Category: کھانےوترکیب

تو ا چکن مکھنی

وقت 35 سے 40 منٹ

4 افراد کے لئے

اجزائے ترکیبی مقدار
پورا چکن ایک کلو
گھی 2کھانے کے چمچ
دہی 3کھانے کے چمچ
ادرک لہسن پیسٹ 2کھانے کے چمچ
نمک حسب ذائقہ
سرخ مرچ پاؤڈر 2کھانے کا چمچ
ثابت سرخ مرچ (کٹی ہوئی) 1چائے کا چمچ
ہلدی پاؤڈر 1چائے کا چمچ
زیرہ (بھنا اور کٹا ہوا) 2چائے کے چمچ
سفیدسرکہ 2کھانے کے چمچ

اجزائے ترکیبی (ب) مقدار
مکھن(عام) 100گرام
دہی ¼کپ
ادرک (لمبائی میں باریک کٹا ہوا) 1کھانے کا چمچ
ہری مرچیں (آدھی کٹی ہوئی) 3عدد
ہرا دھنیا 1کھانے کا چمچ

چھڑکاؤ کے لئے :
لیموں کا جوس 1کھانے کا چمچ
SNPگر م مصالحہ پاؤڈر 1چائے کاچمچ

طریقہ کار :
چکن کو چار ٹکڑوں میں کاٹ کر کٹ لگالیں۔ ایک پیالے میں گھی کے علاوہ دہی او ر حصہ الف کے تمام مصالحے شامل کرکے مکس کریں۔ چکن شامل کرکے اچھی طرح مکس کریں اور کچھ گھنٹوں کے لئے فریج میں رکھ دیں۔ عام تکوں کی طرح کوئلوں کی انگیٹھی پر چکن کو بھی پکائیں برش کی مد د سے گھی لگاتے جائیں پکنے کے بعد انہیں سیخوں سے اتار لیں اور ایک طرف رکھ دیں۔

حصہ (ب) کے مصالحوں سے مکھن کو توے پر گرم کریں ہری مرچیں اور ادرک شامل کرکے ایک منٹ تک پکائیں۔ پکی ہوئی چکن اور دہی شامل کریں ہلکی آنچ پر پانچ سے چھ منٹ تک مکھن کے الگ ہونے تک پکائیں اب ہرا دھنیا شامل کرکے ایک سے دو منٹ تک مزید پکائیں لیموں کا رس اور گرم مصالحہ چھڑک کر نان اور رائتے کے ساتھ پیش کریں۔

دیسی چکن کنّا

وقت : 1 ¼سے 1 ½ گھنٹے

6 سے 8 افراد کے لئے

اجزائے ترکیبی مقدار
دیسی چکن 2مرغ (ایک ایک کلو کے)
گھی 1کپ
پیاز (قتلے) 1½کپ
ادرک لہسن پیسٹ 2کھانے کے چمچ
نمک حسب ذائقہ
سرخ مرچ پاؤڈر 1½کھانے کا چمچ
خشک دھنیا پاؤڈر 1½کھانے کا چمچ
کالا زیرہ ثابت 1½کھانے کا چمچ
آٹا (گندم) ¼ کپ
آٹے کی لئی برتن کا منہ بند کرنے کے لئے تھوڑی سی

طریقہ کار :
دیسی چکن کے چار چار ٹکڑے کرلیں اور ایک طرف رکھ دیں۔ کھلی انگیٹھی کی آگ پر مٹی کا مٹکا رکھیں۔ گھی گرم کرکے پیاز کو ہلکا براؤن کریں۔ اب نمک، سرخ مرچ اور خشک دھنیا شامل کرکے چکن کو6سے 8 منٹ تک پکائیں۔ 4 کپ پانی اور کالا زیرہ شامل کرکے ایک سے دو منٹ تک پکائیں۔ آٹے میں تھوڑا سا پانی ڈال کر پیسٹ بنالیں اور اسے چکن کے مکسچر میں شامل کردیں۔ مٹکے کو ڈھکن سے بند کرکے آٹے کی سخت لئی سے سیل کردیں۔ 50سے 60 منٹ چکن کے مکمل تیار ہونے تک پکائیں۔ مٹی کے گھڑے میں نان یا کشمیری روٹی کے ساتھ پیش کریں۔ دیسی چکن کی بجائے عام چکن بھی استعمال کیاجاسکتا ہے۔ اگر مٹکا نہ ہو تو چھوٹی دیگ یا موٹے پیندے کا برتن بھی استعمال کرسکتے ہیں۔

