Category: لودھراں

پشاور سے آکر لاہور سے کراچی جانے والی عوام ایکسپریس لودھراں ریلوے اسٹیشن کے قریب بڑے حادثے کا شکار ہوگئی، ٹرین کی 6 بوگیاں پٹڑی سے اتر کر الٹ گئیں۔

ریسکیو حکام کے مطابق حادثے میں ایک مسافر جاں بحق جبکہ 21 زخمی ہوگئے،جاں بحق ہونے والے مسافر کی شناخت وقاص کے نام سے ہوئی ہے جو خوشاب کا رہائشی تھا۔

ابتدائی اطلاع کے مطابق ٹرین لودھراں جنکشن پر رک نہ سکی اور ٹریک پر پہلے سے کھڑی مال گاڑی کے انجن سے جا ٹکرائی،ریسکیو 1122، پولیس اور ضلعی انتظامیہ نے ریلیف اینڈ ریسکیو آپریشن مکمل کر لیا ہے جبکہ زخمیوں کو فوری طور پر لودھراں ڈسٹرکٹ اسپتال منتقل کیا گیا ہے، جہاں متعدد زخمیوں کی حالت تشویشناک بتائی جا رہی ہے۔

دریائے ستلج میں پانی کی سطح بلند، قصور کے درجنوں دیہاتوں کا زمینی رابطہ منقطع

ڈپٹی کمشنر ڈاکٹر لبنیٰ نزیر کی ہدایت پر اسسٹنٹ کمشنر ارم شہزادی نے ڈی ایچ کیو اسپتال میں ٹرین حادثے کے زخمی مسافروں کی عیادت اور انہیں ناشتہ بھی فراہم کیا، لودھراں ٹرین کے مسافروں کے آرام کے لیے میونسپل اسٹیڈیم میں انتظامات مکمل کر دیے گئے ڈپٹی کمشنر لودھراں نے جائے حادثہ پر ریسکیو آپریشن کی نگرانی کی۔

کوہاٹ: نامعلوم افراد کی فائرنگ سے 7 افراد جاں بحق

حادثے کے باعث ڈاؤن ٹریک بند ہوگیا، ریلوے عملے کو امدادی کام جلد مکمل کرکے ڈاؤن ٹریک بحال کرنے کی ہدایت کر دی گئیں۔ حادثہ والی ٹرین کے مسافروں کو متبادل ٹرین کے ساتھ منزل کی طرف روانہ کر دیا گیا،وزیر ریلوے نے جائے حادثہ کی انکوائری کا حکم دیتے ہوئے 7 روز میں رپورٹ پیش کرنے کا حکم دے دیا۔

لودھراں کے مدرسے میں زہریلا کھانا کھانے سے 9 بچوں کی حالت غیر،جبکہ ایک جاں بحق ہو گیا-

مدرسہ تفہیم القرآن لودھراں میں زیر تعلیم 10 طلباء مبینہ طور پر زہریلا کھانا کھانے سے بیمار ہو گئے تھے، جنہیں فوری طور پر ضلعی اسپتال منتقل کیا گیاان میں سے 8 سالہ ایان آصف کو تشویشناک حالت کے باعث بہاولپور وکٹوریا اسپتال ریفر کیا گیا، تاہم وہ جانبر نہ ہو سکا ایان آصف کا تعلق بندرہ پُلی، بہاولپور سے تھا اور وہ قرآن حفظ کرنے کی غرض سے مدرسے میں داخل ہوا تھا۔

واقعے کی اطلاع پر سٹی پولیس بہاولپور موقع پر پہنچ گئی، جبکہ ڈی ایس پی صدر سرکل عابد حسین بھُلہ نے مدرسے کے مختلف شعبہ جات کا دورہ کیا اور واقعے کی ابتدائی تحقیقات کا آغاز کیا فوڈ اتھارٹی کی ٹیم نے مدرسے کے کھانے اور پانی کے نمونے حاصل کر لیے ہیں، جنہیں تجزیے کے لیے لیبارٹری بھیجا گیا ہے۔

اسٹاک مارکیٹ میں زبردست تیزی

ڈی ایس پی کے مطابق واقعے میں ملوث ذمہ داران کے خلاف مقدمہ درج کرنے کی کارروائی جاری ہے اور تحقیقات مکمل ہونے کے بعد سخت قانونی کارروائی عمل میں لائی جائے گی،زیرِ علاج 9 طلباء میں سے 2 کو صحت یاب ہونے پر ڈسچارج کر دیا گیا ہے، جبکہ باقی 7 بچوں کا علاج جاری ہے۔

افغانستان میں مقامی طور پر تیار کردہ بس نمائش کیلئے پیش

شادی کی آڑ میں مجرا پارٹی سے رقاصاؤں سمیت 50 افراد گرفتار کر لئے گئے

لودھراں پولیس نے غیر اخلاقی سرگرمیوں کے خلاف بڑی کارروائی کرتے ہوئے شادی کی تقریب کی آڑ میں سجائی گئی مجرا پارٹی پر چھاپہ مارا اور رقاصاؤں سمیت 50 افراد کو گرفتار کر لیا۔ایس ایچ او تھانہ سٹی، مزمل خان نے میڈیا کو بتایا کہ پولیس نے لودھراں کے مختلف علاقوں، محلہ کوڑے والا اور محلہ قاسم والا میں جاری مجروں پر چھاپے مارے۔ اس کارروائی کے دوران پولیس نے شادی کی تقریب کے نام پر ہونے والی غیر اخلاقی محفلوں کا پردہ فاش کیا، جہاں فحش گانوں پر رقص کیا جا رہا تھا۔ایس ایچ او کے مطابق، چھاپے کے دوران رقاصاؤں پر لٹائی گئی بھاری رقم بھی برآمد ہوئی، جس کی مالیت 196,000 روپے تھی۔ اس کے علاوہ، محفل میں شرکت کرنے والے افراد کی جانب سے اماراتی، سعودی، اور امریکی کرنسی کے نوٹ بھی نچھاور کیے گئے تھے، جو اس غیر قانونی محفل کی عیش و عشرت کی غمازی کرتے ہیں۔ پولیس نے آتشبازی کا سامان بھی قبضے میں لے لیا ہے، جو محفل کے دوران استعمال ہونے والا تھا۔

ڈی پی او کامران ممتاز نے اس کارروائی کی تفصیلات فراہم کرتے ہوئے کہا کہ پولیس کی جانب سے اس طرح کی غیر قانونی اور غیر اخلاقی سرگرمیوں کے خلاف کارروائیاں جاری رہیں گی۔ انہوں نے مزید کہا کہ ان محفلوں میں ملوث افراد کے خلاف سخت قانونی کارروائی کی جائے گی تاکہ معاشرتی امن اور اخلاقیات کا تحفظ کیا جا سکے۔یہ کارروائی لودھراں پولیس کی جانب سے سماجی برائیوں کے خلاف جاری مہم کا حصہ ہے، جس کے تحت پولیس غیر اخلاقی سرگرمیوں میں ملوث افراد کے خلاف بلا تفریق کارروائی کر رہی ہے۔

بھارت میں انسانی میٹا نیومو وائرس کا پہلا کیس رپورٹ

مذاکرات کے باوجود پی ٹی آئی کا سوشل میڈیا پر ریاست مخالف پراپیگنڈا جاری