Baaghi TV

Category: سبزیاں

  • قیمہ بھرے کریلے بنانے کا طریقہ

    قیمہ بھرے کریلے بنانے کا طریقہ

    قیمہ بھرے کریلے

    وقت: 1 سے1½ گھنٹہ

    4 سے 6 افراد کے لئے

    اجزائے ترکیبی ………… مقدار …………

    کریلے ………… ایک کلو
    تیل (تلنے کے لئے) ………… ½کپ
    نمک ………… حسب ذائقہ
    قیمے کی تیاری…………
    مٹن قیمہ ………… ½کلو
    تیل ………… ¼کپ
    پیاز (کٹے ہوئے) ………… 1کپ
    پیاز (قتلے) ………… ½کپ
    ادرک لہسن کا پیسٹ ………… 1کھانے کا چمچ
    ٹماٹر (گرائنڈ کئے ہوئے) ………… 1کپ
    ہر ا دھنیا (کٹا ہو) ………… 2کھانے کے چمچ
    ہری مرچیں (کٹی ہوئی) ………… 1کھانے کا چمچ
    نمک ………… حسب ذئقہ
    سرخ مرچ پاؤڈر ………… 2چائے کے چمچ
    ہلدی پاؤڈر ………… 1چائے کا چمچ
    ہلدی پاؤڈر ………… 1چائے کا چمچ
    زیرہ ………… 1 چائے کا چمچ
    خشک دھنیا پاؤڈر ………… 2چائے کے چمچ

    سجاوٹ کے لئے:
    ہری مرچیں (قتلے) ………… 1کھانے کا چمچ
    ادرک (لمبائی میں کٹی ہوئی) ………… 1کھانے کا چمچ

    طریقہ کار:
    کریلوں کو چھیل کر کٹ لگائیں اور تمام بیج چمچ سے باہر نکال دیں۔ 1½ چمچ نمک کریلوں کے اندر اور باہر لگا کر 30سے 40 منٹ تک رکھی تاکہ کریلوں کی کڑواہٹ نکل جائے۔ اب کریلوں کودھو کر فالتو پانی دبا کر نکال دیں۔ ایک فرائی پین میں تیل ڈال کر کریلوں کو کرسپی اور گولڈن براؤن ہونے تک تلیں آنچ ہلکی رکھیں۔ اب کریلوں کو نکال کر ایک ڈھکن والے برتن میں رکھ دیں تاکہ وہ میٹھے ہوجائیں۔ ایک اور برتن میں تیل گرم کرکے پیاز ہلکے براؤن کرلیں۔ ادرک لہسن کا پیسٹ شامل کرکے دو منٹ تک پکائیں۔ اب اس میں ٹماٹر، نمک، ہلدی، زیرہ، خشک دھنیا اور ہری مرچیں شامل کریں۔ 10سے 12منٹ مصالحہ تیار ہو کر گھی چھوڑنے تک پکائیں۔اب مٹن قیمہ اور ایک کپ پانی شامل کرکے قیمے کے گلنے تک پکائیں۔ ہرا دھنیا ڈال کر چولہے سے اتار لیں اور کمرے کے درجہ حرارت پرٹھنڈا ہونے دیں۔ پکے ہوئے قیمے کوکریلوں میں بھر دیں اوردھاگا لپیٹ دیں۔ پکے ہوئے قیمے کی کچھ مقدار بچالیں۔ اب اس قیمے کو ایک برتن میں ڈال کر قتلوں میں کئے پیاز شامل کریں پیاز نر م ہونے تک پکائیں۔ اس قیمے میں بھرے ہوئے کریلے شامل کریں اور برتن کو ڈھک کر 8سے 10 منٹ تک ہلکی آنچ پر پکائیں۔ ہری مرچوں اور ادرک کے ساتھ سجائیں۔ ایک ہی سائز کے کریلے استعمال کریں۔ مٹن قیمے کی بجائے آپ بیف قیمہ بھی استعمال کرسکتے ہیں۔

  • قیمہ بھری شملہ مرچ بنانے کی ترکیب

    قیمہ بھری شملہ مرچ بنانے کی ترکیب

    قیمہ بھری شملہ مرچ

    وقت : 60سے 70 منٹ

    چار افراد کے لئے

    جزائے ترکیبی مقدار

    مٹن قیمہ ½ کلو
    تیل ½ کپ
    پیاز (کٹے ہوئے) ½کپ
    لہسن ادرک کا پیسٹ 1کھانے کا چمچ
    ٹماٹر (گرائنڈ کئے ہوئے) ½کپ
    نمک حسب ذائقہ
    سرخ مرچ پاؤڈر 2چائے کے چمچ
    ہلدی پاؤڈر ½چائے کا چمچ
    کالی مرچ (ثابت) 2عدد
    ثابت زیرہ 1 چائے کا چمچ
    خشک دھنیا پاؤڈر 1چائے کا چمچ