ٹما ٹر چکن

وقت :50 سے 60 منٹ

4 سے 5 افراد کے لئے

اجزائے ترکیبی مقدار
پورا چکن ایک کلو
تیل ½کپ
پیاز (کٹے ہوئے) 1کپ
ادرک لہسن کاپیسٹ 1کھانے کا چمچ
ٹماٹر ایک کلو
نمک حسب ذائقہ
سرخ مرچ پاؤڈر 2چائے کے چمچ
کالی مرچیں ثابت 2سے 10عدد
موٹی الائچی پوری 2عدد
دارچینی 2چھوٹی
زیرہ پاؤڈر 1چائے کا چمچ

سجاوٹ کے لئے :
ہرا دھنیا (کٹا ہوا) 1کھانے کا چمچ
ادرک (لمبائی میں باریک کٹا ہوا) 1کھانے کا چمچ

طریقہ کار:
چکن کو 8یا16 ٹکڑوں میں یا جیسا آپ چاہیں کاٹ لیں اور ایک طرف رکھ دیں۔ ٹماٹروں کے چھلکے اتارلیں اور کاٹ کر ایک طرف رکھ دیں۔ برتن میں تیل گرم کریں پیاز شامل کرکے ہلکا براؤن کریں۔ ادرک لہسن کا پیسٹ شامل کرکے ایک سے دو منٹ تک پکائیں۔کٹے ہوئے ٹماٹر، نمک، سرخ مرچ پاؤڈر، کالی مرچ، موٹی الائچی، دارچینی اور زیرہ ڈال کر 10 سے 12 منٹ تک مصالحہ تیار ہو کر گھی چھوڑنے تک پکائیں۔ چکن اور 1½کپ پانی شامل کریں برتن کو ڈھک کر آنچ ہلکی کردیں اور تقریباً 25سے 30 منٹ تک گوشت کے مکمل گلنے تک پکائیں۔ ڈھکن اٹھا کر 5سے 6منٹ تک گھی چھوڑنے تک بھونیں۔ ہرے دھنیے اور ادر ک کے ساتھ سجائیں او ر روٹی یا نان کے ساتھ پیش کریں۔ صرف تازہ ٹماٹر استعمال کریں۔ ڈبے کے ٹماٹر یا ٹماٹر کا پیسٹ استعمال نہ کریں۔

چکن کڑاہی

وقت :45 سے 50 منٹ

4 سے 5 افراد کے لئے

اجزائے ترکیبی مقدار

پوراچکن ایک کلو
تیل ½کپ
دہی ¼کپ
پیاز (باریک کٹے ہوئے) ½کپ
ادرک لہسن کا پیسٹ 1کھانے کا چمچ
ٹماٹر (باریک کٹے ہوئے) 2کپ
نمک حسب ذائقہ
سرخ مرچ پاؤڈر 2کھانے کے چمچ
سوکھا دھنیا (کٹا ہوا) 1چائے کا چمچ
زیرہ پاؤڈر 1چائے کا چمچ
ہری مرچیں (موٹی کٹی ہوئی) 2کھانے کے چمچ

سجاوٹ کے لئے:
ہرا دھنیا (کٹا ہوا) 1کھانے کا چمچ
ہری مرچیں (قتلے) 1چائے کا چمچ
ادرک (لمبائی میں باریک کٹا ہوا) 2کھانے کے چمچ
SNP کڑاہی گرم مصالحہ پاؤڈر 2چائے کے چمچ

طریقہ کار:
چکن کو 16 ٹکڑوں میں کاٹ کر ایک طرف رکھ دیں۔ کڑاہی میں تیل گرم کریں اور پیاز ڈال کر ہلکا براؤن کرلیں۔ ادرک لہسنپیسٹ بھی شامل کرکے ایک سے دو منٹ تک پکائیں۔ ٹماٹر، تمام مصالحے اور ½کپ پانی شامل کردیں۔ 25سے30 منٹ تک گوشت کے نرم ہونے تک پکائیں۔ دہی اور ہری مرچیں شامل کرکے 5سے 6منٹ تک گھی چھوڑنے تک بھونیں۔ ہرے دھنیے، ہری مرچوں اور ادرک کے ساتھ سجائیں۔ گر م مصالحہ چھڑک کر نان یا روٹی کے ساتھ پیش کریں۔ آپ گریوی کے مطابق پیاز، ٹماٹر اور دہی کی مقدار کم یا زیادہ کرسکتے ہیں۔

