Category: خواتین

اجزاء:
گائے کا قیمہ 1 پاؤ
ہرا دھنیا آدھی گٹھی
انڈہ 1 عدد
ڈبل روٹی سلائس 1 عدد
ہری مرچ 3 عدد
سفید تل پاؤ پیالی بھون لیں
کٹی کالی مرچ آدھا چائے کا چمچ
سیخ کباب مصالحہ 1 کھانے کا چمچ
نمک حسب ذائقہ

ترکیب:
ہرادھنیا اور ہری مرچوں کو پیس کر چٹنی بنا لیں چوپر میں قیمہ سیخ کباب مصالحہ اور بریڈ کا سلائس ڈال کر پیس لیں پھر اس کو باؤل میں نکال کر اس میں انڈا کالی مرچ سفید تل نمک چٹنی شامل کر کے اچھی طرح مکس کر کے گوندھ لیں اب ہاتھوں پر تھوڑا سا آئل لگا کر چکنا کر کے سیخ کے چھوٹے چھوٹے بنا کر شیلو فرائی کر لیں جب گولڈن براؤن ہو جائیں تو پلیٹ میں نکال لیں مزے دار تل کے کباب تیار ہیں گرم گرم پراٹھوں کے ساتھ سرو کریں

عورت کے حسن کی نزاکت اس کے خوبصورت اور صاف ستھرے پاؤں میں چھپی ہے ہماری بہت کم مشرقی خواتین اس حقیقت سے آگاہ ہیں کہ خوبصورت پاؤں ان کی شخصیت کو ابھارنے میں کس قدر اہم کردار ادا کرتے ہیں اسی لئے اپنی ساری توجہ چہرے اور ہاتھوں کو سجانے پر لگا دیتے ہیں پاؤں کو نظر انداز کر جاتے ہیں مسلسل نظر انداز کرنے کی وجہ سے پاؤں کی ایڑیاں پھٹ جاتی ہیں اسی لئے جب لوگوں کی نظر آپ کے چہرے کے بعد پاؤں پر پڑتی ہے تو وہ سمجھتے ہیں کہ آپ کا سارا حسن میک اپ کی وجہ سے ہے صرف ایک گھنٹہ پاؤں کو توجہ اور معمولی سی ورزش آپکو بیش بہا فوائد پہنچا سکتی ہے کسٹرائل اور لیموں کا عرق برابر مقدار میں مکس کر کے اس سے پنجوں اور ایڑھیوں پر مالش کریں تاکہ سخت کھال نرم ہو جائے اور اسے سوڈا ملے پانی سے دھو لیں اگر آپ کے پاؤں میں پسینہ آتا تو پانی میں پھٹکری ملاکر لگائیں دس منٹ پر صاف کر کے خشک کر لیں اور ان پر ٹالکم پاؤڈر چھٹک دیں رات کو سونے سے پہلے پاؤں کو نمک ملے گرم پانیکو ٹب میں ڈال کر 15 سے 20 منٹ تک اس میں بھگوئے رکھیں گھر میں ننگے پاؤں چلنے سے پرہیز کریں جوتے پہننے سے پہلے انہیں اچھی طرح جھاڑ لیں اپنی موزے روزانہ بدلیں پیروں کے ناخن باقاعدگی سے کاٹیں بند انگوٹھوں والے جوتے خریدیں وہ آپ کے پیروں کو چوٹ لگنے سے بچاتے ہیں رات کو سونے سے پہلے زیتون اور کلونجی ارو سرسوں ملاکر پاؤں کے تلووں ایڑھیوں اور انگلیوں پر مساج کریں یہاں تک کہ سارا آئل جذب ہو جائے صبح نیم گرم پانی میں لیموں کاٹ کر چھلکے سمیت ڈال دیں اور پانی میں پاؤں ڈبو دیں بیس منٹ بعد لیموں کے چھلکوں سے ہلکاہلکا مساج کریں پھر کسی نرم کپڑے سے پاؤں خشک کر لیں

شادی وغیرہ کی تقریبات میں خواتین خوب اچھی طرح تیار ہو کے شریک ہوتی ہیں ہمارے یہاں رات میں تقریبات بہت دیر سے ختم ہوتی ہیں اسی لئے اکثر خواتین چہرہ دھوئے بغیر ہی سو جاتی ہیں کہ صبح اٹھ کر منہ دھو لیں گی یا چہرہ نہ بھی دھویا تو بات نہیں لیکن میک اپ کے ساتھ ہی سو جانا چہرے کے لیئ نہایت نقصان دہ ہوتا ہے مثلاً

