Category: خواتین

اجزاء:
ڈبل روٹی کے سلائس 4 عدد
مرغی کا گوشت 1کپ روسٹ کیا ہوا
انڈے ابلے ہوئے 2عدد
مکھن آدھاکپ
سلاد حسب ضرورت(کھیرا،سلاد کے پتے)
ٹماٹر 1عدد قتلے کاٹ کر
مایونیز آدھا کپ
مسٹرڈ پیسٹ 2 ٹیبل سپون

ترکیب:
سب سے پہلے بریڈ کے تمام سلائسز کو مکھن لگا لیں پہلی پرت میں روسٹ کئے ہوئے گوشت کے ٹکڑےاورمایونیز اور مسٹرڈ کا مکس پیسٹ ٹماٹرکے قتلے رکھیں دوسری پرت میں سلاد اور ابلےہوئے انڈے کے ٹکڑے رکھ کر اس کے اوپر سلائس رکھ دیں اور اس کو ہلکا سا فرائی کر لیں سلائس کو درمیان سے کاٹ لیں اور درمیان میں ٹوتھ پک لگا دیں لذیذ اور عمدہ سینڈوچ تیار ہے ٹماٹو کیچپ کے ساتھ کھائیں

اجزا:
سفید چنا 1 کپ
گاجر 2عدد
ہری پیاز 1عدد کٹی ہوئی
کھیرا 1 عدد
نمک آدھا چائے کا چمچ
لیموں کا عرق 2 کھانے کے چمچ
شملہ مرچ 2عدد چھوٹے سائز کی
سیاہ مرچ 1 چوتھائی چمچ
گرین
ترکیب:
چنوں کو ابال ایک بڑے باؤل میں ڈال دیں گاجروں کو باریک چوکور شکل میں کاٹ لیں کھیرے کو موٹے ٹکڑوں میں کاٹ لیں اور ہری پیاز کو باریک کاٹ لیں اور چنوں میں ڈال کران سب چیزوں کو اچھی طرح مکس کر لیں پھر اس میں نمک سیاہ مرچ اور لیموں کا عرق شامل کردیں اور اچھی طرح مکس کریں آخر میں شملہ مرچ کاٹ کر سلاد کے اوپر سجائیں سلاد تیار ہے کھانے کے لیے پیش کریں

اجزاء:
سوجی 1 پاؤ
گھی 1 پاؤ
پستہ 6 عدد
کیوڑہ 2سے 3 قطرے
چینی آدھا کلو
بادام 10عدد
سبز الائچی 6 عدد

ترکیب:
ایک کڑاہی میں گھی ڈال کر گرم کریں اور اسمیں الائچی کے دانے نکال کر ڈال دیں جب گھی تیز گرم کڑکڑا ہو جائے تو اس میں سوجی ڈال کر ہلکی آنچ پر سوجی بھونیں اور چمچ ہلاتی رہیں جب خوشبو آنے لگے تو کڑاہی نیچے اتار دیں اب ایک اور برتن میں چینی اور 3 پاؤ پانی ڈال کر چولہیں پر رکھ دیں ہلکی آنچ پر چاشنی بنائیں چاشنی تیار ہو جائے تو اسے سوجی میں ڈال دیں اور اچھی طرح مکس کریں اور چولہے پر رکھ کر ہلکی آنچ پر پکائیں اس دوران چمچہ برابر ہلاتی رہیں جب حلوہ گاڑھا ہو جائے تو اس میں بادام ڈال دیں بادام چھیل لیں اور ساتھ ہی کیوڑہ ڈال دیں جب حلوہ گھی چھوڑ دے تو چولہے سے اتار لیں اور پستہ باریک کتر کر اوپر چھڑک دیں مزے دار حلوہ تیار ہے

اجزاء:
چکن 1 کلو ، ادرک لہسن کا پیسٹ 3 کھانے کا چمچ ، آئل یا گھی 3 کپ ،لونگ 8 سے 10 ، الائچی 5 عدد ، بڑی الائچی 2 عدد ،دار چینی 3 عدد ، پسی سرخ مرچ 2 کھانے کے چمچ ، پسا سوکھا دھنیا 1 چائے کا چمچ ، نمک حسب ضرورت ،دہی آدھا کلو ، جائفل پاؤڈر ایک چٹکی ، کیوڑہ 3 سے 4 قطرے پیاز 3 پاؤ بادام 10عدد ہرا دھنیا تھوڑا سا ہری مرچ 2 سے 3 عدد

ترکیب:
کڑاہی میں تیل ڈال کر گرم کریں اور اس میں پیاز فرائی کریں جب ہلکے براؤن ہو جائیں تو نکال لیں اب اس میں چکن ااور ادرک لہسن کا پیسٹ شامل کر کے اسے فرائی کریں فرائی کی ہوئی پیاز میں بادام اور دہی ڈال کر گرینڈ کر لیں اور اسے چکن میں ڈال دیں 3 منٹ تک بھونیں پھر اس میں پسی لال مرچ سوکھا دھنیا دارچینی چھوٹی اور بڑی الائچی اور لونگ اور حسب ذائقہ نمک ڈآل کر بھون لیں آخر میں جائفل جاوتری ایک ایک چٹکی اور 3سے 4 قطرے کیوڑہ ڈال کر دم دے دیں 7 منٹ بعد دم ہٹا دیں سرونگ ڈش میں ڈال کر ہرا دھنیا اور مرچ باریک باریک کاٹ کر اوپر گارنش کر لیں مزیدار چکن قورمہ تیار ہے نان کے ساتھ سرو کریں

