Category: منڈی بہاؤالدین

منڈی بہاوالدین،باغی ٹی وی (نامہ نگار افنان طالب) ڈپٹی کمشنر ڈاکٹر فیصل سلیم کی ہدایت پر اسسٹنٹ کمشنر منڈی بہاوالدین ندیم بلوچ نے صبح سویرے سبزی و پھل منڈی کا دورہ کر کے سبزیوں اور پھلوں کی بولی کے عمل کا جائزہ لیا۔

انہوں نے منڈی میں مختلف سٹالز اور دکانوں کا معائنہ کیا اور صفائی ستھرائی کے انتظامات کا جائزہ لیا۔ اس کے علاوہ، انہوں نے سبزیوں اور پھلوں کے معیار اور اسٹاک کی بھی جانچ پڑتال کی اور خود اپنی نگرانی میں بولی کروائی۔

اسسٹنٹ کمشنر ندیم بلوچ کا کہنا تھا کہ منڈی سے مارکیٹ تک سبزیوں اور پھلوں کی قیمتوں کو مناسب رکھنا ضلعی انتظامیہ کی اولین ترجیح ہے۔ انہوں نے مزید کہا کہ صبح سویرے منڈی میں نیلامی کے عمل کا جائزہ لینے کا بنیادی مقصد مارکیٹ میں سستی اشیائے خوردونوش کی فراہمی کو یقینی بنانا ہے تاکہ عام آدمی کو فائدہ پہنچ سکے۔

انہوں نے بتایا کہ حکومت کی ہدایات کے مطابق ذخیرہ اندوزوں اور منافع خوروں کے خلاف کارروائی جاری ہے اور اس سلسلے میں مجسٹریٹس اپنے اپنے علاقوں میں فعال ہیں۔

منڈی بہاوالدین (باغی ٹی وی،نامہ نگارافنان طالب): ڈپٹی کمشنر شاہد عمران مارتھ نے تقریباً ایک سال چھ مہینے تک منڈی بہاوالدین میں بطور ڈپٹی کمشنر خدمات انجام دینے کے بعد اپنا عہدہ چھوڑ دیا ہے۔ ان کا تبادلہ شیخوپورہ کر دیا گیا ہے۔

اپنے دورِ حکومت میں ڈپٹی کمشنر شاہد عمران مارتھ نے شہر کی ترقی کے لیے بہت سی کوششیں کیں۔ انہوں نے مختلف ترقیاتی منصوبوں کو شروع کیا اور شہریوں کی مشکلات کو دور کرنے کے لیے کئی اقدامات اٹھائے۔

آج جب انہوں نے اپنا عہدہ چھوڑا تو افسران و ملازمین نے انہیں پھولوں کے گلدستے پیش کرکے اور گل پاشی کرکے انتہائی احترام سے الوداع کیا۔ اس موقع پر ڈپٹی کمشنر نے تمام افسران و ملازمین کا شکریہ ادا کیا۔

شہر کی تمام کمیونٹی نے ڈپٹی کمشنر شاہد عمران مارتھ کو نیک خواہشات کے ساتھ الوداع کیا اور ان کی خدمات کو ہمیشہ یاد رکھا جائے گا۔

منڈی بہاوالدین،باغی ٹی وی (نامہ نگار افنان طالب)منڈی بہاوالدین میں یوم آزادی ملی جوش و جذبے سے منایاگیا

ضلع انتظامیہ کی جانب سے 74ویں یوم آزادی کی مرکزی تقریب مقامی میرج ہال میں منعقد ہوئی۔ اس موقع پر مہمان خصوصی طور پر قومی اسمبلی کے ممبر ناصر اقبال بوسال، ڈپٹی کمشنر شاہد عمران مارتھ، صوبائی اسمبلی کے ممبر خالد محمود رانجھا، ڈی پی او احمد محی الدین اور دیگر اعلیٰ حکام نے شرکت کی۔

تقریب میں طلباء و طالبات نے وطن سے محبت کے جذبات کا اظہار کرتے ہوئے تقریریں، ٹیبلوز اور ملی نغمے پیش کیے۔ جس پر حاضرین نے بھرپور داد دی۔ ضلع سے تعلق رکھنے والے سی ایس ایس آفیسرز کو بھی خراج تحسین پیش کیا گیا۔

اس موقع پر قومی اسمبلی کے ممبر ناصر اقبال بوسال نے کہا کہ آزادی کی قدر محکوم قوموں سے بہتر کوئی نہیں جانتا۔ پاکستان کی آزادی کے لیے بے شمار قربانیاں دی گئی ہیں۔ ہمیں اس ملک کی حفاظت کے لیے اپنی جانوں قربان کرنے کا عہد کرنا چاہیے۔

ڈپٹی کمشنر شاہد عمران مارتھ نے کہا کہ آزادی ایک عظیم نعمت ہے اور ہمیں اس کی قدر کرنی چاہیے۔ انہوں نے عوام سے اپیل کی کہ وہ ملک کی ترقی میں اپنا کردار ادا کریں۔

