Category: کھانےوترکیب

اجزاء:
آلو تین عدد
ادرک لہسن پیسٹ ایک چائے کا چمچ
نمک حسب ذائقہ
خشخاش ایک کھانے کا چمچ
سفید تل ایک چائے کا چمچ
کاجو بادام 8 عدد
پسی لال مرچ ایک چائے کا چمچ
پیاز دو عدد
پسا گرم مصالحہ ایک چائے کا چمچ
دہی آدھی پیالی
فریش کریم تین کھانے کے چمچ
ہرا دھنیا دو کھانے کے چمچ باریک کٹا
آئل چار کھانے کے چمچ

ترکیب:
خشخاش بادام کاجو اور سفید تل کو بارک پیس کر فریش کریم میں مکس کر کے فریج میں رکھ دیں آلو کو ابال کر چھیل لیں اور چھوٹے ٹکڑے کر لیں پیاز کو چوپ کر لیں اور پتیلی میں تیل گرم کر کے اس میں سنہری فرائی کر لیں اب اس میں نمک ادرک لہسن پیسٹ لال مرچ اور دہی ڈال کر بھون لیں اور ساتھ ہی آلو بھی شامل کر لیں اور مکس کر کے ڈھک لیں اور ہلکی آنچ پردس منٹ پکائیں پھر کریم کا مکسچر ڈال کر ہلکا سا مکس کریں اور گرم مصالحہ چھڑک کر ہلکی آنچ پر دم پر رکھ دیں پھر ڈش میں نکال کر باریک کٹا ہرا دھنیا چھڑک کر پراٹھے یا شیر مال کے ساتھ سرو کریں

بیکڈ بادامی کوفتے
تیاری کا وقت سات منٹ پکانے کا وقت بیس منٹ اور دو افراد کے لیے
کوفتے بنانے کے اجزاء:
بوائلڈ آلو ایک کپ میش کر لیں جائفل ایک چُٹکی
دودھ ایک کھانے کا چمچ
بادام آدھا کپ پیس لیں
آٹا یا میدہ آدھا کھانے کا چمچ
ہری پیاز تین کھانے کے چمچ
انڈے ایک عدد
نمک حسب ذائقہ
کالی مرچ دو چٹکی
کوٹنگ کے لیے:
انڈا ایک عدد
میدہ اور بریڈ کرمبز حسب ضرورت
ترکیب:
آلو بوائل کر کے چھیل لیں اور پیالے میں میش کر لیں اس میں بادام نمک کالی مرچ جائفل ہری پیاز دودھ آٹا یا میدہ اور انڈا ڈال کر اچھی طرح مکس کر لیں تاکہ سب چیزیں یکجان ہو جائیں اب اس مکسچر کو ریفریجریٹر میں دس یا پندرہ منٹ کے لیے رکھ لیں اب اس کے درمیانے سائز کے کوفتے بنا لیں انڈے کو پیالے میں پھینٹ لیں ایک پلیٹ میں میدہ اور ایک میں بریڈ کرمبز ڈا لیں ہر کوفتے کو پہلے انڈے میں ڈپ کر کے پھر میدہ اور بریڈ کرمبز سے کوٹنگ کریں کوفتوں کو ہلکا سا آئل لگا کر بیکنگ ٹرے میں رکھ کر پہلے سے دوسو ڈگری پر گرم شدہ اوون میں۔رکھ کر بیک کر لین جب سنہری ہو جائیں تو نکال کر گرم۔گرم پیش کریں

کاٹھیاواری چھولے
اجزاء:
چھولے ایک پاو
آلو دو عدد
ٹماٹر ایک عدد باریک کاٹ لیں
پیاز ایک عدد چھوٹی باریک کاٹ لیں
ہرا دھنیا ایک چوتھائی گٹھی بارک کاٹ لیں
ہری مرچ دو عدد باریک کاٹ لیں
چاٹ مصالحہ آدھا چائے کا چمچ
املی کا پانی آدھا کپ
کُٹا زیرہ تھوڑا سا
ہلدی آدھا چائے کا چمچ
نمک حسب ذائقہ
ترکیب:
آلو اور چھولے الگ الگ اُبال لیں چھولے اتنا ابالیں کہ نرم ہو جائیں اور آدھا کپ پانی رہ جائے تو ہلدی اور نمک ڈال۔دیں اس کے بعد چھولوں کو چمچ سے میش کریں لیکن زیادہ نہیں بلکہ تھوڑے ثابت رہنے دیں اب اُبلے آلو چھیل کر اور باریک کاٹ کر ان میں مکس کر دیں اور پکنے دیں جوش آجائے تو باقی تمام اجزاء ملا کر مزید ہانچ منٹ پکائیں کسی سرونگ ڈش میں ڈال کر گرم گرم چھولے پاو کے ساتھ سرو کریں