Category: راجن پور

باغی ٹی وی : محمد پور دیوان ( محمد جنید خان احمدانی سے) گلفاد برادری احمدانی برادری کے 25 مسلح غنڈوں کا آدھی والا روڈ کے دوکانداروں پر حملہ مسلح غنڈوں نے کلہاڑیوں ڈنڈوں،آہنی راڈ کے وار کرکے تین دوکانداروں کو مضروب کیا اورموقع سے فرار ہوگئے مقامی پولیس نے موقع پر پہنچ کر قانونی کارروائی شروع کردی ۔ تفصیل کے مطابق محمد پور دیوان آدھی والا روڈ پر مچھلی و گوشت بیچنے والے دوکانداروں محنت کش محمد ناصر ۔ عامرمحمود ۔ جاوید تھہیم پر علی الصبح احمدانی برادری اور گلفادبرادری کے25 مسلح غنڈوں نے آہنی راڈوں ڈنڈوں سوٹوں کلہاڑیوں سے حملہ کرکے شدیدزخمی کردیا حملہ آوروں میں راجہ گلفاد ۔ جہانزیب ۔ عالمگیر ۔پیلا احمدانی و دیگر شامل تھے وجہ عناد گزشتہ روز معمولی تکرار بتائی جا رہی ہے حملہ میں مضروب ہونیوالے تینوں اشخاص کو رورل ہیلتھ سنٹر میں پہنچا کر طبعی امداد دی گئی ہے جبکہ مقامی پولیس تھانہ محمد پور دیوان نے موقع پر پہنچ کر ابتدائی بیان قلمبند کرکے قانونی کارروائی کا آغاز کردیا ہے۔

باغی ٹی وی :روجھان( ضامن حسین بکھر نامہ نگار ) ڈسٹرکٹ پولیس آفیسر راجن پور احمد محی الدین کی ہدایات پر تحصیل روجھان کے نواحی علاقہ شاہ والی میں منشیات کے خلاف کریک ڈاؤن جاری۔
ذرائع کے مطابق آج شاہ والی میں ایس ایچ او شاہ والی جاوید اقبال نے علاقے کے شراب فروش بلاول ولد بنگف قوم نزہانی سکنہ شاہ والی سے 28 لیٹر شراب برآمد کر کے ملزم کو گرفتار کر لیا ملزم کے خلاف منشیات ایکٹ کے تحت مقدمہ درج کر لیا گیا ہے اس موقع پر ایس ایچ او تھانہ شاہ والی جاوید اقبال نے کہا ہے کہ ہم ان شاء الله منشیات فروش و دیگر جرائم کے خاتمے کے لئے اپنے پولیس کپتان ڈسٹرکٹ پولیس آفیسر راجن پور احمد محی الدین کی سربراہی اور ایس ڈی پی او سرکل روجھان غضنفر عباس کی قیادت میں علاقے میں جرائم کے خاتمے کے لئے کوشاں ہیں اور منشیات فروش معاشرے کے لئے ناسور ہیں ان کا خاتمہ کر کے دم لیں گے، دوسری جانب شاہ والی کے عوامی شہری حلقوں نے ایس ایچ او شاہ والی جاوید اقبال اور ان کی پولیس ٹیم کو منشیات فروشوں کے خلاف کریک ڈاؤن پر خراج تحسین پیش کیا گیا ۔۔
واضح رہے کہ منشیات کے خلاف ڈی پی او راجن پور کی ہدایت کے بعد یہ شاہوالی پولیس کی منشیات فروش کے خلاف دوسری بڑی کامیابی ہے

محمد پور دیوان: بےنظیر انکم سپورٹ پروگرام،سیلاب متاثرین کی امداد پرروزانہ ریٹیلروں کی جانب سے تقریباً 20 لاکھ روپے کٹوتی کئے جانے کا انکشاف ، امداد کے نام پر خواتین کی تذلیل ہورہی ہے ، کھلے آسمان تلے کڑی دھوپ میں ذلیل وخوار ہو رہی ہیں نہ ہی کوئی ٹینٹ کا نظام ہے اور نہ ہی پینے کے لئے ٹھنڈے پانی کا انتظام ہے ،دو ہزار ریٹیلرز کے اور ایک ہزار ایجنٹ کا اس طرح تین ہزار روپے فی بینفیشریز کو رگڑا لگایا جا رہا ہے
