جام پور: دھند کے باعث،2بسوں میں تصادم ،6مسافرجاں بحق، متعدد زخمی
تفصیل کے مطابق ڈیرہ غازی خان سے راجن پور جانے والی شہزاد برادر اور کراچی سے واپس آنے والی گبول برادر بس کا جام پورکے قریب رسول پور کے علاقہ ماچھی والا کے مقام پر آمنے سامنے ٹکرا گئیں،
اس حادثہ میں 6مسافرجاں بحق ہونے کی اطلاعات ہیں جبکہ 35 سے زائد مسافرزخمی ہوئے ہیں جنہیں ریسکیو 1122کی ایمبولینسوں کے ذریعے ٹراما سنٹر جامپور میں منتقل کردیا گیا ہے
حادثہ میں زخمی ہونے والوں کی تفصیل دی گئی لسٹ میں ملاحظہ فرمائیں
راجن پور: پولیس نے دہشتگردی کا منصوبہ ناکام بناتے ہوئے 4 دہشتگردوں کو گرفتار کر لیا-
باغی ٹی وی : پولیس نے یہ کارروائی گوٹھ مزاری میں کی اور 4 دہشتگردوں کو گرفتار کیا ،گرفتار دہشتگردوں کے قبضے سے سے دو بارودی سرنگین برآمد ہوئیں دہشت گرد اہم مقامات پر دہشت گردی کا منصوبہ بنارہے تھے۔
ڈی پی اقدامات محمد کے مطابق خفیہ اطلاع پر پولیس نے گوٹھ مزاری کے علاقہ میں ایک گھر پر کارروائی کی، تو وہاں 4 دہشت گرد موجود تھے، پولیس نے حکمت عملی سے چاروں دہشت گردوں کو گرفتار کرلیا بم ڈسپوزل اسکواڈ نے بارودی سرنگین کو ناکارہ بنا دیا ہے، جب کہ علاقہ کا سرچ آپریشن جاری ہے۔
دوسری جانب بلوچستان میں ضلع کیچ کے علاقے بالگتر میں سڑک کنارے نصب بم کے دھماکے میں تین افراد جاں بحق ہوگئے دھماکے میں ایک گاڑی کو نشانہ بنایا گیا اور جاں بحق افراد اسی گاڑی میں سوار تھے۔ جاں بحق افراد کا تعلق بالگتر سے بتایا جاتا ہے جن میں دو بھائی بھی شامل ہیں واقعے کی اطلاع ملتے ہی سیکیورٹی فورسز موقع پر پہنچ گئیں پولیس نے دھماکے کے محرکات کے بارے میں تحقیقات کا آغاز کردیا ہے۔
ذخیرہ اندوزوں کے خلاف آپریشن کے دوران چینی کے ساڑھے 5 ہزار سے زائد بیگ برآمد کرلیے-
باغی ٹی وی: راجن پور میں بھی سیکڑوں چینی کی بوریاں ضبط کرلی گئیں ضلعی انتظامیہ نے راجن پور کے علاقے بیٹ سونترا میں گودام پر چھاپا مارا اور 800 چینی کی بوریاں قبضے میں لیں انتظامیہ نے گودام کو سیل کرکے ذمہ داروں کے خلاف کارروائی شروع کر دی را جن پور میں چینی کی فی کلو قیمت 185 روپے ہے۔
دوسری طرف ڈیرہ اسماعیل خان میں ضلعی انتظامیہ نے ذخیرہ اندوزوں کےخلاف آپریشن کرکے311 ٹن چینی کے5650 بیگ برآمد کرلیے انتظامیہ کی جانب سے چھاپے درابن روڈ، مریالی ، بنددھپانوالہ اور دیگر گوداموں پر مارے گئے۔
اسسٹنٹ کمشنر کا کہنا تھا کہ مذکورہ گوداموں کو سیل کر دیا گیا درابن روڈ پر واقع گوداموں سے 5000 بوری چینی برآمد کی گئی، جبکہ مریالی کریانہ اسٹور سے 650 تھیلے چینی کے برآمد کیے گئے،گندم اور چینی کی اسمگلنگ کی ہر کوشش ناکام بنائیں گے، تاجر برادری ناجائزمنافع خوری سے اجتناب کرے۔
