Category: نواب شاہ

قاضی احمد ،باغی ٹی وی(خبرنگارسائیں بخش کی رپورٹ )نواب ولی محمد سانحہ دوسال قبل دیہہ بنبھاہی میں آٹھ سو ایکڑ زرعی زمین کے معاملے پر جھگڑا ہوا تھا، جس میں زرداری برادری کے ہاتھوں بھنڈ برادری کے 5 آدمی مارے گئے تھے

آج ان کے درمیان صلح کیلئے زرداری برادری کے جانب سے عاشق علی زرداری کی سربراہی میں ساتھ سردار جام تماچی انڑ، ایم پی اے غلام قادر چانڈیو، ایم پی اے ڈاکٹر بہادر ڈاہری، ایم پی اے چودھری جاوید آرائیں ،ضلعی چیئر مین علی اکبر جمالی،سالم زرداری، عبد سلام زرداری،سید شایان علی شاہ، ٹاؤن کمیٹی چیئرمین رئیس چنگیز انڑ،حاجی علی نواز چانڈیو، پی پی پی تعلقہ صدر عبد النبی جمالی، چیئرمین بہار خان مری،چیئرمین سردار عبدلطیف کلوئی، عبد الستار راہو، نواب نوشاد لغاری اور بہت سے معززین منت سماجت قافلہ لیکر گاؤں محمد اسماعیل بھنڈ پہنچے جہاں دونوں فریقین میں مذاکرات کا دور چلا .

نتیجے میں 5 شہدا کے ورثاء اور بھنڈ برادری کے نیک مرد خمیسو خان بھنڈ، حاجن خان بھنڈ نے کہا کے ہم آئے ہوئے مہمانوں کو عزت دیتے ہیں اور فیصلے سے انکاری نہیں ہیں .لیکن پہلے سے طے شدہ باتوں پر عمل کیاجائے اور اس سلسلے میں ہم اپنے ہمدرد ایس یو پی مرکزی صدر سید زین شاہ سے مشورہ کرکے فیصلے کی تارخ باہمی مشورے سے رکھیں گے.

یاد رہے کے دو سال قبلبھنڈ برادری کے5 آدمی مارے گئے تھے جن میں ایاز ، معشوق، اکمل، صابن، ٹوہ بھنڈ کے علاوہ پولیس انسپکٹر عبدالحمید کھوسو بھی فائرنگ میں مارا گیا تھا. رد عمل میں بھنڈ برادری کے لوگوں نے نیشنل ہائی وے پر نعشیں رکھ کر باھتر گھنٹے دھرنا دیاتھا.

قاضی احمد،باغی ٹی وی (خبرنگار سائیں بخش سائل)بیٹی کے قاتل کوچھوڑنے اور بیٹے کوناجائز مقدمہ میں گرفتار کرنے پر بوڑھی ماں کی پریس کلب میں دُہائی

سیتا شہر کے نواحی گاؤں محمد رند کی رہائشی بزرگ بیوہ خاتون دھیانی قمبرانی اپنے بیٹے صداقت قمبرانی کے ہمراہ پریس کلب قاضی احمد پہنچ کر پریس کانفرنس کی اپنی بیٹی سات بچوں کی ماں بے نظیر قمبرانی کے قاتلوں کی گرفتاری کے لیے احتجاج کرتے ہووے کھا کہ
گاؤں احمد خان لغاری کے رہائشی پسند قمبرانی سے میری بیٹی بینظیر کی شادی ہوئی تھی جس سے ان کے سات بچے بھی تھے۔

اس کے شوہر پسند قمبرانی نے کسی معمولی بات پر دو ماہ قبل میری بیٹی کو طلاق دے کرگھر سے نکال دیا ، پھرتین دن کے بعد اسے لینے آیاگیا تو میری بیٹی نے اسے کہا کہ آپ نے مجھے طلاق دی ہے اب شریعت میں میرے لیے آپ کے ساتھ چلنا جائز نہیں۔

پہر وہ اپنے تین بھائیوں کے ساتھ آیا اور میرے گھر کے اندر میری بیٹی کو کلہاڑیوں کے وار کر کے قتل کر دیا

میں نے مذکورہ چاروں ملزمان کے خلاف سیتا تھانے میں ایف آئی آر درج کرائی تھی جس میں ایک ملزم پسند قمبرانی جو کہ میری بیٹی کا شوہر تھا اس کو پولیس نے گرفتار کیا