باغی ٹی وی : محمد پور دیوان(محمدجنیداحمدانی کی رپورٹ) بے نظیر انکم سپورٹ پروگرام سنٹر پر سیلاب متاثرین کی امداد پرروزانہ ریٹیلروں کی جانب سے تقریباً20لاکھ روپے کٹوتی کئے جانے کا انکشاف ہوا ہے، ذرائع کے مطابق محمد پور دیوان بوائز ہائی سکول میں قائم بے نظیر انکم سپورٹ پروگرام سنٹر پر سیلاب متاثرہ خواتین کی امداد پر روزانہ کی بنیاد پر 20لاکھ روپے سے زائد کٹوتی کئے جا رہے ہیں جبکہ ریٹیلر ۔BISP اور مقامی پولیس مالا مال سیلاب متاثرہ خواتین بے حال ہوکر رہ گئی ہیں بتایا گیا ہے کہ محمد پور دیوان سنٹر پر 25سےزائد ریٹیلرز کام کر رہے ہیں جوکہ روزانہ فی ریٹیلر تقریبا 40 سے 50 فی کارڈ نکالتا ہے جو کہ 25 ریٹیلرز تقریباً روزانہ کی بنیاد پر ایک 1000 خواتین کی امدادی رقم اڑھائی کروڑ روپے نکلوائے جاتے ہیں جبکہ متاثرین کی امداد میں سے فی کس متاثرہ خواتین کی 25 ہزار ورپے امداد پر2000 ہزار کٹوتی کرکے مجموعی طور پر روزانہ بیس لاکھ روپے سے زائد کٹوتی کرکے سیلاب متاثرہ خواتین کی امداد پر ڈاکہ مار رہے ہیں جسے کوئی پوچھنے والا نہیں ہےکیونکہ اسسٹنٹ ڈائریکٹر BISP محمد عمران شہزاد اور مقامی پولیس اور متعلقہ بینک ملازمین نے ریٹیلرز کے ساتھ مبینہ گٹھ جوڑ کیا ہوا ہے جس سے خواتین کی امداد کا بڑا حصہ خورد برد ہو رہا ہے جماعت اہلسنت کے جنوبی صدر علامہ مولانا حضرت محمد حسین سلطانی نے کہا ہے کہ افسوس مافیا نے سیلاب متاثرہ خواتین کی امداد کو بھی نہ بخشا پھر خدا کا عذاب نہ آئے تو کیا آئے حکومت امداد شفاف بنانے کے لئے چیک اینڈ بیلنس کا نظام بہتر کرے، دریں اثنا شہریوں ،مذہبی،سیاسی وسماجی کارکنان ودیگر نے کہا ہے حکومت کی نااہلی کے باعث جہاں خواتین کی امداد پر مافیا خوب ہاتھ صاف کر رہا ہے وہاں امداد کے نام پر خواتین کی تذلیل ہورہی ہے ، کھلے آسمان تلے کڑی دھوپ میں ذلیل وخوار ہو رہی ہیں نہ ہی کوئی ٹینٹ کا نظام ہے اور نہ ہی پینے کے لئے ٹھنڈے پانی کا انتظام ہے اتنا ہی نہیں ذرائع سے یہ بھی معلوم ہوا ہے کہ ریٹیلروں نے ایکا کر رکھا ہے مختلف حیلے بہانوں سے خواتین کو ذلیل وخوار کرکے انہیں کٹوتی پر مجبور کیا جاتاہے ، بے بس خواتین امدادی رقم پر کٹوتی پر مجبور ہو جاتی ہیں تاہم ریٹیلروں نے ایجنٹ رکھے ہوئے ہیں پھر مک مکا کر کے خواتین کو دوہزار کٹوتی کے بعد امداد ی رقم دی جاتی ہے علاوہ ازیں کٹوتی دینے پرریٹیلروں کی ڈیوائس بھی ٹھیک اور فنگرز پرنٹ بھی لگ جاتے ہیں اور دو ہزار ریٹیلرز کے اور ایک ہزار ایجنٹ کا اس طرح تین ہزار روپے فی بینفیشریز کو رگڑا لگایا جا رہا ہے عوامی سماجی حلقوں اور متاثرین نے بے نظیر انکم سپورٹ پروگرام کی چیئرپرسن سے نوٹس لینے کا مطالبہ کیا ہے.

