Category: منڈی بہاؤالدین

منڈی بہاؤالدین،باغی ٹی وی (نامہ نگارافنان طالب)مرکزی انجمن تاجران اور پریس کلب رجسٹرملکوال کے نومنتخب عہدیداران کی تقریب حلف برداری، ایم این اے ناصر اقبال بوسال اور ڈپٹی کمشنر شاہد عمران مارتھ نے حلف لیا

تفصیلات کیمطابق مرکزی انجمن تاجران، پریس کلب اور الیکٹرانک میڈیا ایسوسی ایشن ملکوال کے نومنتخب عہدیداران کی تقریب حلف برداری مقامی میرج ہال میں منعقد ہوئی جس میں مسلم لیگ ن کے ایم این اے و کنوینر ڈسٹرکٹ کوارڈینیشن کمیٹی ناصر اقبال بوسال، ڈپٹی کمشنر شاہد عمران مارتھ، ڈی پی او رضا صفدر کاظمی، اسسٹنٹ کمشنر محمد ریاض گجر، چیف آفیسر نبیل ریاض ، ڈی ایس پی غلام جعفر چھینہ، پیر شمیم صابر، تاجروں، صحافیوں اور معززین علاقہ کی کثیر تعداد نے شرکت کی

اس موقع پر ناصر اقبال بوسال نے مرکزی انجمن تاجران جبکہ ڈپٹی کمشنر شاہد عمران مارتھ نے پریس کلب اور الیکٹرانک میڈیا ایسوسی ایشن ملکوال کے نو منتخب عہدیداران سے حلف لیا

اس موقع پر خطاب کرتے ہوئے ناصر اقبال بوسال نے کہا کہ دریائے جہلم پر پل کی تعمیر میری پہلی ترجیح ہے اور جلد ہی اس کی تعمیر کا کام جہاں سے رکا تھا وہیں سے شروع کروا کر ملکوال کی عوام کو تحفہ دوں گا انہوں نے کہا کہ میں نے ہمیشہ وعدوں کی بجائے عملی سیاست کی کیونکہ یہی ہماری خاندانی روایت ہے، انہوں نے کہا کہ گیپکو نے ملکوال کو ڈویژن کا درجہ دیدیا ہے چند روز تک ایکسئین آفس ملکوال کا باقاعدہ افتتاح کروں گا

ڈپٹی کمشنر شاہد عمران مارتھ اور ڈی پی او رضا صفدر کاظمی نے کہا کہ انجمن تاجران کی طرف سے ملکوال شہر کی سیکیورٹی کیلئے کئے گئے انتظامات قابل ستائش اور صوبہ بھر میں مثالی ہیں جس سے شہر میں کرائم کی شرح کافی کم ہوئی ہے انہوں نے کہا کہ انجمن تاجران ملکوال اپنے شہر کیلئے عملی طور پر کام کرتی ہے جس کی مثال دیگر شہروں میں دکھائی نہیں دیتی

مرکزی انجمن تاجران کے حلف اٹھانے والوں میں صدر رانا محمد شمشاد، سینئر نائب صدر عدنان محمود، نائب صدر خرم شہزاد بھلر، ندیم اسلم وئیس، حاجی ذوالفقار جنرل سیکرٹری زاہد محمود سنی، ایڈیشنل جنرل سیکرٹری شاہد محمود عاطف سمیت دیگر شامل تھے

پریس کلب کے عہدیداران میں چیئرمین ملک علی اصغر مدنی، صدر شاہد محمود عاطف، سینئر نائب صدر رانا سلیم بوسال، نائب صدر محمد آصف، جنرل سیکرٹری ابوذر بٹ، جوائنٹ سیکرٹری عمر محمود، فنانس سیکرٹری محمد کامران کامل بھٹی، انفارمیشن سیکرٹری قاری عبد الرحمٰن، آفس سیکرٹری خرم بیگ، آئی ٹی انچارج محمد شائق شامل ہیں،

الیکٹرانک میڈیا ایسوسی ایشن کے عہدیداران میں چیئرمین طارق بھٹی، صدر عدنان محمود، سینئر نائب صدر نسیم اکمل خان، نائب صدر راشد صدیق، جنرل سیکرٹری رانا محمد نعیم، ایڈیشنل جنرل سیکرٹری رضوان بٹ، انفارمیشن سیکرٹری پیرزادہ فیاض حسین شاہ، فنانس سیکرٹری رانا آصف نذیر، آفس سیکرٹری محمد اریب نےحلف اٹھایا.

منڈی بہاؤالدین باغی ٹی وی (محمد افنان طالب نامہ نگار )وزیر اعلیٰ پنجاب مریم نوز شریف کی خصوصی ہدایت پر ممبر قومی اسمبلی و کنونیئر کمیٹی ناصر اقبال بوسال اور ڈپٹی کمشنر شاہد عمران مارتھ کی زیر صدارت ڈسٹرکٹ کوآرڈینیشن کمیٹی کا پہلا اجلاس ڈی سی آفس میں منعقد ہوا۔

اجلاس میں ممبر صوبائی اسمبلی خالد محمود رانجھا، ڈی پی او رضا صفدر کاظمی، ایڈیشنل ڈپٹی کمشنر ریونیو ذوالفقار احمد سمیت تمام ضلعی محکموں کے افسران نے شرکت کی۔

اجلاس میں ضلع منڈی بہاوالدین میں جاری ترقیاتی سکیموں، سپیشل سی ایم انیشیٹوز، لاء اینڈ آرڈد،صفائی ستھرائی ، محکمہ ہیلتھ اور ایجوکیشن میں بہترین سروس ڈیلیوری کی فراہمی اور تجاوزات کے خاتمے پر تفصیلی گفتگو ہوئی ۔

