Category: وہاڑی

وہاڑی (نمائندہ باغی ٹی وی) ڈسٹرکٹ پولیس آ فیسر وہاڑی ثاقب سلطان المحمود کا رات گئے ضلع کی مختلف امام بارگاہوں کادورہ ، سکیورٹی صورتحال کا جائزہ لیا..مجلس کے منتظمین سے بھی ملاقات کی

تفصیلات کے مطابق ڈسٹرکٹ پولیس آفیسر وہاڑی ثاقب سلطان المحمودنےسکیورٹی صورتحال کا جائزہ لینے اور اہل تشیع برادری سے ملاقات کیلئے رات گئے ضلع کی مختلف اے کیٹگری کی امام بارگاہوں کا دورہ کیا.

اس موقع پر ڈسٹرکٹ پولیس آفیسر وہاڑی ثاقب سلطان المحمود نے امام بارگاہوں اور آس پاس کی سکیورٹی کا جائزہ لیا اور اہل تشیع برادری کو یقین دہانی کرائی کہ وہاڑی پولیس ہر موقع پر اپکے ساتھ شانہ بشانہ کھڑی ہے انشاء اللہ پولیس کی جانب سے بھر پورسکیورٹی فراہم کی گئی ہے اور کسی بھی نا خوشگوار واقعہ سے نمٹنے کیلئے چوکس ہیں. مجالس کے منتظمین بے وہاڑی پولیس کی جانب سے کئے گئے انتظامات پر اطمینان کا اظہار کیا.

وہاڑی (نمائندہ باغی ٹی وی) ملتان بورڈ نے انٹرمیڈیٹ کے امتحان کے نتائج میں میں دختران وہاڑی نے تاریخ رقم کر دی

تفصیلات کے مطابق وہاڑی کی طالبہ صبا انعام رول نمبر 590611 نے 1034نمبر حاصل کر کے ملتان بورڈ جنرل ساٸس گروپ طلباء طالبات میں پہلی پوزیشن جبکہ
عالیہ علی دختر لیاقت علی رول نمبر590413نے جنت سائنس گروپ طلباء وطالبات میں دوسری پوزیشن حاصل کر لی،
وہاڑی،
صباانعام اور عالیہ علی گورنمنٹ کالج براۓ خواتین ضلع وھاڑی کی طالبات ہیں.

وہاڑی (نمائندہ باغی ٹی وی)محرم الحرام کے دوران سکیورٹی کے فول پروف انتظامات کو یقینی بنانے اور ضابطہ اخلاق کی پابندی کے حوالے سے پولیس ملازمان کے لئے پولیس لائنز وہاڑی میں بریفنگ کا انعقاد

تفصیلات کے مطابق ڈسٹرکٹ پولیس آفیسر وہاڑی ثاقب سلطان المحمود کی ہدایات پر محرم الحرام کے دوران سکیورٹی کے فول پروف انتظامات کو یقینی بنانے اور ضابطہ اخلاق کی پابندی کے حوالے سے پولیس لائنز وہاڑی میں پولیس ملازمان کے لئے بریفنگ کا انعقاد کیا گیا. اس دوران ڈی ایس پی ٹریفک شہزاد منظور, ڈی ایس پی سرکل صدر طارق پرویز, ڈی ایس پی میلسی اعجاز حسین, اے ایس پی بوریوالا آصف رضا اور ضلع بھر کے پولیس افسران اور ملازمان موجود تھے.

بریفنگ کے دوران پولیس ملازمان کو بتایا گیا کہ محرم الحرام کی سکیورٹی ڈیوٹی کے حوالے سے پولیس افسران و ملازمان کے پاس ڈیوٹی بک لٹ موجود ہوگا جس کے مطابق ڈیوٹی سرانجام دی جائے گی تمام ایس ایچ اوز دس محرم الحرام تک اپنے علاقہ میں موجود رہیں گے اورحساس مقامات کو چیک کرنے کیساتھ ساتھ سرچ آپریشن کریں تاکہ محرم الحرام میں فول پروف سکیورٹی انتظامات کو یقینی بنایا جاسکے۔

