی گرم کریں چکن کو اسٹیمر کے درمیانی حصے میں رکھ کر ڈھکن کو مضبوط سے بند کردیں۔ مکمل پکنے تک چکن کو 25سے30 منٹ تک بھاپ میں پکائیں۔ پیش کرنے سے تھوڑی دیر قبل دوبارہ فرائی کریں لیموں کا رس نچوڑیں اور گر م مصالحہ چھڑکیں۔ لیموں کے قتلوں سے سجا کر پودینے اور دہی کی چٹنی کے ساتھ گرم پیش کریں۔ آسانی ے لئے چکن کو چار ٹکڑوں میں کاٹ لیں پھر آخری بار فرائی کریں آپ ایک یا دو ٹکڑے ایک وقت میں فرائی کرسکتے ہیں۔

چکن اچاری

وقت :50 سے 60 منٹ

4 سے5 افراد کے لئے

اجزائے ترکیبی مقدار
پورا چکن ایک کلو
تیل ½کپ
دہی ½کپ
ادرک لہسن کا پیسٹ 1کھانے کا چمچ
ٹماٹر (گرائنڈ کئے ہوئے) 1کپ
نمک حسب ذائقہ
سرخ مرچ پاؤڈر 2کھانے کے چمچ
ہلدی پاؤڈر 1چائے کاچمچ
زیرہ پاؤڈر ½چائے کاچمچ
خشک دھنیا پاؤڈر 1چائے کا چمچ
کلونجی ½چائے کا چمچ
میتھرے ½چائے کا چمچ
سونف ½چائے کا چمچ
مکس اچار (کٹا ہوا) 3کھانے کے چمچ

سجاوٹ کے لئے :
سبز مرچ کا اچار 5سے 6عدد

طریقہ کار:
چکن کو 8سے 16ٹکڑوں میں کاٹ کر ایک طرف رکھ دیں۔ برتن میں تیل گر م کرکے پیاز کو ہلکا براؤن کرلیں۔ادرک لہسن کا پیسٹ شامل کرکے مزید دو منٹ تک پکائیں۔ تمام مصالحے شامل کرکے دوسے تین منٹ تک پکائیں۔ ٹماٹر اور دہی شامل کرکے 8سے 10 منٹ تک پکائیں یہاں تک کہ مصالحہ تیار ہو کر گھی چھوڑ دے۔ چکن شامل کرکے تین سے چار منٹ تک پکائیں۔ دو کپ پانی شامل کرکے آنچ ہلکی کردی اور چکن کے نرم ہونے تک پکائیں۔ کٹا ہوا اچار شامل کرکے 5سے 6منٹ تک گھی چھوڑنے تک بھونیں۔ سبز مرچ اچار کے ساتھ سجائیں روٹی یا نان کے ساتھ گرم گرم پیش کریں۔ آپ مکس اچار کی بجائے اپنی پسند کا کوئی بھی اچار شامل کرسکتے ہیں۔

تین مرچی چکن

وقت :45 سے 50 منٹ

3 سے 4 افراد کے لئے

اجزائے ترکیبی مقدار
ہڈی کے بغیر چکن آدھا کلو
تیل ¼ کپ
دہی ½کپ
پیاز (کٹے ہوئے) ½کپ
ادرک لہسن کا پیسٹ 1کھانے کا چمچ
ٹماٹر (کٹے ہوئے) 1کپ

لمبی ثابت سرخ مرچیں 4سے 6عدد
(سفید سرکے میں ڈبوئی ہوئی)

گول سرخ مرچیں ثابت 4سے 6عدد
(سفید سرکہ میں ڈبوئی ہوئی)

ہری مرچیں ثابت 3سے 4عدد
نمک حسب ذائقہ
سرخ مرچ پاؤڈر 1کھانے کا چمچ
ہلدی پاؤڈر 1چائے کا چمچ
خشک دھنیا پاؤڈر 1چائے کا چمچ
زیرہ (کٹا ہوا) 1چائے کا چمچ

سجاوٹ کے لئے :
چوکور پیاز 4سے5ٹکڑے
چوکو ٹماٹر 4سے 5ٹکڑے

طریقہ کار :
چکن کو 3×3 سینٹی میٹرکے چوکور ٹکڑوں میں کاٹ لیں۔ برتن میں تیل گرم کرکے پیاز کو ہلکا براؤن ہونے تک پکائیں۔ ادرک لہسن کا پیسٹ شامل کرکے ایک سے دو منٹ تک پکائیں۔ ٹماٹر، نمک، سرخ مرچ، ہلدی، خشک دھنیا پاؤڈر اور زیرہ شامل کریں۔ 10سے12 منٹ تک پکائیں جب تک مصالحہ تیا ر ہو کر گھی چھوڑ دے۔ چکن، دہی اور تینوں طرح کی مرچیں شامل کریں۔ ڈھکن دے کر آنچ ہلکی کردیں۔ 20سے 25منٹ تک گوشت کے نرم ہونے تک پکائیں۔ ڈھکن اتار کر 5سے 6 منٹ تک گھی چھوڑنے تک پکائیں۔ چوکور پیاز اور ٹماٹر کے ٹکڑوں سے سجائیں روٹی اور نان کے ساتھ پیش کریں۔ آپ یہ ڈش کڑاہی یا موٹے پیندے کے برتن میں بھی بنا سکتے ہیں۔