دوسری جانب گزشتہ روز حکام نے نگران وزیراعظم کی ہدایات پر چینی اسمگلنگ کے خلاف کریک ڈاؤن میں چینی اسمگل کرنے کی بڑی کوشش ناکام بنا دی تھی،نگران وفاقی وزیر داخلہ سرفراز بگٹی نے کہا کہ ایف سی بلوچستان نارتھ نے رات چینی اسمگلنگ کے خلاف کامیاب آپریشن کیا ہے یہ کریک ڈاؤن نگران وزیراعظم انوار الحق کاکٹر کی ہدایات پر کیا گیا ہے جس میں ایف سی بلوچستان نارتھ نے چینی افغانستان اسمگل کرنےکی کوشش ناکام بنا دی-
راجن پور کے علاقےفاضل پور میں دوران ڈرائیونگ ڈرائیور کی آنکھ لگنے سے تیز رفتار مسافر بس الٹ گئی، حادثے میں 5 افراد جاں بحق اور 20 افراد زخمی ہوگئے۔
باغی ٹی وی: ریسکیو ذرائع کے مطابق حادثے میں جاں بحق ہونے والوں میں 2 بچے اور ایک خاتون بھی شامل ہیں، حادثے میں مجموعی طور 5 افراد جاں بحق اور 20 افراد شدید زخمی ہوئے،ڈسٹرکٹ انچارج ریسکیو ڈاکٹر اسلم کے مطابق فاضل پور میں ڈرائیور کو نیند آنے اور تیز رفتاری کی وجہ حادثہ پیش آیا۔
30 جولائی 06:05 پہ
ریسکیو راجن پور کنٹرول روم کو کال موصول ہوئی کہ انڈس روڈ فاضلپور کے قریب سخی سرور سے آنے والے زائرین کی بس الٹ گئ، ریسکیو 1122 نے "21" افراد کو ریسکیو کرکے ہاسپٹل منتقل کردیا، اس افسوس ناک واقعہ میں 5 افراد موقع پر ہی جاں بحق ہوگے، ریسکیوآپریشن جاری ہے— Farooq Ahmad (PRO Rescue 1122) (@FarooqRescue) July 30, 2023
ترجمان ریسکیو کے مطابق ریسکیو راجن پور کنٹرول روم کو کال موصول ہوئی کہ انڈس روڈ فاضلپور کے قریب سخی سرور سے آنے والے زائرین کی بس الٹ گئ، ریسکیو 1122 نے "21” افراد کو ریسکیو کرکے ہاسپٹل منتقل کردیا، اس افسوس ناک واقعہ میں 5 افراد موقع پر ہی جاں بحق ہوگے،حادثے کےبعد ریسکیو اہلکاروں نےلاشوں اور زخمیوں کو ڈسٹرکٹ اور اور تحصیل اسپتال فاضل پور منتقل کر دیا ہے،مسافر بس میں سوار افراد سخی سرور سے جیکب آباد جا رہے تھے کہ ان کی بس کو حادثہ پیش آ گیا۔
قبل ازیں ٖفیصل آبا د،تحصیل سمندری کے قریب موٹر وے پر بس اور ٹر ک میں تصادم،ایک شخص جاں بحق ریسکیو 1122نے بر وقت کارروائی کرتے ہو ئے 09افراد کو مو قع پر طبی امداد فراہم کی اور 5 افراد کو ہسپتال منتقل کیا۔
حویلی لکھا میں دریائےستلج ہیڈ سلیمانکی کے مقام پر درمیانے درجے کا سیلاب ہے۔ چھوٹے بڑے سینکڑوں دیہات ڈوب گئے ہیں، اور ہزاروں ایکڑ رقبے پر موجود کھڑی فصلیں سیلابی پانی کی نذرہوگئی ہیں۔ جبکہ بھارت نے بھاکھڑا ڈیم میں مزید پانی چھوڑنے کا اعلان کردیا ہے۔
آج نیوز کے مطابق پاکپتن کے مقام پر بھی دریائے ستلج میں درمیانی درجے کا سیلاب ہے ، کئی دیہاتوں کا نام ونشان مٹ گیا ہے، اور کھڑی فصلیں تباہ ہوگئی ہیں۔