صوبائی اسمبلی کے ممبر خالد محمود رانجھا، ڈی پی او احمد محی الدین اور مسلم لیگ (ن) کے صدر مشاہد رضا نے بھی خطاب کرتے ہوئے ملک کی خدمت کا عہد کیا۔

تقریب کے اختتام پر طلباء کی پرفارمنس کے لیے انعامات کا اعلان کیا گیا۔

اس تاریخی دن کے موقع پر ضلع بھر میں جشن کا سماں رہا اور لوگوں نے مل کر آزادی کی خوشی منائی۔

منڈی بہاؤالدین ،باغی ٹی وی( نامہ نگار افنان طالب)ڈپٹی کمشنر شاہد عمران مارتھ کی زیر صدارت 14اگست یوم آزادی پاکستان کی تیاریوں کے حوالے سے اجلاس منعقد ہوا۔

اجلاس میں یوم آزادی پاکستان بھر پور طریقے سے منانے کی تیاریوں کے حوالے سے گفتگو ہوئی۔ڈپٹی کمشنر نے متعلقہ افسران کو ضروری ہدایات جاری کیں۔

ڈپٹی کمشنر شاہد عمران مارتھ کا کہنا تھا کہ یوم آزادی پاکستان قومی جوش وجذبے سے منایاجائے گا۔اس دن کی مناسبت سے ضلع بھر میں مختلف تقریبات کاانعقاد کیا جائے گا۔

ان تقریبات میں پرچم کشائی، سکولوں اور کالجز میں تقاریری مقابلہ جات، ٹیبلوز، ملی نغمے، مختلف کھیلوں کے مقابلہ جات، بازاروں کی سجاوٹ اور دیگر تقریبات شامل ہوں گی۔

ڈپٹی کمشنر کا کہنا تھا کہ 14اگست کا دن ہمارے لیئے انتہائی اہم ہے، ہمارے بزرگوں نے مسلسل جدوجہد اور قربانیوں کے بعد ہمیں ایک الگ اور خود مختار ملک دیا اور ہمیں اس آزادی کی قدرکرناچائیے۔

منڈی بہاؤالدین ،باغی ٹی وی (نامہ نگارافنان طالب)وزیراعلی پنجاب، چیف سیکرٹری پنجاب اور کمشنر گوجرانوالہ کی خصوصی ہدایت پر ضلع منڈی بہاوالدین کو خوبصورت اور ماڈل ضلع بنانے کیلئے تمام تر وسائل کو بروئے کار لایا جا رہا ہے۔

ڈپٹی کمشنر شاہد عمران مارتھ نے میونسپل کمیٹی ملکوال کے فنڈز سے تعمیر ہونے والی سٹریٹ کا اچانک معائنہ کیا۔

انہوں نے تعمیراتی کام اور معیار کا بھی جائزہ لیا۔ڈپٹی کمشنر شاہد عمران مارتھ کا کہنا تھا کہ صوبائی حکومت مفاد عامہ کے پیش نظر سڑکوں اور گلیوں کی تعمیر و توسیع کیلئے ہر ممکن وسائل اور فنڈز مہیا کر رہی ہے۔ترقیاتی منصوبوں کو شفافیت کے ساتھ مکمل کیا جا رہا ہے۔

ان ترقیاتی سکیموں کی تکمیل سے عوام کا معیار زندگی بلند ہو گا۔

منڈی بہاؤالدین باغی ٹی وی (نا مہ نگار افنان طالب ) وزیراعلی پنجاب، چیف سیکرٹری پنجاب اور کمشنر گوجرانوالہ کی خصوصی ہدایت پر ڈپٹی کمشنر شاہد عمران مارتھ نے گورنمنٹ سپیشل ایجوکیشن سنٹر ملکوال کا اچانک دورہ کیا،

ڈپٹی کمشنر نے سکول بلڈنگ، فرنیچر، کلاس رومز، صفائی ستھرائی سمیت گاڑیوں کا تفصیلی معائنہ کیا اور ضروری ہدایات بھی جاری کیں۔اس موقع پر سکول پرنسپل نے بتایا کہ حکومتی ہدایات کے مطابق ادارے کی بہتری اور ترقی کے لئے اقدامات کا سلسلہ جاری ہے۔

ڈپٹی کمشنر شاہد عمران مارتھ کا کہنا تھا کہ وزیراعلیٰ پنجاب مریم نوازشریف کا ویژن ہے کہ سپیشل ایجوکیشن سنٹرز میں زیر تعلیم طلباء کو معیاری درسی کتب، یونیفارم، پک اینڈ ڈراپ سمیت دیگربہترین سہولیات کی فراہمی ہر ممکن یقینی بنائی جائے۔

انہوں نے ہدایت کی کہ گرمیوں کی چھٹیوں کے دوران سکولز میں صفائی ستھرائی، ڈینگی ایکٹیویٹیز، فرنیچر کی دیکھ بھال، جھاڑیوں کا خاتمہ، بجلی آلات کی مانیٹرنگ سمیت دیگر اشیاء کی حفاظت یقینی بنائی جائے۔انہوں نے ہدایت کی کہ ملازمین کی حاضری کو یقینی بنایا جائے۔