منڈی بہاؤالدین ،باغی ٹی وی س ( افنان طالب نامہ نگار )آئی جی پنجاب نے ضلع گجرات اور ضلع منڈی بہاؤالدین کے ایک ایک پٹرولنگ سنٹر پر ڈرائیونگ سکول کی منظوری دے دی۔

ضلع گجرات میں بھمبھر روڈ نزد کوٹلہ ارب علیخان جبکہ ضلع مندی بہاؤالدین میں پی ایچ پی موجیانوالہ میں ڈرائیونگ سکول اور ڈرائیونگ ٹیسٹ سنٹر قائم کیا جائیگا۔

آئی جی پنجاب نے دونوں سنٹرز کو جلد ازجلد آپریشنل کرنے کی ہدایت کی ہے۔موجیانوالہ پٹرولنگ پوسٹ پر ڈرائیونگ سکول اور ٹیسٹ سنٹر کے قیام سے ڈنگہ کے باسیوں کوآسانی ہوجائیگی اور وہ جلد از جلدڈرائیونگ سیکھ اور اپنا ڈرائیونگ لائسنس بنواسکیں گے جس کے لئے انہیں زیادہ دور بھی نہیں جانا پڑے گا۔

منڈی بہاؤالدین، باغی ٹی وی (محمد افنان نامہ نگار ) آر پی او کا پولیس لائنز میں ریکروٹمنٹ کے حوالے سے تحریری امتحان کے انتظامات کا جائزہ

تفصیل کے مطابق آر پی او شارق کمال صدیقی کا منڈی بہاؤالدین پولیس لائنز میں ریکروٹمنٹ کے حوالے سے تحریری امتحان کے انتظامات کا جائزہ لیا،ڈسٹرکٹ پولیس آفیسر منڈی بہاؤالدین رضا صفدر کاظمی بھی ان کے ہمراہ تھے

بھرتی کی شفافیت کو مدنظر رکھتے ہوئے تحریری امتحان کی ویڈیو کیمروں سے نگرانی و ریکارڈنگ کی جارہی ہے،ضلعی پولیس کی جانب سے پولیس لائنز اور گردونواح میں سیکورٹی کے سخت انتظامات کیے گئے ہیں،

تحریری امتحان میں شامل ہونے والے تمام امیدواران کی بائیو میٹرک تصدیق کی گئی، محنت اور قابلیت کی بنیاد پر ہی امیدواران کو بھرتی کیا جائے گا

بھرتی کے تمام مراحل میں میرٹ اور شفافیت کو یقینی بنایا جا رہا ہے

منڈی بہاوالدین، باغی ٹی وی ( افنان طالب نامہ نگار س)تحریک منہاج القرآن ڈنگہBاور جوڑا Cکے زیراہتمام رمضان المبارک میں ”پانچ روز ہ ماڈل دروس عرفان القرآن“کا آغاز 18مارچ سے ہوگا۔پانچ روز دروس عرفان القرآن 18مارچ بروز سوموار سے 22مارچ بروز جمعۃ المبارک تک جامع مسجد حسنین کریمین ؓ کولیاں روڈ بالمقابلRHCڈنگہ میں منعقد ہونگے۔دروس عرفان القرآن کی تمام محافل کا آغاز بعد نماز فجر ہوگا.

18مارچ بروز سوموار”ہم،ہمارا دین اور ہماری زمہ داریاں“کے موضوع پر علامہ مولانا محمود مسعود قادری،19مارچ بروز منگل ”اسلام میں عورت کا مقام و کردار“کے موضوع پر علامہ مولانا جمیل احمد زاہد،20مارچ بروز بُدھ ”آج کی نوجوان نسل دین سے دور کیوں؟کے موضوع پر علامہ سلیمان اعظم،21مارچ بروز جمعرات ”غصہ،ڈپریشن اور اس کا علاج“ کے موضوع پر علامہ غلام شبیر جامی،اور آخری روز 22مارچ بروز جمعہ ”عقیدہ ختم نبوت“کے موضوع پر علامہ ڈاکٹر ارشد محمود مصطفوی خطاب کرینگے۔خواتین کے لئے بھی باپردہ انتظامات کیے گئے ہیں۔

صدر تحریک منہاج القرآن ڈنگہ وحید اقبال قادری،ناظم تحریک علامہ محمد نجیب اکرم قادری،صدر تحریک منہاج القرآن جوڑا چوہدری صوفی محمد وارث قادری اور ناظم تحریک حاجی محمد یونس ٹوپہ کی زیر نگرانی تمام تر انتطامات کو حتمی شکل دے دی گئی ہے جبکہ دعوت کا سلسلہ بھی تیز کر دیا گیا ہے۔