اجزاء:
گوشت بکرے یا گائے 1 کلو ، پیاز درمیانے سائز کے 2 عدد ، ٹماٹر 3 سے 4 عدد ، آلو درمیانے سائز کے آدھا کلو ، نمک حسب ذائقہ ، دھنیا پاؤڈر ایک کھانے کا چمچ ، گرم مصالحہ ایک چائے کا چمچ ، ہری مرچ 3 یا 4 عدد ، ہرا دھنیا آدھی گٹھی ، آئل آدھا کپ ، ہلدی آدھا چائے کا چمچ ، لال مرچ ایک کھانے کا چمچ ،ادرک لہسن کا پیسٹ ایک کھانے کا چمچ ،دہی آدھا پاؤ

ترکیب:
پیاز ٹماٹر کو باریک کاٹ لیں آلوؤں کو درمیان سے کاٹ کر ایک ایک ٹلو کے 4 ٹکڑے کر لیں ہری مرچیں موٹی موٹی سائز کی کاٹ لیں -دیگچی میں آئل ڈال کر گرم کر کے پیاز براؤن کر لیں گوشت ادرک لہسن ہلدی اور پسا دھنیا ڈال کر ڈھک دیں اور ہلکی آنچ پر پکنے دیں گوشت کا اپنا پانی خشک ہو جائے تو اس میں نمک پسی لال مرچ ٹماٹر اور دہی ڈال کر بھونیں ٹماٹر گل جائے تیل نظر آنے لگے تو آلو ڈال کر بھونیں پھر ہری مرچ ڈال کر اتنا پانی ڈال دہں کہ گوشت اور آلو گل جائیں تو درمیانی آنچ پر کر دیں آئل اوپر آجائے تو چولہا بند کر دیں پساء ہوا گرم مصالحہ اور ہرا دھنیا ڈال کر نان یا گرم چپاتیوں کے ساتھ پیش کریں

اجزاء:
مایونیز آدھا کپ ، کالی مرچ آدھا چمچ ، باریک پسی ہوئی چینی ایک چمچ ، نمک ایک چوتھائی چمچ ، دودھ دو چمچ ، بند گوبھی کرش کی ہوئی اور گاجر کرش کی ہوئی 2 کپ ، انڈے دو عدد ، لال مرچ ایک چوتھائی چمچ ، نمک ایک چوتھائی چمچ .چکن برگر پیٹیز برگر بن ، ہری چٹنی ، کیچپ ، ٹماٹر دو عدد

ترکیب:
مایونیز کالی مرچ پسی ہوئی چینی نمک دودھ بند گوبھی اور گاجر سب کو باؤل میں ڈال کر اچھی طرح مکس کر لیں اور رکھ دیں ایک اور باؤل لیں اس میں دو انڈے نمک اور سرخ مرچ ایک چوتھائی لیں ان کو اچھی طرح پھینٹ لیں برگر پیٹیز لیں اور ان کو آئل میں ہلکی آنچ پر گولڈن براؤن کر لیں جب براؤن ہو جائے تو اس پر انڈے کا آمیزہ ڈال دیں جب انڈہ پک جائے تو انڈے کو پیٹیز پر لپیٹ دیں اور برگر بن لیں اس کے نیچے والے پیس پر ہری چٹنی لگائیں پھر کیچپ لگائیں اور اسکے اوپر ٹماٹر کے قتلے رکھ دیں اب پیٹیز انڈہ رکھیں بند گوبھی کے پتے رکھ کر اوپر کول سلاء رکھ دیں اور ٹماٹر کیچپ لگا اوپر برگر بن کا دوسرا پیس رکھ دیں مزیدار برگر تیار ہے

اجزاء:
آلو آدھا کلو ، پیاز 1 عدد چوپڈ ، ہری مرچیں 3عدد چوپڈ ، 2 سے 3 سپون ہرا دھنیا ، میدہ 1 سپون ، کارن فلور 1 سپون ،کالی مرچیں آدھا چائے کا چمچ ، سرخ مرچ آدھا چائے کا چمچ ، نمک آدھا چائے کا چمچ ، ہلدی چٹکی بھر ، انڈا 1 عدد ، بریڈ کرمز 1 کپ

ترکیب:
آلوؤں کو بوائل کر کے انھیں کدو کش کر لیں یا میش کر لیں کدو کش کرنے سے آلو بلکل باریک ہو جاتے ہیں اب آلوؤں میں تمام چیزیں شامل کر کے اچھی طرح مکس کر لیں جب مکس ہو جائے تو 10 منٹ کے لئے فریج میں رکھ دیں دو عدد انڈے لے کر اس میں چٹکی بھر نمک اور کالی مرچ ڈال اچھی طرح مکس کریں اور ایک پیالی میں تھوڑا سا آئل لے لیں اور ڈونٹس کی کوٹنگ کی لیے بریڈ کرمز بنا لیں اب آلوؤں کے آمیزے کے قٹلس بنا لیں قٹلس کے درمیان میں کسی ڈھکن کی مدد سے یا انگلی سے سوراخ کر لیں اور آدھے گھنٹے کے لیے فریج میں رکھ دیں اب کڑاہی میں آئل گرم کریں اور ڈونٹس کو انڈے کے آمیزے میں ڈبو کر کرمز لگائیں پھر ہلکی آنچ پر فرائی کر لیں جب براؤن ہو جائیں تو انھیں آئل سے نکال لیں مزیدار کرسپی ڈونٹس تیار ہیں