اگر آپ ہونٹوں پر لگی ہوئی لپ اسٹک کے ساتھ ہی سو جائیں تو یہ آپ کے منہ میں جانے لگتی ہے اور اس کی وجہ سے ہونٹوں کے کناروں کے خلیات بھی بند ہو جاتے ہیں جس کی وجہ سے ہونٹوں کے کناروں پر بھی چھوٹے چھوٹے بلیک ہیڈز نکلتے ہیں

جب بھی پیشانی پر فاؤنڈیشن کی ایک تہہ موجود ہو اس پر پسینہ آنے کی وجہ سے تیل جمع ہونے لگتا ہے جس کی وجہ سے جراثیم کی رات ہی رات تیزی سے نشونما ہونے لگتی ہے اس وجہ سے پیشانی پر دانے اور جلد کا انفیکشن ہانے کا خطرہ بڑھ جاتا ہے

گالوں کے پاس ایک تہہ تو فاؤنڈیشن کی لگی ہوتی ہے جبکہ دوسری تہہ بلش آن کی لگ جاتی ہے اس میک اپ کے ساتھ سونے کی وجہ سے جلد کے خلیات بند ہو جاتے ہیں ساتھ ہی بالوں کے مسام بھی بند ہو جاتے ہیں جس وجہ سے بلیک ہیڈز گالوں پر بن جاتے ہیں

آنکھ کے پپوٹوں پر آئی شیڈو کے ساتھ ہی سو جائیں تو اس وجہ سے آئی گلینڈ بند ہو جاتے ہیں وہ جگہ جہاں سے پلکوں کے بال نکلتے ہیں وہ بھی بند ہو جاتی ہیں جس وجہ سے رات بھر میں ہہ انفیکشن ہا جانے کا خطرہ بڑھ جاتا ہے

آنکھوں پر آئی لائنر اور پلکوں کا مسکارا لگا ہو تو سو جائیں تو آنکھوں میں اس کے ذرات جانے لگتے ہیں جس کی وجہ سے آنکھوں میں جلن ہونے لگتی ہے اور مسکارے کی زیادہ تہہ کی وجہ سے آنکھوں کو غلطی سے مسل لیا جائے تو پلکیں ٹوٹنے لگتی ہیں جس کی وجہ سے بال توڑ ہو سکتا ہے اور پلکوں کے کنارے پر کوئی دانہ بھی نکل سکتا ہے

کچھ چیزیں گھروں میں ایسی ہوتی ہیں جن کی مدت استعمال ختم ہو جاتی ہے لیکن خواتین کو اس کا اندازہ نہیں ہو پاتا بلکہ اکثر خواتین کو اس طرف دھیان بھی نہیں جاتا ہو گا ایسی ہی کچھ چیزیں جنہیں خواتین خرید کر سمجھتی ہیں کہ وہ سالہا سال چلیں گی انہیں تبدیل کرنے کی ضرورت نہیں وہ چیزیں مندرجہ ذیل ہیں

سلیپرز:
گھر میں خواتین جو سلیپرز استعمال کرتی ہیں ان کی بھی مدت استعمال ختم ہو جاتی ہے ایسا نہیں ہے کہ یہ جب تک نہ ٹوٹیں انہیں استعمال میں رکھا جائے ماہرین کے مطابق ان سلیپرز کو چونکہ ہر وقت پہنا جاتا ہے اس لئے ان سے فنگس انفیکشن ہونے کا خطرہ بڑھ جاتا ہے سلیپرزکو باقاعدگی سے روزانہ دھوئیں اور ب6 ماہ بعد تبدیل کریں تاکہ پاؤں کسی بھی قسم کے انفیکشن سے محفوظ رہیں

ہیئر برش:
بالوں کا کنگھا مستقل استعمال میں آتا ہے ایک ہی کنگھے کو کئی لوگ استعمال کرت ہیں بعض اوقات اس وجہ سے بال بھی گرنے لگتے ہیں احتیاط کریں کہ بالوں کا کنگھا ہر کوئی استعمال نہ کرے یعنی ایک دوسرے کا جھوٹا کنگھا استعمال نہ کریں کنگھا ہر ہفتے دھو کر صاف کر لیں ساتھ ہی سال میں ایک مرتبہ کنگھا ضرور استعمال کر لیں تاکہ بالوں کے مسائل سے چھٹکارہ پایا جا سکے

