Category: وہاڑی

بورےوالا (نمائندہ باغی ٹی وی) تحصیل ہیڈ کوارٹر ہسپتال کے ڈاکٹر کے ناروا سلوک کے خلاف احتجاج ۔متاثرہ خاندان نے اہل علاقہ کے ہمراہ ملتان روڑ بند کردیا ۔ 295 ای بی کے 45 سالہ رہاٸشی نصیر احمد کا بازو ٹوکے میں آنے سے زخمی ھوگیا تھا۔
سرکاری ہسپتال میں موجود ڈاکٹر نے علاج کرنی کی بجائے مریض کو نشتر ہسپتال منتقل کرنے کا کہا۔
ورثا نصیر احمد کو پرائیویٹ ہسپتال لے گے جہاں بروقت علاج نہ ھونے کی وجہ سے بازو کاٹنا پڑ گیا ۔
متاثرہ خاندان کا سرکاری ہسپتال میں تعینات ڈاکٹرز کے خلاف کاروائی کرنے کا مطالبہ،تحصیل ہیڈ کوارٹر ہسپتال بورے والا میں مریضوں کو علاج کے بغیر ہی نشتر ہسپتال منتقل کرنا معمول بن گیا، اگر ڈاکٹروں نے علاج ہی نہیں کرنا تو ان کو تنخواہیں دینے کا کیا فاٸدہ ۔ متاثرہ خاندان
ایسے ڈاکٹروں کو فوری طور پہ معطل کیا جایے ۔ متاثرہ خاندان کا مطالبہ۔متاثرہ خاندان نے انتظامیہ کی ذمہ داروں کے خلاف کارواٸی کی یقین دہانی کے بعد روڑ کھول دیا۔

وہاڑی (نمائندہ باغی ٹی وی) میں اشتہاری مجرمان اور سماج دشمن عناصرکے خلاف کریک ڈاؤن جاری-ماہ جون 2019ء کے دوران 333 خطرناک مجرمان اشتہاری،86اسلحہ ناجائز رکھنے والے اور118 منشیات فروش گرفتار

وہاڑی( )انسپکٹر جنرل پولیس پنجاب کیپٹن (ر) عارف نواز خان کی ہدایت پر صوبے کے تمام اضلاع میں سماج دشمن عناصر کے خلاف کریک ڈاؤن جاری ہے اس سلسلے میں وہاڑی پولیس نے ڈی پی او نجیب الرحمن بگوی کی سربراہی میں ماہ جون 2019ء کے دوران جرائم پیشہ عناصر کے خلاف گھیرا تنگ اہم کامیابیاں حاصل کیں۔اس دوران وہاڑی پولیس کی جانب سے مطلوب اشتہاری ملزمان کی گرفتار ی میں شروع کی گئی مہم کے دوران پولیس ٹیموں نے اعلیٰ کارکردگی کا مظاہرہ کرتے ہوئے قتل، ڈکیتی اوررابری سمیت سنگین وارداتوں میں ملوث خطرناک 333 مجرمان اشتہاری گرفتارکئے جن میں 24اے کیٹگری کے جبکہ 309 بی کیٹگری کے شامل ہیں۔ اس کے علاوہ جرائم پیشہ افراد کے خلاف آپریشن کر تے ہوئے 86 ملزمان کو گرفتار کر کے ان کے قبضہ سے بھاری اسلحہ ناجائز برآمدکیا جن میں 01 کلوشنکوف،06 بندوق، 03 رائفل، 72 پسٹل،01 ریوالور اورسینکڑوں گولیاں برآمد کیں۔سماج دشمن عناصر کے خلاف کاروائی کرتے ہوئے 118 مقدمات درج کئے گئے جن میں ملوث ملزمان کو گرفتار کر کے ان کے قبضہ سے 26 کلو چرس، 4369 لیٹر شراب معہ لاہن،16چالو بھٹیاں اور شراب کشید کرنے والا سامان برآمد کیا گیا۔نیشنل ایکشن پلان پر عمل درآمد کرتے ہوئے 49 مقدمات درج کئے گئے جن میں 17 مقدمات لاوڈ سپیکر ایکٹ کی خلاف ورزی پر، 26 کرایہ داری ایکٹ 05 سکیورٹی آرڈیننس اور01 مقدمہ وال چاکنگ ایکٹ کی خلاف ورزی پر درج کیا گیا۔اس کے علاوہ ضلع وہاڑی کے مختلف تھانہ جات میں آتش بازی کے خلاف جاری مہم کے دوران کاروائی کرتے ہوئے 29 مقدمات،تیز رفتار ی کے 31،بجلی چوری کے125،پرائس کنٹرول کے 04مقدمات درج کرنے کے علاوہ، گیمبلنگ ایکٹ غیرقانونی پٹرول ایجنسیوں،غیر قانونی گیس ری فلنگ, پتنگ بازی، ون ویلنگ، چائلڈ لیبر اورگداگری ایکٹ کے بھی متعدد مقدمات درج کئے گئے۔اس عرصہ کے دوران ضلع وہاڑی میں پراپرٹی کے کْل206 مقدمات درج رجسٹر ہوئے جن میں سے169 مقدمات کو ٹریس کرکے 1کروڑ26لاکھ سے زائد مالیتی پراپرٹی بھی برآمد کی جبکہ06 گینگ ہائے کے22 ممبران کو گرفتار کر کے 16لاکھ 36ہزار سے زائدمالیت کی برآمدگی کی