اسطرح پتوکی میں ہیڈ بلوکی کے مقام پر ایک بار پھر پانی کے بہاؤ میں اضافہ ہوگیا ہے، اور دریا کے ملحقہ دیگر علاقوں میں پانی کھیتوں میں داخل ہونے کے باعث کسانوں کو چارہ کاٹنے میں دشواری کا سامنا ہے۔
راجن پور میں فلڈ بند ٹوٹنے سے درجنوں ایکڑ رقبہ زیر آب آگیا ہے، اور لوگ اپنی مدد آپ کے تحت فلڈ بند باندھنے میں مصروف ہیں، جب کہ عارف والا میں کنڈ قابل کے مقام پر اوور فلو ہونے سے سیلابی ریلا نورا رتھ بند میں داخل ہوگیا ہے۔ اور دریائے راوی کمالیہ کے مقام پر سینکڑوں ایکڑ اراضی پر کھڑی فصلیں تباہ ہوگئی ہیں۔
دوسری جانب بھارت نے بھی بھاکھڑا ڈیم سے مزید پانی دریائے ستلج میں چھوڑنے کا اعلان کردیا ہے، جس سے پاکستان میں مزید تباہی کا خدشہ ہے۔
راجن پور میں سیلاب کا خطرہ، انتظامیہ نے فلڈ وارننگ جاری کردی
راجن پورمیں کوہ سلیمان پرحالیہ بارشوں کے نتیجےمیں ندی نالوں میں طغیانی آگئی،اور درہ کاہ سلطان سے 20 ہزارکیوسک کےسیلابی ریلےکی آمد کے پیش نظر انتظامیہ کی جانب سے فلڈ وارننگ جاری کردی گئی ، جبکہ الرٹ کے باوجود انتظامات نامکمل ہیں ۔
جنوبی پنجاب کے ضلع راجن پورمیں کوہ سلیمان پرحالیہ بارشوں کے نتیجےمیں ندی نالوں میں طغیانی آگئی ۔ درہ کاہ سلطان سے بیس ہزارکیوسک کا رود کوہی سیلابی ریلے آمد کے پیش نظرانتظامیہ نے فلڈ وارننگ جاری کردی۔ انتظامیہ کی نااہلی کے سبب فلڈ وارننگ کے باوجود انتظامات نامکمل ہیں ،گزشتہ سال کے سیلاب سےہونےوالےنقصانات کوابھی تک مکمل نہیں کیا جاسکا،نامکمل فلڈ بندوں اور سیم نالوں کی وجہ سے قریبی آبادیوں بمبلی ، چٹول ، جھوک مکول ، میراں پور،حاجی پور ، چک شہید ، سونواہ ، محمد پور گم والا کی کو نقصان پہنچنے کا خطرہ پیدا ہوسکتاہے ۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
دوسری جانب ڈپٹی کمشنر منصور احمد بلوچ کے مطابق حالیہ بارشوں اور رود کوہی کہ ممکنہ سیلاب سے نمٹنے کیلئے تمام متعلقہ اداروں کو الرٹ کر دیا گیا ہے۔ضلعی انتظامیہ ممکنہ سیلاب سے نمٹنے کے لئے ہمہ وقت تیار ہے۔ لوگوں کو چاہیے کہ وہ رودکوہیوں کے قدرتی راستوں کو چھوڑ کر محفوظ مقامات پر منتقل ہو جائیں ۔
رحیم یار خان اور راجن پور کے کچے کے علاقوں میں پنجاب پولیس کا آپریشن جاری ، پولیس نے ملزمان کے 7 ٹھکانوں کو نذر آتش کردیا گیا۔
باغی ٹی وی: پولیس کےمطابق اب تک سات خطرناک مجرموں کےٹھکانوں کاخاتمہ کردیاگیا ہے پولیس کےمطابق کریمنلز نذیرلاٹھانی، ارشاد لاٹھانی، شبیرا لاٹھانی، فریدا کوکانی ، اسحاق جھوبرا سکھانی ، عبداللہ سکھانی اور حافظ مہر دین سکھانی کے ٹھکانوں کو نذر آتش کردیا گیا ہے۔
