Category: وہاڑی

بورےوالا (نمائندہ باغی ٹی وی)
داؤد آباد ڈاکخانے میں ڈکیتی کی واردات مسلح ڈاکو ڈاکخانہ کے عملہ کو یرغمال بنا کر لاکھوں روپے نقدی لوٹ کر فرار
تفتفصیلات کے مطابق بورےوالا تھانہ ماڈل ٹاون کی حدود میں واقع داؤد آباد ڈاکخانہ میں ڈکیتی کی واردات ہوئی ہے جس میں مسلح ڈاکووں نے ڈاکخانہ کے عملہ کو یرغمال بنائے رکھا اور چار لاکھ کے قریب نقد رقم لوٹ کر موقع سے فرار ہو گئے

مسلح ملزمان موٹر سائیکل پر سوار ہو کر آئے تھے ڈاکخانہ میں ڈکیتی کی واردات کی اطلاع ملتے ہی اے ایس پی بورےوالہ پولیس کی بھاری نفری کے ساتھ موقع پر پہنچ گئے ہیں اور موقع سے شوائد اکٹھے کیے جارہے ہیں

جبکہ ڈی پی او وہاڑی کا کہنا ہے کہ ملزمان کی گرفتاری کے لیے شہر کے تمام داخلی و خارجی راستوں کی ناکہ بندی کروادی گئی ہے اور جلد ہی ملزمان پکڑ لیے جائیں گے دوسری طرف بڑھتی ہوئی وارداتوں کی وجہ سے شہریوں میں تشویش پائی جاتی ہے

بورے والا (نمائندہ باغی ٹی وی) گگو منڈی ٹاؤن کمیٹی میں بستی محمد پورہ ڈھاریاں کو شامل نہ کرنے پر
اہلیان بستی محمد پورہ نے لاری اڈا گگو پر احتجاج کرتے ہوۓ ٹائروں کو آگ لگا کر روڈ بند کر کے ہر قسم کی ٹریفک روک دی. ایس ایچ گگو مہر ریاض سیال سے مظاہرین کے کامیاب مذاکرات کے بعد احتجاج ختم کر دیا گیا
ٹریفک بحال

وہاڑی (نمائندہ باغی ٹی وی) تھانہ ماڈل ٹاؤن کے علاقہ میں غیر اخلاقی اور فحش مواد کےذریعے نوجوان نسل کو تباہ اور بے راہ روی کرنے والے انٹرنیٹ کیفوں کے خلاف کریک ڈاؤن. 5نیٹ کیفے کے ملالکان سمیت 18گرفتار کمپیوٹر اور فحش مواد قبضہ پولیس میں لے لیاگیا
بوریوالا میں قائم انٹرنیٹ کیفوں پر اچانک ریڈ کے دوران 5انٹرنیٹ کیفوں ڈبل سپیڈ, گوگل, سکایپ, بوریوالا اور ابراق نیٹ کیفے سے غیر اخلاقی مواد موصول ہونے پر انٹرنیٹ کیفے کے مالکان کے خلاف کاروائی

وہاڑی (نمائندہ باغی ٹی وی) بورےوالا اسسٹنٹ کمشنر رانا اورنگزیب کی دبنگ کاروائی۔

تفصیلات کے مطابق آج بورےوالا کی حدود میں واقع Pso پٹرول پمپ ، Attock پٹرول پمپ اور Hascol پٹرول پمپ کو اوگرا کی مقرر کی گئی قیمتوں سے اضافی قیمت پر پیٹرول سیل کرنے اور فی لیٹر پیمانہ کم ہونے پر اسسٹنٹ کمشنر بورےوالا رانا اورنگزیب نے 75 ہزار جرمانہ کر دیا۔۔

وہاڑی (نمائندہ باغی ٹی وی) 15 کی کال پر پولیس تھانہ ساہوکا کا بروقت ایکشن چند گھنٹوں کے اندر 2 خطرناک ڈکیت گرفتار مال مسروقہ برآمد

تفصیلات کے مطابق پولیس تھانہ ساہوکا کو رات گئے اطلاع ملی کہ ساہوکا کے علاقہ جنگلات سے 2نامعلوم اشخاص نے موٹرسائیکل اور نقدی چھیننے کی واردات کی ہے.