اس کے بعد انہوں نے پولیس کو بھاری رشوت دے کر میرے بیٹے شوکت قمبرانی کے خلاف اپنی ہی بہن کو قتل کرنے کی جھوٹی ایف آئی آر درج کرائی اور پولیس کے ذریعے گرفتار کرا لیا۔

اب مجھے دھمکیاں دے رہے ہیں کہ اگر میں نے مقدمہ واپس نہ لیا تو ہم آپ کے گرفتار بیٹے کو پھانسی دلوا دیں گیں اور آپ کے چھوٹے بیٹے صداقت کو قتل کروا دیں گیں

میں وزیراعلیٰ سندھ سیدمرادعلی شاہ، آئی جی سندھ و دیگر اعلیٰ حکام سے اپیل کرتی ہوں کہ میری بیٹی کے قتل میں ملوث تین آزاد ملزمان اسماعیل, غلام محمد, آصف قمبرانی کو گرفتار کیاجائے

اور میرے بیٹے کیخلاف بنایاگیا جھوٹا مقدمہ ختم کیاجائے، مجھے انصاف چاہئے اورمجھے ملزمان سے تحفظ بھی دیاجائے۔

قاضی احمد،باغی ٹی وی ( سائیں بخش سائل کی رپورٹ)2 ماہ قبل گاجی شاہ کے میلے میں قتل ہونے والے قاضی احمد کے قریب گاؤں لاکھاٹ کے رہائشی وزیر علی جتوئی کے قاتلوں کی گرفتاری کے لیے لواحقین کا احتجاج۔

2 ماہ قبل گاجی شاہ کے میلے میں قاضی احمد کے علاقے لاکھاٹ گائوں کے رہائشی وزیر علی جتوئی کے قاتلوں کی گرفتاری کے لیے مقتول کے لواحقین عجیب جتوئی علی رضا جتوئی صحافی محمد موسیٰ جتوئی محرم شاہ جتوئی مٹھل جتوئی آصف جتوئی آزاد جتوئی صحافی خان جتوئی کی قیادت میں احتجاجی مظاہرہ کیا گیا

اس موقع پر مقتول کے لواحقین نے صحافیوں سے بات کرتے ہوئے کہا کہ تقریباً 2 ماہ قبل ہمارے نوجوان وزیر علی جتوئی جو گاجی شاہ کے میلے پر گئے تھے ان کو ہماری اپنی جتوئی برادری کے لوگوں سکندر جتوئی، حسین جتوئی، دلدار جتوئی، حاجی جتوئی اور محمد جتوئی نے فائرنگ کرکے قتل کیا تھا اور باآسانی فرار ہوگئے تھے لیکن طویل عرصہ گزرنے کے بعد بھی ایک ملزم گرفتار ہوا ہے، باقی ملزمان کو ضلع دادو اور نواب شاہ کی پولیس گرفتار نہیں کر رہی۔

ہم نے دونوں اضلاع کے ایس ایس پیز سے بھی ملاقات کی اور ملزمان کی گرفتاری اور تحفظ کی اپیل کی لیکن تاحال ملزمان گرفتار نہیں ہوئے اور نہ ہی ہمیں تحفظ فراہم کیا گیا ہے۔یہ ڈاکو ہیں جو ہمیں قتل کا مقدمہ واپس لینے اور بھتے کے لیے جان سے مارنے کی دھمکیاں دے رہے ہیں۔ہم کاربار کرنے والے ہیں، دھمکیوں کی وجہ سے اپنا کاروبار بھی نہیں کر سکتے۔ جبکہ غلام نبی جتوئی، پٹھان جتوئی، رسول بخش جتوئی، دیدار جتوئی، میر ہزار جتوئی اور دیگر مقتول وزیر علی جتوئی کے قاتلوں کے ساتھی ہیں۔

قاتل سرعام جدید اسلحہ کے ساتھ گھوم رہے ہیں۔ پولیس کا کہنا ہے کہ ہم کو ملزمان کو مل نہیں رہے ہیں بلکہ وہ سرعام بیٹھے ہیں، اس کے باوجود دونوں اضلاع کی پولیس انہے گرفتار نہیں کر رہی ہے پولیس ڈاکووٴں کی ساتھی بنی ہوئی ہے ہمیں مزید جانی نقصان کی دھمکیاں مل رہی ہیں

ہم وزیر اعلیٰ سندھ، آئی جی سندھ اور دیگر اعلیٰ حکام سے مطالبہ کرتے ہیں کہ مقتول وزیر کے قاتلوں کو گرفتار کرکے ہمیں تحفظ اور انصاف فراہم کیا جائے بصورت دیگر احتجاج کا دائرہ وسیع کیا جائے گا۔