تمام مکاتب فکر کے علماء کے ساتھ مکمل کوآرڈینشن کو یقینی بنایا جائے. اسلحہ کی نمائش اور ہوائی فائرنگ کسی صورت برداشت نہیں کی جائے گی. سول ڈیفنس کی مدد سے مجالس اور جلوسوں میں داخل ہونے والے افراد کی چیکنگ کو یقینی بنایا جائے.آخر میں یہ بھی باور کروایا گیا کہ محرم الحرام کے دوران سکیورٹی انتظامات اور ڈیوٹی پر معمولی غفلت بھی برداشت نہیں کی جائے

بورےوالا (نمائندہ باغی ٹی وی) ریسکیو 1122 کی امدادی ٹیم نے پھنسی کشتی کو نکال کر محفوظ مقام پر پہنچا دیا
تفصیلات کے مطابق دریائے ستلج کے گہرے پانی میں مسافروں سے بھری کشتی پھنس گئی. کشتی میں خواتین اور بچوں سمیت 15 افراد سوار تھے. ریسکیو اہلکاروں نے کشتی کو گہرے پانی سے نکال کر محفوظ مقام پر منتقل کر دیا

سیلابی صورتحال کی وجہ سے دریائی علاقوں کے لوگ مشکلات کا شکار ہیں

میلسی (نمائندہ باغی ٹی وی) محرم الحرام میلسی شہر میں روٹ کا وزٹ

تفصیلات کے مطابق ڈسٹرکٹ پولیس آفیسر وہاڑی اور ڈپٹی کمشنر وہاڑی عرفان علی کاٹھیا محرم الحرام کےحوالے سے میلسی میں جلوسوں کے روٹس کاوزٹ کرتے ہوئے. اس موقع پر ان کے ہمراہ ڈی ایس پی میلسی اعجاز حسین, ایس ایچ او سٹی میلسی اور امن کمیٹی کے ممبران بھی موجود تھے

ڈی پی او وہاڑی نے میڈیا سے گفتگو کرتے ہوئے کہا کہ محرم الحرام میں امن و امان کی صورتحال برقرار رکھنے کے لئے سارے وسائل کو بروئے کار لایا جائے گا

بورےوالا (نمائندہ باغی ٹی وی) سپیشل برانچ کی نشاندہی پر اسسٹنٹ کمشنر رانا اورنگزیب کی کاروائی ۔
تفصیلات کے مطابق الحمد سٹی میں ذخیرہ اندوز کے گودام میں چھاپہ مار کر 2400 کارٹن گھی اور 1500 سے زائد بوری چینی برآمد۔ گودام کے مالک کے خلاف مقدمہ درج کرنے کیلئے استغاثہ پولیس اسٹیشن بھیج دیا۔ تفصیلات کے مطابق اسسٹنٹ کمشنر بورےوالا رانا اورنگزیب کو سپیشل برانچ نے اطلاع دی کہ 505 ای بی روڈ پر واقع الحمد گرین سٹی ہاﺅسنگ سکیم میں ایک غیر قانونی گودام میں بڑے پیمانے پر گھی اور چینی ذخیرہ کی گئی ہے اس اطلاع پر اسسٹنٹ کمشنر نے تھانہ صدر پولیس اور سپیشل برانچ کے ہمراہ اچانک چھاپہ مارا تو محمود اقبال ولد عطاء محمد نامی شخص کے غیر قانونی گودام سے 2400 کارٹن گھی اور 1540 بوری چینی جو ذخیرہ کی ہوئی تھی اسے برآمد کر کے گودام سیل کرنے کے بعد اسکے خلاف مقدمہ درج کرنے کیلئے استغاثہ
تھانہ صدر پولیس کو دے دیا۔

بورےوالا (نمائندہ باغی ٹی وی) علاقہ تھانہ لڈن رتہ ٹبہ موضع قادرہ آباد ڈکیتی و چوری کی 2 وارداتیں

تفصیلات کے مطابق پہلی چوری کی واردات سید جاوید منور شاہ سکنہ رتہ ٹبہ موضع قادرہ آباد کے گھر کی دیوار کو نقب لگا کر 4مسلح افراد گھر کے اندر داخل ہوئے 3 تولے طلائی زیورات ایک لیپ ٹاپ 45000 ہزار روپے لیں کر فرار ہوگے