تکیہ:
تکیہ بھی لوگ سالوں استعمال کرتی ہیں لیکن اسے بدلنا نہیں چاہتے تکیہ کی بھی مدت استعمال ہوتی ہے اسے بھی ہر دو سے تین سال میں تبدیل کرتے رہنا چاہئے تکیے وقت کے ساتھ ساتھ پچکنا شروع کر دیتے ہیں جس سے گردن اور کمر کی شکایات لاحق ہو جاتی ہیں

تولیہ:
اکثر خواتین کی سوچ ہوتی ہے جب تک تولیہ بالکل خراب نہیں ہو جاتا اسے پھینکا نہیں جائے گا ماہرین کے مطابق ایک سے دو سال کے دوران تولیہ کی مدت ختم ہو جاتی ہے اس کی مدت استعمال تولئے کی کوالٹی پر منحصر ہوتی ہے اگر مدت کے گزرنے کے بعد بھی تولیہ استعمال کیا جائے تو اس میں جراثیم جمع ہونا شروع ہو جاتے ہیں جو کہ جلدی بیماریاں پھیلانے کا باعث بنتے ہیں

باتھ اسفنج:
نہاتے وقت جسم سے میل مٹی صاف کرنے کے لئے باتھ اسفنج کا استعمال کیا جاتا ہے ماہرین کا کہنا ہے کہ آپ کتنا ہی مہنگا اسفنج خرید لیں لیکن اس میں دو ہفتے کے بعد ہی کائی لگنا شروع ہو جاتی ہے لہذا اس لئے باتھ اسفنج کو ایک سے دو ماہ کے اندر تبدیل کر لینا چاہئے اسفنج کو کائی سے محفوظ رکھنے کے لئے اسے گرم پانی میں ڈالیں

صحت کے حوالے سے چیری میں بے شمار فوائد چھپے ہیں اس میں اینٹی آکسیڈنٹ ضروری وٹامنز اور دیگر غذائیت بخش اجزاء پائے جاتے ہیں چیری جتنی زیادہ گہرے رنگ کی ہو گی اتنے ہی اس میں غذائی اجزاء بھر پور ہوں گے یسے بہت سے پھل اور سبزیاں جن کی رنگت گہری ہوتی ہے اینتھوسایانینس سے مالا مال ہوتے ہیں یہ کیمیائی مرکبات سوزش ختم کرنے وائرس دور کرنے اور سرطانی خلیات سے تحفظ فراہم کرتے ہیں چیری میں پوٹاشیم کی بہتات ہوتی ہے اس سے دل کی دھڑکن معمول اور بلڈ پریشر قابو میں رہتا ہے جس سے ہائپر ٹینشن اور فالج کا خطرہ کم ہو جاتا ہے تھکاوٹ محسوس کرنے کے باوجود اگر آپ کو نیند نہیں آتی تو سونے سے پہلے چیری کھالیں چیری ایک مفید ہارمون میلاٹونین کے حصول کا بہترین ذریعہ ہے یہ ہارمون نیند کے معمولات کو بہتر کرنے میں اہم کردار ادا کرتے ہیں چیری میں قدرتی طور پر پائے جانے والے فائٹو اسٹرول خون میں خراب ایل ڈی ایل کولیسٹرول کی سطح کم کرتے ہیں اس سے امراض قلب اور کینسر کا خطرہ بھی کم ہو جاتا ہے کمزوری رفع کرنے کے لئے وٹامنز کی گولیاں کھانے کی بجائے ایک پیالی چیری کھا کر آپ وٹامن سی کے علاوہ بیٹ کیروٹین وٹامن اے وٹامن بی6 اور وٹامن کے حاصل کر سکتے ہیں چیری میں بہت کم مقدار میں حرارے پائے جاتے ہیں اس لئے اگر چیری کھانے میں آپ کو لذیذ لگیں تو زیادہ چیری کھانے سے صحت کو نقصان پہنچنے کا امکان کم ہو گا ایک چری کھانے سے جسم کو صرف چار کیلوریز ملتی ہیں چیری میں اینٹی آکسیڈنٹ بھی پائے جاتے ہیں انسانی جسم سے زہریلے مادے ختم کرنے میں مدد دیتے ہیں چیری کے ستعمال سے ذہنی صلاحیت بہتر ہوتی ہے اس کا استعمال وزن گھٹانے میں خاطر خواہ مدد فراہم کرتا ہے