مرغ چنا

وقت :50 سے 60 منٹ

6 سے 8 افراد کے لئے

اجزائے ترکیبی (الف) مقدار
سفید چنے 2کپ
ادرک لہسن کا پیسٹ 1کھانے کا چمچ
نمک حسب ذائقہ
کالی مرچ پاؤڈر ½چائے کا چمچ
سرخ مرچ پاؤڈر 1چائے کاچمچ
زیرہ پاؤڈر 1چائے کاچمچ
سوڈا بائی کاربونیٹ ½چائے کا چمچ

اجزائے ترکیبی (ب) مقدار
چکن ایک کلو
تیل ½کپ
ادرک لہسن ک پیسٹ 2چائے کے چمچ
نمک حسب ذائقہ
کالی مرچ (کٹی ہوئی) 1چائے کا چمچ
سرخ مرچ پاؤڈر 1چائے کا چمچ
کشمیری سرخ مرچ پاؤڈر 1چائے کا چمچ
زیرہ پاؤڈر ½چائے کا چمچ

سجاوٹ کے لئے:
گرم مصالحہ پاؤڈر 1چائے کا چمچ

طریقہ کار:

چنوں کو سوڈا بائی کاربونیٹ اور بہت سا پانی شامل کرکے ساری رات کے لئے بھگو دیں۔ اسی پانی میں چنوں سمیت حصہ الف کے اجزائے ترکیبی شامل کرکے پکائیں۔ گلنے تک پکائیں اور پانی اتار کر چنے ایک طرف رکھ دیں۔

طریقہ کار (دوسرا مرحلہ)
چکن کو درمیانے ٹکڑوں میں کاٹ لیں۔ برتن میں تیل گرم کرکے ادرک لہسن کا پیسٹ شامل کریں۔ براؤن ہونے تک کچھ منٹ تک پکائیں۔

اب حصہ (ب) کے اجزائے ترکیبی شامل کرکے اسے ایک سے دو منٹ تک پکائیں۔ اب چکن کے ٹکڑے شامل کریں تینسے چار منٹ تک چکن کو پکائیں۔ آدھا کپ پانی شامل کرکے 25سے 30 منٹ تک گوشت کے مکمل پکنے تک پکائیں۔ اب پکے ہوئے چنے شامل کرکے 6سے 8منٹ تک ہلکی آنچ پر تیار ہونے تک پکائیں۔ گرم مصالحہ چھڑک کر نان یا روٹی کے ساتھ پیش کریں۔ اچھے ذائقے کے لئے دیسی چنے استعمال کریں۔

ہرا بھر ا چکن مصالحہ

وقت :40 سے 50 منٹ

4 سے 5 افراد کے لئے

اجزائے ترکیبی مقدار
چکن بغیر ہڈی کے ایک کلو
تیل ½کپ
دہی ½کپ
پیاز (عمدہ کٹے ہوئے) 2کپ
ادرک لہسن پیسٹ 2کھانے کے چمچ
ہرا دھنیا (کٹا ہوا) ½کپ
ہرا پیاز (کٹا ہوا) ½کپ
ہری مرچیں (کٹی ہوئی) ¼کپ
نمک حسب ذائقہ
سفید مرچ پاؤڈر 1چائے کا چمچ
مکھن 2کھانے کے چمچ

سجاوٹ کے لئے :
ادرک (لمبائی میں باریک کٹاہوا) 1کھانے کا چمچ

طریقہ کار :
چکن کو چوکور ٹکڑوں میں کاٹ کر ایک طرف رکھ دیں۔ برتن میں تیل گر م کریں اس میں پیاز ڈال کر نرم ہونے تک پکائیں تیل سے پیاز نکال کر ایک طرف رکھ دیں۔ اب اس میں چکن کے ٹکڑے نمک اور سفید مرچ پاؤڈر شامل کرکے 10سے 15 منٹ تک پکائیں۔ تلے ہوئے پیاز ہرا دھنیا ہری پیاز اور ہری مرچوں کو ½کپ پانی شامل کرکے بلینڈ کریں اور ایک نرم سبز پیسٹ بنالیں۔ دہی اور ہرا پیسٹ شامل کرکے ڈھکن کے بغیر 8سے 10 منٹ تک درمیانی آنچ پر گوشت کے نرم ہونے تک پکائیں۔ مکھن شامل کرکے 5سے 6 منٹ تک بھونیں۔ ادرک کے ساتھ سجائیں اور روٹی یا نان کے ساتھ پیش کریں۔ سبز پیسٹ آخر میں شامل کریں تاکہ اس کا سبز رنگ برقرا ر رہے۔