Category: ہزارہ

جمعیت علمائے اسلام کے رہنما مفتی کفایت اللہ کا کہنا ہے کہ این اے 15 پر شفاف الیکشن ہوئے ہے عوام نے اپنی مرضی کا مینڈیٹ دیا ہے ، جے یو آئی کے رہنما نے کہا کہ وہ خود بھی اسی حلقے سے الیکش لڑ رہے تھے اور انہیں خود بھی شکست کا سامنا کرنا پڑا ہے ،لہذا نواز شریف بڑے پن کا مظاہرہ کرتے ہوئے این اے 15 مانسہرہ پر اپنی شکست تسلیم کریں۔مفتی کفایت اللہ نے کہا کہ این اے 15 مانسہرہ میں کہیں سے دھاندلی کی شکایت نہیں ملی، وہ خود بھی امیدوار تھے اور سارے حلقے میں ان کے ایجنٹ موجود تھے۔انہوں نے کہا کہ این اے 15سے وہ خود اور نوازشریف ہارگئے ہیں، نوازشریف بڑے پن کا مظاہرہ کرتے ہوئے این اے 15 پر اپنی شکست تسلیم کریں۔مفتی کفایت اللہ نے مزید کہا کہ نوازشریف جس بنیاد پر عدالت جارہے ہیں وہ بہت کمزور ہے، نوازشریف کو چاہیے کہ وہ شہزادہ گشتاسپ کو جیت کی مبارکباد دیں۔

شدید دھند کے باعث ہزارہ موٹر وے پر کوچ اور کار میں تصادم کے نتیجے میں 3افراد جاں بحق جبکہ 6 سے زائد زخمی ہوگئے ۔ افسوس ناک حادثہ ہزارہ موٹر وے شاہ مقصود کے قریب تیز رفتاری اور دھند کے باعث پیش آیا۔واقعے کی اطلاع ملتے ہی ریسکیو اور پولیس موقع پر پہنچ گئیں ، تصادم سے 3 افراد موقع پر دم توڑ گئے جبکہ 6 سے زائدزخمی ہوئے ہیں۔ جاں بحق اور زخمیوں میں مرد اور خواتین شامل ہیں جنہیں ہسپتال منتقل کردیا گیا ہے ۔

ایبٹ آباد چیئرمین موومنٹ فار صوبہ ہزارہ زرگل خان نے کہا ہے کہ صوبہ ہزارہ کے قیام کے لئے عملی جدوجہد کا آغاز کر دیا ہے، جس کو منطقی انجام تک پہنچا کر دم لیں گے،ہمارا مقصد اسمبلیوں میں جانے کا نہیں صوبے کا حصول ہے ،جو کوئی بھی صوبہ ہزارہ کے قیام کی بات کرے گا ہم اس کا ساتھ دیں گے،

ہم جغرافیائی اور انتظامی بنیادوں پر صوبہ مانگ رہے ہیں ،اور ہمارا مطالبہ ہے کہ ہزارہ سمیت پورے ملک میں چھوٹے صوبے بنائے جائیں ، محروم اور پسا ہوا طبقہ وائسرائے پشاور وائسرائے لاہور کے تسلط سے آزادی چاہتا ہے،صوبہ کے پی کو پاکستان میں شامل کرنے میں بھی ہزارہ کے لوگوں نے کلیدی کردار ادا کیا تھا اب وہ اپنا حق مانگ رہےہیں

اسمبلیوں میں بیٹھے وزارتوں اور اقتدار کے پجاری صوبوں کے حق میں بات نہیں کر سکتے کیونکہ ان کے مفادات متاثر ہوتے ہیں موومنٹ فار صوبہ ہزارہ تحریک غیر سیاسی ہوگی جو ہزارہ کے تمام اضلاع کے عوام میں شعور پیدا کرے گی،اور اس کے لئے ضلع ،تحصیل اور یونین کونسل کی سطح پر تنظیم سازی کی جائے گی، ان خیالات کا اظہار انہوں نے یہاں ایبٹ آباد پریس کلب میں ہزارہ ریجن کے عہدیداران کے ہمراہ پریس کانفرنس کرتے ہوئے کیا،

