Category: خانیوال

ریلوے اسٹیشن خانیوال پر خستہ حال مسافر پل کا کچھ حصہ گرنے سے ایک ریلوے ملازم ایس ٹی اکرام موقع پر جاں بحق جبکہ ایک خاتون زخمی ہوگئی –

ذرائع کے مطابق خانیوال ریلوے اسٹیشن پر اچانک خستہ حال مسافر پل کا کچھ حصہ گرنے سے ریلوے ملازم ایس ٹی اکرام موقع پر جاں بحق ہو گئے جبکہ ایک خاتون زخمی ہو گئی جنہیں ریسکیو نے ڈسٹرکٹ ہسپتال منتقل کر دیا ہے حادثے کی اطلاع ملتے ہی ریلوے کی امداد ی ٹیمیں بھی موقع پر پہنچ چکی ہیں جو امدادی کاموں میں مصروف ہیں۔

اس موقع پر ڈی ایس ریلوے اور دیگر ریلوے کے افسران بھی موقع پر پہنچ کر جائے حادثہ کا جائزہ لے رہے ہیں، تاہم اس خستہ حال پل کی بروقت تعمیر نہ کروانے اور افسران کی نا اہلی پر وفاقی وزیر ریلوے حنیف عباسی نے واقعہ کا فوری نوٹس لیتے ہوئے ریلوے کے 3 اعلی افسران ڈویژنل انجینئر عابد رزاق اسسٹنٹ انجینیئر راجہ یوسف اور انسپیکٹر برج محمد عابد کو فوری طور پر معطل کرنے کے احکامات جاری کرتے ہوئے واقعہ کی غیر جانبدارانہ انکوائری کرنے کے احکامات جاری کر دیئے ہیں انکوائری ٹیم میں سی ای او ریلوے ائی جی ریلوے اور ڈی ایس ریلوے لاہور شامل ہیں۔

وزیراعلیٰ پنجاب سے عالمی بینک کے کنٹری ڈائریکٹر کی ملاقات

جموں و کشمیر کا تنازعہ جنوبی ایشیا میں تنازعات کا بنیادی ذریعہ ہے،اسحاق ڈار

پانی روکا گیا تو ملٹری آپشن کھل جائے گا،چیئرمین واپڈا

پنجاب کے ضلع خانیوال کی تحصیل جہانیاں میں واقع گورنمنٹ گرلز ہائی اسکول میں اس وقت ہلچل مچ گئی جب اسکول کی عمارت میں اچانک لرزنے کی وجہ سے طالبات میں خوف و ہراس پھیل گیا اور بھگدڑ مچ گئی۔ اس حادثے میں 8 طالبات زخمی ہوگئیں۔

ریسکیو حکام کا کہنا ہے کہ اس واقعے کا سبب اسکول کے قریب سڑک پر جاری تعمیراتی کام ہے۔ وہاں پر ہیوی مشینری استعمال ہو رہی تھی، جس کے سبب سڑک کی سطح میں وائبریشن پیدا ہوئی۔ اس وائبریشن کی وجہ سے اسکول کی عمارت لرزنے لگی، جس سے طالبات خوفزدہ ہو گئیں اور وہ ایک دوسرے پر گر کر زخمی ہوگئیں۔اسکول کے ایک ٹیچر نے بتایا کہ اسکول سے ملحقہ سڑک پر حالیہ دنوں میں تعمیراتی کام جاری تھا۔ اس دوران ہیوی مشینری کی آواز اور تھرتھراہٹ سے طالبات میں خوف و ہراس پھیل گیا، جس کے نتیجے میں بھگدڑ مچ گئی۔ انہوں نے مزید کہا کہ اسکول انتظامیہ نے فوراً ریسکیو ٹیموں کو اطلاع دی، اور زخمی طالبات کو اسپتال منتقل کر دیا گیا۔

