کمشنر ملتان جاوید اختر محمود کا میاں چنوں کا اچانک دورہ.ٹراما سنٹر, ٹی ایچ کیو ہسپتال, کھلی کچہری, بلدیہ کا وزٹ…
کمشنر ملتان جاوید اختر محمود اور ڈپٹی کمشنر خانیوال آغا ظہیر عباس ملاقات کے دوران
ہسپتال کی بہتری. ٹراما سنٹر کی بلڈنگ کا وزٹ بھی کیا اور کھلی کچہری میں شہریوں کے مسائل سنے اور ان کو حل کرنے کے احکامات جاری بھی کیے
وزیر اعلی پنجاب سردار عثمان بزدار کی ہدایت پر حلقہ پی پی 209 کے عوام کو طبی سہولیات انکی دہلیز ہر فراہمی کے کیلئے بڑا اقدام اٹھاتے ہوئے
ڈپٹی کمشنر آغا ظہیر عباس شیرازی اور ایم پی اے فیصل اکرم نیازی نے چک 78 پندرہ ایل میں رورل ہیلتھ سنٹر کا سنگ بنیاد رکھ دیا- 30 بستروں پر مشتمل ہسپتال پر ساڑھے 15 کروڑ روپے لاگت آئیگی منصوبہ کی تکمیل کے لئے 22 ماہ کی ڈیڈ لائن مقرر کی گئی ہے جبکہ اس سہولت سے 1 لاکھ سے زائد آبادی مستفید ہوگی- افتتاحی تقریب سے خطاب کرتے ہوئے ایم پی اے فیصل اکرم نیازی نے کہا کہ یہ
منصوبہ علاقہ کے عوام سے وزیر اعلی پنجاب کی محبت کا عملہ ثبوت ہے حلقہ میں مزید ترقیاتی کام کرائے جائینگے انہوں نے کہا کہ موجودہ پنجاب حکومت دعوئوں نہیں کام پر یقین رکھتی ہے ماضی میں علاقہ کو نظر انداز کیا گیا
ڈپٹی کمشنر آغا ظہیر عباس شیرازی نے خطاب کرتے ہوئے کہا کہ
محکمہ بلڈنگز کے کو تعمیراتی کام وقت کے اندر مکمل کرنے کی ہدایت کردی ہسپتال کے فنشگنل ہونے کے بعد علاقہ کے عوام دہگر ہسپتالوں میں نہیں جانا پڑے گا- افتتاحی تقریب میں ایکسئین بلڈنگز ماجد چغتائی نے ڈپٹی کمشنر اور ایم پی اے کو بریفنگ دی- اس موقع پر اہل علاقہ کی بڑی تعداد بھی موجود تھی-
اسسٹنٹ کمشنر ذیشان ندیم میاں چنوں کی سربراہی میں تجاوزات کے خلاف آپریشن
چیف آفیسر میونسپل کمیٹی خداداد تارڑ نے اپنی نگرانی میں مختلف بازاروں سے تجاوزات کے خاتمے کیلئے آپریشن کیا. شہریوں کو خود سے تجاوزات ہٹانے کی بھی ہدایت کی گئی۔
حکومت پنجاب کی عوام دوست پالیسی کے تحت ایک قدم اور آگے بڑھتے ہوئےڈپٹی کمشنر کمشنرآغا ظہیر عباس شیرازی نے ای کچہری فیس بک لائیو سیشن میں تقریبا” ایک گھنٹہ شہریوں کے انفرادی اور اجتماعی مسائل سنے-
ای کچہری کے دوران شہریوں کی جانب سے سیوریج،تجاوزات،سرکاری رقبوں پر ناجائز قابضین، آوارہ کتوں کی بھرمار،_صفائی سمیت مختلف مسائل کی نشاندہی کی گئی- ڈپٹی کمشنر نے افسران کو مسائل کا فوری ازالہ کرکے رپورٹ کرنے کا حکم دیا- اس موقع پر شہریوں سے گفتگو کرتے ہوئے ڈپٹی کمشنر نے کہا کہ خانیوال کے لئے نیا سیوریج پلان بنایا جارہا ہے قبرستانوں اور موٹر وے انٹرچینجز لنکس روڈز پر صفائی لائٹنگ کے انتظامات کئے جائینگے-
انہوں نے کہا کہ تمام سرکاری محکموں کے افسران کو عوام کی خدمت کا سختی سے پابند کیا گیا ہے اسسٹنٹ کمشنرز کو بھی تحصیلوں میں کھلی کچہریاں لگانے کی ہدایت کردی ہے- ڈپٹی کمشنر نے مزید کہا کہ ضلع کے مسائل سے کبھی آنکھیں بند نہیں کیں دستیاب وسائل کے مطابق خدمت جاری رکھوں گا-
ایس ایچ او تھانہ سٹی میاں چنوں پولیس کے مطابق پولیس نے کاروائی کرتے ہوئے تین ڈاکوؤں کو گرفتار کیا گیا ہے۔
ملزمان سے 2 پسٹل. موٹر سائیکل اور 84 ہزار کی نقدی برآمد ہوئی..ملزمان شہریوں سے گن پوائنٹ پر لوٹ مار کرتے تھے .پولیس کے مطابق مزید تفتیش جاری ہے.
