Category: ٹوبہ ٹیک سنگھ

گوجرہ (باغی ٹی وی ،نامہ نگارعبدالرحمن جٹ)جنرل ہسپتال میں دو نومولود بچوں کی موت، ڈاکٹروں کی غفلت کا الزام

تفصیل کے مطابق گوجرہ جنرل ہسپتال میں دو مختلف واقعات میں دو نومولود بچوں کی موت ہو گئی ہے۔ متاثرہ خاندانوں نے ڈاکٹروں کی غفلت کا الزام لگاتے ہوئے کارروائی کا مطالبہ کیا ہے۔

بتایا گیا ہے کہ محمد اکرام ولد غلام قادر اور شہزاد اختر ولد محمد علی کے ہاں پیدا ہونے والے بچے علاج کے دوران دم توڑ گئے۔ دونوں خاندانوں کا موقف ہے کہ ڈاکٹروں کی لاپرواہی کی وجہ سے ان کے بچے جان سے گئے ہیں۔

اس سلسلے میں ڈپٹی کمشنر ٹوبہ ٹیک سنگھ نے فوری نوٹس لیتے ہوئے ایک انکوائری کمیٹی تشکیل دے دی ہے۔ کمیٹی کو 24 گھنٹوں کے اندر اپنی رپورٹ پیش کرنی ہے۔ مقامی پولیس بھی معاملے کی تحقیقات کر رہی ہے۔

گوجرہ (نامہ نگار باغی ٹی وی عبدالرحمن جٹ): گوجرہ میں پیش آنے والے دو علیحدہ واقعات میں دو افراد کو قتل کر دیا گیا ہے۔ دونوں واقعات میں ملزمان موقع سے فرار ہو گئے۔

پہلے واقعے میں چک نمبر 154/GB ڈھوٹیاں کا رہائشی 42 سالہ کبیر انور رات کے وقت اپنے گھر کے باہر سویا ہوا تھا کہ نامعلوم شخص نے اس پر تیز دھار آلے سے حملہ کر دیا اور اسے قتل کر دیا۔

دوسرے واقعے میں، محلہ شریف پورہ کا رہائشی محمد اخلاق اپنے دوست کی دکان پر موجود تھا جب ماجد عرف بلوانڈے لینے دکان پر آیا اور انڈوں کے ریٹ پر بحث ہو گئی جو جھگڑے میں بدل گئی۔ اس دوران چک نمبر 366/JB کا رہائشی افضل اور علی رضا بھی موقع پر آئے اور انہوں نے محمد اخلاق اور شہباز پر چھریوں سے حملہ کر دیا۔ محمد اخلاق زخموں کی تاب نہ لا سکا اور موقع پر ہی دم توڑ گیا جبکہ شہباز کو ہسپتال منتقل کر دیا گیا ہے۔

دونوں واقعات کی اطلاع ملتے ہی پولیس نے موقع پر پہنچ کر قانونی کارروائی شروع کر دی اور ملزمان کی گرفتاری کے لیے چھاپے مارے جا رہے ہیں۔

گوجرہ، باغی ٹی وی(نامہ نگار عبدالرحمن جٹ)نامعلوم افراد نے کھیتو ں کو پانی لگا کر واپس آتے ہو ئے زمیندار کو فائرنگ کر کے موت کے گھاٹ اتاردیا۔ملزمان موقع سے فرارہو گئے۔نعش پوسٹ مارٹم کے بعد ورثاء کے حوالے کر دی گئی۔مقدمہ درج کر لیاگیا۔

معلوم ہواہے کہ چک نمبر332ج ب کاعمر حیات اپنے کھیتوں کو پانی لگا کرموٹر سائیکل پر سوار واپس گھر آرہاتھاکہ راستہ میں نامعلوم افراد نے اس پر فائرنگ کر دی جس کے نتیجہ میں وہ شدید زخمی ہو گیااور زخموں کی تاب نہ لاتے ہو ئے موقع پر ہی جاں بحق ہو گیاملزمان موقع سے فرارہو نے میں کامیاب ہو گئے۔