اطلاع پر ڈسٹرکٹ پولیس آفیسر وہاڑی ثاقب سلطان المحمود کی ہدایات پر ایس ڈی پی او بوریوالا آصف رضا کی سربراہی میں ایس ایچ او ساہوکا اعجاز خان پر مشتمل ٹیم تشکیل دی گئی جو نے بروقت رسپانس دیتے ہوئے موقع پر پہنچے اورجدید سائنسی تفتیشی ٹیکنیکس استعمال کرتے ہوئے ڈکیٹ شہزاد اور بلال کے قریب پہنچ گئے جہاں سے ان کو کارڈن کر کے چند گھنٹے میں ہی گرفتار کر لیا گیا

جبکہ ان کے قبضہ سے چھینی ہوئی 2 موٹر سائیکل, نقدی اور ایک عدد موبائل برآمد کر کے 100فیصد ریکوری یقینی بنائی گئی. ملزمان سے مزید انکشافات متوقع ہیں.

اس موقع پر ڈسٹرکٹ پولیس آفیسر وہاڑی ثاقب سلطان المحمود نےبروقت کاروائی پر تھانہ ساہوکا کی ٹیم کو شاباش دی اورکہا عوام کو جان و مال سے محروم کرنے والے سفاک ڈاکو کسی معافی کے لائق نہیں جنہیں قانون کے مطابق سخت سے سخت سزا دلوائی جائے گی.

بورے والا (نمائندہ باغی ٹی وی) نواحی علاقہ اڈا ڈلن بنگلہ میں واپڈا کی غفلت سے ایک اور گھر اجڑ گیا
تفصیلات کے مطابق بورے والا میں معشوق علی عرف منشی چھت پہ جھولتی تاروں سے کرنٹ لگنے سے جان بحق ہو گیا
بورے والا : واپڈا کی غفلت ،لاپرواہی سے شہر بھر میں متعدد ہلاکتیں ہونا انتظامیہ کی کارکردگی پر سوالیہ نشان ہے ۔شہری

لودہراں (نمائندہ باغی ٹی وی) ڈی پی او ملک جمیل ظفر نے تھانہ قریشی والا کا اچانک وزٹ کیا، وزٹ کے دوران تھانہ کی صاف ستھرائی اور ریکارڈ کو چیک کیا گیا.

حوالات میں موجود ملزمان سے کو چیک کیا گیا کہ کوئی شخص غیر قانونی طور پر حوالات میں تو نہیں مزید ایس ایچ او تھانہ قریشی والا کو ہدایت کی گئی کہ کسی شخص کو غیر قانونی طور پر حوالات میں بند نہیں کیا جائے گا اور نہ ہی کسی ملزم پر کسی قسم کا کوئی تشدد کیا جائے اور نہ ہی کوئی ٹارچر سیل برداشت کیا جائے گا. تھانے میں آنے والے ہر شہری کے ساتھ ہمارا اخلاق اور برتاؤ مثالی ہونا چاہیے، شہریوں کے مسائل کو جلد از جلد حل کرنے کی کوشش کرنی چاہیے.

بورےوالا (نمائندہ باغی ٹی وی)
6کار سوار مسلح ڈاکوؤں کا تاجر کے گھر دھاوا،دیوار پھلانگ کر اہل خانہ کو یرغمال بناکر کمرے میں بند کردیا
نقدی،طلائی زیور ات اورقیمتی سامان کی لوٹ مار.
مزاحمت کرنے پر اہل خانہ کو رائفلوں کے بٹ مار کر زخمی کرکے فائرنگ کرتے ہوئے فرار،
علاقہ میں خوف وہراس پھیل گیا،عوام کا آئی جی و آر پی او سے وارداتوں پر قابو پانے کا مطالبہ۔تفصیل کے مطابق تھانہ فتح شاہ کی حدود میں موڑ مراد علی کے تاجر چوہدری عادل جٹ کے گھر گزشتہ رات آتشیں اسلحہ سے لیس چھ کارسوارمسلح ڈاکو دیوار چھلانگ کر گھس آئے جنہوں نے اہل خانہ کو اسلحہ کے زور پر یرغمال بناکر ایک کمرے میں بند کردیا گھرکی چابیاں چھین کر پورے گھر کی تلاشی لیکر طلائی زیورات انگوٹھی،دو بالیاں،22ہزار روپے نقدی،موبائل مالیتی 12ہزار،قیمتی ٹارچ اور جوتاچھین لیا مزاحمت پر اہل خانہ کو تشدد کا نشانہ بنا ڈالا،ڈاکوؤں نے بٹ مارکر تاجر ومالک مکان چوہدری عادل کو زخمی کرکے فائرنگ کرتے ہوئے سامان چھین کر فرار ہوگئے،علاقہ میں خوف وہراس پھیل گیا عوام نے آئی جی پنجاب اور آر پی او ملتان سے تھانہ فتح شاہ کے علاقہ میں بڑھتی ہوئی وارداتوں پر قابو پانے کا مطالبہ کیاہے۔