ریسکیو حکام کے مطابق، زخمی ہونے والی طالبات کو فوری طور پر مقامی اسپتال منتقل کیا گیا، جہاں ان کا علاج جاری ہے۔ ابتدائی اطلاعات کے مطابق زیادہ تر زخمی طالبات کو معمولی چوٹیں آئی ہیں،علاقے کی انتظامیہ نے اس واقعے کا نوٹس لیا ہے اور تعمیراتی کام کے دوران حفاظتی تدابیر کی خلاف ورزی پر تحقیقات شروع کر دی ہیں۔ مقامی حکام کا کہنا ہے کہ آئندہ اس قسم کے حادثات سے بچنے کے لیے مزید احتیاطی تدابیر اختیار کی جائیں گی، اور اسکولوں کے قریب ایسے کاموں کی نگرانی سخت کی جائے گی۔

اس واقعے کے بعد، مقامی شہریوں نے بھی سڑکوں پر کام کرنے والی مشینری کے حوالے سے حفاظتی انتظامات کی کمی پر تشویش کا اظہار کیا ہے، اور مطالبہ کیا ہے کہ تعلیمی اداروں کے قریب اس طرح کے کاموں کے دوران مکمل احتیاطی تدابیر اختیار کی جائیں تاکہ مستقبل میں کسی بھی قسم کا ایسا حادثہ دوبارہ نہ ہو۔

ادویات کی عدم دستیابی، پاراچنار میں 29 بچوں کی موت

سی ٹی ڈی کی کاروائی، کالعدم تنظیموں کے 16 دہشت گردگرفتار

فساد کنٹرول میں ہو جائے تو پاکستان مزید ترقی کرے گا، عظمیٰ بخاری

مسلم لیگ ن کی رہنما مریم نواز نے خانیوال میں ن لیگ کے انتخابی جلسہ سے خطاب کرتے ہوئے کہا ہے کہ میرے سامنے میرے والد کو گرفتار کیا گیا ہم میدان چھوڑ کر نہیں بھاگے،

مریم نواز کا کہنا تھا کہ آج میدان میں کوئی نہیں یہ بزدلوں کی طرح جوتیاں چھوڑ کر بھاگ گئے ہیں ،مجھے ماں کی موت کی خبر اڈیالہ جیل میں دی گئی،مظلومیت کا رونا مت رو کیونکہ تمہارے ہاتھ رنگے ہوئے ہیں،نواز شریف کو جب اقتدار سے نکالا گیا تو کیا جھوٹا سائفر لہرایا؟نوازشریف کے سینے میں کئی راز دفن ایک بھی راز افشاں نہیں کیا،نواز شریف کا بیانہ وہ ترقی ہے جو پورے ملک میں ہوئی، خیبر سےکراچی تک نواز شریف کی ترقی کے نشانات ہیں،سیاست میں اچھا برا وقت آتا ہے مشکلات آتی ہیں لیکن سیاسی کارکن لیڈر وہ ہوتا ہے جو میدان چھوڑ کر مت بھاگے ،خانیوال ہمیشہ اچھے برے وقت میں ن لیگ کیساتھ کھڑا رہا 2018 کے دھاندلی زدہ الیکشن میں بھی یہاں سے شیر جیتا ،نواز شریف تم سے انتقام نہیں لے رہا نواز شریف نے اپنا معاملہ اللہ پہ چھوڑا تھا .کے پی کے ، کے چھوٹے سے گاؤں میں الیکشن کروا کے کہتے ہیں کہ نشان لے لیا،خانیوال نےشیرکےعلاوہ کسی کو گھسنےنہیں دیا،