    (دوسر ا مرحلہ) :
    شملہ مرچ (سبز یا مختلف رنگوں کی) 4عدد
    پنیر (کش کیا ہوا) 1کپ

    سجاوٹ کے لئے:
    سلاد کے پتے ایک گٹھی

    طریقہ کار (پہلا مرحلہ):
    برتن میں تیل گرم کریں اور پیاز کوہلکا براؤن ہونے تک پکائیں۔ اب لہسن ادرک کا پیسٹ شامل کرکے مزید 2منٹ تک پکائیں۔ اب گرائنڈ کئے ہوئے ٹماٹر، نمک، سرخ مرچ، زیرہ اور خشک دھنیا شامل کرکے 10منٹ تک پکائیں یہاں تک کہ مصالحہ تیار ہوکرگھی چھوڑ نے لگے۔ قیمے میں ایک پانی شامل کرکے 30 سے 35منٹ تک پکائیں یہاں تک کہ قیمہ خشک ہو کر پک جائے۔ قیمہ بالکل خشک ہونا چاہئے۔ موٹی الائچی نکال کر پکا ہوا قیمہ ایک طرف رکھ دیں۔

    طریقہ کار (دوسرا مرحلہ):
    شملہ مرچ کو پیندے سے کاٹ لیں تاکہ وہ کھڑی ہوسکیں اوپر سے بھی کاٹ کر خالی کرلیں۔ خالی کی ہوئی شملہ مرچ میں پکا ہوا قیمہ بھرکر اس پر کش کیا ہوا پنیر چھڑک دیں۔ اب انہیں اوون کی سب سے اوپر والی گرل یہ 3سے 4 منٹ تک رکھیں حتیٰ کہ پنیر ہلکا براؤن ہوجائے۔ پیش کرنے سے قبل شملہ مرچ کے کٹے ہوئے ڈھکن کو پکی ہوئی پنیر کے اوپر رکھ دیں۔ شملہ مرچ کو زیادہ دیرنہ پکائیں ورنہ شملہ مرچ جل جائے گی۔ بھری ہوئی شملہ مرچ فوری طور پر پیش کردیں۔