باغی ٹی وی : راجن پور بےنظیر انکم سپورٹ پروگرام کے تحت ملنے والی امدادی رقم غریبوں سے لوٹنے والا جالساز گرفتار۔ملزم عادی مجرم ہیں، ملزمان کے خلاف متعدد شکایات موصول ہوئی۔ملزم سادہ لوگوں کو بہلا پھسلا کر فنگر پرنٹ حاصل کرلیتا اور امدادی رقم خود نکلوا لیتا۔پولیس نے کارروائی کرتے ہوئے ملزم مسرت عرف گوگے شاہ کو گرفتار کر کے مقدمہ درج کر لیا، مزید کاروائی کا آغاز .
راجن پور پولیس تر جمان کے مطابق بینظیر انکم سپورٹ پروگرام کے اسسٹنٹ ڈائریکٹر کو ملزم ہاشم شاہ ولد حیات شاہ اور ملزم مسرت عرف گوگا شاہ کے خلاف مستحقین خواتین کی جانب سے درخواست موصول ہوئی. متاثرہ خواتین کی جانب سے شکایات کی گئی کہ ان کو ہر ماہ حکومت پاکستان کی جانب سے سیلاب متاثرین کو ملنے والی امداد مبلغ 25000وصول نہ ہوئی ہے اس شکایت پر بے نظیر انکم سپورٹ پروگرام کے اسسٹنٹ ڈائریکٹر کی جانب سے جب سسٹم کو چیک کیا گیا تو ہر ماہ کی امدادی رقم مبلغ 25000روپے مختلف ATM مشینز کو POS سے نکالی جا چکی تھی۔ تحقیقات کرنے پر معلوم ہوا کہ ملزم ھاشم شاہ اور مسرت شاہ نے کچھ عرصہ قبل متاثرین کے انگوٹھوں کے نشانات یہ کہہ کر لیےکہ ان کو حکومت کی جانب سے گزر بسر کرنے کے لیے مال مویشی دیے جائیں گیں۔ملزمان نے ان کے جالی انگوٹھوں کے نشانات سے پیسے نکلوائے تب سے لیکر آج تک ان کو پیسے نہ ملے ہیںمزید ہی کہ ملزمان ایک بہت بڑا گروہ ہے اور تمام یہی کام کرتے ہیں۔ ملزمان نے آپس میں ساز باز ہو کر چال سازی کرتے ہوئے دھوکا دہی اور فراڈ سے خواتین کا ڈیٹا جمع کیا۔اور اس کا غلط استعمال کرتے ہوئے خواتین کو ان کے جائز حق سے محروم کیا۔اس موقع پر DPOراجن پور کا کہنا تھا کہ پولیس کی جانب سے کاروائی کا آغاز کر دیا گیا ہے اور ملزمان کو گرفتار کر لیا ہے۔پولیس ایسے چال سازوں کو کیفرےکردار تک پہنچانے میں کوئی کسر باقی نہ چھوڑیں اور ملزمان کوکرار پاتے ہی سزا دلوائے گیں، ان کا مزید کہنا تھا کہ عوام اپنی ذاتی معلومات بغیر جانچ پڑتال کے کسی اجنبی شخص کو فراہم نہ کریں۔راجن پور پولیس ایسے چعل سازوں کی سر کوبی کے لیے ہر ممکن حکمت عملی بروئے کار لائے گی اور غریب اور مستحق خواتین کی امدادی رقم کے حصول کویقینی بنائے گی

باغی ٹی وی :روجھان ( ضامن حسین بکھر )منشیات فروشوں کے خلاف کارروائی روجھان پولیس کی بڑی کامیابی ۔