کئی پھل اور سبزیوں کے چھلکے غذائیت سے بھر پور ہوتے ہیں لہذا انہیں کوڑے کی ٹوکریوں کا ٹھکانہ بنانے کی بجائے کام میں لائیں چھلکے میں پھل کی بجائے تین چار گنا زیادہ غذائی ریشے ہوتے ہیں جو جسم سے زہریلے مادے خارج کرتے ہیں ان میں تکسیدہ مادے موجود ہوتے ہیں جو کہ جسمانی خلیوں کو تندرست توانا بناتے ہیں جبکہ چھلکوں میں شکر چکنائی اور حراروں کی مقدار بہت کم ہوتی ہے اس سے جسم ان غذائی مادوں سے محفوظ رہتا ہے جن کی زیادتی ہماری صحت خراب کر سکتی ہے وہ سبزیاں اور پھل جن کے چھلکے بہت کار آمد ہیں
سیب میں موجود پیشتر وٹامن معدنیات اور دیگر غذائی عناصر اس کے چھلکے میں پائے جاتے ہیں اسی لئے سیب ہمیشی چھلکے سمیت کھائیں سیب کے چھلکے میں وٹامن اے اور سی پاٹاشئیم کیلشئیم فاسفورس اور فولاد پائے جاتے ہیں اس میں ایک ریشہ پیکٹن پایا جاتا ہے جو خون میں کولیسٹرول کی سطح کم کرتا ہے

کینو اور مالٹا:
کینو مالٹے لیموں اور فروٹر وغیرہ کے چھلکے پھینک دئے جاتے ہیں جبکہ ان کے چھلکوں کی غذائی افادیت بہت زیادہ ہے ترش پھلوں پھلوں کے چھلکوں میں بھی وافر مقدار میں وٹامن سی ملتا ہے تازہ کینو اور مالٹے کے چھلکوں میں وٹامن اے بی جست کیچئیم میگنیشیم اور میگنیز بھی کافی مقدار میں پائے جاتے ہیں ان چھلکوں کو سکھا کر سفوف بنالیں یہ سفوف پھر مصالحے میں مال کر کھانے میں استعمال کریں یا سلاد پر چھڑک کر استعمال کریں

پیاز:
پیاز ایک عام استعمال ہونے والی سبزی ہے اس کے چھلکے میں کئی اقسام کے ضد تکسیدی مادے خاص طور پر کوئر ستین نامی کیمیائی مادے کا خزانہ ہے یہ مادہ خون کے دباؤ میں کمی کے ساتھ شریانوں میں چکنائی بھی نہیں جمنے دیتا

کیلا:
کیلے کا چھلکا بھی غذائیت سے بھر پور ہوتا ہے اس میں وافر مقدار میں پایا جانے والا پوٹاشیم معدن فشار خون کو کم کرتا ہے اور موڈ بہتر بناتا ہے اس میں حل پذیر ریشہ خراب کولیسٹرول سے نجات دلاتا ہے

تربوز:
تربوز کے گودے کے نیچے واقع سفید حصہ بھی غذائیت سے بھر پور ہے طبی ماہرین کے مطابق سفید حصے میں وٹامن بی اور سی وافر مقدار میں پائے جاتے ہیں اس کے ساتھ ہی اس میں سائٹرولین نامی کیمیائی مادہ بھی پایا جاتا ہے یہ ایک تیزاب ہے جو ہمارے بدن میں خون کی نالیوں کو صاف کرتا ہے تربوز کے سفید حصے کو بلینڈر میں سرخ گودے کے ساتھ پیس کر تھوڑی سی چینی ملا لیں تاکہ رس میٹھا ہو جائے