ممبر قومی اسمبلی و کنونیئر ناصر اقبال بوسال کا کہنا تھا کہ وزیر اعظم پاکستان شہباز شریف اور وزیر اعلی پنجاب مریم نواز شریف کے ویژن کے تحت ضلعی سطح پر اعلی سطحی کوآڈینیشن کمیٹی منڈی بہاوالدین کے عوام کی معیار زندگی کو بہتر بنانے اور اعلیٰ ومعیاری تعلیم فراہم کرنے، خستہ حال سڑکوں کی تعمیر و بحالی، صفائ ستھرائی ، سیورج ،صاف پانی کی فراہمی سمیت ترقیاتی منصوبوں کی جلد تکمیل کے لیے تمام تر اقدامات کیے جا رہے ہیں اور اس سلسلہ میں عوامی نمائندے اور متعلقہ ادارے آن بورڈ ہیں۔

ڈپٹی کمشنر شاہد عمران مارتھ کا کہنا تھا کہ اس اعلیٰ سطحی کمیٹی میں تمام صوبائی، وفاقی اور لوکل باڈیز کے محکموں سمیت عوامی نمائندوں کی بھرپور نمائندگی موجود ہے، اس فورم کا مقصد ضلع میں عوام کی بہتری، فلاح و بہبود اور ضلع کی ترقی کے لیے تمام تر اقدامات بروئے کار لانا ہے اور پہلے سے جاری ترقیاتی منصوبوں کو پایائے تکمیل تک پہنچانا اور نئے منصوبوں کے آغاز کے لیے عوامی ضروریات کو مد نظر رکھتے ہوئے اقدامات اٹھانا ہے۔

اجلاس میں عوامی نمائندوں کی جانب سے نشاندہی کئے گئے مسائل جن میں خستہ حال روڈز، سیوریج سکمیوں، تجاوزات سمیت دیگر امور بارے متعلقہ محکموں کو فوری عملدرآمد کی ہدایت کی گئی۔

منڈی بہاؤالدین،باغی ٹی وی (محمد افنان طالب نامہ نگار )نواہی گاؤں سویہ شریف میں المصطفی اسلامک سینٹر کا سنگ بنیاد پیر فیض الحسن شاہ سندھانوالہ نے رکھا

اسلامی مدارس مسلمانوں کی دینی تعلیم کا ایک اہم ذریعہ ہے جو ملک کے طول و عرض میں ہزاروں کی تعداد میں موجود ہیں مسلمانان پاکستان میں دین اسلام کی ترویج کیلئے کوشاں ہیں ،اسی سلسلے کو بڑھاتے ہوئے گاؤں سویہ شریف میں المصطفی اسلامک سینٹر کی پیر فیض الحسن شاہ نے جمعۃ المبارک کے دین اسلام کی ایک چھوٹی سی کاوش کی بنیاد رکھ دی گئی ہے

المصطفی اسلامک سینٹر کی بنیاد رکھنے کی تقریب میں انجینیئر حافظ فیصل شہزاد گجرانوالہ، قاری عابد ، وائس چیئرمین اختر مہر، کونسلر عرفان صالح ،ماسٹر محمد خان، حاجی نعمت علی گجر ، صوفی ظفر ،مظفر بھٹی ، دوست محمد نمبردار اور دیگر اہلیان سویہ نے شرکت کی ہے

استاد الحفاظ حافظ شہزاد احمد نےاس موقع پر گاؤں والوں سے اپیل کی کہ جس طرح دیگر فلاحی اور سماجی کاموں میں آپ بڑھ چڑھ کر حصہ لیتے ہیں اور اس گاؤں کے ماحول کو بہترین بنایا اسی طرح اپنے بچوں کے مستقبل کے لیے ایک قدم اور بڑھائیں آپ کے تعاون سے اس سنگ میل کو عبور کریں گے.

منڈی بہاؤالدین باغی ٹی وی ( افنان طالب نامہ نگار ) گورنمنٹ بوائز ہائی سکول سویہ ضلع منڈی بہاوالدین میں سالانہ نتائج کی پروقار تقریب منعقد کی گئی جس میں طلبہ کےساتھ ساتھ والدین اور علاقہ کی معروف شخصیات حاجی محمد ریاض سابق چیئرمین یوسی سویہ ‘ ماسڑ مظفر حسین امریکہ اور دیگر معززین نے بھرپور شرکت کی اور تقریب کی رونق کو دو بالا کیا

تقریب کا باقاعدہ آغاز تلاوت قران پاک سے کیا گیا بعد میں حضور صلی اللہ علیہ وسلم کو نذرانہ عقیدت پیش کیا گیا ،رئیس مدرسہ یاسر عرفات رانجھا اساتذہ کرام اور مہمانوں نے پوزیشن ہولڈر بچوں میں انعامات تقسیم کیے۔

نقابت کے فرائض عبدالرحمن اور عامر فاروق نے سر انجام دئیے،آخر میں رئیس مدرسہ یاسر عرفات رانجھا نے اپنے خطاب میں تمام معزز مہمانوں کا شکریہ ادا کیا کہ انہوں نے اپنے قیمتی لمحات میں سے بچوں کی خوشی کے لیے وقت نکالا اور نتائج کی تقریب میں شرکت کی۔

انھوں نے والدین اور طلبہ کو یہ خوشخبری سنائی کہ گورنمنٹ بوائز ہائی سکول سویہ میں نئے سیشن کا آغاز یکم اپریل2024 سے کیا جا رہا ہے والدین اور طلباء سے کہا کہ بچوں کو نئے سیشن کے لیے سکول بھیجیں۔

آخر میں امت مسلمہ ملک وقوم کی ترقی و خوشحالی اور سکول کی فلاح و بہبود کے لیے دعائیں کی گئیں۔