میرپورخاص (بیورو رپورٹ )بلدیاتی نمائندوں کی مبینہ غفلت اور مجرمانہ لاپرواہی کے باعث میرپورخاص کی یونین کونسل (یو سی) 8 کا نظام دھرم بھرم ہو چکا ہے۔ منتخب چیئرمین اور کونسلر عوامی مسائل حل کرنے اور ووٹرز کو ریلیف دینے کے بجائے منظرِ عام سے بالکل غائب ہو چکے ہیں، جس کی وجہ سے پورا علاقہ شدید ترین بلدیاتی و ماحولیاتی مسائل کی دلدل میں دھنس گیا ہے اور عوام لاوارث ہو چکے ہیں۔گلی کوچے جوہڑ بن گئے، شہری محصورموصول ہونے والی تصاویر اور میں علاقے کی ابتر اور دلخراش صورتحال کو واضح طور پر دیکھا جا سکتا ہے۔ گلیوں میں سیوریج کا بدبودار پانی جگہ جگہ پر جمع ہے، اور جگہ جگہ کچروں کے ڈہر پیدل چلنے کے لیے شہریوں نے اپنی مدد آپ کے تحت گندے پانی کے درمیان اینٹیں رکھی ہوئی ہیں، جہاں سے بچے اور بزرگ گر کر زخمی ہو سکتے ہیں شہریوں کو اس تعفن زدہ ماحولیاتی عذاب کے بیچ سے گزرتے ہوئے دیکھا جا سکتا ہے، جس نے مقامی معیشت اور دکانداری کو چوپٹ کر دیا ہے۔
سیوریج کا پانی گھروں کی دہلیز تک پہنچ چکا ہے، جس سے عمارتوں کی بنیادوں کو بھی شدید نقصان پہنچنے کا خدشہ ہے۔بیماریاں پھیلنے کا خدشہ اورماحولیاتی بحران گلیوں اور راستوں پر جمع پانی کی وجہ سے نہ صرف مچھروں اور مکھیوں کی بھرپو ر افزائش ہو رہی ہے، بلکہ علاقے میں ملیریا، ڈینگی، ٹائیفائیڈ اور پیٹ کی وبائی بیماریاں پھیلنے کا شدید خطرہ پیدا ہو گیا ہے۔ بوڑھے اور بچے اس تعفن زدہ ماحول کے باعث سانس اور جلد کی بیماریوں میں مبتلا ہو رہے ہیں، جبکہ مقامی انتظامیہ گہری نیند سو رہی ہے۔عوام کا منتخب چیئرمین سے سوال ”ہم نے جن نمائندوں کو اپنا قیمتی ووٹ دے کر اس امید پر کامیاب کروایا تھا کہ وہ ہمارے گلی محلوں کو سدھاریں گے، وہ آج ہمارے اس کربناک دکھ میں شریک ہونے کو تیار نہیں۔ چیئرمین اور کونسلر الیکشن جیتنے کے بعد خوابِ خرگوش کے مزے لے رہے ہیں اور اپنی شکل دکھانے سے بھی قاصر ہیں۔ کیا ہم نے انہیں اسی دن کے لیے منتخب کیا تھا
اعلیٰ حکام سے فوری مداخلت کی اپیل،علاقہ مکینوں اور سماجی حلقوں نے کمشنر میرپورخاص، ڈپٹی کمشنر اور صوبائی وزیرِ بلدیات سے فوری اور ہنگامی مداخلت کا مطالبہ کیا ہے۔ شہریوں کا کہنا ہے کہ یو سی 8 میں فوری طور پر ہیوی مشینری کے ذریعے سیوریج لائنوں کی صفائی اور گندے پانی کی نکاسی کو یقینی بنایا جائے، اور عوام کو اس عذاب سے نجات دلانے کے ساتھ ساتھ لاپرواہ بلدیاتی نمائندوں کے خلاف سخت تادیبی کارروائی کی جائے۔