زیرہ میں پروٹین اور آئرن کی وافر مقدار پائی جاتی ہے اسکے استعمال سے نظام ہاضمہ بہتر بنانے میں مدد ملتی ہے زیرہ کا استعمال مختلف اقسام کے کینسر سے محفوظ رکھتا ہے اسکا باقاعدہ استعمال بڑھتے ہوئے کولیسٹرول میں کمی لاتا ہے جگر کو صاف رکھنے میں مدد دیتا ہے مدافعتی نظام کو طاقتور بنانے میں اہم کردار ادا کرتا ہے اس کے باقاعدگی سے استعمال سے خون سے فاسد مادوں کا اخراج ہو جاتا ہے اس کے استعمال سے گردے بہتر طریقے سے کام کرتے ہیں اس کے باقاعدہ استعمال سے نیند پر سکون ہو جاتی ہے ماہرین صحت کر مطابق زیرے میں ایک مادہ تھائی مول پایا جاتا ہے یہ ہمارے تھوک کے گلینڈز کو تیز کرتا ہے جس کی وجہ سے کھانا جلدی ہضم ہوتا ہے اور نظام انہضام نہت اچھے طریقے سے کام کرتا ہے اییک چائے کا چمچ زیرہ پانی میں ڈال کر ابال لیں جب پانی کا رنگ براؤن ہو جائے تو چولہا بند کر دیں پانی کو ٹھنڈا ہونے کے لئے رکھ دیں جب ٹھنڈا ہو جائے تا دن میں تین بار پینے سے پیٹ کی درد دور اور معدہ بالکل ٹھیک ہو جائے گا دو چمچ زیرے کے پانی میںساری رات کے لئے بھگو دیں صبح کے وقت اسی پانی کو ابال کر پیئں اور زیرہ چبا کر کھا لیں اس سے جسم کی اضافی چربی پگھل جائے گی

اجزاء:
چکن ایک کلو
دہی ایک کپ
پیاز ایک عدد
ہری مرچ تین عدد
ادرک ایک چھوٹا ٹکڑا
لہسن پانچ جوئے
زیرہ آدھا چائے کا چمچ
کالی مرچ آدھا چائے کا چمچ
تیز پتہ ایک عدد
موٹی الائچی ایک عدد
چھوٹی الائچی تین عدد
پودینہ ایک کپ
ہرا دھنیا ایک کپ
تیل ڈیڑھ کپ

ترکیب:
پتیلی میں گھی ڈال کر گرم کریں اور اس میں زیرہ تیز پتہ موٹی الائچی اور چھوٹی الائچی ڈال کر کرکڑائیں ساتھ ہی چکن ڈال کر ہلکی آنچ پر ہلکا فرائی کر لیں اس کے بعد چکن ڈال کر علیحدہ رکھ لیں مصالحہ بنانے کے لئے گرائنڈر میں دہی ادرک لہسن پیاز ہری مرچ دھنیا پودینہ اور کالی مرچ ڈال کر اچھے سے گرائنڈ کر لیں جب اچھ طرح یکجان ہو جائے تو اسے چکن والے تیل میں ڈال کر ہی فرائی کر لیں جب اچھی طرح بھن کر گھی چھوڑنے لگے تو اس میں فرائی کیا ہوا چکن ڈال کر ہلکی آنچ پر پکائیں جب گل جائے تو چولہے سے اتار کر کسی ڈش میں ڈال کر گارنش کر لیں مزیدار ہری مرغی تیار ہے نان یا چاولوں کے ساتھ سرو کریں

اجزاء:
دہی ایک پاؤ
چینی حسب ذائقہ
چھوٹی الائچی 3 عدد
زعفران ایک چٹکی
دودھ ایک پیالی
آئس کیوبز آدھی پیالی
پستہ ایک چمچ

ترکیب:
تھوڑے سے دودھ میں زعفران مکس کر لیں اب بلینڈر میں دہی شکر الائچی کے دانے دودھ اور برف ڈال کر بلینڈ کر لیں ساتھ ہر زعفران بھی شامل کر دیں اور مزید اچھی طرح مکس کریں اچھی طرح یکجان ہو جائے تو گلاسوں میں ڈال کر پستہ باریک باریک کاٹ کر اوپر چھڑک دیں ذائقے دار زعفرانی لسی تیار ہے

اجزاء:
سیب 3 پاؤ
بند گوبھی ایک عدد چھوٹا
کھیرا ایک عدد
دہی ایک کپ
کریم ایک پیکٹ
نمک حسب ذائقہ
کالی مرچ ایک چوتھائی چمچ
پسی سفید مرچ ایک چوتھائی کا چمچ
لیموں کا رس تین کھانے کے چمچ
اخروٹ آدھا کپ
کشمش آدھا کپ

ترکیب:
دہی اور کریم ایک باؤل میں ڈال کر اچھی طرح پھینٹ لیں بند گوبھی کھیرا اور سیب باریک کاٹ کر رکھ لیں اب اس میں دہی کریم نمک کالی مرچ سفید مرچ لیموں کا رس اخروٹ اور کشمش شامل کر دیں اور اچھ طرح مکس کر کے فریج میں ٹھنڈا ہونے کے لئے رکھ دیں ایپل سلاد تیار ہے ٹھنڈا ہونے پر سرو کریں