https://twitter.com/NazirRoshan87/status/1748313082030358614

مہنگائی کی ذمہ دار مسلم لیگ ن نہیں ہے،مریم نواز
مریم نواز کا مزید کہنا تھا کہ 8 فروری کو گھر نہیں بیٹھنا،سب لوگ نکلیں گے اور شیر پر ٹھپہ لگائیں گے،اب میں انشاء اللہ الیکشن جیت کر کالج اور ہسپتال لیکر آپ کے پاس دوبارہ وآپس آؤں گی، انتقام اور لیول پلینگ فیلڈ کا الزام لگانے والوں کو کیا نواز شریف نے کہا تھا کہ جھوٹا سائفر لہراو نو مئی کو ریاست پر حملہ کرو شہدا کی یادگاروں کو جلاو پولیس پر پٹرول بم چلاو جعلی جماعتی انتخابات کرواو۔ یہ سب تم نے خود کیا تھا،کوئی مائی کا لعل یہ کہہ دے کہ نواز شریف نے پاکستان کو نقصان پہنچایا،یا اپنے لوگوں کو ریاست پر حملہ کرنے کا بولا ہو،کیا نواز شریف کبھی ویل چیئر پر بیٹھا یا ٹانگ پر جعلی پلاسٹر چڑھایا؟ نواز شریف کو عوام کی خدمت کرنے کی سزا دی گئی،نواز شریف کو تین بار اقتدار سے نکالا گیا خانیوال والو کیا نواز شریف نے آپکو درس دیا کہ ڈنڈے لیکر پولیس اور فوج پر چڑھ دوڑو،کہتے تھے اتنی مہنگائی ہے تو ن لیگ کیلئے لوگ نہیں نکلیں گے تو ،آنکھیں کھول کر دیکھ لو چاہےاوکاڑہ کا جلسہ ہو یا حافظ آباد کا جلسہ ہو اور آج خانیوال کے جلسے میں عوام کا جم غفیر بتار ہا ہے کہ مہنگائی کی ذمہ دار مسلم لیگ ن نہیں ہے،اورنج لائن کس نے بنائی؟ میٹرو بس کس نے بنائی؟ دو روپے کی روٹی کس کے دور میں تھی؟

جو لیول پلیئنگ فیلڈ مانگتے ہیں ان سے کہنا ہے آو پہلے مقابلہ تو کرو میدان چھوڑ کر بھاگتے کیوں ہو،مریم نواز
مریم نواز کا مزید کہنا تھا کہ نواز شریف اسلئے ووٹ نہیں چاھتا کہ وہ حکومت بنائے،وہ اسلئے ووٹ چاھتا ھے تا کہ ایک مضبوط حکومت بنے تا کہ وہ عوام کو سستا آٹا، سستی بجلی، سستی کھاد، سستا پٹرول دے سکے، ہر مسلم لیگی نے انتقام جھوٹے کیسز قید و بند اور مشکلات کا سامنا کیا لیکن کوئی نواز شریف کو چھوڑ کر نہیں گیا نہ ہی پریس کانفرنسز کی لائنیں لگیں۔ یہ جو لیول پلیئنگ فیلڈ مانگتے ہیں ان سے کہنا ہے آو پہلے مقابلہ تو کرو میدان چھوڑ کر بھاگتے کیوں ہو،کیا چوروں کے گلے میں کوئی ہار بھی ڈالتا ہے؟ ہم نے آخری گیند تک انکا مقابلہ کیا ہم نے میدان خالی نہیں چھوڑا،میں نے بھی مشکلات کا شامنا کیا ضمنی الیکشن میں ہامرے لوگوں کو اُٹھایا گیا،اللہ تعالی کے فضل سے نواز شریف واپس آیا ہے تو سب سے بڑی وجہ یہ ہے کہ خانیوال کی قیادت میدان چھوڑ کر نہیں بھاگی وہ ڈٹ کر قائد کیساتھ کھڑی رہی،نوازشریف کوشیرکانشان عوامی طاقت دیکھ کرواپس کیاگیاتھا،نوازشریف قومی رازسینےمیں دفن کرکےچپ کرکےگھرچلاگیاتھا،نوازشریف نےآسمان کی طرف دیکھ کراپنامعاملہ اللہ پرچھوڑدیاتھا،آپ لوگ 8 فروری کوشیرپرٹھپہ لگائیں گے،گھروں میں نہیں بیٹھنا،آپ لوگ اپنی ترقی پرٹھپہ لگائیں گے،خانیوال کوکس کس چیزکی ضرورت ہے،لسٹ بنائیں قدموں میں لاکررکھ دوں گی

مریم نواز کے جلسے میں پارٹی پرچم پھاڑنے والے طالب علموں پر مقدمہ درج

سیاسی مفادات کے لئے ملک کونقصان نہیں پہنچانا چاہئے

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار 

 نواز شریف کے مخالف عبرت ناک انجام کو پہنچ رہے ہیں