اطلاع ملنے پر تھانہ نواں لاہور پولیس نے مقتول کی نعش اپنی تحویل میں لے کر رورل ہیلتھ سنٹرنواں لاہو رمنتقل کیااور ضروری کارروائی کے بعد نعش ورثاء کے حوالے کر دی اور نامعلوم افرادکے خلاف مقدمہ درج کر کے ملزمان کی تلا ش شروع کر دی ہے۔

گوجرہ،باغی ٹی وی (نامہ نگار عبدالرحمن جٹ سے)گوجرہ میں مبینہ پولیس مقابلہ،زیرحراست دو ملزمان ساتھیوں کی فائرنگ سے ہلاک ہو گئے۔پولیس زیرحراست ملزمان کو برآمد گی کیلئے لے جارہی تھی۔آتشیں اسلحہ سے مسلح موٹر سائیکل سواروں نے زیرحراست ملزمان کوچھڑانے کی کوشش کرتے ہو ئے اندھا دھند فائرنگ کر دی۔حملہ آوروں کی فائرنگ سے زیرحراست ملزمان ہلاک ہو گئے۔

معلوم ہواہے کہ تھانہ صدر پولیس گوجرہ زیرحراست ملزمان عالم شیراور فیاض سکنہ تحصیل دیپالپورضلع اوکاڑہ کو برآمدگی کیلئے لے کر جا رہی تھی کہ سمندری روڈ کے چک نمبر367ج ب جلیانوالہ قبرستان کے قریب دوموٹر سائیکلوں پر سوارچار مسلح ملزمان آگئے اورآتے ہی اندھادھند فائرنگ شروع کر دی اورزیرحراست ملزمان کو چھڑوانے کی کوشش کی، حملہ آور ملزمان کی فائرنگ سے زیرحراست ملزمان شدید زخمی ہو گئے جو موقع پر ہی زخموں کی تاب نہ لاتے ہو ئے ہلاک ہو گئے۔جبکہ حملہ آور ملزمان موقع سے فائرنگ کر تے ہو ئے فرارہو گئے۔

وقوعہ کی اطلاع ملتے ہی ڈی ایس پی گوجرہ پولیس نفری سمیت موقع پر پہنچے اورہلاک شدگان کی نعشیں تحصیل ہیڈ کوارٹر ہسپتال منتقل کیاگیاپولیس نے فرارہو نے والے ملزمان کی تلاش شروع کر دی ہے۔ہلاک ہو نے والے ملزمان ٹوبہ ٹیک سنگھ سمیت دیگر اضلاع میں ریکارڈ یافتہ اورمختلف مقدمات میں پولیس کو مطلوب بیان کئے جاتے ہیں۔

گو جرہ ،باغی ٹی وی (نا مہ نگار عبدالرحمن جٹ سے)گوجرہ وزیر پنجاب محترمہ مریم نواز شریف کی خصوصی ہدایت پر سابق ایم این اے وفاقی پارلیمانی سیکرٹری پلاننگ اینڈ ڈیویلپمنٹ چوہدری خالد جاوید وڑائچ نے یوم عاشورہ کے موقع پر جلوس کے روٹس کا وزٹ کیا خود جلوس کی نگرانی کی انتظامیہ کی کارکردگی کو سراہا

اسسٹنٹ کمشنر گوجرہ سردار نعمان علی ڈوگر ڈی ایس پی چوہدری اختر وینس سی او چوہدری اشتیاق گوندل نے روٹس کے متعلق بریفنگ دی جس پر چوہدری خالد جاوید وڑائچ نے اسسٹنٹ کمشنر گوجرہ سردار نمان علی ڈوگر اور انتظامیہ کی کارکردگی کو سراہا اور تعریف کی کہ اپ نےایک مثال قائم کر دی ہے

صفائی کا بہترین انتظام پانی کی سبیلیں میڈیکل کہ جگہ جگہ کیمپ ٹی ایم اے عملہ قانون نافذ کرنے والے اداروں کے اہلکار ٹریفک پولیس رضاکار پنجاب پولیس 1122 ریسکیو خصوصی طور پر گوجرہ کی امن کمیٹی کے ممبران مرکزی انجمن تاجران گوجرہ کے عہدے دران سبھی نے مل کر اپنا اپنا کردار ادا کیا میں تمام انتظامیہ اور ممبران کا شکریہ ادا کرتا ہوں کہ جنہوں نے مثال قائم کر دی ہے