وہاڑی (نمائندہ باغی ٹی وی) کروڑوں روپے کی لاگت سے 1989میں تعمیرکی جانے والی میونسپل پبلک لائبریری کی بلڈنگ تباہی وبربادی کاشکار۔لائبریری میں میں موجود متعدد کتابیں دیمک کا شکار ہوگئیں اے سی اور ای لائبریری کے کیمپیوٹر ناکارہ ہوگئے طالب علم درختوں کے نیچے بیٹھ کر مطالعہ کرنے پر مجبور ہیں لائبریری کے جنگلہ کے ساتھ جانور باندھے جانے لگے بلڈنگ میں بلیاں آزادانہ گھومتی نظر آتی ہیں۔

وہاڑی کے تعلیم یافتہ لوگوں کیلئے قائم کی جانے والی پبلک لائبریری زبوں حالی کا شکار ہوگئی 2004 کے بعد سے آج تک میونسپل کمیٹی کے ذمہ داروں نے اس کی طرف کوئی توجہ نہیں دی جس کی وجہ سے لائبریری کی بلڈنگ جگہ جگہ سے اکھڑ چکی ہے کتابوں کو دیمک چاٹ رہی ہے اور بلڈنگ کے اندر بلیاں دندتاتی پھرتی ہیں جبکہ بلڈنگ کے باہر جنگلہ کے ساتھ لوگوں نے جانور باندھ رکھے ہیں اے سی خراب ہونے کی وجہ سے لائبریری سے استفادہ حاصل کرنے والے طالب علم کتابیں حاصل کر کے لائبریری کے باہر درختوں کے نیچے بیٹھ کر مطالعہ کرنے پر مجبور ہیں جبکہ ای لائبریری کے کیمپیوٹرز پرانے ہونے کی وجہ سے ناکارہ ہوچکے ہیں۔ لائبریرین فاروق احمد قیصر کا کہنا ہے کہ میونسپل کمیٹی ہمیں کوئی فنڈ فراہم نہیں کر رہی ہے تاکہ ہم خود اس کی رینوویشن کراسکیں اور نہ ہی خود لائبریری کے مسائل خود حل کرتی ہے اگر یہی صورتحال رہی تو کچھ عرصہ کے بعد لائبریری کی عمارت کھنڈرات میں تبدیل ہوجائے گی۔

انسپکٹر جنرل آف پولیس پنجاب عارف نواز خان کی ہدایات پرپولیس ملازمان کے ڈسپلن اورٹرن آؤٹ کو بہتر بنانے کے لئے پولیس لائنز وہاڑی میں ڈسٹرکٹ پولیس آفیسر وہاڑی نجیب الرحمن بگوی کی زیر نگرانی علی الصبح جنرل پریڈ کا انعقاد.

انسپکٹر جنرل آف پولیس پنجاب عارف نواز خان کی ہدایات پرپولیس ملازمان کے ڈسپلن اورٹرن آؤٹ کو بہتر بنانے کے لئے پولیس لائنز وہاڑی میں ڈسٹرکٹ پولیس آفیسر وہاڑی نجیب الرحمن بگوی کی زیر نگرانی علی الصبح جنرل پریڈ کا انعقاد کیا گیا. جنرل پریڈ کے دوران وہاڑی پولیس کے ساتھ ساتھ ، ٹریفک پولیس, ایلیٹ فورس اور لیڈیز پولیس کے دستے بھی شامل تھے- ڈسٹرکٹ پولیس آفیسر وہاڑی نجیب الرحمن بگوی نے پریڈ اور جوانوں کے ٹرن آوٹ کا معائنہ کیا۔ اس موقع پر ڈی پی او وہاڑی نے پولیس ملازمان کے مسائل سنے اور حل کے لئے موقع پر ہی احکامات جاری کئے. ڈی پی او وہاڑی نے کہا کہ ون میں ون انفارمیشن کے تحت ہر پولیس اہلکار سماج دشمن عناصر کے بارے میں ہرمہینے میں کم از کم ایک معلومات لازمی دے. انہوں نے مزید کہا کہ عوام کو زیادہ سے زیادہ فیسیلیٹیٹ کیا جائے کسی مظلوم کے ساتھ زیادتی ہر گز برداشت نہ کی جائے گی. عوام کوبروقت میرٹ پر انصاف کی فراہی کو یقینی بنایا جائے. پولیس ملازمان کے انفرادی و اجتماعی مسائل کے حل کے لئے میرے دروازے ہر وقت کھلے ہیں.