Category: ٹوبہ ٹیک سنگھ

گو جرہ،باغی ٹی وی(نامہ نگار عبدالرحمن جٹ) پرانی دشمنی پر تین افراد قتل

تفصیلات کے مطابق اصغر علی ولد اللہ رکھا قوم رندھاوا سکنہ 435ج ب نے موقف اختیار کیا کہ سعد اللہ ولد اللہ رکھا قوم رندھاوا سکنہ 435ج ب و دیگر نامعلوم افراد کے ساتھ عرصہ تقریباً 5/6سال سے ہماری قتل کی دشمنی چلی آ رہی ہے آج شام میرے بھتیجے عبدالجبار ،محمد اشرف قوم رانداھاوا بعمر 25/30 سال 2. عبدالرحمان ولدمحمد اشرف بعمر 20/22سال 3. اقبال ولد کرنے خان قوم کھنڈوا (ملازم ) بعمر 30/32سال
اپنے رقبہ سے فصلوں کو سپرے کر کے واپس ارہے تھے کہ سعد اللہ نے اپنے دیگرنامعلوم ملزمان ساتھیوں کے ہمراہ فائرنگ کر کے تین کس کو قتل کر دیا

اطلاع ملنے پر ڈی ایس پی گوجرہ اختر علی مقامی پولیس کی بھاری نفری کے ساتھ موقع پر پہنچ گئے اور تفتیش کا آغاز کرتے ہوئے ملزمان کی مختلف پہلوؤں کی روشنی میں تلاش شروع کر دی

مقتولین کی نعشوں کو پوسٹ مارٹم اور ضروری قانونی کارروائی کیلئے گورنمنٹ آئی کام جنرل ہسپتال گوجرہ منتقل کر دیا گیا ہے.

گوجرہ،باغی ٹی وی( نامہ نگار عبدالرحمن جٹ سے) تھانہ نواں لاہورکے علاقہ میں ڈالہ اورکنٹینرمیں حادثہ کے نتیجہ میں دو افراد جاں بحق ہو گئے۔

معلوم ہواہے کہ بھکرکاڈرائیورمحبوب ولد یٰسین مزدانمبر3267ایل ای ایس پرسوارہمراہ ارسلان ولد ریاست علی سکنہ بھکراورمشتاق ولد نذیرسکنہ گرین ٹاؤن فیصل آباد جوکہ جھنگ جارے تھے کہ تھانہ نواں لاہور کے علاقہ چراغ آبادکے قریب کنٹینرنمبر8179پی ٹی کے ساتھ ٹکرہوگئی جس کے نتیجہ میں ڈالہ میں سوارتینوں افرادشدیدزخمی ہو گئے جبکہ شدید زخموں کی تاب نہ لاتے ہو ئے ارسلان اورمشتاق موقع پر ہی جاں بحق ہو گئے

اطلاع ملتے ہی تھانہ نواں لاہور پولیس موقع پر پہنچی اور ڈالہ ڈرائیورکو زخمی حالت میں رورل ہیلتھ سنٹر منتقل کیا اور متوفیان کی نعشیں تحویل میں لے کر ضروری کارروائی کے بعد ورثاء کے حوالے کر دیں

کنٹینر ڈرائیور موقع پر گاڑی چھوڑکر فرارہو گیا۔پولیس نے کنٹینرقبضہ میں لے کر ڈرائیور کی تلا ش شروع کر دی ہے۔پولیس مصروف کارروائی ہے۔

گوجرہ،باغی ٹی وی(نامہ نگار عبدالرحمن جٹ سے) خاتون سمیت دو افرادنے”دن دیہاڑے“فائرنگ کر کے پی ٹی آئی رہنماچوہدری حسام علی وڑائچ کے گن مین کو قتل کردیا۔ملزمان موقع سے فرارہو گئے۔

تفصیل کے مطابق پاکستان تحریک انصاف کے رہنما چوہدری حسام علی وڑائچ کا گن مین محمد مدثرسکنہ چک نمبر363ج ب باہمنی والا موٹر سائیکل پر نمبر304ٹی ایس ایم پر سوار ٹیلی فون ایکسچینج کے قریب کچاگوجرہ کی جانب جا رہاتھاکہ اس دوران ایک موٹر سائیکل پر سوار خاتون سمیت دونامعلوم افراد آئے اور اس پر فائرنگ کر دی جس کے نتیجہ میں وہ شدید زخمی ہو گیا اورموقع پر ہی شدید زخموں کی تاب نہ لاتے ہو ئے دم توڑ گیا۔

ملزمان موقع سے فرارہو گئے۔مقتول مدثر سابق رکن قومی اسمبلی چوہدری امجد علی وڑائچ مرحوم کا بھی گن مین رہا۔

اطلاع ملنے پر ڈی ایس پی گوجرہ آفتاب احمد صدیقی اورایس ایچ او سٹی موقع پر پہنچے اور اس کی نعش تحویل میں لے کر تحصیل ہیڈ کوارٹر ہسپتال منتقل کی اور نعش کاپوسٹ مارٹم کرانے کے بعد ورثاء کے حوالے کر دی۔

سٹی پولیس نے ملزمان کی تلاش شروع کر دی ہے۔

گو جرہ،باغی ٹی وی (نامہ نگارعبدالرحمن جٹ) گھریلوحالات سے تنگ شخص نے گلے پر چھری پھیر لی،حالت نازک

گوجرہ میں گھریلوحالات سے تنگ شخص نے گلے پر چھری پھیر لی،نازک حالت کے پیش نظر الائیڈ ہسپتال فیصل آباد ریفر کردیا گیا۔

