Category: ٹوبہ ٹیک سنگھ

گوجرہ (باغی ٹی وی،نامہ نگار چوہدری عبد الرحمن جٹ) موٹروے ایم فور پر اے پی وی وین اور ٹرک میں حادثہ، ایک نوجوان جاں بحق، 4 افراد زخمی

تفصیل کے مطابق گوجرہ موٹروے ایم فور پر ٹول پلازہ کے قریب ایک افسوسناک حادثہ پیش آیا جس میں اے پی وی وین پیچھے سے ٹرک سے جا ٹکرائی۔ حادثے کے نتیجے میں 30 سالہ نعیم جاں بحق ہو گیا، جبکہ چار افراد، اشرف، کلثوم، فیض، اور عثمان شدید زخمی ہوئے۔

حادثہ ڈرائیور کو دورانِ ڈرائیونگ نیند آنے کے باعث پیش آیا، جس کے نتیجے میں اے پی وی وین بے قابو ہو کر ٹرک سے ٹکرا گئی۔ جاں بحق اور زخمیوں کا تعلق لیہ سے بتایا جاتا ہے۔ فوری طور پر زخمیوں کو طبی امداد کے لیے سول اسپتال منتقل کیا گیا، تاہم ان کی مخدوش حالت کے پیش نظر انہیں الائیڈ اسپتال فیصل آباد ریفر کر دیا گیا۔

گوجرہ (باغی ٹی وی،نامہ نگارعبدالرحمن جٹ) گوجرہ کے نواحی گاؤں چک 245 گ ب، علاقہ تھانہ صدر گوجرہ میں فائرنگ کے واقعے میں ایک شخص قتل ہو گیا۔

ابتدائی معلومات کے مطابق پولیس کو اطلاع ملی کہ 245 گ ب میں محمد حنیف کے ڈیرہ پر عبدالرحمن اور ساجد عرف ساجا موجود تھے۔ اسی دوران علی رضا عرف موچھا اور ساجد عرف ملنگ چک نمبر 211 گ ب سے وہاں پہنچے اور آتے ہی فائرنگ شروع کر دی، جس کے نتیجے میں ساجد عرف ساجا شدید زخمی ہو گیا اور زخموں کی تاب نہ لاتے ہوئے موقع پر ہی جان بحق ہو گیا۔

فائرنگ کی وجہ عناد تاحال معلوم نہیں ہو سکی۔ مقامی پولیس نے موقع پر پہنچ کر کارروائی کا آغاز کر دیا ہے۔ مقتول کی لاش کو ضروری قانونی کارروائی کے لیے گورنمنٹ آئی کام جنرل ہسپتال گوجرہ منتقل کر دیا گیا ہے۔

گوجرہ(باغی ٹی وی،نامہ نگارعبدالرحمن جٹ) فوڈ اتھارٹی کا غیر قانونی سلاٹر ہاؤس پر چھاپہ، مضر صحت گوشت برآمد، دو ملزمان گرفتار

تفصیل کے مطابق ڈپٹی ڈائریکٹر پنجاب فوڈ اتھارٹی عدنان حیدر نے اپنی ٹیم کے ہمراہ گوجرہ کے محلہ نیو پلاٹ میں غیر قانونی نجی سلاٹر ہاؤس پر چھاپہ مارا، جس کے دوران 6 من (245 کلوگرام) مضر صحت گوشت برآمد کیا گیا۔ کارروائی کے دوران ملزمان کے قبضے سے ٹی ایم سی کی جعلی سرکاری مہر بھی برآمد کی گئی۔

فوڈ سیفٹی ٹیم نے ملزمان محمد عرفان ولد طفیل ضیاء اور احسان ولد طاہر علی کو گرفتار کر لیا۔ دونوں ملزمان کے خلاف تھانہ سٹی پولیس نے پنجاب فوڈ اتھارٹی ایکٹ 2011 کے تحت مقدمہ درج کر لیا ہے۔

ڈپٹی ڈائریکٹر عدنان حیدر کا کہنا تھا کہ عوام کی صحت کے ساتھ کھیلنے والوں کے خلاف کارروائیاں بلا تفریق جاری رہیں گی۔ انہوں نے مزید کہا کہ جو لوگ بیمار اور لاغر گوشت عوام کو بیچنے کی کوشش کریں گے، ان کے خلاف سخت قانونی کارروائی کی جائے گی۔

گوجرہ (باغی ٹی وی،نامہ نگار عبد الرحمن جٹ) لاہور سے کراچی جانے والی شالیمار ٹرین کے حادثے میں ایک شخص جاں بحق ہو گیا۔ یہ واقعہ کبوتراں والا قبرستان کے قریب پیش آیا، جہاں ایک شخص ریلوے لائن کراس کرتے ہوئے ٹرین کی زد میں آ گیا۔