  • انتہائی افسوسناک حقیقت ہے کہ ہمارے کھانوں کے اشیاء میں ملاوٹ ہے ، رحمان ملک

    انتہائی افسوسناک حقیقت ہے کہ ہمارے کھانوں کے اشیاء میں ملاوٹ ہے ، رحمان ملک

    سابق وزیر داخلہ و چئیرمن سینیٹ قائمہ کمیٹی داخلہ سینیٹر رحمان ملک کا صحت مند خوراک کا حصول پر تربیتی سیمینار سے خطاب کیا۔ سینیٹر رحمان ملک سیمینار میں بطور مہمان خصوصی مدعو ہیں،
    صحت مند آبادی ملک کی معیار زندگی، اقتصادی اور معاشی ترقی کو بڑھاتی ہے، پاکستان میں بیماری میں اضافہ غیر محفوظ خوراک کیوجہ سے ہے، جس شرح سے پاکستان میں صحت کے مسائل بڑھ رہے ہیں وہ تشویشناک ہے،غیر محفوظ خوراک نئی قسم کی بیماریوں کا سبب بن رہے ہیں جن کا علاج مشکل ہے،محفوظ اور صحت مند خوراک کا حصول ہر شہری کا بنیادی حق ہے،ریاست کا فرض ہے کہ وہ اپنے شہریوں کو محفوظ اور حفظان صحت کے کھانے کی دستیابی کو یقینی بنائے، محفوظ اور صاف ستھری خوراک تمام بیماریوں کے خلاف قوت مدافعت کی پہلی لائن ہے، بدقسمتی سے ہمارے ملکوں میں غیر محفوظ اور غیر صحتمند اشیائے خورد و نوش فروخت ہو رہے ہیں، دارالحکومت سمیت پورے ملک میں کھانے کے معیار کی نگرانی کا کوئی اتھارٹی موجود نہیں ہے،یہ انتہائی افسوسناک حقیقت ہے کہ ہمارے کھانوں کے اشیاء میں ملاوٹ ہے، ہماری موجودہ قانونی نظام غذا میں ملاوٹ پر قابو پانے کے حوالے سے بہت کمزور ہے،
    ریستوراں اور اسکولوں اور دیگر تعلیمی اداروں میں بھی غیر محفوظ کھانا پیش کیا جارہا ہے، اسکولوں اور کالجوں کے باہر ریڑھیوں پر غیر معیاری کھانے کی اشیاء اور مشروبات فروخت ہورہے ہیں، غیر صحتمند کھانا ہمارے بچوں کی صحت کو بھی بری طرح متاثر کررہا ہے، 2018 میں بطور چیئرمین سینیٹ قائمہ کمیٹی داخلہ اسلام آباد اور راولپنڈی میں ملاوٹ شدہ دودھ اور مردہ جانوروں کے گوشت فروخت کرنے کا نوٹس لیا تھا، ملاوٹ شدہ دودھ اور مردہ جانوروں کا گوشت اسلام آباد اور راولپنڈی میں فروخت کیا جا رہا ہے، قائمہ کمیٹی کے اجلاس میں قانون سازی اور آئی سی ٹی فوڈ اتھارٹی کے قیام کی سفارش کی تھی، اسلام آباد و ملک کے ہر ضلع میں سلاٹر ہاؤس کے قیام کی بھی سفارش کی تھی، ملاوٹ شدہ دودھ اور مردہ جانوروں کے گوشت کی فروخت میں ملوث افراد کے خلاف سخت کارروائی کے احکامات دئیے تھے، خالص فوڈ اتھارٹی بل 2019 کو میری کمیٹی کو بھیج دیا گیا تھا، کمیٹی کے اجلاس میں خالص فوڈ اتھارٹی بل 2019 پر مکمل غور و خوض کے بعد اس کی منظوری دی گئی تھی، اس بل میں دارالحکومت میں فوڈ اتھارٹی کے قیام اور عہدیداروں کی تقرری کی درخواست کی گئی تھی،
    بل میں اشیائے خوردونوش کے نظم و نسق اور انتظام کے لئے ایک جامع طریقہ کار موجود ہے، بل میں ملاوٹ اور غیر صحتمند کھانوں کے کاروبار میں ملوث افراد کے لئے سزاؤں کا تعین بھی کیا گیا، جب تک وفاقی اور صوبائی سطح پر فوڈ اتھارٹی قائم نہیں ہوتے محفوظ خوراک کا حصول ممکن نہیں، قومی سطح پر نیشنل فوڈ سیکیورٹی اتھارٹی کی اشد ضرورت ہے۔

  • ساہیوال:مہنگائی کے بے قابو جن نے عوام کی کمر توڑ دی،انتظامیہ بے بس،لوگ فاقہ کشی پر مجبور

    ساہیوال:مہنگائی کے بے قابو جن نے عوام کی کمر توڑ دی،انتظامیہ بے بس،لوگ فاقہ کشی پر مجبور

    ساہیوال:ضلعی انتظامیہ مہنگائی کنٹرول کرنے میں بری طرح ناکام،پھل وسبزیاں بدستورمہنگی،آلو130روپے فی کلو تک جا پہنچے،پیاز و سبزمرچ کے نرخ بھی آسمان پر،دکانداروں کی من مانی،شہری پریشان۔ساہیوال بھر میں اشیاء خوردنوش کی قیمتوں میں کمی نہ آسکی اور دکاندار من مانی قیمت وصول کرتے رہے،بڑھتی ہوئی مہنگائی نے شہریوں کاجینا محال کردیاہے،مارکیٹ میں سرکاری ریٹ لسٹ کے برعکس گزشتہ روزسیب(اول)150سے210روپے فی کلو،سیب(دوئم)130سے150روپے،سیب(گولڈن)110سے130روپے،امرود85سے100روپے،ناشپاتی80سے 105روپے،انارقندھاری160سے180روپے،انگور300سے350روپے کلو،کیلا(اول)80سے100روپے درجن،کیلا(دوئم)60سے80روپے درجن،آلو(اول)110سے 130 روپے کلو،آلو(دوئم)80سے 100روپے،پیاز(اول)90سے110روپے،ٹماٹر(اول)200سے 210روپے،ٹماٹر(دوئم)160سے190روپے کلو،لہسن 230سے270روپے کلو،ادرک700سے 800روپے کلو،سبزمرچ 200سے250روپے،شملہ مرچ220سے250روپے،کھیرا80سے100روپے کلو،کریلا90سے110روپے،پھول گوبھی70سے90روپے،بندگوبھی110سے 125روپے،گھیا60روپے،بیگن50روپے،بھنڈی80سے100روپے،شلجم40سے50روپے،مولی40سے45روپے،گاجر70سے80روپے،اروی140سے200روپے،ٹینڈہ 70روپے،حلوہ کدو50روپے،میتھی فی گڈی40روپے،دھنیا20سے30روپے اورپالک فی(گڈی)40روپے سے50روپے فروخت ہوئی،جبکہ چکن مٹن اور بیف کے ساتھ ساتھ انڈوں کی قیمتیں بھی اسی طرح رہیں،ضلعی انتظامیہ ذرائع کے مطابق سرکاری قیمتوں پرعملدرآمدکیلئے 40سے زائد پرائس کنٹرول مجسٹریٹس فیلڈ میں ہیں جبکہ زمینی حقائق کے مطابق پھل وسبزیاں سرکاری نرخوں کی بجائے دکاندارمن مانی قیمت پر فروخت کررہے ہیں-عوامی سماجی حلقوں نے وزیراعلیٰ پنجاب،کمشنروڈپٹی کمشنرساہیوال سے نوٹس لینے کامطالبہ کیاہے-