معلوم ہواہے کہ محلہ فرید ٹاؤن گوجرہ کے 35سالہ محمد ریاض نے گھریلوحالات سے تنگ آکر اپنے شہ رگ پر چھری پھیرلی،جس سے اس کی حالت غیرہوگئی جسے شدید زخمی حالت میں فوری طور پر تحصیل ہیڈ کوارٹرہسپتال گوجرہ لے جایا گیا، جہاں سے ابتدائی طبی امدادکی فراہمی کے بعد مخدوش حالت کے پیش نظر الائیڈ ہسپتال فیصل آباد ریفر کر دیا گیا۔جہاں پر اس کی حالت تشویش ناک بیان کی جاتی ہے۔

تھانہ سٹی پولیس نے قانونی کارروائی کا آغازکردیا ہے۔

گوجرہ،با غی ٹی وی( نا مہ نگار عبدالرحمن جٹ)نواحی گاؤں میں زمین کے تنازع پر نوجوان کو فائرنگ کر کے قتل کر دیا گیا۔

معلوم ہواہے کہ چک نمبر429ج ب کاعمران دکان کریانہ پر موجود تھاکہ گاؤں کاصفدر سلطان مسلح ہو کر آگیا جس نے آتے ہی اس پرفائرنگ کر دی جس کے نتیجہ میں وہ شدید زخمی ہو گیا جبکہ ملزم موقع سے فرارہو نے میں کامیاب ہو گیا۔

شدید زخمی کو فوری طور پر تحصیل ہیڈ کوارٹرہسپتال منتقل کیاگیاجہاں پر وہ شدید زخموں کی تاب نہ لاتے ہو ئے جاں بحق ہو گیا

اطلاوع ملنے پر تھانہ صدر پولیس نے نعش اپنی تحویل میں لے کر پوسٹ مارٹم کے بعد ورثاء کے حوالے کر دی۔وجہ عناد زمین کا تنازعہ بیان کیاجاتاہے۔پولیس مصروف کارروائی ہے

گوجرہ،باغی ٹی وی (نا مہ نگار عبدالرحمن جٹ) موٹر وے ایم فور پرٹرالے اور ڈالہ میں حادثہ کے نتیجہ میں ڈالہ کنڈیکٹر جاں بحق ہو گیا۔

معلوم ہواہے کہ مزداڈالہ نمبری 973ایل او کے پر ڈرائیورمحمد علی اور کنڈیکٹرآصف اللہ یارگوجرہ سے بذریعہ موٹر وے ایم فور فیصل آبادکی طرف جا رہے تھے کہ علاقہ نواں لاہورکے چک نمبر337ج ب کے قریب اوور ٹیک کر تے ہو ئے پیچھے سے ٹرالرنمبر6799جے آئی کے ڈرائیور نے ٹکر دے ماری

جس کے نتیجہ میں مزدا سوار دونوں افراد شدید زخمی ہو گئے جنہیں فوری طور پر تحصیل ہیڈ کوارٹرہسپتال گوجرہ منتقل کیاگیا جہاں شدیدزخموں کی تاب نہ لاتے ہو ئے کنڈیکٹر آصف اللہ یار جاں بحق ہو گیا ٹرالر ڈرائیور موقع سے ٹرالرچھوڑ کر فرارہو نے میں کامیاب ہو گیا

اطلاع ملنے پر تھانہ نواں لاہور پولیس نے متوفی کی نعش اپنی تحویل میں لے کر ضروری کارروائی کے بعد ورثاء کے حوالے کر دی اور ٹرالراپنے قبضہ میں لے کرڈرائیور کی تلا شروع کر دی ہے۔

گوجرہ،با غی ٹی وی(نامہ نگار عبدالرحمن جٹ)تھانہ نواں لاہورکے علاقہ میں لوٹ مار کا بازارگرم ہو گیا۔بلاناغہ وارداتوں کا سلسلہ جاری، واردات میں مذاحمت پرڈاکوؤں نے فائرنگ کرکے32سالہ شخص کوقتل کر دیا۔

معلوم ہواہے کہ چک نمبر343ج ب کاعبدالمجیداپنے ڈیرہ پربیٹے ندیم کے ہمراہ سویا ہواتھاکہ اس دوران موٹر سائیکل سوارچار نامعلوم مسلح ملزمان ڈیرہ میں داخل ہو گئے اور اس کے قیمتی بکر ے کھو ل کر فرارہو نے لگے توعبدالمجید کا بیٹا ندیم بیدار ہو گیا جس نے ملزمان سے مزاحمت شروع کر دی جس پر ڈاکوؤں نے اس پر فائرنگ کر دی جس کے نتیجہ میں ندیم موقع پر ہی جاں بحق ہو گیا۔اورملزمان موقع سے فرارہو نے میں کامیاب ہوگئے۔

اطلاع ملنے پر تھانہ نواں لاہور پولیس نے مقتول کی نعش اپنی تحویل میں لے کرضروری کارروائی کے بعد ورثاء کے حوالے کر دی اور مصروف کارروائی ہے۔

علاوہ ازیں چک نمبر335ج ب کا طارق محمود اورچک نمبر339ج ب کاشاہد نوازنواں لاہور سے موٹر سائیکل پر سوار جا رہے تھے کہ راستہ میں چک نمبر337ج ب موٹر وے پل کے قریب انہیں دونامعلوم ڈاکوؤں نے اسلحہ کے زور پر روک لیا اورجان سے مار دینے کی دھمکی دے کر ان سے مجموعی طورپر15ہزارروپے نقدی، دو عدد موبائل چھین لئے اور فرارہو نے میں کامیاب ہو گئے تاحال کسی مقدمہ کے اندراج کا علم نہیں ہو سکا۔