Category: رمضان

پاکستان ڈرامہ انڈسٹری کے سینئیر اور معروف اداکارعدنان صدیقی کو رمضان المبارک کی یاد آنے لگی۔

باغی ٹی وی : پاکستانی ڈرامہ انڈسٹری کے معروف اداکار عدنان صدیقی سوشل میڈیا ویب سائٹس پرخاصے فعال ہیں، اور مختلف معاملات سے متعلق اپنے مداحوں کو آگاہ بھی کرتے ہیں۔

Are you also missing the excitement leading to Iftar, dozing off minutes before Sehri and sleeping to avoid hunger pangs? 😁😆 #missingramadan

— Adnan Siddiqui (@adnanactor) May 16, 2021

اداکارنے سماجی رابطے کی ویب سائٹ ٹوئٹرپر اپنے مداحوں کو سوال کیا کہ کیا انہیں بھی رمضان کی یاد آرہی ہے؟

اداکارنے لکھا کہ کیا آپ سب بھی افطارسے پہلے والے جوش و جذبے کو، سحری سے قبل کھانا کھانے سمیت بھوک سے بچنے کے لیے نیند پوری کرنے کے طرزعمل کو یاد کر رہے ہیں؟

اداکار نے ٹوئٹ کے ساتھ ساتھ ’مسنگ رمضان‘ کا ہیش ٹیگ بھی استعمال کیا۔

پاکستان شوبز انڈسٹری کے نامور اداکار اور میزبان احسن خان کی رمضان ٹرانسمیشن کے دوران نماز پڑھنے کی ویڈیو سوشل میڈیا پر وائرل ہورہی ہے۔

باغی ٹی وی :اداکار احسن خان گزشتہ کئی برسوں سے رمضان ٹرانسمیشن کی میزبانی کرتے آرہے ہیں اور ان کی میزبانی لوگوں کو پسند بھی آتی ہے اس رمضان المبارک احسن خان پی ٹی وی سے نشر ہونے والی رمضان ٹرانسمیشن ’’رمضان پاکستان‘‘ کی میزبانی کررہے ہیں جس کو مداحوں کی جانب سے کافی پسند کیا جا رہا ہے-
https://www.instagram.com/p/COuYRPABeTX/
تاہم حال ہی میں جس چیز نے لوگوں کی توجہ کھینچی وہ احسن خان کی دوران شو نماز کی ادائیگی تھی سوشل میڈیا پر ’’رمضان پاکستان‘‘ کے سیٹ کی ایک ویڈیو وائرل ہورہی ہے جس میں دیگر علما آپس میں کسی موضوع پر بات کررہے ہیں جب کہ احسن خان جائے نماز بچھائے نماز کی ادائیگی میں مصروف ہیں۔

واضح رہے کہ گزشتہ برس اداکار فہد مصطفیٰ کی بھی ایک ویڈیو وائرل ہوئی تھی جس میں وہ رمضان المبارک میں جیتو پاکستان شو سے قبل مغرب کی نماز ادا کررہے تھے۔

سارہ بلوچ نے رمضان المبارک کے آخری عشرے میں اپنی پہلی حمد ریلیزکردی جسے بہت پسند کیا جارہا ہے۔

باغی ٹی وی :سارہ بلوچ ماڈل ، اداکارہ ، میزبان اور آر جے بھی ہیں تاہم اب انہوں نے پہلی بارحمد باری تعالیٰ پڑھی ہے سارہ بلوچ نے”میرا چلنا، میرا رکنا، میرا تھکنا، میرا گرنا، میرا اٹھنا، میرا جھکنا، اللہ ہو ہے” کے عنوان سے حمد پڑھی جسے انہوں نے اپنے آفیشل یو ٹیوب چینل سے ریلیز کیا ہے۔

اس حمد کی خاص بات یہ ہے اس کا میوزک غیرمسلم شیلم زاویر نے تیار کیا ہے جو ذاتی طور پرعیسائی مذہب سے تعلق رکھتے ہیں اوران کے لئے حمد کا میوزک تیار کرنے کا یہ پہلا تجربہ ہے۔

اس سلسلے میں گفتگو کرتے ہوئے سارہ بلوچ نے کہا کہ اس سے پہلے میں آرٹ کے مختلف شعبوں میں کام کرچکی ہوں، میں نے بہت سے جنگلز بھی کئے ہیں لیکن اب باقاعدہ گلوکاری کا آغازکرتے ہوئے سب سے پہلے حمد پڑھی ہے جسے سب نے بہت پسند کیا ہے

انہوں نے مزید کہا کہ کورونا کی وجہ سے پوری دنیا ہی پریشانی کا شکار ہے۔ آخری عشرہ میں حمد ریلیز کرنے کا مقصد بھی یہی تھا کہ اللہ تعالیٰ ہم سب پراپنی رحمتیں کرے۔

سارہ بلوچ کا مزید کہنا تھا کہ مجھے اپنی پہلی کاوش کا رسپانس بہت اچھا ملا ہے جس سے میری حوصلہ افزائی ہوئی ہے۔