Category: کھانےوترکیب

گرلڈ مٹن چانپیں

وقت :40 سے 45منٹ

5سے 6افراد کے لئے

اجزائے ترکیبی مقدار
مٹن چانپیں 1کلو
دہی ½ کپ
پیاز (گرائنڈ کئے ہوئے) ¼ کپ
ادرک لہسن کا پیسٹ 2کھانے کے چمچ
ہری مرچیں (باریک کٹی ہوئی) 1½ کھانے کا چمچ
نمک حسب ذائقہ
سرخ مرچ پاؤڈر 1½ کھانے کا چمچ
ہلدی پاؤڈر 1چائے کا چمچ
زیرہ پاؤڈر 1چائے کا چمچ
خشک دھنیا پاؤڈر 1چائے کا چمچ
کچری پاؤڈر (گوشت گلانے کیلئے) 2کھانے کے چمچ
لیموں کا رس 3کھانے کے چمچ
گھی 2کھانے کے چمچ

سجاوٹ کے لئے:

پیاز کے ٹکڑے 8سے10ٹکڑے
لیموں کے قتلے 6سے 8 عدد
لیموں کا رس 2کھانے کے چمچ
چاٹ مصالحہ 1چائے کا چمچ

طریقہ کار:
مٹن کی چانپوں پر لیموں کا رس، نمک اور کچری پاؤڈر اچھی طرح ملیں اور دو گھنٹے کے لئے ایک طرف رکھ دیں۔ بڑے پیالے میں گھی کے علاوہ تمام اجزائے ترکیبی ڈالیں اور اچھی طرح مکس کرلیں۔ اب اس میں مٹن کی چانپیں ڈال کر 2گھنٹے کے لئے میری نیٹ کریں۔ لوہے کی سلاخوں پر مٹن کی 4یا5چانپیں پرو دیں اورکوئلوں کی انگیٹھی پر پکائیں۔ ان پر گھی لگاتے رہیں یہا ں تک کہ وہ مکمل طورپر پک جائیں۔ لیموں اورچاٹ مصالحہ چھڑکیں، پیاز اور لیموں کے قتلوں سے سجائیں اوراپنی پسند کی چٹنی کے ساتھ پیش کریں۔ انگیٹھی پر چانپوں کو پکاتے وقت تیل بجائے گھی استعمال کریں کیونکہ تیل تیزی سے جل جاتا ہے اور کڑوا ذائقہ دیتا ہے۔

مٹن کلیجی تکہ

وقت :25
سے 30منٹ

6 سے 8 افراد کے لئے

اجزائے ترکیبی مقدار

مٹن کلیجی 1کلو
ادرک لہسن کا پیسٹ 2کھانے کے چمچ
نمک حسب ذائقہ
سرخ مرچ پاؤڈر 1چائے کا چمچ
ثابت لال مرچ (کٹی ہوئی) 1چائے کا چمچ
ہلدی پاؤڈر 1چائے کا چمچ
سفید زیرہ (بھنا اور کٹا ہوا) 1چائے کا چمچ
گھی 2کھانے کے چمچ

چھڑکاؤ کے لئے:
لیمن جوس 2سے 3کھانے کے چمچ
چاٹ مصالحہ 1چائے کا چمچ

طریقہ کار:
مٹن کی کلیجی کو تقریباً 2½ X 2½ سینٹی میٹرکے ٹکڑوں میں کاٹ کر رکھ لیں۔ ایک پیالے میں گھی کے علاوہ تمام مصالحے شامل کردیں۔ کلیجی شامل کرکے اچھی طرح مکس کریں اور تقریباً 2گھنٹے کے لئے فریج میں رکھ دیں۔ کلیجی کو سیدھی سلاخوں پر پرو دیں اور کوئلے کی انگیٹھی پر پکائیں۔ پکی ہوئی سائیڈ پر گھی بھی لگاتے جائیں۔ 3سے 4منٹ تک درمیانہ پکنے تک گرل کریں۔ کلیجی کی زیادہ ہ پکائیں کیونکہ زیادہ پکانے سے وہ سخت ہو جائے گی۔ انگیٹھی سے اتار کر سرونگ ڈش میں ڈالیں۔ لیموں کا جوس اور چاٹ مصالحہ چھڑک کر پودینے کے رائتے کے ساتھ گرم گرم پیش کریں۔ مٹن کی کلیجی کی بجائے آپ چکن کی کلیجی بھی استعمال کرسکتے ہیں۔

مٹن تکہ

وقت :40 سے 50منٹ

4 سے 5 افراد کے لئے

اجزائے ترکیب مقدار
مٹن دستی اور سینہ (انگلی ٹانگیں اور سینہ) 1کلو
دہی 3کھانے کے چمچ
ادرک لہسن کا پیسٹ 2کھانے کے چمچ
نمک حسب ذائقہ
سرخ مرچ پاؤڈر 1چائے کا چمچ
خشک سرخ مرچیں (کٹی ہوئی) 1چائے کا چمچ
ہلدی پاؤڈر 1چائے کا چمچ
زیرہ (بھنا اور کٹا ہوا) 2 کھانے کے چمچ
کچری پاؤڈر (گوشت گلانے کے لئے) 2کھانے کے چمچ
سفید سرکہ 2کھانے کے چمچ
گھی 2کھانے کے چمچ

چھڑکاؤ کے لئے :
لیموں کا رس 3کھانے کے چمچ
چاٹ مصالحہ 2کھانے کے چمچ

طریقہ کار :
قصاب سے کہہ کر مٹن کو ہڈیوں سمیت 3½ سے 4 سینٹی میٹر کے ٹکڑوں میں کٹوائیں۔ گوشت پر کچری پاؤڈر لگائیں اور تقریباً 1سے 2گھنٹے کے لئے چھوڑ دیں۔ پیالے میں دہی، نمک، سرخ مرچ پاؤڈر، ہلدی پاؤڈر، زیرہ، لہسن اور ادرک کا پیسٹ اور سرکہ شامل کردیں۔ اب مٹن کی بوٹیاں شامل کرکے 2سے 3گھنٹے کے لئے فریج میں رکھ دیں۔ اب سلاخوں پر 5سے 6بوٹیاں پرو کر کوئلے کی انگیٹھی پر پکائیں۔ پکی ہوئی بوٹیوں پر گھی لگاتے جائیں اور اس وقت تک پکائیں جب تک مٹن اچھی طرح پک نہ جائے۔ لیموں کا رس اور چاٹ مصالحہ چھڑک کر پودینے کے رائتے کے ساتھ پیش کریں۔ اچھے ذائقے کے لئے مٹن کی بوٹیوں کو ساری رات فریج میں رکھیں۔

دنبہ تکہ

ٹائم : 40سے 50 منٹ

5سے 6 افراد کے لئے

اجزائے ترکیبی مقدار
دنبے کا گوشت ہڈیوں سمیت 1کلو
نمک حسب ذائقہ

طریقہ کار :
دنبے کے گوشت کو 3½سے 4سینٹی میٹر ٹکڑوں میں کاٹ لیں اس پر نمک چھڑ ک دیں اور 2گھنٹے کے لئے رکھ دیں۔ اب سلاخوں پر 5سے 6بوٹیاں فی سلا خ پرو دیں۔ اب کوئلوں کی انگیٹھی پر ہلکی آنچ پر 25سے 30 منٹ تک پکائیں۔ گرم گرم پشاوری نان اور پودینے دہی کی چٹنی کے ساتھ پیش کریں۔ فوراً پیش کردیں ورنہ تکے سخت ہو جائیں گے۔