بورےوالا (نمائندہ باغی ٹی وی) محکمہ مال اور پولیس کا تجاوزات کے خلاف آپریشن. دوران آپریشن دوفریقین کے مابین تصادم. ڈندوں اور پتھراؤ سے ایک ہی فریق کی خاتون سمیت چار افراد زخمی. خاتون کی حالت نازک، زخمی فریق نے پولیس اور انتظامی افسران کی گاڑیوں کا گھیراؤ کر لیا.
بورے والا کے نواحی گاؤں417/ای بی کے دوفریقین نے چوک میں سرکاری جگہ پر تجاوزات کے خلاف درخواستیں دے رکھی تھیں ان درخواستوں کی روشنی میں اسسٹنٹ کمشنر بورے والا اور تحصیلدار کی قیادت میں محکمہ مال کے عملہ نے پولیس کی مدد سے گاؤں میں جاکر ایک فریق کی تجاوزات گرانا شروع کیں تو انکا دوسرے فریق سے تصادم شروع ہوگیا جس میں پتھراؤ اور ڈنڈوں کا آزادانہ استعمال شروع ہوگیا

جسکے نتیجہ میں ایک ہی فریق کی خاتون سمیت چار افراد شدید زخمی ہوگئے اور زخمی فریق کے ساتھ ملکر اہل دیہہ نے پولیس اور انتظامی افسران کی گاڑیوں کا گھیراؤ کیا جس پر پولیس کی مزید نفری طلب کر لی گئی اس موقع پر متاثرہ زخمی فریق اور اہل دیہہ نے الزام عائد کیا کہ پولیس کی موجودگی میں دوسرے فریق نے ہم پر حملہ کیا لیکن پولیس نے انہیں روکنے کی بجائے زخمیوں کو پکڑ کر گاڑی مین بند کردیا پولیس نے یکطرفہ آپریشن کروایا اور حملہ آور فریق سے ہم پر حملہ کروایا

جبکہ انتظامیہ کا کہنا ہے کہ دونوں فریق سرکاری جگہ پر قابض تھے پہلے ایک فریق سے کاروائی شروع کی تو انکے مابین تصادم ہوگیا جس میں پولیس نے مداخلت کر کے تین افراد کو گرفتار کر لیا ہے.

وہاڑی (نمائندہ انسپکٹر جنرل آف پولیس پنجاب کیپٹن (ر) عارف نواز خان کی ہدایات پرپولیس ملازمان کے ڈسپلن اورٹرن آؤٹ کو بہتر بنانے کے لئے پولیس لائنز وہاڑی میں ایس ڈی پی او بوریوالا آصف رضاکی زیر نگرانی علی الصبح جنرل پریڈ کا انعقاد.
پولیس ملازمان کے ڈسپلن اورٹرن آؤٹ کو بہتر بنانے کے لئے پولیس لائنز وہاڑی میں ایس ڈی پی او بوریوالا آصف رضا کی زیر نگرانی علی الصبح جنرل پریڈ کا انعقاد کیا گیا. جنرل پریڈ کے دوران وہاڑی پولیس کے ساتھ ساتھ ، ٹریفک پولیس, ایلیٹ فورس اور لیڈیز پولیس کے دستے بھی شامل تھے-

ایس ڈی پی او بوریوالا نے پریڈ اور جوانوں کے ٹرن آوٹ کا معائنہ کیا. اس موقع پر انہوں نے پریڈ سے خطاب کے دوران نظم وضبط اور وقت کی اہمیت پر روشنی ڈالتے ہوئے کہا کہ تھانہ جات میں آنے والے شہریوں کی بات اچھے انداز میں سن لی جائے تو ان کی آدھی پریشانی ویسے ہی دور ہو جاتی ہے

لہذا تمام پولیس ملازمان اپنے رویہ میں بہتری لا کر عوام کو زیادہ سے زیادہ میرٹ پر ریلیف دیں. آخر میں ایم ٹی سیکشن پر موجود پولیس کی گاڑیوں انسپکشن کی گئی اور ضروری ہدایات بھی دی. جبکہ جنرل پریڈ کے شرکاء کو ایلیٹ کے کوالیفائیڈ انسٹرکٹرز نے وپین ہینڈلنگ اور ریڈ سے متعلق لیکچرز دئیے اور پریکٹس بھی کروائی.