  • لذیذ اور مزیدار تندوری آلو بنانے کا طریقہ

    لذیذ اور مزیدار تندوری آلو بنانے کا طریقہ

    لذیذ اور مزیدار تندوری آلو بنانے کا۔طریقہ
    اجزاء:
    آلو ایک پاو ابال لیں
    ادعک لہسن پیسٹ آدھا کھانے کا چمچ
    ہری مرچ چوپڈ ایک عدد
    ہرا دھنیا چوپڈ ایک کھانے کا چمچ
    بغیر بالائی دہی ایک سو پچیس گرام
    پسا سفید زیرہ آدھا چائے کا چمچ
    پسی دار چینی ایک چٹکی
    پسا گرم مصالحہ آدھا چائے کا۔چمچ
    پسی ہلدی آدھا کھانے کا چمچ
    پسی لال مرچ آدھا کھانے کا چمچ
    تیل دو کھانے کے چمچ
    نمک حسب ذائقہ
    ترکیب:
    آلو کے علاوہ ایک باول میں تمام اجزاء ڈال کر مکس کریں پھر آلو چھیل کر چار چار ٹکڑے کر لیں اسے دہی میں ملا۔کر تھوڑی دیر کے لیے رکھ دیں ٹماٹروں کے بھی چار چار ٹکڑے کاٹ لیں اور ہری مرچیں موٹی موٹی کاٹ لیں المونیم کے درمیانے سائز کے چوکور ٹکڑے کاٹیں ہر ٹکڑے میں آلو کا ٹکڑا ہری مرچیں اور آلو کا تھوڑا مصالہ۔ڈال کر لپیٹ لیں اسے گرلر یا کوئلے پر اچھی طرح سے سینک کر اُتار لیں اور گرم گرم سرو کریں

  • سبزی منڈی میں ناجائز منافع خوروں کے خلاف ڈپٹی کمشنر گوجرانوالہ کا کریک ڈاؤن

    ڈپٹی کمشنر گوجرانوالہ نائلہ باقر کا سبزی و پھل منڈی کھیالی کا دورہ،مہنگے داموں سبزی فروخت کرنے والے پھڑئیے(ہول سیلر)کو شہری کی درخواست پرگرفتار کرواتے ہوئے جیل بھجوا دیا
    ناجائزمنافع خوری کسی صورت برداشت نہیں کی جائےگی،صارفین کومعیاری ا ور سستے پھل وسبزیوں کی فراہمی کے لیے سبزی منڈی میں مارکیٹ کمیٹی گوجرانوالہ کی طرف سے #کسان_پلیٹ_فارم قائم کر دیا گیا۔

