Category: راجن پور

باغی ٹی وی ، راجن پور : بی ایم پی کمانڈنٹ نے اپنے کماؤپوت کانسٹیبل کوانچارج تھانہ لگاکر4 نائب دفعدار ماتحت کردئے،سینئر آفیسروں میں بے چینی پھیل گئی۔عوامی و سماجی حلقوں کا کمشنر ڈیرہ غازیخان سے نوٹس لینے کامطالبہ
تفصیل کے مطابق بی ایم پی کمانڈنٹ راجن پور نے اپنے کماؤپوت کانسٹیبل اللہ رکھیا کو انچارج بی ایم پی تھانہ دلبر تعینات کرکے قانون قاعدے کو بالائے طاق رکھتے ہوئے ،ایس ایچ او سیمت چار سینئر آفیسرنائب دفعداروں کو ایک کانسٹیبل کے ماتحت کردیا،اس کانشٹیبل(سوار) اللہ رکھیا کے ماتحت کئے جانے والوں میں ایس ایچ او نائب دفعدار کاشف علی مزاری،سوال دین نائب دفعدار،محمد قاسم نائب دفعداراورمحمد افضل نائب دفعدار شامل ہیں ،جس سے ان آفیسران سمیت دوسرے افسروں میں بھی بے چینی پھیل گئی ہے اور سوال یہ پیداہوچکا ہے کہ بی ایم پی راجن پور میں دفعدار ،نائب دفعدار نااہل اور کرپٹ ہیں جس کی وجہ بی ایم پی کمانڈنٹ کو ایک انتہائی جونئر سوار (کانسٹیبل ) کو تھانے کا انچارج لگادیا گیا ہے اور یہ بھی کمانڈنٹ بارڈر ملٹری پولیس راجن پور کا کارنامہ ہے کہ اسی نے تھانوں میں ان پڑھ کانسٹیبل انچارج تعینات کردئے ہیں جبکہ سنئیرز تعلیم یافتہ کو کانسٹیبلوں کے ماتحت کردیا گیا با وثوق ذرائع کے مطابق پنجاب کے آخری ضلع راجن پور میں کمانڈنٹ بارڈر ملٹری پولیس راجن پور نے من مانی کرتے ہوئے اللہ رکھیا سوار(کانسٹیبل) کو لائن صدر سے بطور انچارج تھانہ دلبر تعینات کر دیا ،امداد حسین سوار کانسٹیبل کو لائن سے تھانہ بھنڈو والہ انچارج تعینات کر دیا ،جہانداد خان سوار کانسٹیبل کو تھانہ دھولی سے تھانہ مغل انچارج تعینات کر دیا ،شکیل احمد سوار کو لائن سے انچارج تھانہ شیخ والہ تعینات کر دیا ،محمدچاندسوارکو تھانہ دلبر سے لائن صدرجبکہ سلیم جان بڈلانی سوار کو تھانہ ماڑی تعینات کردیاگیا ہے ،ذرائع کے مطابق یہ تھانوں میں انچارج تعینات ہونے والے کانسٹیبل ان پڑھ ہیں اپنا نام لکھنے سے بھی قاصر ہیں جبکہ ان کے سنئیر جو انکے ماتحت لگے ہیں وہ سب اعلی تعلیم یافتہ ہیں، اس کے علاوہ ذرائع کاکہنا ہے سوار اللہ رکھنا مبینہ طورپر بھاری تعداد میں سرکاری گولیاں بیچنے میں بھی ملوث ہے جس کے خلاف ہونے والی انکوائری کودبادیا گیا ہے، عوامی حلقوں نے کمشنر ڈیرہ غازی خان لیاقت علی چٹھہ سے نوٹس لینے کا مطالبہ کیا ہے

باغی ٹی وی ،راجن پور( نامہ نگار) پولیس ٹیم تھانہ گوٹھ مزاری کی کامیاب کاروائی ، صوبہ سندھ سے روجھان اور راجن پور میں منشیات کی بڑی کھیپ کی ڈیلیوری ناکام بنا دی گئی، پولیس کی کاوشوں سے بدنام زمانہ منشیات ڈیلر مسمی الطاف حسین ولد الہی بخش گرفتار ،ملزم کے قبضہ سے 195 ولایتی بوتل شراب اور کار برآمد ، ملزم گاڑی کے ذریعے سندھ کے علاقہ کشمور سے شراب ڈیلیوری کے لیئے لا رہا تھا۔ ،پولیس کی بروقت کارروائی کی بدولت ملزم کو گاڑی اور شراب سمیت گرفتار کر لیا گیا۔ملزم کے خلاف مقدمہ نمبر 38/22 درج اور مزید قانونی کاروائی کا آغاز کر دیا گیا۔

باغی ٹی وی ،راجن پور( نامہ نگار) قدرتی موت کو قتل کے الزام قرار دینے پر شہریوں میں تشویش ، پولیس تفتیش میں ملزمان بے گناہ ثابت مگر مدعی بضد مبینہ مقامی روایات کے مطابق بھاری چٹی وصول کرنے کا انکشاف تفصیل کے مطابق نوجوان ٹھیکیدار غضنفر عباس کی دوستوں کے ہمراہ دریا پر مچھلی شکار پر نہاتے ہوئے ڈوب جانے سے موت واقع ہوئی موقع پر موجود درجنوں افراد نے واقعے کو اپنی آنکھوں سے دیکھا ، غضنفر عباس کی میت کو دفن کرکے چار مہینے بعد والدہ فہمیدہ بی بی کی مدعیت میں تھانہ صدر پولیس کو ڈوب کر جاں بحق ہونے والے کو قتل کرنے کی درخواست دی گی جس پر ایس ایچ او عبدالرؤف، ایس ڈی پی او مجاہد حسین اور ڈی پی او راجن پوراحمد محی الدین نے علیحدہ علیحدہ انکوائری کرکے ملزمان کو بے گناہ کر دیا تھا آر پی او ڈیرہ غازی خان اور سیشن کورٹ راجن پور کی درخواست میں بھی بے گناہ ثابت ہوئے 1سال بعد ہائی کورٹ ملتان سے آرڈر مقدمہ درج ہونے پر پولیس راجن پور نے اعتراض لگا کر مقدمہ درج کرنے سے انکار کیا تھا کیونکہ موقع وقوعہ مظفرگڑھ ضلع میں آتا ہے مگر سیاسی سفارشوں پر مقدمہ ماڈل تھانہ سٹی میں اغوا اور قتل کا الزام لگا کر 10سکول ٹیچرز اور1 نادرا سابقہ ڈسٹرکٹ انچارج پر مقدمہ نمبر768/22 درج کرا دیاگیا