یاد رہے گزشتہ ہفتے امن کمیٹی میاں چنوں نے اعلان کیا تھا کہ اگر پولیس شہر میں بڑھتی ہوۓ جرائم پر قابو نہ پاسکی اور شہر میں امن کی صورت حال کو بہتر بنانے میں ناکام رہی تو ہم ڈی پی او آفس کے باہر دھرنہ دیں گے
وقت کا مؤرخ لکھے گا کہ پاکستان پہ اتنا برا وقت پہلے کبھی نہیں آیا جس دن حاکموں کے کُتے سرکاری پروٹوکول میں ہوا خوری کر رہے تھے، اسی دن اک پاکستانی بزرگ ماں کی عزت گَن پوائنٹ پہ لُوٹ لی گئی۔
ایم این اے ظہور حسین قریشی کے گاؤں کی آٹھ بچوں کی ماں 51 سالہ نسرین بی بی 45 پھاٹک کے قریب گَن پوائنٹ پہ زیادتی کا شکار ہوگئی ہے۔ نیشنل ہائی وے سے رکشے میں سوار ہو کر 44/15L جانے والی 51 سالہ نسرین بی بی کو تین افراد رکشے سے اتار کر کھیتوں میں لے گئے۔دو ملزمان پہرہ دیتے رہے جبکہ تیسرا خنزیر آٹھ بچوں کی ماں بزرگ خاتون کی عزت سے کھیلتا رہا، تینوں خنزیر منھ کالا کرنے کے بعد موقع سے آسانی کے ساتھ فرار ہوگئے۔
سانحے کے بعد سے پورا علاقہ دہشت کا شکار ہو چکا ہے، ہر کوئی خود کو غیر محفوظ سمجھ رہا ہے، تھانہ صدر میانچنوں کی پولیس موقعے پہ پہنچ گئی ہے علاقے میں مجرمان کو پکڑنے کےلیے سرچ آپریشن جاری ہے۔
۔
بڑھتی آبادی کی روک تھام کیلئے محکمہ بہبود آبادی خانیوال نے اقدامات تیز کردیئے- ڈپٹی کمشنر آغا ظہیر عباس شیرازی نے کی کارکردگی کا جائزہ لینے کیلئے اجلاس طلب
خانیوال بڑھتی آبادی کی روک تھام کیلئے محکمہ بہبود آبادی خانیوال نے اقدامات تیز کردیئے- ڈپٹی کمشنر آغا ظہیر عباس شیرازی نے کی کارکردگی کا جائزہ لینے کیلئے اجلاس طلب کرکے بریفنگ لی اور آگاہی سرگرمیوں میں تیزی لانے کی ہدایت کی-
اجلاس میں اے ڈی سی محمد اختر منڈھیرا،چاروں تحصیلوں کے اسسٹنٹ کمشنرز ذیشان ندیم، بابر سلیمان،بختیار اسماعیل،خرم حمید،ضلعی افسر محکمہ بہبود آبادی چوہدری مجیب ربانی، سی ای او تعلیم الطاف لڑکا،سماجی رہنما بسم اللہ ارم،سمیت محکمہ بہنود آبادی کے افسران نے شرکت کی- ضلعی افسر محکمہ بہبود آبادی چوہدری مجیب ربانی نے محکمانہ کارکردگی بارے بریفنگ دی- اجلاس سے خطاب کرتے ہوئے ڈپٹی کمشنر نے کہا کہ فلاحی مراکز پر ڈاکٹروں و عملہ کی حاضریاں یقینی بنائی جائیں آگاہی مہم میں علماء کرام کی شمولیت بھی یقینی بنائی جائے-
پولیس پر دباؤ یا پولیس کا عوام سے لگاؤ.چند دنوں بعد حقیقت کھلے گی میاں چنوں سٹی پولیس الرٹ، جگہ جگہ ناکے، داخلی خارجی راستوں پر سخت چیکنگ جاری.