پولیس کی جانب سے کچہ کے علاقوں میں مجرموں کے ٹھکانوں کو ختم کرنے کے بعد متعدد کیمپس قائم کر دئیے گئے ہیں اندرونی علاقوں میں دیگر خفیہ ٹھکانوں کے خاتمے کے لیے پیش قدمی جاری ہے کچہ کے داخلی و خارجی راستوں پر چیکنگ شروع کر کے سنائپر تعینات کردیئے ہیں کچے کے علاقوں میں پولیس گشت کررہی ہے داخلی اورخارجی راستوں پرناکہ بندی کی گئی ہے اورآنےجانےوالوں کی چیکنگ بھی کی جا رہی ہے۔
ترجمان نےبتایا ہے کہ پولیس کچے کے ڈاکوؤں کے خلاف پیش قدمی جاری رکھے ہوئے ہےڈاکوؤں کے خفیہ ٹھکانوں پر ٹارگٹڈ کارروائیاں بھی جاری ہیں آپریشن میں 3 ڈاکو ہلاک اور 28 کو گرفتار کیا گیا ہے جبکہ ان سے اسلحہ بھی آمد ہوا ہے۔
دوسری جانب ڈی پی او محمد ناصر سیال نے بتایا ہے کہ راجن پور میں پولیس کے دستوں نے کچہ میانوالی ون کا کنٹرول حاصل کر لیا ہے کچہ میانوالی ون میں ڈاکوؤں کے ٹھکانوں، کمین گاہوں کو تباہ کر دیا گیا اور علاقے میں پولیس چوکیاں قائم کر دی گئی ہیں یہاں اب تک 4 ڈاکو ہلاک، 8 زخمی ہوئے ہیں جبکہ 5 ڈاکوؤں کو اسلحے سمیت گرفتارکیاگیا ہے جبکہ ڈاکوؤں کے 20 سہولت کار بھی گرفتارکیے جا چکے ہیں۔
راجن پور میں انٹیلی جنس اطلاع پر محکمہ انسداد دہشت گردی (سی ٹی ڈی) کی کارروائی کے دوران 2 دہشت گرد ہلاک ہوگئے۔
باغی ٹی وی: ترجمان سی ٹی ڈی کے مطابق ٹیم چھاپا مارنے پہنچی تو دہشت گردوں نے فائرنگ کردی،دونوں دہشت گرد اپنے ہی ساتھیوں کی فائرنگ سے مارے گئے۔
محکمہ انسداد دہشت گردی کے ترجمان کا کہنا ہےکہ کارروائی کے دوران 3 دہشت گرد فرار ہوگئے۔
ترجمان سی ٹی ڈی کے مطابق دہشت گردوں سےدھماکا خیز مواد،اسلحہ، ڈیٹونیٹربرآمد کرلیاگیا، دہشت گرد خفیہ ادارے پرحملے کی منصوبہ بندی کر رہے تھے۔
سی ٹی ڈی کے مطابق دہشت گرد خفیہ ادارے پر حملے کی منصوبہ بندی کر رہے تھے۔ فرار ہونے والے دہشت گردوں کی تلاش کے لیے چھاپے مارے جا رہے ہیں۔
سی ٹی ڈی ترجمان کے مطابق آپریشن کے دوران ہلاک ہونے والے دہشت گردوں کی شناخت الیاس اور عرفان اللہ کے ناموں سے ہوئی ہے –
راجن پور، کچے میں پولیس کا ڈاکووں کے خلاف آپریشن ساتویں روز بھی جاری ہے،
آر پی او ڈیرہ غازی خان کیپٹن (ر) سجاد حسن خان کی ذیر نگرانی اور ڈی پی او مہر ناصر سیال کی کمانڈ میں کچہ میں موثر حکمت عملی کے ساتھ پولیس کی پیش قدمی جاری ہے ترجمان پولیس کے مطابق کچی مورہ اور کچہ جمال میں سکھانی گینگ کے ڈاکووں کی کمین گاہ پر پولیس کی چوکیاں قائم کردی گئیں ہیں آپریشن میں پولیس سکھانی گینگ کے سندھ کنارے جزیرہ نما کمین گاہ میں داخل ہوکر علاقہ کو کلیئر کیا تھا۔ کچی مورہ اور کچہ جمال میں پولیس کا سرچ آپریشن جاری ہے۔ کچی مورہ اور کچہ جمال آپریشن میں مزید ایک ڈاکو ہلاک کی اطلاع موصول ہوئی ہے۔: پولیس آپریشن میں ہلاک ڈاکووں کی تعداد 4 ہوگئی ہے۔ سرچ آپریشن میں ڈاکووں کے 8 سہولت کار گرفتار کیے جا چکے ہیں۔ جوانوں کے حوصلے بلند ہیں کچہ سے جرائم پیشہ عناصر کا مکمل قلع قمع کریں گے۔