متوفی کی شناخت سائیں دتہ ولد نزیر احمد سکنہ گلی نمبر 1 اصغر کالونی گوجرہ کے نام سے ہوئی۔ حادثے کے فوراً بعد مقامی پولیس اور ریسکیو ٹیمیں موقع پر پہنچیں اور متوفی کی ڈیڈ باڈی کو گورنمنٹ ائی کام جنرل ہسپتال گوجرہ منتقل کیا۔

متوفی کے بھائی سرفراز کا کہنا ہے کہ ان کے بھائی کا ذہنی توازن درست نہیں تھا اور وہ کسی قانونی کارروائی کی خواہش نہیں رکھتے۔ مقامی پولیس نے اس معاملے کی تحقیقات شروع کر دی ہیں۔

گوجرہ (باغی ٹی وی، نامہ نگار عبد الرحمن جٹ) گوجرہ مونگی بنگلہ روڈ پر جمعرات کی صبح دھند کے باعث ایک افسوسناک حادثہ پیش آیا جس میں ایک نوجوان زندگی کی بازی ہار گیا جبکہ ایک کم عمر بچی شدید زخمی ہوگئی۔ حادثہ اس وقت پیش آیا جب چک 158 گ ب اضافی آبادی اوڈوں والی کے رہائشی عامر ولد عبد الغفار اپنی موٹر سائیکل پر چھوٹی بچی کے ہمراہ گاؤں جا رہے تھے۔

ذرائع کے مطابق شدید دھند کے باعث عامر کو آگے چلتی ہوئی ٹریکٹر ٹرالی نظر نہ آئی اور ان کی موٹر سائیکل ٹرالی سے ٹکرا گئی۔ حادثہ اتنا شدید تھا کہ عامر موقع پر ہی جاں بحق ہو گیا۔ ان کے ساتھ موجود بچی شدید زخمی ہوئی جسے فوری طور پر ریسکیو 1122 کے عملے نے طبی امداد فراہم کرتے ہوئے گورنمنٹ آئی کام جنرل ہسپتال گوجرہ منتقل کر دیا۔

حادثے کے فوراً بعد ٹریکٹر ٹرالی کا ڈرائیور موقع سے فرار ہونے میں کامیاب ہوگیا۔ مقامی پولیس نے موقع پر پہنچ کر کارروائی کا آغاز کر دیا ہے اور ڈرائیور کی تلاش جاری ہے۔

گوجرہ ( باغی ٹی وی،نامہ نگار عبد الرحمن جٹ) تھانہ سٹی گوجرہ کے علاقے اشرف کالونی میں ایک نوجوان نے گھریلو جھگڑے کے باعث خودکشی کی کوشش کی۔

تفصیلات کے مطابق 23/24 سالہ محمد قاسم ولد شوکت قوم بھلر، رہائشی اشرف کالونی، نے مبینہ طور پر گندم میں رکھنے والی زہریلی گولیاں کھا کر اپنی جان لینے کی کوشش کی۔

نوجوان کو فوری طور پر گورنمنٹ ائی کام جنرل ہسپتال گوجرہ منتقل کیا گیا، تاہم حالت تشویشناک ہونے کی وجہ سے اسے الائیڈ ہسپتال فیصل آباد ریفر کر دیا گیا ہے۔ اطلاع ملتے ہی مقامی پولیس نے موقع پر پہنچ کر کارروائی شروع کر دی۔

گوجرہ (باغی ٹی وی، نامہ نگار عبد الرحمن جٹ)حادثے میں ماں بیٹا جاں بحق، خاتون شدید زخمی

تفصیلات کے مطابق گوجرہ موچی والا روڈ پر ایک افسوسناک حادثہ پیش آیا جس میں ماں اور بیٹا جاں بحق جبکہ ایک عورت شدید زخمی ہوگئی۔ ایک مرد اور دو خواتین موٹر سائیکل پر سوار ہو کر گوجرہ شہر کی طرف آرہے تھے کہ قارد آباد کے قریب دھند کی وجہ سے سڑک کنارے کھڑے ٹریکٹر سے جا ٹکرائے۔

حادثے کے نتیجے میں عشرت بی بی زوجہ ارشد علی اور ان کے بیٹے طیب ولد ارشد علی دونوں کا تعلق گاؤں 348 ج ب سے تھا، موقع پر ہی دم توڑ گئے۔ جبکہ انعم بی بی دختر شفاقت جو مقبول پورہ 348 ج ب کی رہائشی ہیں، شدید زخمی ہوگئیں۔ جاں بحق اور زخمیوں کو ریسکیو 1122 کے ذریعے گورنمنٹ آئی کام جنرل اسپتال گوجرہ منتقل کیا گیا۔

مقامی پولیس نے موقع پر پہنچ کر کارروائی شروع کردی ہے۔ حادثے کا ذمہ دار ڈرائیور موقع سے فرار ہونے میں کامیاب ہوگیا، جس کی تلاش جاری ہے۔