ایس ایچ او تھانہ سٹی میاں چنوں آصف چوہان کا شہر کے داخلی اور خارجی راستوں پر سکیورٹی مذید سخت ایس ایچ او تھانہ سٹی میاں چنوں آصف چوہان نے تمام داخلی اور خارجی راستوں کا ویزٹ کیا،ویزٹ کے دوران انہوں نے چیکک کے سلسلے کو مزید سخت کرنے اور بغیر نمبر موٹرسائیکل کو بند کرنے کے احکامات دیتے ہوۓ کہا کہ میرے علاقہ میں بغیر نمبر پلیٹ موٹرسائیکل کا کوئی کام نہیں جس موٹرسائیکل پر نمبر نہیں لکا ہو کا اس کو بند کر دیا جائے گا چوری اور ڈکیتی میں استعمال ہونے والی موٹرسائیکل کی اکثرت بغیر نمبر پلیٹ ہے
ایس ایچ او تھانہ سٹی میاں چنوں آصف چوہان نے شہر بھر کی سیکیورٹی ہائی الرٹ کرتے ہوئے خود نگرانی بھی کرنی شروع کر دی ہے ان کا کہنا تھا کہ شہر میں امن وامان اور شہروں کی جان ومال کا تحفظ کرنا میری زیمداری ہیں ہے معززین علاقہ نے ایس ایچ او تھانہ سٹی میاں چنوں آصف چوہان کے ورک پر اعتماد کا اظہار کیا معززین علاقہ کا کہنا تھا کہ ایس ایچ او تھانہ سٹی میاں چنوں آصف چوہان بہت اچھا کام کر رہے ہیں۔
خانیوال ڈپٹی ڈائریکٹر اینٹی کرپشن خانیوال سید وسیم حسن کا ڈائریکٹر اینٹی کرپشن ملتان کی ہدایات کی روشنی میں اپنی ٹیم اور سول ڈیفنس آفیسر کے ہمراہ دبنگ کاروائی تحصیل خانیوال میں 12 غیر قانونی پٹرول پمپس سیل
ڈپٹی ڈائریکٹر اینٹی کرپشن خانیوال سید وسیم حسن کا ڈائریکٹر اینٹی کرپشن ملتان کی ہدایات کی روشنی میں اپنی ٹیم اور سول ڈیفنس آفیسر کے ہمراہ دبنگ کاروائی تحصیل خانیوال میں 12 غیر قانونی پٹرول پمپس سیل کردئیے اور تحصیل میاں چنوں میں 9 غیر قانونی پٹرول پمپس اور ساتھ ہی چک نمبر 56/15 ایل اور 85/15 ایل میں 201 کنال 4 مرلہ سرکاری اراضی ناجائز قابضین سے واگزار جسکی مالیت 4 کروڑ تیس لاکھ مالیت ہے جو واگزار کرواکر ریونیو ڈیپارٹمنٹ کے حوالے کر دی گئی
اس کے علاؤہ تحصیل کبیر والا کے مضافات میں ایس ڈی او اریگیشن کے ہمراہ 5 عدد موگے بھی چیک کئیے گئے جو ٹیمپرڈ پائے گئے جسکی وجہ سے پانی چوری کا سلسلہ جاری تھا جن کے خلاف محکمہ انہار کو فوری کاروائی کے احکامات جاری کئے گئے اس موقع پر ڈپٹی ڈائریکٹر اینٹی کرپشن سید وسیم حسن نے میڈیا کو بتایا کہ پنجاب حکومت کی ہدایت کے مطابق کسی غیر قانونی اور ایرانی پٹرول پمپ خصوصاً کسی قبضہ گروپ کو سرکاری اراضی پر قبضہ کی اجازت نہیں دی جاے گی اور ساتھ ہی ساتھ محکمہ انہار میں پانی کی ترسیل کے حوالے سے کاشتکاروں کے ساتھ ہونے والی زیادتی بھی کسی صورت برداشت نہیں کی جاے گی انہوں نے یہ بھی کہا کہ ڈایریکٹر اینٹی کرپشن ملتان نے احکامات جاری کئے ھیں کہ بلا امتیاز غیرقانونی طور پر پٹرول پمپ چلا کر سرکاری خزانے کو اور ناجائز قابضین سے سرکاری اراضی کا ایک ایک انچ واگزار کروایا جاے گا
آئی جی پنجاب ڈاکٹر انعام غنی کی ہدایات کی روشنی میں ڈی ایس پی سرکل میاں چنوں جناب طارق پرویز نے تھانہ تلمبہ کا دورہ
عرصہ دراز سے زیر التواء مقدمات سنے۔۔تھانہ کے تفتیشی پولیس افسران سے ان کی بریفنگ لی ۔مقدمات کے مدعی صاحبان اور ان کیسز میں مطلوب افراد جن پر الزامات تھے ۔ان کا تمام ریکارڈ منگوا تے رہے۔ایس ایچ او تھانہ تلمبہ چوہدری عنصر علی جٹ سے کیسز کے بارے میں آگاہی لیتے رہے۔۔اور موقع پر احکامات جاری کرتے رہے
تھانہ میں سائلین کا ہجوم تھا جو اپنے کیسز پر انصاف طلب کرتے رہے۔۔ڈی ایس پی طارق پرویز قانون کے مطابق فوری فیصلے کرتے رہے اور مدعیوں کی رضامندی کو فیصلوں کا حصہ بناتے رہے۔۔تمام تفتیشی پولیس افسران کیسز کی فائلوں کے ساتھ آگاہی دیتے رہے۔۔پولیس کا یہ پنجائتی طریقہ جس میں بہت سارے کیسز جو عرصہ دراز سے حل طلب تھے۔ ان پر فوری کارروائی عمل میں لائی گئی۔۔