Category: پاکپتن

خاور مانیکا کے صاحبزادے موسی مانیکا نے اپنے ملازم علی بہادر کو گولی مار دی، جس کے نتیجے میں علی بہادر زخمی ہو گیا ہے۔ واقعہ کی اطلاع ملتے ہی پاکپتن پولیس نے فوری کارروائی کرتے ہوئے موسی مانیکا کو حراست میں لے لیا ہے۔

ابتدائی تحقیقات کے مطابق، موسی مانیکا نے ملازم علی بہادر پر گولی چلائی، جس کی وجہ فی الحال واضح نہیں ہو سکی ہے۔ زخمی علی بہادر کو فوری طور پر قریبی ہسپتال منتقل کر کے طبی امداد دی جا رہی ہے

حکام نے بتایا ہے کہ گرفتار شدہ موسی مانیکا، بشریٰ بی بی کا بیٹا ہے، جو اس وقت عمران خان کے ہمراہ جیل میں قید ہے۔ بشریٰ بی بی کی خاور مانیکا سے علیحدگی کے بعد عمران خان سے شادی ہوئی تھی۔ پولیس نے واقعے کی مکمل تفصیلات جاننے کے لیے مزید تحقیقات شروع کر دی ہیں اور موسی مانیکا سے پوچھ گچھ جاری ہے تاکہ اصل محرکات کا پتہ چلایا جا سکے۔

وزیراعلیٰ پنجاب مریم نواز شریف نے آج ضلع پاکپتن کے ڈسٹرکٹ ہیڈکوارٹر (ڈی ایچ کیو) ہسپتال کا بغیر پیشگی اطلاع اچانک دورہ کیا، جس دوران ہسپتال کی بدترین حالت، مریضوں کی شکایات، اور انتظامی کوتاہیوں نے حکومت پنجاب کی آنکھیں کھول دیں۔

دورے کے دوران مریضوں اور تیمارداروں نے وزیراعلیٰ کو بتایا کہ ہسپتال میں ادویات کی شدید قلت ہے، مریض بازار سے مہنگی دوائیں خریدنے پر مجبور ہیں، جبکہ ہسپتال کی فارمیسی مبینہ طور پر باہر کی میڈیکل سٹورز سے ملی بھگت میں ملوث ہے۔ مریضوں نے ہسپتال میں صفائی، عملے کی حاضری، اور ایمرجنسی سروسز کی ناقص کارکردگی پر بھی شدید تحفظات کا اظہار کیا۔موقع پر موجود وزیراعلیٰ مریم نواز سخت برہمی کا اظہار کرتے ہوئے فوری ایکشن میں آئیں اور مجرمانہ غفلت کے مرتکب میڈیکل سپرنٹنڈنٹ (ایم ایس) اور چیف ایگزیکٹو آفیسر ہیلتھ (سی ای او ہیلتھ) کے خلاف مقدمہ درج کروانے اور ان کی فوری گرفتاری کا حکم جاری کیا۔

وزیراعلیٰ نے ڈپٹی کمشنر (ڈی سی) پاکپتن کو بھی فوری طور پر چارج چھوڑنے کی ہدایت دی، اور کہا کہ ایسے افسران کو عوامی خدمت کے کسی بھی منصب پر نہیں رہنے دیا جا سکتا جو اپنی ذمہ داریوں سے غافل ہوں۔

مریم نواز شریف نے سرکاری ہسپتالوں میں فوری طور پر کوڈ ریڈ اور کوڈ بلیو سسٹم نافذ کرنے کے احکامات بھی جاری کیے تاکہ ایمرجنسی کی صورت میں بروقت اور مربوط طبی امداد فراہم کی جا سکے۔ انہوں نے محکمہ صحت پنجاب کو تمام اضلاع میں ہسپتالوں کی ازسرنو نگرانی، ادویات کی سپلائی کی شفافیت، اور عملے کی کارکردگی کی جانچ کا حکم دیا۔

پاکپتن ڈسٹرکٹ اسپتال میں 20 نومولود کی ہلاکت کے معاملے پر محکمہ صحت اور کمشنر ساہیوال نے ابتدائی رپورٹس تیار کرلیں۔

