موسم گرما کے آتے ہی ہر کسی کا من پسند پھل تربوز بھی وافر مقدار میں بازاروں میں دستیاب ہوتا ہے جس کے استعمال کے صحت پر بے شمار فوائد حاصل ہوتے ہیں طبی و غذائی ماہرین کی جانب سے رمضان کے دوران پانی کی کمی دور کرنے خوش ذائقہ پھل تربوز کا استعمال تجویز کیا جاتا ہے جس کے استعمال سے صحت پر بے شمار فوائد حاصل ہوتے ہیں-

اس میں 92 فیصد حصہ پانی کا موجود ہوتا جو کہ گردوں اور آنتوں کی صفائی کے لیے نہایت مفید قرار دیا جاتا ہے علاوہ ازیں متعدد قدرتی اجزا جیسے کہ وٹامن اے، بی 6، سی، پوٹاشیم، لائیکوپین اور دیگر صحت کے لیے بنیادی قرار دیئے جانے والے اجزا بھی پائے جاتے ہیں-

جہاں اس پھل کا استعمال صحت کے لئے مفید ہے وہیں اس کے ضرورت سے زیادہ استعمال کے نتیجے میں منفی اثرات بھی مرتب ہو سکتے ہیں۔

طبی ماہرین کے مطابق پانی انسانی جسم کے لیے بنیادی ضرورت ہے مگر جسم میں پانی کی وافر مقدار بھی مضر صحت ثابت ہوتی ہے، جسم میں پانی کی مقدار بڑھ جانے سے سوڈیم (نمک) کی سطح کم ہوجاتی ہے جس کے نتیجے میں سر چکرانے سمیت دیگر مسائل پیدا ہو سکتے ہیں۔

تربوز کا زیادہ مقدار میں استعمال کرنا جسم میں پانی کی مقدار کو بڑھا سکتا ہے، پانی خارج نہ ہو نے اور زیادہ دباؤ کے سبب خون کا پریشر بڑ ھ جاتا ہے جس کے سبب ٹانگوں میں سوجن، تھکاوٹ، گردوں کی کارکردگی متاثر ہونے کی شکایت ہو سکتی ہے-

یہ فایبر اور پانی کے حصول کا بہترین ذریعہ ہے زیادہ مقدار کھانے سے نظام ہاضمہ کے مسائل جیسے کہ ہیضہ، پیٹ پھولنے، گیس کی شکایت ہو سکتی ہے، تربوز میں موجود جُز لائیکوپین کی زیادہ مقدار بھی مضر صحت قرار دی جاتی ہے ۔

پوٹاشیم سے بھر پور پھل تربوز دل کو صحت مند رکھنے، ہڈیوں اور پٹھوں کو مضبوط بنانے میں اہم کردار ادا کرتا ہے مگر حد سے زیادہ پوٹاشیم کا استعمال بھی خون کی شریانوں سے جڑے مسائل جیسے کہ دل کی دھڑکن میں بے ترتیبی پیدا کر سکتا ہے۔

غذائی ماہرین کے مطابق سو گرام تربوز میں 30 کیلوریز اور 6 گرام شوگر کی مقدار پائی جاتی ہے تاہم ایک دن میں آدھا کلو تربوز کا استعمال کیا جا سکتا ہے، تربوز کی اس مقدار میں 150 کیلوریز پائی جاتی ہیں۔

تربوز کی مقدار بڑھنے سے شوگر لیول اور کیلوریز بھی بڑھتی ہیں، آدھا کلو تربوز کی مقدار مییں شوگر کی مقدار 30 گرام تک پہنچ جا تی ہے، اسی لیے اس کے استعمال سے قبل کلوریز اور شوگر کی مقدار سے متعلق جاننا نہایت لازمی ہے۔

تربوز کا استعمال بلڈ پریشر میں کمی کا باعث

رمضان المبارک رمضان کے آتے ہی 11 مہینوں سے بنی روٹین اچانک بدل جاتی ہے اس وقت عام طور پر روزہ تقریباً چودہ سے پندرہ گھنٹوں کے دورانیے کا ہے اور موسم عام طور پر گرم ہے کچھ افراد کو افطاری سے کچھ گھنٹے قبل سر درد کی شکایت رہنے لگتی ہے –