    ڈپٹی کمشنر گوجرانوالہ نائلہ باقرنے حکومت پنجاب کی ہدایت پر اسسٹنٹ کمشنر سٹی و ایڈمنسٹریٹر کھیالی منڈی عثمان سکندر اور مارکیٹ کمیٹی کھیالی گوجرانوالہ کی طرف سے سبزی منڈی میں صارفین کو تازہ اور معیاری پھل اور سبزیوں کی سستے داموں فراہمی یقینی بنانے کے لیے کسان پلیٹ فارم کا معائنہ کیا۔اس موقع پر انہوں نے کہا کہ کسان پلیٹ فارم حکومت پنجاب کا نقلابی قدم ہے جس سے صارفین کاشت کاروں سے براہ راست پھل اور سبزی سستے داموں خرید سکیں گے۔انہوں نے کہا کہ ضلعی انتظامیہ حکومت پنجاب کی ہدایات کی روشنی میں صارفین کو بھرپور ریلیف فراہم کرنے کے لیے تمام تر اقدامات بروئے کار لا رہی ہے ناجائز منافع خوری کی روک تھام کیلیے پرائس کنٹرول مجسٹریٹس کو پوری طرح متحرک کر دیا گیا ہے اور شہری و دیہی علاقوں میں روزانہ کی بنیاد پر چھاپہ مار کاروائیاں کی جا رہی ہیں۔
    اسسٹنٹ کمشنر سٹی و ایڈ منسٹریٹر سبزی منڈی کھیالی نے انہیں بریفنگ دیتے ہوئے بتایا کہ کاشتکار حضرات منڈی کے اندر مخصوص کردہ جگہ پر اپنی اجناس کمیشن اور مارکیٹ فیس کی ادائیگی کے بغیر فروخت کر سکیں گے،مخصوص جگہ پر کاشتکاروں کے لیے بیٹھنے،پینے کے لیے صاف پانی اور روشنی کا مناسب انتظام کیا گیا ہے،ٹنل فارمنگ کے کاشتکار بھی اس سہولت سے فائدہ اُٹھا سکتے ہیں۔انہوں نے مزید بتایا کہ شکایات کے فوری ازالہ کے لیے کاؤنٹر بھی قائم کیا گیا ہے اور کسان کاؤنٹر پر موجود مارکیٹ کمیٹی کے عملہ سے درج ذیل نمبر 055-9200201پر رابطہ کر سکتے ہیں۔

  • کھٹے میٹھے پیازومنفرد زائقہ دار اور آسان ریسیپی

    کھٹے میٹھے پیاز
    اجزاء:
    پیاز آدھا پاو لمبائی میں کاٹ لیں
    دال چنا آدھا کپ
    دال مونگ آدھا کپ
    چاول کا آٹا ایک کھانے کا چمچ
    زیرہ آدھا چائے کا چمچ
    کُٹی لال مرچ آدھا چائے کاچمچ
    لہسن دو جوئے
    کھانے کا سوڈا دو چٹکی
    ہری مرچ ایک عدد
    املی کا پانی بنانے کے لیے اجزاء:
    املی کا گاڑھا پانی دو کپ
    بھنا زیرہ آدھا کھانے کا چمچ
    کالا نمک آدھا چائے کا چمچ
    پسی لال مرچ آدھا چائے کا چمچ
    گُڑ دو کھانے کے چمچ
    چاٹ مصالہ ایک چائے کا چمچ
    پیاز کے لچھے ایک عدد
    ہری مرچ ایک عدد
    ہرا دھنیا ایک کھانے کا چمچ باریک کٹا ہوا
    سیو دو کپ
    ترکیب:
    دال چنا اور مونگ کی دال کر چار گھنٹوں کے لیے بھگو دیں املی کا پانی بنانے کے لیے املی کے رس میں زیرہ کالا نمک لال مرچ اور گُڑ ملا۔کر پکا لیں اب دالوں کا پانی نکال کر انہیں باریک پیس لیں پھر ان میں پیاز چاولوں کا آٹا زیرہ کُٹی لال مرچ لہسن کھانے کا سوڈا اور ہری مرچ باریک کاٹ کر ڈال لیں اور چھوٹے چھوٹے گول پیڑے بنا لیں کوفتوں کی طرح کے پھر کڑاہی میں تیل گرم کر کے اس میں فرائی کریں اب ڈش میں پہلے فرائی کی ہوئی پیاز اور اوپر املی کا رس ڈال دیں پھر پیاز ہرا ڈھنیا ہری مرچیں چاٹ مصالحہ اور سیو ڈال کر چٹپٹے اور سپائسی کھٹے میٹھے پیازو تیار ہیں