ڈنگہ شہر اور گردونواح کے دیہات میں ہورڈنگ بورڈز،پینا فلیکس اور دعوتی کارڈز کے ذریعے بھر پور تشہیر بھی کی گئی ہے۔جامع مسجد حسنین کریمین ؓ کو بھی برقی قمقموں سے سجا دیا گیا ہے۔دروس عرفان القرآن کے پانچوں روز پروگرامز کو تحریک منہاج القرآن ڈنگہ کے آفیشل فیس بک پیج اور جلالی پرنٹرز فیس بک پیج پر لائیو بھی دکھایا جائیگا۔

منڈی بہاوالدین،باغی ٹی وی ( نامہ نگار افنان طالب) ثقافت کا خود کوئی وجود نہیں ہوتا یہ ہمیشہ لوگوں کے نظریات اور عقائد کی محتاج رہتی ہے۔ہیڈ ماسٹر یاسر عرفات رانجھا

14 مارچ 2024 ثقافت کے عالمی دن کے موقع پر ضلع منڈی بہاولدین کے نواہی گاؤں سیویا میں گورنمنٹ بوائز ہائی سکول میں پروگرام منعقد کیا گیا جس میں تمام اساتذہ کرام اور طلباء نے پنجاب کے روایتی لباس زیب تن کیے۔

مزید برا ں ہیڈ ماسٹر عرفات رانجھا نے اپنے مختصر الفاظ میں ثقافت کی اہمیت اجاگر کی ان کا کہنا ہے کہ ثقافت کا خود کوئی وجود نہیں ہوتا یہ ہمیشہ لوگوں کے نظریات اور عقائد کی محتاج رہتی ہے لیکن یہ بات بھی درست ہے کہ ثقافت کسی بھی ملک اور قوم کے لیے ریڑھ کی ہڈی کی حیثیت رکھتی ہے جس کے بغیر اس ملک کے پہچان اس دنیا میں ناممکن ہے۔

بچوں کے انٹرنل پیپرز اور رمضان المبارک کی وجہ سے پروگرام کو مختصر رکھا گیا،اساتذہ کرام میں ہیڈ ماسٹر یاسر عرفات رانجھا ، ماسٹر عامر فاروق ، ماسٹر عبدالرحمن، ماسٹر پرویز اختر سیالوی ، ماسٹراسجد علی بھٹی ، ماسٹر محمد اسلم ، ماسٹر اشرف بھٹی ، ماسٹر مظہر اقبال ،ماسٹر ناصر نواز ، ماسٹر یاسر بشیر اور ماسٹر مظہر اقبال گوندل اور دیگر اساتذہ کرام نے شرکت کی اور اپنی قیمتی آرا پیش کر کے طلباء میں ثقافت کے حوالے سے شعوراجارکیا.

رپورٹ بیوروچیف( ) گزشتہ روز میڈیا پر آنے والی منڈی بہاؤالدین میں 2 کروڑ روپے کی کرپشن کی خبر پر سیکرٹری بلدیات پنجاب سید مبشر حسین نے نوٹس لیتے ہوئے ڈپٹی کمشنر منڈی بہاؤالدین کو احکامات جاری کئے ہیں کہ
اس ٹھیکہ کی مکمل تحقیقات کی جائیں اور اگر اس میں کسی قسم کی کرپشن یا رشوت خوری ثابت ہوئی تو میونسپل کمیٹی عہدیداران کے خلاف سخت کارروائی کی جائے اور جلد یہ ٹھیکہ سہی حقداروں کو دیا جائے.

یاد رہے کہ گزشہ روز مقامی میڈیا پر لگنے والی خبر کے مطابق گزشتہ دنوں منشی محلہ نالہ سیوریج کا میونسپل کمیٹی نے سیالکوٹ کی ایم ایس راں کنسٹرکشن نامی کمپنی کو تقریباً 10 کروڑ روپے کا ٹھیکہ دیا. درج ذیل تصاویر میں یہ ثابت ہو رہا ہے کہ منڈی بہاؤالدین کے ٹھیکیدار میاں امجد اس ٹھیکہ کو 10 کروڑ روپے سے 19.15 فیصد کم رقم جو 8 کروڑ 8 لاکھ 50 ہزار بنتی ہے. پر لینے کو تیار تھے.