دوسری جانب میڈیا رپورٹس کے مطابق وفاقی حکومت کی جانب سے کچے کےعلاقے میں آپریشن کیلئے فوج تعینات کرنے کی منظوری دے دی ہے، سرکولیشن کے ذریعے فوج تعینات کرنے کی سمری کی منظوری لی گئی ،پنجاب حکومت نے فوج کی خدمات حاصل کرنے کیلئے وفاق سے رجوع کیا تھا، پنجاب حکومت نے 24 اپریل تک فوج کی خدمات کی درخواست کی ہے پنجاب حکومت کی جانب سے آپریشن ختم نہ ہونے کی صورت میں 5 مئی تک توسیع کی بھی درخواست کی گئی ہے
ڈاکوؤں کے کئی ٹھکانے گرانے کے بعد جلا دیے گئے
کچے کے علاقے میں ڈاکوؤں کے خلاف آپریشن کے دوران آئی جی پنجاب اور ڈی پی او پر فائرنگ
راجن پورکےکچے کے علاقے میں پولیس کے جوان ڈاکوؤ ں کے ساتھ ساتھ سانپوں کے خلاف بھی آپریشن کرتے نظر آ رہے ہیں۔
باغی ٹی وی : راجن پورکےکچے کے علاقے میں ڈاکوؤں کے خلاف آپریشن میں مصروف سندھ پولیس کے ریپڈ رسپانس فورس کے اہلکاروں کی سانپ پکڑ کر باربی کیو پارٹی کرنےکی ویڈیو وائرل ہوگئی۔
ویڈیو میں دیکھا جاسکتا ہے کہ پولیس اہلکار سندھ میں کچے کے علاقے میں خطرناک سانپ کو پکڑ نے کے بعد سانپ کی کھال اتار کر اس کو مصالحہ لگا رہے ہیں اور لیموں چھڑک رہے ہیں پولیس اہلکار کا کہنا تھا کہ ہم ملک دشمنوں کو بھی اسی طرح لیموں چھڑک کرکھا جائیں گے،پولیس اہلکار نے کہا کہ کوبرا سانپ میں وافر مقدار میں پروٹین ہوتا ہے اور اس کا ذائقہ مچھلی جیسا ہے-
ایک پولیس اہلکار کا کہنا تھا کہ یہ ہم نے پاک فوج کے اسپیشل سروس گروپ (ایس ایس جی) کی زیرکمانڈ ہونے والے انسداد دہشت گردی کے کورس میں سیکھا ہے، وہاں سروائیول ایونٹ میں ہمیں زندہ رہنے اور پروٹین حاصل کرنے کے لیے ایسی چیزیں کھانے کے لیے ہمیں تربیت دی گئی تھی ہم پتے وغیرہ اور سانپ کھا سکتے ہیں یہاں بھی ہم سروائیو ہی کرر ہے ہیں ،21 منٹ میں سانپ پک کر تیار ہو جائے گا-
ویڈیو میں پولیس اہلکاروں کوسانپ کے گوشت کو ایک سلاخ میں لگا کوئلے پر پکانے کے بعد چٹخارے لے کر کھاتے بھی دیکھا جاسکتا ہےاہلکاروں نے کہ سانپ کے گوشت کا ذائقہ مچھلی کے ذائقے جیسا ہوتا ہے۔
https://youtu.be/sdtrpk5klzg
خیال رہےکہ سندھ اور پنجاب کےکچےکے علاقے میں دونوں صوبوں کی پولیس کی جانب سے ڈاکوؤں کے خلاف آپریشن جاری ہے سانپ کھانے والے اہلکاروں کا تعلق کراچی سے ہے اور انہوں نے خود سانپ کھانے کی ویڈیو سوشل میڈیا پر پوسٹ کی۔
واضح رہے کہ پولیس اہلکار رونتی کچے میں ڈاکوؤں کے خلاف آپریشن میں مصروف ہیں۔