نجی ٹی وی کے مطابق محکمہ صحت کی رپورٹ میں کہا گیا ہے کہ ان بچوں کی اموات غیرتربیت یافتہ دائیوں اور نجی اسپتالوں میں آپریشن کے باعث ہوئیں، 15 بچے نجی اسپتال میں پیدا ہوئے مگر حالت بگڑنے پر انہیں سرکاری اسپتال لایا گیا، 5 بچوں کی ہلاکت غیرتربیت یافتہ دائیوں اور ان کےطریقہ کار سے ہوئی جب کہ اسپتال لائے گئے بچوں کی مائیں بھی ان کے ساتھ نہیں تھیں، اسپتال میں آکسیجن دستیاب نہ ہونے کے شواہد نہیں مل سکے،سپتال میں آکسیجن کے 45 سلنڈر موجود تھے، بچوں کی آمد اور علاج کے وقت کا کلینیکل آڈٹ بھی کروایا گیا ہے اور یہ رپورٹس وزیر اعلی مریم نواز کی جمعہ کو پاکپتن آمد پر پیش کی جائیں گی

پنجاب پولیس نے وزیراعلیٰ پنجاب مریم نواز کے بارے میں سوشل میڈیا پر توہین آمیز الفاظ استعمال کرنے والے ایک شخص کو گرفتار کر لیا ہے۔

پولیس کے مطابق، ملزم کو پاکپتن سے گرفتار کیا گیا ہے، جہاں وہ ایک واٹس ایپ گروپ کا ممبر اور ایڈمن تھا۔پولیس نے بتایا کہ ملزم کے خلاف مقدمہ درج کرلیا گیا ہے، جس میں توہین آمیز الفاظ استعمال کرنے کی شکایت کی گئی ہے۔ اس کیس کی تحقیقات جاری ہیں، اور پولیس نے توہین آمیز مواد کے خلاف کارروائی کرنے کا عزم ظاہر کیا ہے تاکہ آئندہ اس قسم کی سرگرمیوں کو روکا جا سکے۔

مقدمہ پولیس اہلکار کی مدعیت میں درج کیا گیا، درج مقدمے میں کہا گیا کہ معہ شبیر حسین 1925 عام 666/C سرکاری گاڑی نمبری 756/GAA جس کا ڈرائیور خرم جاوید C702 ہے،گشت پر موجود تھے کہ سوشل میڈیا پروزیر اعلی پنجاب کے بارے میں توہین آمیز بیہودہ قسم کی جس میں Dirty Language استعمال کی گئی پوسٹ ملاحظہ ہوئی جو کہ کسی حافظ ظہار امین ولد محمد امین قوم رحمانی سکنہ بستی فریدہ آپا 16/SP نے اپنے موبائل نمبر 6948726-0304 سے اپلوڈ کی جو کہ (پاکستان کے ٹائیگر گروپ) میں کی گئی، مذکورہ گروپ کا ایڈ من آصف فرید ولد عبد الجبار سکنہ گلی نمبر ا محله شهید نگر پایا گیا پوسٹ مذکورہ کو بصورت یوایس بی رو برد گواهان بطور وجہ ثبوت قبضہ پولیس میں لیا گیا اس طرح حافظ ظہار امین نے جان بوجھ کر غیر اخلاقی تو ہین آمیز پوسٹ سوشل میڈیاپر اپلوڈکر کے جبکہ آصف فرید مذکور نے یہ جانتے ہوئے کہ مذکورہ پوسٹ غیر اخلاقی توہین آمیز اور غیر قانونی ہے ڈیلیٹ نہ کر کے بلکہ دیگر گروپ ممبران کو پوسٹ دیکھنے کا موقع فراہم کر کے عوام الناس میں انتشار پھیلانے کی کو شش کی.

پولیس کی جانب سے اس گرفتاری کو عوامی امن و امان کے قیام کی ایک اہم کوشش قرار دیا گیا ہے، اور یہ پیغام دیا گیا ہے کہ سوشل میڈیا پر کسی بھی قسم کی توہین آمیز سرگرمیوں کو نظرانداز نہیں کیا جائے گا۔

شیخ حسینہ کی فسطائیت کا شکار بنگلہ دیش میں قید 178 نیم فوجی اہلکاررہا

سینیما ہال میں اداکار معمر کاتماشا،ساتھی سنبھالتے رہے، اداکار لڑکھڑاتے رہے