دوسری وادات میں
سید ایاز شاہ سکنہ رتہ ٹبہ موضع قادرہ آباد گھر اپنے اہلخانہ کے ساتھ سویا ہوا تھا کہ 4 نامعلوم مسلح افراد گھر میں داخل ہوئے اور اسلحہ کے زور پر اہلخانہ یرغمال بنا کر 10 تولے طلائی زیورات 60000 ہزار روپے لوٹ کر فرار ہو گے

دونوں وارداتوں میں پولیس مصروف تفتیش.

وہاڑی (نمائندہ باغی ٹی وی) پولیس کی سماج دشمن عناصر کے خلاف کاروائی. 12 منشیات فروش, 4 اسلحہ ناجائز رکھنے والے اور 23 مجرمان اشتہاری گرفتار.ملزمان سے 7370 گرام چرس, 161 لیٹر شراب,30 لیٹر لاہن اور1 چالو بھٹی برآمد

تفصیلات کے مطابق ڈسٹرکٹ پولیس آفیسر وہاڑی ثاقب سلطان المحمود کی ہدایات پر وہاڑی پولیس نے گزشتہ تین یوم میں سماج دشمن عناصر کے خلاف کاروائی کرتے ہوئے 12 منشیات فروش, 4 اسلحہ ناجائز رکھنے والے اور 23 مجرمان اشتہاری گرفتار.ملزمان سے 7370 گرام چرس, 161 لیٹر شراب,30 لیٹر لاہن اور 1 چالو بھٹی برآمد کی. بجلی چوری کر کے سرکاری املاک کو نقصان پہنچانے پر ضلع کے مختلف تھانہ جات میں 10 مقدمات درج کئے گئے.

تیز رفتاری سے گاڑی چلا کر ممکنہ حادثات کا موجب بننے پر تھانہ ٹھینگی, سٹی میلسی شیخ فاضل اور ٹبہ سلطانپور میں 4 مقدمات درج کئے گئے. پانی چوری کرنے پر تھانہ صدر وہاڑی اور گگو میں 3 مقدمات درج کئے گئے. آتش بازی کے خلاف جاری مہم کے دوران کاروائی کرتے ہوئے تھانہ دانیوال میں 1 مقدمہ درج کیا گیا.

وہاڑی (نمائندہ باغی ٹی وی) ڈپٹی کمشنر وہاڑی عرفان علی کاٹھیا اورڈی پی او وھاڑی ثاقب سلطان المحمود,اسسٹنٹ کمشنر بوریوالا اور اے ایس پی بوریوالا کے ہمراہ سیلاب سے متاثرہ علاقوں اور ساہوکا میں کیمپ کا وزٹ کیا

اس دوران انہوں نے کہا کہ پانی کی سطح کی مسلسل مانیٹرنگ کی جا رہی ہے، جبکہ پولیس سمیت تمام متعلقہ ادارے ہائی الرٹ ہیں تاکہ کسی ناخوشگوار واقعہ سے بروقت نمٹا جا سکے۔

اس موقع پر علاقہ کے لوگوں نے ضلعی انتظامیہ کی جانب سے کئے گئے ریلیف اقدامات اور پولیس کی طرف سے سکیورٹی انتظامات کو تسلی بخش قرار دیا.

بورےوالا (نمائندہ باغی ٹی وی) ڈپٹی کمشنر وہاڑی عرفان علی کاٹھیا ڈویژنل پبلک سکول کے کالج بلاک کا سنگ بنیاد رکھنے کے بعد دعا مانگ گئی اس موقع پر چیف ایگزیکٹیو آفیسر ایجوکیشن حافظ قاسم ،اسسٹنٹ کمشنر ایڈمنسٹریٹر بلدیہ رانا اورنگزیب خان، ایم ایس ٹی ایچ کیو،ڈاکٹر محمد عمران بھٹی، پرنسپل ڈی پی ایس صلاح الدین کے علاوہ دیگر بھی موجود تھے