  • مکس سبزیاں وِد وائٹ سوس ریسیپی

    اجزاء:
    مٹر . پچاس گرم
    گاجریں پچیس گرام چھوٹے ٹکڑے کاٹ لیں
    آلو پچیس گرام چھیل۔کر کٹ لیں
    دودھ آدھا کپ
    کارن فلور ایک کھانے کا چمچ
    بینز پچیس گرام کاٹ لیں
    پھول گوبھی پچیس گرام کاٹ لیں
    مکھن آدھا کھانے کا چمچ
    گارنش کے اجزاء:
    وائٹ پیپر آدھا چائے کا چمچ
    پنیر پاو کپ کدو کش کیا ہوا
    نمک . حسب ذائقہ
    ٹماٹر ایک عدد سلائس کاٹ لیں

    ترکیب:
    سبزیوں کو اچھی طرح دھو کر پتیلی میں ڈال کر چولہے پر رکھیں اور ہلکی آنچ پر بھاپ میں پکائیں حتی کہ وہ گل جائیں مکھن کو ایک پتیلی میں گرم کریں اس میں۔کارن فلور ملا۔کر ہلکی سی آنچ پر ہلکا سا فرائی کریں اور چولہے سے اتار لیں اور آہستہ۔آہستہ اس میں دودھ ملاتی جائیں اس دوران مسلسل چمچ ہلاتی رہیں اور دوبارہ چولہے پر رکھ کر اس وقت تک پکائیں کہ گاڑھا ہو جائے تب اس میں مصالحے ملا۔دیں کدو کش کیا ہوا آدھا پنیر اور سبزیاں بھی ملا مکس کر لیں اور سوس اچھی طرح سے تیار کر لیں اس مکسچر کو اوون پروف ڈش میں ڈال کر اوپر ٹماٹر کے سلائس ترتیب سے رکھ دیں اور اس کے اوپر بچا ہوا پنیر چھڑک دیں اوون مکں معتدل ٹمپریچر پر بیک کر لیں جب اس کی سطح پر سے مکسچر گولڈن براون ہو جائے تو نکال۔کر گرم گرم سرو کریں

  • سات ساگا بنانے کی ترکیب

    سات ساگا
    اجزاء:
    پالک آدھا کلو
    شلجم آدھا کلو
    مٹر . آدھا پاو
    گاجر آدھا پاو
    بتھوا آدھا کلو
    سویا ایک پاو
    ٹماٹر آدھا کلو
    ثابت لہسن ایک پوتھی
    مکھن ایک پاو
    ہری مرچیں دس عدد
    نمک ایک چائے کا چمچ
    لال مرچ دو چائے کے چمچ
    گھی ایک پاو

    ترکیب:
    تمام سبزیوں کو باریک کاٹ کر اچھی طرح دھو کر پتیلی میں ڈال۔کر ابال لیں اب گھی گرم۔کر کے اس میں لہسن ڈال کر فرائی کریں جب لوشبو آنے لگے تو اس میں ٹماٹر لال مرچ نمک اور ہری مرچیں شامل۔کر کے بھون لیں اس کے بعد اُبلی ہوئی سبزیاں ڈال۔کر اچھی طرح بھونیں اور تھوڑی دیر پکنے دیں پھر ڈش میں نکال کر اوپر مکھن ڈال کر مزیدار ڈش گرم گرم چپاتیوں یا ابلے چاولوں کے ساتھ سرو کریں

  • گارلک ویجیٹیبل اسٹرافرائی بنانے کی ترکیب

    اجزاء:
    چکن بون لیس ایک پاو
    شملہ مرچ ایک عدد
    گاجر ایک عدد
    بند گوبھی آدھا کپ
    ہری پیاز آدھا پاو
    ہری مرچ دو عدد
    مسٹرڈ پیسٹ آدھا چائے کا چمچ
    کالی مرچ آدھا چائے کا چمچ
    لال مرچ پاو چائے کا چمچ
    لہسن آدھا کھانے کا چمچ
    سویا سوس آدھا کھانے کا۔چمچ
    نمک حسب ذائقہ
    تیل آدھا کپ

    ترکیب:
    چکن پر مسٹرڈ پیسٹ نمک اور کالی۔مرچ لگا کر ایک گھنٹے کے لیے رکھ دیں اور تمام سبزیاں اچھی طرح دھو کر کاٹ لیں پھر کڑاہی میں تیل گرم کر کے اس میں چکن فرائی۔کر کے نکال لیں پھر اسی تیل میں لہسن فرائی کر لیں اس کے بعد سبزیاں ڈال کر اسٹر فرائی کریں اور چکن بھی ڈال دیں پھر اس میں سویا سوس اور چلی سوس ڈال کر مکس کریں اور چولہے سے اتار لیں کسی ڈش میں ڈال کر اوپر ہری مرچیں ڈال۔کر سرو کریں