اس موقع پر چیف آرگنائزر موومنٹ فارصوبہ ہزارہ وسابق وفاقی وزیر اعجاز علی خان درانی ، چیف کوآرڈینیٹر ابرار سعید سواتی ،جنرل سیکرٹری امجد زمان خان ،ہری پور سے راجہ ساجد ،مانسہرہ وائس چیئرمین سردار سلیم گجر ، وائس چیئرمین بٹگرام سے بخت زمان خان ،کوہستان سے سابق ایم پی اے عبدالستار خان ،تورغر سے ملک جہانزیب ،لوئر کوہستان سے ملک گل زادہ ، کولئی ،پالس سے علی گوہر خان ، سیکرٹری اطلاعات سجاد خان بگڑہ ،وویمن ونگ کی فرح سلطانہ ، راجہ ناصر وائس چیئرمین ہری پور ،یوتھ ونگ کے مبشر لطیف عباسی نے بھی خطاب کیا تھا۔

مقررین کا کہنا تھا ہزارہ کے عوام کے حقوق کا تحفظ یقینی بنانے کے لئے الگ تنظیم بنانے کی ضرورت محسوس کی جو خالصتاً الگ صوبہ کے قیام کی آواز بلند کرے گی اور کسی جنرل یا بلدیاتی الیکشن کا حصہ نہیں بنے گی،اس تحریک میں عام آدمی راہنمائی کریں گے،مقررین کا کہنا تھاصوبہ کی تحریک میں سات شہداء کا خون شامل ہے،وزیر اعظم عمران خان ہزارہ کو بھی صوبہ بنانے کے لئے اقدامات اٹھائیں، تاکہ عوام کی محرومیوں کا خاتمہ ممکن ہو سکے،

صوبہ ہزارہ کا قیام لسانی نہیں انتظامی بنیادوں پر قیام کے خواہاں ہیں،صوبہ ہزارہ کا قیام ہزارہ میں بسنے والی تمام اقوام کا متفقہ مطالبہ ہے اس کے لئے کی جانے والی قربانیوں کو قدر کی نگاہ سے دیکھتے ہیں اور صوبہ کے لئے تمام سیاسی جماعتوں کے اراکین کی خدمات کو بھی سراہتے ہیں ،مقررین نے اس بات پر زور دیا کہ نوجوان اس تحریک کا حصہ بن کر صف اول کا کردار ادا کریں۔

نوشہرہ:-ڈسٹرکٹ پولیس آفیسرڈاکٹر محمد اقبال کے زیر صدارت کرائم میٹنگ کاانعقاد۔SPانوسٹی گیشن خان خیل خان SDPOs،SHOs اور تفتیشی افسران نے شرکت کی

میٹنگ کے دوران ضلع بھر میں امن و امان کی صورتحال،جرائم کےروک تھام کیلئے کی گئی کاروائیوں کا خصوصی جائزہ لیا گیا ۔

ڈی پی او نو شہرہ نے احکامات جاری کرتے ہوئے کہا کہ سنگین نوعیت کے مقدمات میں مجرمان اشتہاریوں کی گرفتاری اور قتل مقاتلے کی دُشمنیوں میں انسدادی کاروائیوں میں مزید بہتری لائیں

گشت اور ناکہ بندیوں کے نظام کو مزید فعال کرنے کیساتھ تمام پولیس افسران اور اہلکاران فیلڈ ڈیوٹی کے دوران اپنی حفاظت کو یقینی بنائیں۔

زیر تفتیش مقدمات کی غیر جانبدارانہ تفتیش کرکے مظلوم کو جلد از جلد انصاف فراہم کرنے میں اپنا کردار ادا کریں،

منشیات فروشوں اور قبضہ گروپ کے خلاف سخت سے سخت کاروائیاں کرکے ان ناسوروں سے معاشرے کو پاک کریں۔

عوام کیساتھ تھانہ جات اور چوکیات میں نرمی سے پیش اُنکے مسائل تحمل مزاجی سے سُنے اور قانون کے مطابق حل کرانے کی کوشش کریں۔