روجھان پولیس نے شراب کے اڈے پر چھاپہ مار کر بھاری مقدار میں شراب برآمد کر لی۔ روجھان پولیس نے بتایا ہے کہ 800لیٹر لہن اور 600 لیٹر کچی شراب بر آمد کر لی اور ملزمان کے خلاف 4 مختلف مقدمات درج کر لیے گئے ہیں۔ایس ایچ او تھانہ روجھان ابرار احمد خان برمانی نے کہا کہ ڈی پی او راجن پور کی ہدایت پر منشیات فروشوں کے خلاف کارروائیاں جاری رکھیں گے انہوں نے کہا کہ ہم علاقے میں منشیات کا خاتمہ کر کے ہی دم لیں گے علاقہ میں جرم کا خاتمہ
اور عوام کے جان و مال کا تحفظ ہماری اولین ترجیحات میں شامل ہے ۔ہم ایس ڈی پی او روجھان غضنفر عباس تنگوانی کی قیادت اور سربراہی میں علاقے میں جرم کے خاتمے کے لئے کوشاں ہیں

باغی ٹی وی :روجھان ( ضامن حسین بکھر) کشمور تا راجن پور لوکل ٹرانسپورٹ مالکان نے سواریوں کو موت کی گاڑیوں میں سوار کرنا شروع کر دیا ہے ذرائع نے بتایا ہے کہ کشمور سے روجھان اور راجن پور چلنے والی لوکل ہائی ایسز گیس سلنڈروں پر چلنے لگے ذمہ دار خاموش تماشائی بنے ہوئے ہیں سواروں سے روجھان سے راجن پور بھاری کرایہ وصول کیا جانے لگا کشمور سے روجھان تا راجن پور جانے والی ہائی ایسز پر پھر سے موت کے سلنڈر (گیس سلنڈر) پر چلنے لگے جو کہ مسافروں کے لئے موت کے سفر کے مترادف ہے متعدد مرتبہ گیس سلنڈرز کی وجہ سے مسافر ہائی ایسز میں آگ بھڑ اٹھی اور جس میں مرد خواتین، بچے بوڑھے جوان جل کر خاکستر ہوئے گئے اور کچھ تو زندگی بھر کے لئے معزور ہو گئے قیمتی جانوں کی ضیاع کے باوجود ایک دو دن سختی کے باد بھول جاتے ہیں اور ہر ایس اس کو چیک کریں گاڑی کے اندر یا گاڑی کے نیچے موت کے گیس سلنڈر لگے ہوئے ہیں کیونکہ یہ گیس ڈیزل یا پیٹرول کی قیمت سے نسبتاً گیس کی قیمت کم پڑتی ہے مگر کرایہ جوں کا توں ہے اور ہائی ایس عملہ مسافروں سے کرائے پر جھگڑا مسافروں سے ناروا سلوک تلخ کلامی بھی روایت بن چکی ہے روجھان کے عوامی سماجی شہری دیہی حلقوں نے وزیر ٹرانسپورٹ پنجاب، کمشنر ڈیرہ غازی خان لیاقت علی چٹھہ ،ڈپٹی کمشنر راجن پور عارف رحیم اور قائم مقام اسسٹنٹ کمشنر روجھان سے ہائی ایسز میں موت کے گیس سلنڈر چیک کر کے سلنڈروں کو ہٹانے اور ان کے خلاف سخت قانونی کارروائی کا مطالبہ کیا تاکہ گیس سلنڈروں سے کوئی ناخوش گوار واقعہ اور قیمتی جانوں کے ضیاع سے بچایا جا سکے