روزے کے باعث ہونے والا سر درد ماتھے کے سامنے والے حصے کی جانب ہوتا ہے اس میں عام طور پر ہونے والے درد کی طرح دھمک نہیں ہوتی ہے مگر مائگرین کے مریضوں کے سر میں ہونے والا یہ درد بہت شدید ہوتا ہے اس کے علاوہ عام طور پر جو لوگ بار بار عام زندگی میں بھی سر درد کا شکار ہوتے ہیں ان کے سر میں روزے کے باعث ہونے والے سر درد کے امکانات زیادہ ہوتے ہیں-

طبی ماہرین کے مطابق رمضان میں اکثر افراد کے سر میں اُٹھنے والے درد کی متعدد بڑی وجوہات ہیں جن میں سحری سے قبل اُٹھنا یا سحری کا چھوٹ جانا، نیند میں کمی اور مطلوبہ غذائیت کا حاصل نہ کرنا ہے، عام دنوں میں جو افراد کیفین کا زیادہ استعمال کرتے ہیں ان کے خون میں کیفین کی اچانک کمی اور روزے کے سبب کھانا نہ کھانا بھی سر درد کی وجوہات میں شامل ہے۔

طبی ماہرین کے مطابق سر درد کی وجوہات میں رمضان میں افطار کے بعد زیادہ مقدار میں پانی نہ پینا، جسم میں پانی کی کمی، قبض کی شکایت، مناسب پانی کی مقدار نہ پینا اور دوبارہ روزہ رکھ لینا، بلڈ پریشر کا کم ہونا شامل ہیں –

علاوہ ازیں روزے کی حالت میں سر درد کی وجوہات ہائپو گلائسیمیا عام طور پر جب انسان ایک طویل وقت تک کچھ نہیں کھاتا ہے تو اس کے سبب اس کے خون میں شوگر کی مقدار عام طور پر موجود مقدار سے کم ہونے لگتی ہے جو کہ سر کے درد کا باعث بن سکتی ہے- مگر ماہرین کے نزدیک یہ کوئی حتمی وجہ نہیں ہو سکتی ہے کیوںکہ اکثر اوقات جب کہ خون کے اندر شکر کی مقدار نارمل لیول پر بھی ہو تو اس صورت میں بھی سر کا درد ہو سکتا ہے –

ان سے بچاؤ کے لیے ماہرین کی جانب سے تجویز کیے گئے مشوروں سے فائدہ حاصل کیا جا سکتا ہے۔

ماہرین کے مطابق رمضان کے لیے خود کو تیار کرتے ہوئے اس کی آمد سے قبل ہی بھوک کم کر دینی چاہیے، اضافی کچھ بھی کھانے سے پرہیز کرنا چاہیے۔

رمضان کے دوران سر درد سے بچنے کے لیے گرم مشروبات جیسے کہ کافی اور چائے کا استعمال کم کر دینا چاہیےسگریٹ نوشی کے عادی افراد کو سیگریٹ پینے سے پر ہیز کرنا چاہیے۔

ماہرین کے مطابق جسم کو ڈی ہائیڈریشن سے بچاؤ کے لیے افطار کے بعد ایک ساتھ زیادہ سارا پانی پینے کے بجائے ہر آدھے یا ایک گھنٹے بعد ایک گلاس پانی پئیں۔

دن کے دوران کمپیوٹر، موبائل، لیپ ٹاپ کا استعمال کم کر دیں سر درد اٹھنے لگے تو سب سے پہلے موبائل کا استعمال چھوڑ دیں خود کو ذہنی سکون دینے کے لیے تھوڑی دیر آرام کریں اور اپنے ہاتھوں سے پیشانی اور سر کا مساج کریں مساج سے سر درد کم ہو جائے گا-

علاوہ ازیں روزے کے دوران ہونے والے سر درد سے نجات حاصل کرنے کے لیے نہایا بھی جا سکتا ہے لیکن اگر سر درد ٹھیک نہ ہوتو ڈاکٹر سے لازمی مشورہ کریں-

رمضان میں نیم گرم پانی سے روزہ افطار کرنے کے حیران کن فوائد

کھجور کا ملک شیک ٹھنڈک اور صحت ساتھ ساتھ

رمضان میں وزن میں اضافے جیسے مسائل سے پریشان لوگوں کے لئے صنم جنگ کا ویڈیو بلاگ